ශ්රී බගළාමුඛී ස්තෝත්රම් – 2

අස්ය ශ්රීබගළාමුඛීමහාමංත්රස්ය
නාරදෝ භගවාන් ඍෂිඃ
අතිජගතීඡංදඃ
ශ්රී බගළාමුඛී දේවතා
ලාං බීජං ඉං ශක්තිඃ
ලං කීලකං-මම දූරස්ථානාං සමීපස්ථානාං ගති මති වාක්ත්සංභනාර්ථේ ජපේ විනියෝගඃ

ඕං හ්රීං අංගුෂ්ඨාභ්යාං නමඃ
බගළාමුඛී තර්ජනීභ්යාං නමඃ
සර්වදුෂ්ටානාං මධ්යමාභ්යාං නමඃ
වාචං මුඛං පදං ස්තංභය අනාමිකාභ්යාං නමඃ
ජිහ්වාං කීලය බුද්ධිං විනාශය කනිෂ්ඨිකාභ්යාං නමඃ
හ්රීං ඕං ස්වාහා කරතලකරපෘෂ්ටාභ්යාං නමඃ

ඕං හ්රීං හෘදයාය නමඃ
බගළාමුඛී ශිරසේ ස්වාහා
සර්වදුෂ්ටානාං ශිඛායෛ වෂත්
වාචං මුඛං පදං ස්තංභය කවචා හුං
ජිහ්වාං කීලය බුද්ධිං විනාශය නේත්රත්රයාය වෞෂට්
හ්රීං ඕං ස්වාහා අස්ත්රාය ඵට්
භූර්භුවස්සුවරෝමිති දිග්බංධඃ ।

ධ්යානම් ।

පීතාංබරාං ත්රිණේත්රාං ච ද්විභුජාං දහනෝජ්වලාම් ।
ශිලාපර්වතහස්තාං ච රිපුකංපාං මහෝත්කටාම් ॥ 1 ॥

ගංභීරාං ච මදෝන්මත්තාං ස්වර්ණකාංතිසමප්රභාම් ।
වෛරිනිර්දළනාර්ථාය ස්මරේත්තාං බගළාමුඛීම් ॥ 2 ॥

චතුර්භුජාං ත්රිණයනාං කමලාසනසංස්ථිතාම් ।
දක්ෂිණේ මුද්ගරං පාශං වාමේ ජිහ්වාං ච වජ්රකම් ॥ 3 ॥

පීතාංබරධරාං සාංද්රාං දෘඪපීනයෝධරාම් ।
වෛරිවාක්ත්සංභිනීං දේවීං ස්මරාමි බගළාමුඛීම් ॥ 4 ॥

හේමකුංඩලභූෂාංගීං ශීතචංද්රාර්ධශේඛරීම් ।
පීතභූෂණභූෂාඪ්යාං ස්වර්ණසිංහාසනේස්ථිතාම් ॥ 5 ॥

ත්රිශූලධාරිණීමංබාං සර්වසෞභාග්යදායිනීම් ।
සර්වශෘංගාරවේෂාඪ්යාං භජේත්තාං බගළාමුඛීම් ॥ 6 ॥

මධ්යේ සුධාබ්ධිමණිමංටප රත්න වේද්යාං
සිංහාසනෝපරිගතාං පරිපීතවර්ණාම් ।
පීතාංබරාභරණමාල්යවිභූෂිතාංගීං
දේවීං නමාමි ධෘත මුද්ගරවෛරි ජිහ්වාම් ॥ 7 ॥

චලත්කනකකුංඩලෝල්ලසිතචාරුගංඩස්ථලාං
ලසත්කනකචංපක ද්යුතිමදර්ධේංදු බිංබාංචිතාම් ।
සදාහිතවිපක්ෂකාං දළිතවෛරි ජිහ්වාංචලාං
නමාමි බගළාමුඛීං ධීමතාං වාඞ්මනස්ස්තංභිනීම් ॥ 8 ॥

පීයූෂෝ දධිමධ්යචාරු විලසද්රත්නෝජ්වලේ මංටපේ
යාසිංහාසන මෞළිපාතිතරිපු ප්රේතාසනාධ්යාසිනීම් ।
ස්වර්ණාභාං කරපීඩිතාරිරශනාං භ්රාම්යද්ගදාං බිභ්රතීං
යස්ත්වාං පශ්යති තස්ය යාංති විලයං සද්යෝහි සර්වාපදඃ ॥ 9 ॥

දේවි ත්වච්චරණාංබුජාර්චනකෘතේ යඃ පීතපුෂ්පාංජලිං
මුද්රාං වාමකරේ නිධාය ච පුනර්මංත්රී මනෝජ්ඤාක්ෂරීම් ।
පීඨධ්යානපරෝපි කුංභකවශාද්බීජං ස්මරේත්ප්රාර්ථිතං
තස්යා මිත්රචයස්ය සංසදි මුඛ ස්තංභෝ භවේත්තත්ක්ෂණාත් ॥ 10 ॥

(ඕං හ්රීං බගළාමුඛි සර්වදුෂ්ටානාං වාචං මුඛං පදං ස්තංභය ජිහ්වාං කීලය බුද්ධිං විනාශය හ්රීං ඕං ස්වාහා)

මංත්රස්තාවදයං විපක්ෂදළනේ ස්තෝත්රං පවිත්රං ච තේ
යංත්රංවාදිනි යංත්රිණං ත්රිජගතාං ජෛත්රං ස චිත්රං ච තත් ।
ශ්රීමාතර්බගළේති නාම ලලිතං යස්යාස්ති ජංතෝර්මුඛේ
තන්නාමස්මරණේන වාග්භවමුඛ ස්තංභෝභවේත්තත්ක්ෂණාත් ॥ 11 ॥

දුෂ්ටස්තංභනමුග්රවිඝ්නශමනං දාරිද්ර්යවිද්රාවණං
භූභෘත්ත්සංභනකාරණං මෘගදෘශාං චේතස්සමාකර්ෂණම් ।
සෞභාග්යෛකනිකේතනං මම දෘශාං කාරුණ්යපූර්ණේක්ෂණේ
මෘත්යෝර්මාරණමාවිරස්තු පුරතෝ මාතස්ත්වදීයං වපුඃ ॥ 12 ॥

සංඛ්යාග්රේ චෝරදංඩ ප්රහරණසමයේ බංධනේ වෛරිමධ්යේ
විද්යාවාදේ විවාදේ ප්රකටිතනෘපතෞ යුද්ධකාලේ නිශායාම් ।
වශ්යේ ච ස්තංභනේ වා රිපුවධසමයේ ප්රාණබාධේ රණේ වා
ගච්ඡංතීෂ්ටං ත්රිකාලං තව පඨනමිදං කාරයේදාශු ධීරඃ ॥ 13 ॥

මාතර්භංජය මද්විපක්ෂවදනං ජිහ්වාං ච සංකීලය
බ්රාහ්මීං මුද්රය මුද්රයාශුධිෂණාමංඝ්ර්යෝර්ගතිං ස්තංභය ।
ශත්රූන් චූර්ණය චූර්ණයාශු ගදයා ගෞරාංගි පීතාංබරේ
විඝ්නෞඝං බගළේ හර ප්රතිදිනං කෞමාරි වාමේක්ෂණේ ॥ 14 ॥

මාතර්භෛරවි භද්රකාළි විජයේ වාරාහි විශ්වාශ්රයේ
ශ්රීනිත්යේ බගළේ මහේශි සමයේ රාමේ සුරාමේ රමේ ।
මාතංගි ත්රිපුරේ පරාත්පරතරේ ස්වර්ගාපවර්ගප්රදේ
වංදේහං ශරණාගතෝස්මිකෘපයා විශ්වේශ්වරී ත්රාහි මාම් ॥ 15 ॥

ත්වං විද්යා පරමා ත්රිලෝකජනනී ව්යෝෂානනං ඡේදිනී
යෝෂාකර්ෂණකාරිණී ච සුමහාබංධෛකසංභේදිනී ।
දුෂ්ටෝච්චාටනකාරිණී රිපුමනස්සංදෝහසංදායිනී
ජිහ්වාකීලනභෛරවී විජයතේ බ්රහ්මාස්ත්රසාරායණී ॥ 16 ॥

යඃ කෘතං ජපසංඛ්යානාං චිංතිතං පරමේශ්වරී ।
ශත්රූණාං බුද්ධිනාශාය ගෘහාණ මදනුග්රහාත් ॥ 17 ॥

වෛඩූර්යහාරපරිශෝභිතහේමමාලාං
මධ්යේතිපීන කුචයෝර්ධෘතපීතවස්ත්රාම් ।
ව්යාඝ්රාධිරූඪ පරිපූරිත රත්නශෝභාං
නිත්යං ස්මරාමි බගළාං රිපුවක්ත්ර කීලාම් ॥ 18 ॥

ඒකාග්ර මානසෝ භූත්වා ස්තෝෂ්යත්යංබාං සුශෝභනාම් ।
රජන්යා රචිතාං මාලාං කරේ ධෘත්වා ජපේච්ඡුචිඃ ॥ 19 ॥

වාමේ පාණෞ තු පාශං ච තස්යාධස්තාද්ධෘඪං ශුභම් ।
දක්ෂේ කරේऽක්ෂසූත්රං ච අධඃපද්මං ච ධාරිණීම් ॥ 20 ॥

චාමුංඩේ චංඩිකෝෂ්ට්රේ හුතවහදයිතේ ශ්යාමලේ ශ්රීභුජංගී
දුර්ගේ ප්රත්යංගිරාද්යේ මුරරිපුභගිනී භාර්ගවීවාමනේත්රේ ।
නානාරූපප්රභේදේ ස්ථිතිලයජනනං පාලයද්භර්ගහෘද්යේ
විශ්වාද්යේ විශ්වජෛත්රී ත්රිපුරඃ බගළේ විශ්වවංද්යේ ත්වමේකා ॥ 21 ॥

චක්රං ඛඩ්ගං මුසලමභයං දක්ෂිණාභිශ්ච දෝර්භිඃ
ශංඛං ඛේටං හලමපි ච ගදාං බිභ්රතීං වාමදෝර්භිඃ ।
සිංහාරූඪාමයුගනයනාං ශ්යාමලාං කංජවක්ත්රාං
වංදේ දේවීං සකලවරදාං පංචමීං මාතෘමධ්යාම් ॥ 22 ॥

ද්වාත්රිංශදායුතයුතෛශ්චතුරෂ්ටහස්තෛ-
රෂ්ටෝත්තරෛශ්ශතකරෛශ්ච සහස්රහස්තෛඃ ।
සර්වායුධෛරයුත බාහුභිරන්විතාං තාං
දේවීං භජාමි බගළාං රසනාග්රහස්තාම් ॥ 23 ॥

සර්වතශ්ශුභකරාං ද්විභුජාං තාං
කංබුහේම නවකුංඩල කර්ණාම් ।
ශත්රුනිර්දළනකාරණකෝපාං
චිංතයාමි බගළාං හෘදයාබ්ජේ ॥ 24 ॥

ජිහ්වාග්රමාදාය කරේණ දේවීං
වාමේන ශත්රූන් පරිපීඩයංතීම් ।
ගදාභිඝාතේන ච දක්ෂිණේන
පීතාංබරාඪ්යාං ද්විභුජාං නමාමි ॥ 25 ॥

වංදේ වාරිජලෝචනාං වසුකරාං පීතාංබරාඩංබරාං
පීතාංභෝරුහසංස්ථිතාං ත්රිනයනාං පීතාංගරාගෝජ්ජ්වලාම් ।
ශබ්දබ්රහ්මමයීං මහාකවිජයීං ත්රෛලෝක්යසම්මෝහනීං
විද්යුත්කෝටි නිභාං ප්රසන්න බගළාං ප්රත්යර්ථිවාක්ත්සංභිනීම් ॥ 26 ॥

දුඃඛේන වා යදි සුඛේන ච වා ත්වදීයං
ස්තුත්වාऽථ නාමබගළේ සමුපෛති වශ්යම් ।
නිශ්චිත්ය ශත්රුමබලං විජයං ත්වදංඝ්රි
පද්මාර්චකස්ය භවතීති කිමත්ර චිත්රම් ॥ 27 ॥

විමෝහිතජගත්ත්රයාං වශගතාවනවල්ලභාං
භජාමි බගළාමුඛීං භවසුඛෛකසංධායිනීම් ।
ගේහං නාතති ගර්විතඃ ප්රණමති ස්ත්රීසංගමෝ මෝක්ෂති
ද්වේෂී මිත්රති පාපකෘත්සුකෘතති ක්ෂ්මාවල්ලභෝධාවති ॥ 28 ॥

මෘත්යුර්වෛධෘතිදූෂණං සුගුණති ත්වත්පාදසංසේවනාත්
ත්වාං වංදේ භවභීතිභංජනකරීං ගෞරීං ගිරීශප්රියාම් ।
නිත්යං යස්තු මනෝහරං ස්තවමිදං දිව්යං පඨේත්සාදරං
ධෘත්වා යංත්රමිදං තථෛව සමරේ බාහ්වෝඃ කරේ වා ගළේ ॥ 29 ॥

රාජානෝ වරයෝෂිතෝථකරිණස්සර්වාමෘගේංද්රා වශාඃ
ස්තෝත්රෛර්යාංති විමෝහිතා රිපුගණා ලක්ෂ්මීඃ ස්ථිරා සිද්ධයඃ ।
නිර්නිද්රේ බගළේ සමුද්රනිලයේ රෞද්ර්යාදි වාඞ්මුද්රිකේ
භද්රේ රුද්රමනෝහරේ ත්රිභුවනත්රාණේ දරිද්රාපහේ ॥ 30 ॥

සද්රත්නාකර භූමිගෝජ්වල කරී නිස්තංද්රි චාංද්රානනේ
නීහාරාද්රිසුතේ නිසර්ගසරළේ විද්යේ සුරාද්යේ නමඃ ।
දේවී තස්ය නිරාමයාත්මජමුඛාන්යායූංෂි දද්යාදිදං
යේ නිත්යං ප්රජපංති භක්ති භරිතාස්තේභ්යස්ස්තවං නිශ්චිතම් ॥ 31 ॥

නූනං ශ්රේයෝ වශ්යමාරෝග්යතාං ච ප්රාප්තස්සර්වං භූතලේ සාධකස්තු ।
භක්ත්යා නිත්යං ස්තෝත්රමේතත්පඨන්වෛ විද්යාං කීර්තිං වංශවෘද්ධිං ච විංදේත් ॥ 32 ॥

ඉති ශ්රීරුද්රයාමළේ ශ්රීබගළාමුඛීස්තෝත්රම් ॥