ශරභේශාෂ්ටකම්

ශ්රී ශිව උවාච

ශෘණු දේවි මහාගුහ්යං පරං පුණ්යවිවර්ධනං .
ශරභේශාෂ්ටකං මංත්රං වක්ෂ්යාමි තව තත්ත්වතඃ ॥

ඍෂින්යාසාදිකං යත්තත්සර්වපූර්වවදාචරේත් .
ධ්යානභේදං විශේෂේණ වක්ෂ්යාම්යහමතඃ ශිවේ ॥

ධ්යානං

ජ්වලනකුටිලකේශං සූර්යචංද්රාග්නිනේත්රං
නිශිතතරනඛාග්රෝද්ධූතහේමාභදේහම් ।
ශරභමථ මුනීංද්රෛඃ සේව්යමානං සිතාංගං
ප්රණතභයවිනාශං භාවයේත්පක්ෂිරාජම් ॥

අථ ස්තෝත්රං

දේවාදිදේවාය ජගන්මයාය ශිවාය නාලීකනිභානනාය ।
ශර්වාය භීමාය ශරාධිපාය නමෝऽස්තු තුභ්යං ශරභේශ්වරාය ॥ 1 ॥

හරාය භීමාය හරිප්රියාය භවාය ශාංතාය පරාත්පරාය ।
මෘඩාය රුද්රාය විලෝචනාය නමෝऽස්තු තුභ්යං ශරභේශ්වරාය ॥ 2 ॥

ශීතාංශුචූඩාය දිගංබරාය සෘෂ්ටිස්ථිතිධ්වංසනකාරණාය ।
ජටාකලාපාය ජිතේංද්රියාය නමෝऽස්තු තුභ්යං ශරභේශ්වරාය ॥ 3 ॥

කලංකකංඨාය භවාංතකාය කපාලශූලාත්තකරාංබුජාය ।
භුජංගභූෂාය පුරාංතකාය නමෝऽස්තු තුභ්යං ශරභේශ්වරාය ॥ 4 ॥

ශමාදිෂට්කාය යමාංතකාය යමාදියෝගාෂ්ටකසිද්ධිදාය ।
උමාධිනාථාය පුරාතනාය නමෝऽස්තු තුභ්යං ශරභේශ්වරාය ॥ 5 ॥

ඝෘණාදිපාශාෂ්ටකවර්ජිතාය ඛිලීකෘතාස්මත්පථි පූර්වගාය ।
ගුණාදිහීනාය ගුණත්රයාය නමෝऽස්තු තුභ්යං ශරභේශ්වරාය ॥ 6 ॥

කාලාය වේදාමෘතකංදලාය කල්යාණකෞතූහලකාරණාය ।
ස්ථූලාය සූක්ෂ්මාය ස්වරූපගාය නමෝऽස්තු තුභ්යං ශරභේශ්වරාය ॥ 7 ॥

පංචානනායානිලභාස්කරාය පංචාශදර්ණාද්යපරාක්ෂයාය ।
පංචාක්ෂරේශාය ජගද්ධිතාය නමෝऽස්තු තුභ්යං ශරභේශ්වරාය ॥ 8 ॥

ඉති ශ්රී ශරභේශාෂ්ටකම් ॥