ශිවාපරාධ ක්ෂමාපණ ස්තෝත්රම්

ආදෞ කර්මප්රසංගාත්කලයති කලුෂං මාතෘකුක්ෂෞ ස්ථිතං මාං
විණ්මූත්රාමේධ්යමධ්යේ ක්වථයති නිතරාං ජාඨරෝ ජාතවේදාඃ ।
යද්යද්වෛ තත්ර දුඃඛං ව්යථයති නිතරාං ශක්යතේ කේන වක්තුං
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 1॥

බාල්යේ දුඃඛාතිරේකෝ මලලුලිතවපුඃ ස්තන්යපානේ පිපාසා
නෝ ශක්තශ්චේංද්රියේභ්යෝ භවගුණජනිතාඃ ජංතවෝ මාං තුදංති ।
නානාරෝගාදිදුඃඛාද්රුදනපරවශඃ ශංකරං න ස්මරාමි
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 2॥

ප්රෞඪෝऽහං යෞවනස්ථෝ විෂයවිෂධරෛඃ පංචභිර්මර්මසංධෞ
දෂ්ටෝ නෂ්ටෝ විවේකඃ සුතධනයුවතිස්වාදුසෞඛ්යේ නිෂණ්ණඃ ।
ශෛවීචිංතාවිහීනං මම හෘදයමහෝ මානගර්වාධිරූඪං
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 3॥

වාර්ධක්යේ චේංද්රියාණාං විගතගතිමතිශ්චාධිදෛවාදිතාපෛඃ
පාපෛ රෝගෛර්වියෝගෛස්ත්වනවසිතවපුඃ ප්රෞඪහීනං ච දීනම් ।
මිථ්යාමෝහාභිලාෂෛර්භ්රමති මම මනෝ ධූර්ජටේර්ධ්යානශූන්යං
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 4॥

ස්නාත්වා ප්රත්යූෂකාලේ ස්නපනවිධිවිධෞ නාහෘතං ගාංගතෝයං
පූජාර්ථං වා කදාචිද්බහුතරගහනාත්ඛංඩබිල්වීදලානි ।
නානීතා පද්මමාලා සරසි විකසිතා ගංධධූපෛඃ ත්වදර්ථං
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 5॥

දුග්ධෛර්මධ්වාජ්යයුක්තෛර්දධිසිතසහිතෛඃ ස්නාපිතං නෛව ලිංගං
නෝ ලිප්තං චංදනාද්යෛඃ කනකවිරචිතෛඃ පූජිතං න ප්රසූනෛඃ ।
ධූපෛඃ කර්පූරදීපෛර්විවිධරසයුතෛර්නෛව භක්ෂ්යෝපහාරෛඃ
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 6॥

නෝ ශක්යං ස්මාර්තකර්ම ප්රතිපදගහනප්රත්යවායාකුලාඛ්යං
ශ්රෞතේ වාර්තා කථං මේ ද්විජකුලවිහිතේ බ්රහ්මමාර්ගානුසාරේ । වර් බ්රහ්මමාර්ගේ සුසාරේ
ජ්ඤාතෝ ධර්මෝ විචාරෛඃ ශ්රවණමනනයෝඃ කිං නිදිධ්යාසිතව්යං
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 7॥

ධ්යාත්වා චිත්තේ ශිවාඛ්යං ප්රචුරතරධනං නෛව දත්තං ද්විජේභ්යෝ
හව්යං තේ ලක්ෂසංඛ්යෛර්හුතවහවදනේ නාර්පිතං බීජමංත්රෛඃ ।
නෝ තප්තං ගාංගාතීරේ ව්රතජපනියමෛඃ රුද්රජාප්යෛර්න වේදෛඃ
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 8॥

නග්නෝ නිඃසංගශුද්ධස්ත්රිගුණවිරහිතෝ ධ්වස්තමෝහාංධකාරෝ
නාසාග්රේ න්යස්තදෘෂ්ටිර්විදිතභවගුණෝ නෛව දෘෂ්ටඃ කදාචිත් ।
උන්මන්යාऽවස්ථයා ත්වාං විගතකලිමලං ශංකරං න ස්මරාමි
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 9॥

ස්ථිත්වා ස්ථානේ සරෝජේ ප්රණවමයමරුත්කුංභකේ (කුංඩලේ) සූක්ෂ්මමාර්ගේ
ශාංතේ ස්වාංතේ ප්රලීනේ ප්රකටිතවිභවේ ජ්යෝතිරූපේऽපරාඛ්යේ ।
ලිංගජ්ඤේ බ්රහ්මවාක්යේ සකලතනුගතං ශංකරං න ස්මරාමි
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 10॥

හෘද්යං වේදාංතවේද්යං හෘදයසරසිජේ දීප්තමුද්යත්ප්රකාශං
සත්යං ශාංතස්වරූපං සකලමුනිමනඃපද්මෂංඩෛකවේද්යම් ।
ජාග්රත්ස්වප්නේ සුෂුප්තෞ ත්රිගුණවිරහිතං ශංකරං න ස්මරාමි
ක්ෂංතව්යෝ මේऽපරාධඃ ශිව ශිව ශිව භෝ ශ්රීමහාදේව ශංභෝ ॥ 11॥

චංද්රෝද්භාසිතශේඛරේ ස්මරහරේ ගංගාධරේ ශංකරේ
සර්පෛර්භූෂිතකංඨකර්ණවිවරේ නේත්රෝත්ථවෛශ්වානරේ । යුගලේ
දංතිත්වක්කෘතසුංදරාංබරධරේ ත්රෛලෝක්යසාරේ හරේ
මෝක්ෂාර්ථං කුරු චිත්තවෘත්තිමචලාමන්යෛස්තු කිං කර්මභිඃ ॥ 12॥

කිං වාऽනේන ධනේන වාජිකරිභිඃ ප්රාප්තේන රාජ්යේන කිං
කිං වා පුත්රකලත්රමිත්රපශුභිර්දේහේන ගේහේන කිම් ।
ජ්ඤාත්වෛතත්ක්ෂණභංගුරං සපදි රේ ත්යාජ්යං මනෝ දූරතඃ
ස්වාත්මාර්ථං ගුරුවාක්යතෝ භජ මන ශ්රීපාර්වතීවල්ලභම් ॥ 13॥

පෞරෝහිත්යං රජනිචරිතං ග්රාමණීත්වං නියෝගෝ
මාඨාපත්යං හ්යනෘතවචනං සාක්ෂිවාදඃ පරාන්නම් ।
බ්රහ්මද්වේෂඃ ඛලජනරතිඃ ප්රාණිනාං නිර්දයත්වං
මා භූදේවං මම පශුපතේ ජන්මජන්මාංතරේෂු ॥ 14॥

ආයුර්නශ්යති පශ්යතාං ප්රතිදිනං යාති ක්ෂයං යෞවනං
ප්රත්යායාංති ගතාඃ පුනර්න දිවසාඃ කාලෝ ජගද්භක්ෂකඃ ।
ලක්ෂ්මීස්තෝයතරංගභංගචපලා විද්යුච්චලං ජීවිතං
තස්මාත්ත්වාං ශරණාගතං ශරණද ත්වං රක්ෂ රක්ෂාධුනා ॥ 15॥ තස්මාන්මාං

වංදේ දේවමුමාපතිං සුරගුරුං වංදේ ජගත්කාරණං
වංදේ පන්නගභූෂණං මෘගධරං වංදේ පශූනාං පතිම් ।
වංදේ සූර්යශශාංකවහ්නිනයනං වංදේ මුකුංදප්රියං
වංදේ භක්තජනාශ්රයං ච වරදං වංදේ ශිවං ශංකරම් ॥16॥

ගාත්රං භස්මසිතං සිතං ච හසිතං හස්තේ කපාලං සිතං වර් ස්මිතං ච
ඛට්වාංගං ච සිතං සිතශ්ච වෘෂභඃ කර්ණේ සිතේ කුංඩලේ ।
ගංගා ඵේනසිතා ජටා පශුපතේශ්චංද්රඃ සිතෝ මූර්ධනි
සෝऽයං සර්වසිතෝ දදාතු විභවං පාපක්ෂයං සර්වදා ॥ 17॥

කරචරණකෘතං වාක්කායජං කර්මජං වා
ශ්රවණනයනජං වා මානසං වාऽපරාධම් ।
විහිතමවිහිතං වා සර්වමේතත්ක්ෂ්මස්ව
ශිව ශිව කරුණාබ්ධේ ශ්රීමහාදේව ශංභෝ ॥ 18॥

॥ ඉති ශ්රීමද් ශංකරාචාර්යකෘත ශිවාපරාධක්ෂමාපණස්තෝත්රං සංපූර්ණම් ॥