රුද්රාෂ්ටාධ්යායී (ශුක්ල යජුර්වේද)

॥ ඕං ශ්රී ගණේශාය නමඃ ॥
ඕං

1. මඞ්ගලාචරණම්, ධ්යානම්

වන්දේ සිද්ධිප්රදං දේවං ගණේශං ප්රියපාලකම් ।
විශ්වගර්භං ච විඝ්නේශං අනාදිං මඞ්ගලං විභූම් ॥
අථ ධ්යානම්
ධ්යායේන්නිත්යං මහේශං රජතගිරිනිභං චාරු චන්ද්රවතංසම් ।
රත්නාකල්පෝජ්ජ්වලාඞ්ගං පරශුමෘගවරාභීතිහස්තං ප්රසන්නම් ॥ 1॥

පද්මාසීනං සමන්තාත්ස්තුතමමරගණෛර්ව්යාඝ්රකෘතිං වසානම් ।
විශ්වාද්යං විශ්වවන්ද්යං නිඛිලභයහරං පඤ්චවක්ත්රං ත්රිනේත්රම් ॥ 2॥

2. ප්රථමෝऽධ්යායඃ – ගණපති මන්ත්රාඃ, ශිව සඞ්කල්ප සූක්තම්

හරිඃ॑ ඕං
ග॒ණානාං॑ ත්වා ග॒ණප॑තිග්​ම් හවාමහේ ප්රි॒යාණාං॑ ත්වා ප්රි॒යප॑තිග්​ම් හවාමහේ
නි॒ධීනාං॑ ත්වා॑ නිධි॒පති॑ග්​ම් හවාමහේ වසෝ මම ।
ආහම॑ජානි ගර්භ॒ධමා ත්වම॑ජාසි ගර්භ॒ධම් ॥ 1॥

ගා॒ය॒ත්රී ත්රි॒ෂ්ටුබ්ජග॑ත්යනු॒ෂ්ටුප්ප॒ඞ්ක්ත්යා ස॒හ ।
බෘ॒හ॒ත්යුෂ්ණිහා॑ ක॒කුප්සූ॒චීභි॑-ශ්ශම්යන්තු ත්වා ॥ 2॥

ද්විප॑දා॒යාශ්චතු॑ෂ්පදා॒ස්ත්රිප॑දා॒යාශ්ච॒ෂට්ප॑දාඃ ।
විච්ඡ॑න්දා॒ යාශ්ච॒ සච්ඡ॑න්දා-ස්සූ॒චීභි॑-ශ්ශම්යන්තු ත්වා ॥ 3॥

ස॒හස්තෝ॑මා-ස්ස॒හච්ඡ॑න්දස ආ॒වෘත॑-ස්ස॒හප්ර॑මා॒ ඍෂ॑ය-ස්ස॒ප්ත දෛ॑ව්යාඃ ।
පූර්වේ॑ෂාං॒ පන්ථා॑මනු॒දෘශ්ය॒ ධීරා॑ අ॒න්වාලේ॑භිරේ ර॒ථ්යෝ න ර॒ශ්මීන් ॥ 4॥

යජ්ජාග්ර॑තෝ දූ॒රමු॒දෛති॒ දෛවං॒ තදු॑ සු॒ප්තස්ය॒ තථෛ॒වෛති॑ ।
දූ॒ර॒ඞ්ග॒ම-ඤ්ජ්යෝති॑ෂාං॒ ජ්යෝති॒රේකං॒ තන්මේ॒ මන॑-ශ්ශි॒වස॑ඞ්කල්පමස්තු ॥ 1॥

යේන॒ කර්මා॑ණ්ය॒පසෝ॑ මනී॒ෂිණෝ॑ ය॒ජ්ඤේ කෘ॒ණ්වන්ති॑ වි॒දථේ॑ෂු॒ ධීරාඃ॑ ।
යද॑පූ॒ර්වං-යඁ॒ක්ෂම॒න්තඃ ප්ර॒ජානාං॒ තන්මේ॒ මන॑-ශ්ශි॒වස॑ඞ්කල්පමස්තු ॥ 2॥

යත්ප්ර॒ජ්ඤාන॑මු॒ත චේතෝ॒ ධෘති॑ශ්ච॒ යජ්ජ්යෝති॑ර॒න්තර॒මෘතං॑ ප්ර॒ජාසු॑ ।
යස්මා॒න්න-ऽඍ॒තේ කි-ඤ්ච॒න කර්ම॑ ක්රි॒යතේ॒ තන්මේ॒ මන॑-ශ්ශි॒වස॑ඞ්කල්පමස්තු ॥ 3॥

යේනේ॒ද-ම්භූ॒ත-ම්භුව॑න-ම්භවි॒ෂ්යත්පරි॑ගෘහීතම॒මෘතේ॑න॒ සර්ව॑ම් ।
යේන॑ ය॒ජ්ඤස්තා॒යතේ॑ ස॒ප්තහෝ॑තා॒ තන්මේ॒ මන॑-ශ්ශි॒වස॑ඞ්කල්පමස්තු ॥ 4॥

යස්මි॒න්නෘච॒-ස්සාම॒ යජූ॑ග්​ම්ෂි॒ යස්මි॒-න්ප්රති॑ෂ්ඨිතා රථනා॒භාවි॑වා॒රාඃ ।
යස්මි॑ග්​ම්ශ්චි॒ත්තග්​ම් සර්ව॒මෝතං॑ ප්ර॒ජානාං॒ තන්මේ॒ මන॑-ශ්ශි॒වස॑ඞ්කල්පමස්තු ॥ 5॥

සු॒ෂා॒ර॒ථිරශ්වා॑නිව॒ යන්ම॑නු॒ෂ්යා॒න්නේනී॒යතේ॒-ऽභීශු॑භිර්වා॒ජින॑ ඉව ।
හෘ॒ත්ප්රති॑ෂ්ඨං॒ යද॑ජි॒ර-ඤ්ජවි॑ෂ්ඨං॒ තන්මේ॒ මන॑-ශ්ශි॒වස॑ඞ්කල්පමස්තු ॥ 6॥

ඉති රුද්රේ ප්රථමෝ-ऽධ්යායඃ ॥ 1॥

3. ද්විතීයෝऽධ්යායඃ – පුරුෂ සූක්තම්

හරිඃ॑ ඕං
ස॒හස්ර॑ශීර්​ෂා॒ පුරු॑ෂ-ස්සහස්රා॒ක්ෂ-ස්ස॒හස්ර॑පාත් ।
ස භූමි॑ග්​ම් ස॒ර්වතඃ॑ ස්පෘ॒ත්වාත්ය॑තිෂ්ඨද්දශාඞ්ගු॒ලම් ॥ 1॥

පුරු॑ෂ ඒ॒වේදග්​ම් සර්වං॒ යද්භූ॒තං-යඁච්ච॑ භා॒ව්ය॒ම් ।
උ॒තාමෘ॑ත॒ත්වස්යේශා॑නෝ॒ යදන්නේ॑නාති॒රෝහ॑ති ॥ 2॥

ඒ॒තාවා॑නස්ය මහි॒මාතෝ॒ ජ්යායා.ණ්॑ශ්ච॒ පූරු॑ෂඃ ।
පාදෝ॑-ऽස්ය॒ විශ්වා॑ භූ॒තානි॑ ත්රි॒පාද॑ස්යා॒මෘතං॑ දි॒වි ॥ 3॥

ත්රි॒පාදූ॒ර්ධ්ව උදෛ॒ත්පුරු॑ෂඃ॒ පාදෝ॑-ऽස්යේ॒හාභ॑ව॒ත්පුනඃ॑ ।
තතෝ॒ විෂ්ව॒ඞ් ව්ය॒ක්රාමත්සාශනානශ॒නේ අ॒භි ॥ 4॥

තතෝ॑ වි॒රාඩ॑ජායත වි॒රාජෝ॒ අධි॒ පූරු॑ෂඃ ।
ස ජා॒තෝ අත්ය॑රිච්යත ප॒ශ්චාද්භූමි॒මථෝ॑ පු॒රඃ ॥ 5॥

තස්මා॑ද්ය॒ජ්ඤාත්ස॑ර්ව॒හුත॒-ස්සම්භෘ॑ත-ම්පෘෂදා॒ජ්යම් ।
ප॒ශූ.ණ්ස්තා.ණ්ශ්ච॑ක්රේ වාය॒ව්යා॒නාර॒ණ්යා ග්රා॒ම්යාශ්ච॒ යේ ॥ 6॥

තස්මා॑ද්ය॒ජ්ඤාත්ස॑ර්ව॒හුත॒ ඍච॒-ස්සාමා॑නි ජජ්ඤිරේ ।
ඡන්දා॑ග්​ම්සි ජජ්ඤිරේ॒ තස්මා॒ද්යජු॒ස්තස්මා॑දජායත ॥ 7॥

තස්මා॒දශ්වා॑ අජායන්ත॒ යේ කේ චෝ॑භ॒යාද॑තඃ ।
ගාවෝ॑ හ ජජ්ඤිරේ॒ තස්මා॒ත්තස්මා॑ජ්ජා॒තා අ॑ජා॒වයඃ॑ ॥ 8॥

තං-යඁ॒ජ්ඤ-ම්බ॒ර්​හිෂි॒ ප්රෞක්ෂ॒න්පුරු॑ෂ-ඤ්ජා॒තම॑ග්ර॒තඃ ।
තේන॑ දේ॒වා අ॑යජන්ත සා॒ධ්යා ඍෂ॑යශ්ච॒ යේ ॥ 9॥

යත්පුරු॑ෂං॒ ව්යද॑ධුඃ කති॒ධා ව්ය॑කල්පයන්න් ।
මුඛං॒ කිම॑ස්යාසී॒-ත්කි-ම්බා॒හූ කිමූ॒රූ පාදා॑ උච්යේතේ ॥ 10॥

බ්රා॒හ්ම॒ණෝ॒-ऽස්ය॒ මුඛ॑මාසීද්බා॒හූ රා॑ජ॒න්යඃ॒ කෘ॒තඃ ।
ඌ॒රූ තද॑ස්ය॒ යද්වෛ॑ශ්යඃ ප॒ද්භ්යාග්​ම් ශූ॒ද්රෝ අ॑ජායත ॥ 11॥

ච॒න්ද්රමා॒ මන॑සෝ ජා॒තශ්චක්ෂෝඃ॒ සූර්යෝ॑ අජායත ।
ශ්රෝත්රා॑ද්වා॒යුශ්ච॑ ප්රා॒ණශ්ච॒ මුඛා॑ද॒ග්නිර॑ජායත ॥ 12॥

නාභ්යා॑ ආසීද॒න්තරි॑ක්ෂග්​ම් ශී॒ර්​ෂ්ණෝ ද්යෞ॒-ස්සම॑වර්තත ।
ප॒ද්භ්යා-ම්භූමි॒ර්දිශ॒-ශ්ශ්රෝත්රා॒ත්තථා॑ ලෝ॒කා.ණ2 ॥ අ॑කල්පයන්න් ॥ 13॥

යත්පුරු॑ෂේණ හ॒විෂා॑ දේ॒වා ය॒ජ්ඤමත॑න්වත ।
ව॒ස॒න්තෝ॒-ऽස්යාසී॒දාජ්යං॑ ග්රී॒ෂ්ම ඉ॒ධ්ම-ශ්ශ॒රද්ධ॒විඃ ॥ 14॥

ස॒ප්තාස්යා॑සන්පරි॒ධය॒ස්ත්රිස්ස॒ප්ත ස॒මිධඃ॑ කෘ॒තාඃ ।
දේ॒වා යද්ය॒ජ්ඤ-න්ත॑න්වා॒නා අබ॑ධ්න॒-න්පුරු॑ෂ-ම්ප॒ශුම් ॥ 15॥

ය॒ජ්ඤේන॑ ය॒ජ්ඤම॑යජන්ත දේ॒වාස්තානි॒ ධර්මා॑ණි ප්රථ॒මාන්යා॑සන්න් ।
තේ හ॒ නාකං॑ මහි॒මාන॑-ස්සචන්ත॒ යත්ර॒ පූර්වේ॑ සා॒ධ්යා-ස්සන්ති॑ දේ॒වාඃ ॥ 16॥

අ॒ද්භ්ය-ස්සම්භෘ॑තඃ පෘථිව්යෛ॒ රසා॑ච්ච වි॒ශ්වක॑ර්මණ॒-ස්සම॑වර්ත॒තාග්රේ॑ ।
තස්ය॒ ත්වෂ්ටා॑ වි॒දධ॑ද්රූ॒පමේ॑ති॒ තන්මර්ත්ය॑ස්ය දේව॒ත්වමා॒ජාන॒මග්රේ॑ ॥ 17॥

වේදා॒හමේ॒ත-ම්පුරු॑ෂ-ම්ම॒හාන්ත॑මාදි॒ත්යව॑ර්ණං॒ තම॑සඃ ප॒රස්තා॑ත් ।
තමේ॒ව වි॑දි॒ත්වා-ऽති॑ මෘ॒ත්යුමේ॑ති॒ නාන්යඃ පන්ථා॑ විද්ය॒තේ-ऽය॑නාය ॥ 18॥

ප්ර॒ජාප॑තිශ්ච॒රති॒ ගර්භේ॑ අ॒න්තරජා॑යමානෝ බහු॒ධා වි ජා॑යතේ ।
තස්ය॒ යෝනිං॒ පරි॑පශ්යන්ති॒ ධීරා॒ස්තස්මි॑න්හ තස්ථු॒ර්භුව॑නානි॒ විශ්වා॑ ॥ 19॥

යෝ දේ॒වේභ්ය॑ ආ॒තප॑ති॒ යෝ දේ॒වානාං॑ පු॒රෝහි॑තඃ ।
පූර්වෝ॒ යෝ දේ॒වේභ්යෝ॑ ජා॒තෝ නමෝ॑ රු॒චාය॒ බ්රාහ්ම॑යේ ॥ 20॥

රු॒ච-ම්බ්රා॒හ්ම්ය-ඤ්ජ॒නය॑න්තෝ දේ॒වා අග්රේ॒ තද॑බ්රුවන්න් ।
යස්ත්වෛ॒ව-ම්බ්රා॑හ්ම॒ණෝ වි॒ද්යාත්තස්ය॑ දේ॒වා අ॑ස॒න්වශේ॑ ॥ 21॥

ශ්රීශ්ච॑ තේ ල॒ක්ෂ්මීශ්ච॒ පත්න්යා॑වහෝරා॒ත්රේ පා॒ර්​ශ්වේ නක්ෂ॑ත්රාණි රූ॒පම॒ශ්විනෞ॒ ව්යාත්ත॑ම් ।
ඉ॒ෂ්ණන්නි॑ෂාණා॒මු-ම්ම॑ ඉෂාණ සර්වලෝ॒ක-ම්ම॑ ඉෂාණ ॥ 22॥

ඉති රුද්රේ ද්විතීයෝ-ऽධ්යායඃ ॥ 2॥

4. තෘතීයෝऽධ්යායඃ – අප්රතිරථ සූක්තම්

හරි॑ ඕං
ආ॒ශු-ශ්ශිශා॑නෝ වෘෂ॒භෝ න භී॒මෝ ඝ॑නාඝ॒නඃ, ක්ෂෝභ॑ණශ්චර්​ෂණී॒නාම් ।
ස॒ඞ්ක්රන්ද॑නෝ-ऽනිමි॒ෂ ඒ॑කවී॒ර-ශ්ශ॒තග්​ම් සේනා॑ අජයත්සා॒කමින්ද්රඃ॑ ॥ 1॥

ස॒ඞ්ක්රන්ද॑නේනා-ऽනිමි॒ෂේණ॑ ජි॒ෂ්ණුනා॑ යුත්කා॒රේණ॑ දුශ්ච්යව॒නේන॑ ධෘ॒ෂ්ණුනා॑ ।
තදින්ද්රේ॑ණ ජයත॒ තත්ස॑හධ්වං॒ යුධෝ॑ නර॒ ඉෂු॑හස්තේන॒ වෘෂ්ණා॑ ॥ 2॥

ස ඉෂු॑හස්තෛඃ॒ ස නි॑ෂ॒ඞ්ගිභි॑ර්ව॒ශී සග්​ම්ස්ර॑ෂ්ටා॒ ස යුධ॒ ඉන්ද්රෝ॑ ග॒ණේන॑ ।
ස॒ග්​ම්සෘෂ්ට॒ජිත්සෝ॑ම॒පා බා॑හුශ॒ර්ධ්යුග්රධ॑න්වා॒ ප්රති॑හිතාභි॒රස්තා॑ ॥ 3॥

බෘහ॑ස්පතේ॒ පරි॑දීයා॒ රථේ॑න රක්ෂෝ॒හාමිත්රා॑.ණ2 අප॒බාධ॑මානඃ ।
ප්ර॒භ॒ඤ්ජන්ත්සේනාඃ॑ ප්රමෘ॒ණෝ යු॒ධා ජය॑න්න॒ස්මාක॑මේධ්යවි॒තා රථා॑නාම් ॥ 4॥

බ॒ල॒වි॒ජ්ඤා॒ය-ස්ස්ථවි॑රඃ॒ ප්රවී॑ර॒-ස්සහ॑ස්වාන්වා॒ජී සහ॑මාන උ॒ග්රඃ ।
අ॒භිවී॑රෝ අ॒භිස॑ත්වා සහෝ॒ජා ජෛ॑ත්රමින්ද්ර॒ රථ॒මාති॑ෂ්ඨ ගෝ॒විත් ॥ 5॥

ගෝ॒ත්ර॒භිදං॑ ගෝ॒විදං॒ වජ්ර॑බාහුං॒ ජය॑න්ත॒මජ්ම॑ ප්රමෘ॒ණන්ත॒මෝජ॑සා ।
ඉ॒මග්​ම් ස॑ජාතා॒ අනු॑ වීරයධ්ව॒මින්ද්ර॑ග්​ම් සඛායෝ॒ අනු॒ සග්​ම්ර॑භධ්වම් ॥ 6॥

අ॒භි ගෝ॒ත්රාණි॒ සහ॑සා॒ ගාහ॑මානෝ-ऽද॒යෝ වී॒ර-ශ්ශ॒තම॑න්යු॒රින්ද්රඃ॑ ।
දු॒ශ්ච්ය॒ව॒නඃ පෘ॑තනා॒ෂාඩ॑යු॒ධ්යෝ-ऽස්මාක॒ග්​ම් සේනා॑ අවතු॒ ප්ර යු॒ත්සු ॥ 7॥

ඉන්ද්ර॑ ආසා-න්නේ॒තා බෘහ॒ස්පති॒ර්දක්ෂි॑ණා ය॒ජ්ඤඃ පු॒ර ඒ॑තු॒ සෝමඃ॑ ।
දේ॒ව॒සේ॒නානා॑මභිභඤ්ජතී॒නා-ඤ්ජය॑න්තීනා-ම්ම॒රුතෝ॑ ය॒න්ත්වග්ර॑ම් ॥ 8॥

ඉන්ද්ර॑ස්ය॒ වෘෂ්ණෝ॒ වරු॑ණස්ය॒ රාජ්ඤ॑ ආදි॒ත්යානාං॑ ම॒රුතා॒ග්​ම් ශර්ධ॑ උ॒ග්රම් ।
ම॒හාම॑නසා-ම්භුවනච්ය॒වානාං॒ ඝෝෂෝ॑ දේ॒වානාං॒ ජය॑තා॒මුද॑ස්ථාත් ॥ 9॥

උද්ධ॑ර්​ෂය මඝව॒න්නායු॑ධා॒න්යුත්සත්ව॑නා-ම්මාම॒කානාං॒ මනා॑ග්​ම්සි ।
උද්වෘ॑ත්රහන්වා॒ජිනාං॒ වාජි॑නා॒න්යුද්රථා॑නාං॒ ජය॑තාං-යඁන්තු॒ ඝෝෂාඃ॑ ॥ 10॥

අ॒ස්මාක॒මින්ද්ර॒-ස්සමෘ॑තේෂු ධ්ව॒ජේෂ්ව॒ස්මාකං॒ යා ඉෂ॑ව॒ස්තා ජ॑යන්තු ।
අ॒ස්මාකං॑ වී॒රා උත්ත॑රේ භවන්ත්ව॒ස්මා.ණ2 උ॑ දේවා අවතා॒ හවේ॑ෂු ॥ 11॥

අ॒මීෂාං॑ චි॒ත්ත-ම්ප්ර॑තිලෝ॒භය॑න්තී ගෘහා॒ණාඞ්ගා॑න්යප්වේ॒ පරේ॑හි ।
අ॒භි ප්රේහි॒ නිර්ද॑හ හෘ॒ත්සු ශෝකෛ॑ර॒න්ධේනා॒මිත්රා॒ස්තම॑සා සචන්තාම් ॥ 12॥

අව॑සෘෂ්ටා॒ පරා॑පත॒ ශර॑ව්යේ॒ බ්රහ්ම॑සග්​ම්ශිතේ ।
ගච්ඡා॒මිත්රා॒න්ප්රප॑ද්යස්ව॒ මාමීෂාඞ්කඤ්චනෝච්ඡි॑ෂඃ ॥ 13॥

ප්රේතා॒ ජය॑තා නර॒ ඉන්ද්රෝ॑ ව॒-ශ්ශර්ම॑ යච්ඡතු ।
උ॒ග්රා ව॑-ස්සන්තු බා॒හවෝ॑-ऽනාධෘ॒ෂ්යා යථාස॑ථ ॥ 14॥

අසෞ॒ යා සේනා॑ මරුතඃ॒ පරේ॑ෂාම॒භ්යෛති॑ න॒ ඕජ॑සා॒ ස්පර්ධ॑මානා ।
තා-ඞ්ගූ॑හත॒ තම॒සා-ऽප॑ව්රතේන॒ යථා॒මී අ॒න්යෝ අ॒න්ය-න්න ජා॒නන්න් ॥ 15॥

යත්ර॑ බා॒ණා-ස්ස॒ම්පත॑න්ති කුමා॒රා වි॑ශි॒ඛා ඉ॑ව ।
තන්න॒ ඉන්ද්රෝ॒ බෘහ॒ස්පති॒රදි॑ති॒-ශ්ශර්ම॑ යච්ඡතු වි॒ශ්වාහා॒ ශර්ම॑ යච්ඡතු ॥ 16॥

මර්මා॑ණි තේ॒ වර්ම॑ණා ඡාදයාමි॒ සෝම॑ස්ත්වා॒ රාජා॒-ऽමෘතේ॒නානු॑වස්තාම් ।
උ॒රෝර්වරී॑යෝ॒ වරු॑ණස්තේ කෘණෝතු॒ ජය॑න්තං॒ ත්වානු॑ දේ॒වා ම॑දන්තු ॥ 17॥

ඉති රුද්රේ තෘතීයෝ-ऽධ්යායඃ ॥ 3॥

5. චතුර්ථෝऽධ්යායඃ – සෞර සූක්තම්, මෛත්ර සූක්තම්

හරිඃ॑ ඕං
වි॒භ්රාඩ්බෘ॒හත්පි॑බතු සෝ॒ම්ය-ම්මධ්වායු॒ර්දධ॑ද්ය॒ජ්ඤප॑තා॒වවි॑හ්රුතම් ।
වාත॑ජූතෝ॒ යෝ අ॑භි॒රක්ෂ॑ති॒ ත්මනා॑ ප්ර॒ජාඃ පු॑පෝෂ පුරු॒ධා වි රා॑ජති ॥ 1॥

උදු॒ ත්ය-ඤ්ජා॒තවේ॑දස-න්දේ॒වං-වඁ ॑හන්ති කේ॒තවඃ॑ ।
දෘ॒ශේ විශ්වා॑ය॒ සූර්ය॑ම් ॥ 2॥

යේනා॑ පාවක॒ චක්ෂ॑සා භුර॒ණ්යන්තං॒ ජනා.ඞ්​2 ॥ අනු॑ ।
ත්වං-වඁ ॑රුණ॒ පශ්ය॑සි ॥ 3॥

දෛව්යා॑වධ්වර්යූ॒ ආග॑ත॒ග්​ම් රථේ॑න॒ සූර්ය॑ත්වචා . මධ්වා॑ ය॒ජ්ඤග්​ම් සම॑ඤ්ජාථේ ।
ත-ම්ප්ර॒ත්නථා॒-ऽයං-වේඁ॒නශ්චි॒ත්ර-න්දේ॒වානා॑ම් ॥ 4॥

ත-ම්ප්ර॒ත්නථා॑ පූ॒ර්වථා॑ වි॒ශ්වථේ॒මථා॑ ජ්යේ॒ෂ්ඨතා॑ති-ම්බර්​හි॒ෂද॑ග්​ම්ස්ව॒ර්විද॑ම් ।
ප්ර॒තී॒චී॒නං-වෘඁ॒ජනං॑ දෝහසේ॒ ධුනි॑මා॒ශු-ඤ්ජය॑න්ත॒මනු॒ යාසු॒ වර්ධ॑සේ ॥ 5॥

අ॒යං-වේඁ॒නශ්චෝ॑දය॒ත්පෘශ්නි॑ගර්භා॒ ජ්යෝති॑ර්ජරායූ॒ රජ॑සෝ වි॒මානේ॑ ।
ඉ॒මම॒පාග්​ම්ස॑ඞ්ග॒මේ සූර්ය॑ස්ය॒ ශිශු॒න්න විප්රා॑ ම॒තිභී॑ රිහන්ති ॥ 6॥

චි॒ත්ර-න්දේ॒වානා॒මුද॑ගා॒දනී॑කං॒ චක්ෂු॑ර්මි॒ත්රස්ය॒ වරු॑ණස්යා॒ග්නේඃ ।
ආප්රා॒ ද්යාවා॑පෘථි॒වී අ॒න්තරි॑ක්ෂග්​ම් සූර්ය॑ ආ॒ත්මා ජග॑තස්ත॒ස්ථුෂ॑ශ්ච ॥ 7॥

ආ න॒ ඉඩා॑භිර්වි॒දථේ॑ සුශ॒ස්ති වි॒ශ්වාන॑ර-ස්සවි॒තා දේ॒ව ඒ॑තු ।
අපි॒ යථා॑ යුවානෝ॒ මත්ස॑ථා නෝ॒ විශ්වං॒ ජග॑දභිපි॒ත්වේ ම॑නී॒ෂා ॥ 8॥

යද॒ද්ය කච්ච॑ වෘත්රහන්නු॒දගා॑ අ॒භි සූ॑ර්ය ।
සර්වං॒ තදි॑න්ද්ර තේ॒ වශේ॑ ॥ 9॥

ත॒රණි॑ර්වි॒ශ්වද॑ර්​ශතෝ ජ්යෝති॒ෂ්කෘද॑සි සූර්ය ।
විශ්ව॒මා භා॑සි රෝච॒නම් ॥ 10॥

තත්සූර්ය॑ස්ය දේව॒ත්ව-න්තන්ම॑හි॒ත්ව-ම්ම॒ධ්යා කර්තෝ॒ර්විත॑ත॒ග්​ම් ස-ඤ්ජ॑භාර ।
ය॒දේදයු॑ක්ත හ॒රිත॑-ස්ස॒ධස්ථා॒දාද්රාත්රී॒ වාස॑ස්තනුතේ සි॒මස්මෛ॑ ॥ 11॥

තන්මි॒ත්රස්ය॒ වරු॑ණස්යාභි॒චක්ෂේ॒ සූර්යෝ॑ රූ॒ප-ඞ්කෘ॑ණුතේ॒ ද්යෝරු॒පස්ථේ॑ ।
අ॒න॒න්තම॒න්යද්රුශ॑දස්ය॒ පාජඃ॑ කෘ॒ෂ්ණම॒න්යද්ධ॒රිත॒-ස්ස-ම්භ॑රන්ති ॥ 12॥

බණ්ම॒හා.ණ2 ॥ අ॑සි සූර්ය॒ බඩා॑දිත්ය ම॒හා.ණ2 ॥ අ॑සි ।
ම॒හස්තේ॑ ස॒තෝ ම॑හි॒මා ප॑නස්යතේ॒-ऽද්ධා දේ॑ව ම॒හා.ණ2 ॥ අ॑සි ॥ 13॥

බට් සූ॑ර්ය॒ ශ්රව॑සා ම॒හා.ණ2 ॥ අ॑සි . ස॒ත්රා දේ॑ව ම॒හා.ණ2 ॥ අ॑සි ।
ම॒හ්නා දේ॒වානා॑මසු॒ර්යඃ॒ පු॒රෝහි॑තෝ වි॒භු ජ්යෝති॒රදා॑භ්යම් ॥ 14॥

ශ්රාය॑න්ත ඉව॒ සූර්යං॒ විශ්වේදින්ද්ර॑ස්ය භක්ෂත ।
වසූ॑නි ජා॒තේ ජන॑මාන॒ ඕජ॑සා॒ ප්රති॑ භා॒ග-න්න දී॑ධිම ॥ 15॥

අ॒ද්යා දේ॑වා॒ උදි॑තා॒ සූර්ය॑ස්ය॒ නිරග්​ම්හ॑සඃ පිපෘ॒තා නිර॑ව॒ද්යාත් ।
තන්නෝ॑ මි॒ත්රෝ වරු॑ණෝ මාමහන්තා॒මදි॑ති॒-ස්සින්ධුඃ॑ පෘථි॒වී උ॒ත ද්යෞඃ ॥ 16॥

ආ කෘ॒ෂ්ණේන॒ රජ॑සා॒ වර්ත॑මානෝ නිවේ॒ශය॑න්න॒මෘතං॒ මර්ත්යං॑ ච ।
හි॒ර॒ණ්යයේ॑න සවි॒තා රථේ॒නා දේ॒වෝ යා॑ති॒ භුව॑නානි॒ පශ්ය॑න් ॥ 17॥

ඉති රුද්රේ චතුර්ථෝ-ऽධ්යායඃ ॥ 4॥

6. පඤ්චමෝऽධ්යායඃ – රුද්ර සූක්තම් (නීල සූක්තම්)

හරිඃ॑ ඕං
නම॑ස්තේ රුද්ර ම॒න්යව॑ උ॒තෝ ත॒ ඉෂ॑වේ॒ නමඃ॑ ।
බා॒හුභ්යා॑මු॒ත තේ॒ නමඃ॑ ॥ 1॥

යා තේ॑ රුද්ර ශි॒වා ත॒නූරඝෝ॒රා-ऽපා॑පකාශිනී ।
තයා॑ නස්ත॒න්වා ශන්ත॑මයා॒ ගිරි॑ශන්තා॒භි චා॑කශීහි ॥ 2॥

යාමිෂුං॑ ගිරිශන්ත॒ හස්තේ॑ බි॒භර්​ෂ්යස්ත॑වේ ।
ශි॒වා-ඞ්ගි॑රිත්ර॒ තා-ඞ්කු॑රු॒ මා හි॑ග්​ම්සීඃ॒ පුරු॑ෂං॒ ජග॑ත් ॥ 3॥

ශි॒වේන॒ වච॑සා ත්වා ගිරි॒ශා-ऽච්ඡා॑වදාමසි ।
යථා॑ න॒-ස්සර්ව॒මිජ්ජග॑දය॒ක්ෂ්මග්​ම් සු॒මනා॒ අස॑ත් ॥ 4॥

අධ්ය॑වෝචදධිව॒ක්තා ප්ර॑ථ॒මෝ දෛව්යෝ॑ භි॒ෂක් ।
අහී॑ග්​ම්ශ්ච॒ සර්වා॑ඤ්ජ॒ම්භය॒න්ත්සර්වා॑ශ්ච යාතුධා॒න්යෝ॒-ऽධ॒රාචීඃ॒ පරා॑සුව ॥ 5॥

අසෞ॒ යස්තා॒ම්රෝ අ॑රු॒ණ උ॒ත බ॒භ්රු-ස්සු॑ම॒ඞ්ගලඃ॑ ।
යේ චෛ॑නග්​ම් රු॒ද්රා අ॒භිතෝ॑ දි॒ක්ෂු ශ්රි॒තා-ස්ස॑හස්ර॒ශෝ-ऽවෛ॑ෂා॒ග්​ම් හේඩ॑ ඊමහේ ॥ 6॥

අසෞ॒ යෝ॑-ऽව॒සර්ප॑ති॒ නීල॑ග්රීවෝ॒ විලෝ॑හිතඃ ।
උ॒තෛනං॑ ගෝ॒පා අ॑දෘශ්ර॒න්නදෘ॑ශ්රන්නුදහා॒ර්ය-ස්ස දෘ॒ෂ්ටෝ මෘ॑ඩයාති නඃ ॥ 7॥

නමෝ॑-ऽස්තු॒ නීල॑ග්රීවාය සහස්රා॒ක්ෂාය॑ මී॒ඪුෂේ॑ ।
අථෝ॒ යේ අ॑ස්ය॒ සත්වා॑නෝ॒-ऽහ-න්තේභ්යෝ॑-ऽකරං॒ නමඃ॑ ॥ 8॥

ප්රමු॑ඤ්ච॒ ධන්ව॑න॒ස්ත්වමු॒භයෝ॒රාර්ත්න්යෝ॒ර්ජ්යාම් ।
යාශ්ච॑ තේ॒ හස්ත॒ ඉෂ॑වඃ॒ පරා॒ තා භ॑ගවෝ වප ॥ 9॥

විජ්යං॒ ධනුඃ॑ කප॒ර්දිනෝ॒ විශ॑ල්යෝ॒ බාණ॑වා.ණ2 ॥ උ॒ත ।
අනේ॑ශන්නස්ය॒ යා ඉෂ॑ව ආ॒භුර॑ස්ය නිෂඞ්ග॒ධිඃ ॥ 10॥

යා තේ॑ හේ॒තිර්මී॑ඪුෂ්ටම॒ හස්තේ॑ බ॒භූව॑ තේ॒ ධනුඃ॑ ।
තයා॒ස්මාන්වි॒ශ්වත॒ස්ත්වම॑ය॒ක්ෂ්මයා॒ පරි॑භුජ ॥ 11॥

පරි॑ තේ॒ ධන්ව॑නෝ හේ॒තිර॒ස්මාන්වෘ॑ණක්තු වි॒ශ්වතඃ॑ ।
අථෝ॒ ය ඉ॑ෂු॒ධිස්තවා॒රේ අ॒ස්මන්නිධේ॑හි॒ තම් ॥ 12॥

අ॒ව॒තත්ය॒ ධනු॒ෂ්ට්වග්​ම් සහ॑ස්රාක්ෂ॒ ශතේ॑ෂුධේ ।
නි॒ශීර්ය॑ ශ॒ල්යානාං॒ මුඛා॑ ශි॒වෝ න॑-ස්සු॒මනා॑ භව ॥ 13॥

නම॑ස්ත॒ ආයු॑ධා॒යානා॑තතාය ධෘ॒ෂ්ණවේ॑ ।
උ॒භාභ්යා॑මු॒ත තේ॒ නමෝ॑ බා॒හුභ්යාං॒ තව॒ ධන්ව॑නේ ॥ 14॥

මා නෝ॑ ම॒හාන්ත॑මු॒ත මා නෝ॑ අර්භ॒ක-ම්මා න॒ උක්ෂ॑න්තමු॒ත මා න॑ උක්ෂි॒තම් ।
මා නෝ॑ වධීඃ පි॒තරං॒ මෝත॑ මා॒තරං॒ මා නඃ॑ ප්රි॒යාස්ත॒න්වෝ॒ රුද්ර රීරිෂඃ ॥ 15॥

මා න॑ස්තෝ॒කේ තන॑යේ॒ මා න॒ ආයු॑ෂි॒ මා නෝ॒ ගෝෂු॒ මා නෝ॒ අශ්වේ॑ෂු රීරිෂඃ ।
මා නෝ॑ වී॒රා-න්රු॑ද්ර භා॒මිනෝ॑ වධීර්​හ॒විෂ්ම॑න්ත॒-ස්සද॒මිත්ත්වා॑ හවාමහේ ॥ 16॥

නමෝ॒ හිර॑ණ්යබාහවේ සේනා॒න්යේ॒ දි॒ශා-ඤ්ච॒ පත॑යේ॒ නමෝ॒
නමෝ॑ වෘ॒ක්ෂේභ්යෝ॒ හරි॑කේශේභ්යඃ පශූ॒නා-ම්පත॑යේ॒ නමෝ॒
නම॑-ශ්ශ॒ෂ්පිඤ්ජ॑රාය॒ ත්විෂී॑මතේ පථී॒නා-ම්පත॑යේ॒ නමෝ॒
නමෝ॒ හරි॑කේශායෝපවී॒තිනේ॑ පු॒ෂ්ටානාං॒ පත॑යේ॒ නමඃ॑ ॥ 17॥

නමෝ॑ බභ්ලු॒ශාය॑ ව්යා॒ධිනේ-ऽන්නා॑නාං॒ පත॑යේ॒ නමෝ॒
නමෝ॑ භ॒වස්ය॑ හේත්යෛ॒ ජග॑තාං॒ පත॑යේ॒ නමෝ॒
නමෝ॑ රු॒ද්රායා॑තතා॒යිනේ॒ ක්ෂේත්රා॑ණාං॒ පත॑යේ॒ නමෝ॒
නම॑-ස්සූ॒තායාහ॑න්ත්යෛ॒ වනා॑නාං॒ පත॑යේ॒ නමඃ॑ ॥ 18॥

නමෝ॒ රෝහි॑තාය ස්ථ॒පත॑යේ වෘ॒ක්ෂාණාං॒ පත॑යේ॒ නමෝ॒
නමෝ॑ භුව॒න්තයේ॑ වාරිවස්කෘ॒තායෞෂ॑ධීනාං॒ පත॑යේ॒ නමෝ॒
නමෝ॑ ම॒න්ත්රිණේ॑ වාණි॒ජාය॒ කක්ෂා॑ණාං॒ පත॑යේ॒ නමෝ॒
නම॑ උ॒ච්චෛර්ඝෝ॑ෂායාක්ර॒න්දය॑තේ පත්තී॒නා-ම්පත॑යේ॒ නමඃ॑ ॥ 19॥

නමඃ॑ කෘත්ස්නාය॒තයා॒ ධාව॑තේ॒ සත්ව॑නාං॒ පත॑යේ॒ නමෝ॒
නම॒-ස්සහ॑මානාය නිව්යා॒ධින॑ ආව්යා॒ධිනී॑නාං॒ පත॑යේ॒ නමෝ॒
නමෝ॑ නිෂ॒ඞ්ගිණේ॑ කකු॒භාය॑ ස්තේ॒නානාං॒ පත॑යේ॒ නමෝ॒
නමෝ॑ නිචේ॒රවේ॑ පරිච॒රායාර॑ණ්යානාං॒ පත॑යේ॒ නමඃ॑ ॥ 20॥

නමෝ॒ වඤ්ච॑තේ පරි॒වඤ්ච॑තේ ස්තායූ॒නා-ම්පත॑යේ॒ නමෝ॒
නමෝ॑ නිෂ॒ඞ්ගිණ॑ ඉෂුධි॒මතේ॒ තස්ක॑රාණාං॒ පත॑යේ॒ නමෝ॒
නම॑-ස්සෘකා॒යිභ්යෝ॒ ජිඝා॑ග්​ම්සද්භ්යෝ මුෂ්ණ॒තා-ම්පත॑යේ॒ නමෝ॒
නමෝ॑-ऽසි॒මද්භ්යෝ॒ නක්ත॒ඤ්චර॑ද්භ්යෝ විකෘ॒න්තානාං॒ පත॑යේ॒ නමඃ॑ ॥ 21॥

නම॑ උෂ්ණී॒ෂිණේ॑ ගිරිච॒රාය॑ කුලු॒ඤ්චානාං॒ පත॑යේ॒ නමෝ॒
නම॑ ඉෂු॒මද්භ්යෝ॑ ධන්වා॒යිභ්ය॑ශ්ච වෝ॒ නමෝ॒
නම॑ ආතන්වා॒නේභ්යඃ॑ ප්රති॒දධා॑නේභ්යශ්ච වෝ॒ නමෝ॒
නම॑ ආ॒යච්ඡ॒ද්භ්යෝ-ऽස්ය॑ද්භ්යශ්ච වෝ॒ නමඃ॑ ॥ 22॥

නමෝ॑ විසෘ॒ජද්භ්යෝ॒ විධ්ය॑ද්භ්යශ්ච වෝ॒ නමෝ॒
නම॑-ස්ස්ව॒පද්භ්යෝ॒ ජාග්ර॑ද්භ්යශ්ච වෝ॒ නමෝ॒
නම॒-ශ්ශයා॑නේභ්ය॒ ආසී॑නේභ්යශ්ච වෝ॒ නමෝ॒
නම॒ස්තිෂ්ඨ॑ද්භ්යෝ॒ ධාව॑ද්භ්යශ්ච වෝ॒ නමඃ॑ ॥ 23॥

නම॑-ස්ස॒භාභ්ය॑-ස්ස॒භාප॑තිභ්යශ්ච වෝ॒ නමෝ॒
නමෝ-ऽශ්වේ॒භ්යෝ-ऽශ්ව॑පතිභ්යශ්ච වෝ॒ නමෝ॒
නම॑ ආව්යා॒ධිනී॑භ්යෝ වි॒විධ්ය॑න්තීභ්යශ්ච වෝ॒ නමෝ॒
නම॒ උග॑ණාභ්යස්තෘග්​ම්හ॒තීභ්ය॑ශ්ච වෝ॒ නමඃ॑ ॥ 24॥

නමෝ॑ ග॒ණේභ්යෝ॑ ග॒ණප॑තිභ්යශ්ච වෝ॒ නමෝ॒
නමෝ॒ ව්රාතේ॑භ්යෝ॒ ව්රාත॑පතිභ්යශ්ච වෝ॒ නමෝ॒
නමෝ॒ ගෘත්සේ॑භ්යෝ॒ ගෘත්ස॑පතිභ්යශ්ච වෝ॒ නමෝ॒
නමෝ॒ විරූ॑පේභ්යෝ වි॒ශ්වරූ॑පේභ්යශ්ච වෝ॒ නමඃ॑ ॥ 25॥

නම॒-ස්සේනා॑භ්ය-ස්සේනා॒නිභ්ය॑ශ්ච වෝ॒ නමෝ॒
නමෝ॑ ර॒ථිභ්යෝ॑ අර॒ථේභ්ය॑ශ්ච වෝ॒ නමෝ॒
නමඃ॑, ක්ෂ॒ත්තෘභ්ය॑-ස්සඞ්ග්රහී॒තෘභ්ය॑ශ්ච වෝ॒ නමෝ॒
නමෝ॑ ම॒හද්භ්යෝ॑ අර්භ॒කේභ්ය॑ශ්ච වෝ॒ නමඃ॑ ॥ 26॥

නම॒ස්තක්ෂ॑භ්යෝ රථකා॒රේභ්ය॑ශ්ච වෝ॒ නමෝ॒
නමඃ॒ කුලා॑ලේභ්යඃ ක॒ර්මාරේ॑භ්යශ්ච වෝ॒ නමෝ॒
නමෝ॑ නිෂා॒දේභ්යඃ॑ පු॒ඤ්ජිෂ්ටේ॑භ්යශ්ච වෝ॒ නමෝ॒
නම॑-ශ්ශ්ව॒නිභ්යෝ॑ මෘග॒යුභ්ය॑ශ්ච වෝ॒ නමඃ॑ ॥ 27॥

නම॒-ශ්ශ්වභ්ය॒-ශ්ශ්වප॑තිභ්යශ්ච වෝ॒ නමෝ॒
නමෝ॑ භ॒වාය॑ ච රු॒ද්රාය॑ ච॒
නම॑-ශ්ශ॒ර්වාය॑ ච පශු॒පත॑යේ ච॒
නමෝ॒ නීල॑ග්රීවාය ච ශිති॒කණ්ඨා॑ය ච ॥ 28॥

නමඃ॑ කප॒ර්දිනේ॑ ච॒ ව්යු॒ප්තකේශාය ච॒
නම॑-ස්සහස්රා॒ක්ෂාය॑ ච ශ॒තධ॑න්වනේ ච॒
නමෝ॑ ගිරිශ॒යාය॑ ච ශිපිවි॒ෂ්ටාය॑ ච॒
නමෝ॑ මී॒ඪුෂ්ට॑මාය॒ චේෂු॑මතේ ච ॥ 29॥

නමෝ॑ හ්ර॒ස්වාය॑ ච වාම॒නාය॑ ච॒
නමෝ॑ බෘහ॒තේ ච॒ වර්​ෂී॑යසේ ච॒
නමෝ॑ වෘ॒ද්ධාය॑ ච ස॒වෘධේ॑ ච॒
නමෝ-ऽග්ර්යා॑ය ච ප්රථ॒මාය॑ ච ॥ 30॥

නම॑ ආ॒ශවේ॑ චාජි॒රාය॑ ච॒
නම॒-ශ්ශීඝ්ර්යා॑ය ච॒ ශීභ්යා॑ය ච॒
නම॒ ඌර්ම්යා॑ය චාවස්ව॒න්යා॒ය ච॒
නමෝ॑ නාදේ॒යාය॑ ච॒ ද්වීප්යා॑ය ච ॥ 31॥

නමෝ॑ ජ්යේ॒ෂ්ඨාය॑ ච කනි॒ෂ්ඨාය॑ ච॒
නමඃ॑ පූර්ව॒ජාය॑ චාපර॒ජාය॑ ච॒
නමෝ॑ මධ්ය॒මාය॑ චාපග॒ල්භාය॑ ච॒
නමෝ॑ ජඝ॒න්යා॒ය ච බු॒ධ්න්යා॒ය ච ॥ 32॥

නම॒-ස්සෝභ්යා॑ය ච ප්රතිස॒ර්යා॒ය ච॒
නමෝ॒ යාම්යා॑ය ච॒ ක්ෂේම්යා॑ය ච॒
නම॒-ශ්ශ්ලෝක්යා॑ය චාවසා॒න්යා॒ය ච॒
නම॑ උර්ව॒ර්යා॒ය ච॒ ඛල්යා॑ය ච ॥ 33॥

නමෝ॒ වන්යා॑ය ච॒ කක්ෂ්යා॑ය ච॒
නම॑-ශ්ශ්ර॒වාය॑ ච ප්රතිශ්ර॒වාය॑ ච॒
නම॑ ආ॒ශුෂේ॑ණාය චා॒ශුර॑ථාය ච॒
නම॒-ශ්ශූරා॑ය චාවභේ॒දිනේ॑ ච ॥ 34॥

නමෝ॑ බි॒ල්මිනේ॑ ච කව॒චිනේ॑ ච॒
නමෝ॑ ව॒ර්මිණේ॑ ච වරූ॒ථිනේ॑ ච॒
නම॑-ශ්ශ්රු॒තාය॑ ච ශ්රුතසේ॒නාය॑ ච॒
නමෝ॑ දුන්දු॒භ්යා॒ය චාහන॒න්යා॒ය ච ॥ 35॥

නමෝ॑ ධෘ॒ෂ්ණවේ॑ ච ප්රමෘ॒ශාය॑ ච॒
නමෝ॑ නිෂ॒ඞ්ගිණේ॑ චේෂුධි॒මතේ॑ ච॒
නම॑ස්තී॒ක්ෂ්ණේෂ॑වේ චායු॒ධිනේ॑ ච॒
නම॑-ස්ස්වායු॒ධාය॑ ච සු॒ධන්ව॑නේ ච ॥ 36॥

නම॒-ස්ස්රුත්යා॑ය ච॒ පථ්යා॑ය ච॒
නමඃ॒ කාට්යා॑ය ච॒ නීප්යා॑ය ච॒
නමඃ॒ කුල්යා॑ය ච සර॒ස්යා॒ය ච॒
නමෝ॑ නාදේ॒යාය॑ ච වෛශ॒න්තාය॑ ච ॥ 37॥

නමඃ॒ කූප්යා॑ය චාව॒ට්යා॑ය ච॒
නමෝ॒ වීධ්ර්යා॑ය චාත॒ප්යා॒ය ච॒
නමෝ॒ මේඝ්යා॑ය ච විද්යු॒ත්යා॒ය ච॒
නමෝ॒ වර්​ෂ්යා॑ය චාව॒ර්​ෂ්යාය॑ ච ॥ 38॥

නමෝ॒ වාත්යා॑ය ච॒ රේෂ්ම්යා॑ය ච॒
නමෝ॑ වාස්ත॒ව්යා॒ය ච වාස්තු॒පාය॑ ච॒
නම॒-ස්සෝමා॑ය ච රු॒ද්රාය॑ ච॒
නම॑ස්තා॒ම්රාය॑ චාරු॒ණාය॑ ච ॥ 39॥

නම॑-ශ්ශ॒ඞ්ගවේ॑ ච පශු॒පත॑යේ ච॒
නම॑ උ॒ග්රාය॑ ච භී॒මාය॑ ච॒
නමෝ॑-ऽග්රේව॒ධාය॑ ච දූරේව॒ධාය॑ ච॒
නමෝ॑ හ॒න්ත්රේ ච॒ හනී॑යසේ ච॒
නමෝ॑ වෘ॒ක්ෂේභ්යෝ॒ හරි॑කේශේභ්යෝ॒ නම॑ස්තා॒රාය॑ ॥ 40॥

නම॑-ශ්ශම්භ॒වාය॑ ච මයෝභ॒වාය॑ ච॒
නම॑-ශ්ශඞ්ක॒රාය॑ ච මයස්ක॒රාය॑ ච॒
නම॑-ශ්ශි॒වාය॑ ච ශි॒වත॑රාය ච ॥ 41॥

නමඃ॒ පාර්යා॑ය චාවා॒ර්යා॒ය ච॒
නමඃ॑ ප්ර॒තර॑ණාය චෝ॒ත්තර॑ණාය ච॒
නම॒ස්තීර්ථ්යා॑ය ච॒ කූල්යා॑ය ච॒
නම॒-ශ්ශෂ්ප්යා॑ය ච॒ ඵේන්යා॑ය ච ॥ 42॥

නම॑-ස්සික॒ත්යා॒ය ච ප්රවා॒හ්යා॒ය ච॒
නමඃ॑ කිග්​ම්ශි॒ලාය॑ ච ක්ෂය॒ණාය॑ ච॒
නමඃ॑ කප॒ර්දිනේ॑ ච පුල॒ස්තයේ॑ ච॒
නම॑ ඉරි॒ණ්යා॒ය ච ප්රප॒ථ්යා॒ය ච ॥ 43॥

නමෝ॒ ව්රජ්යා॑ය ච॒ ගෝෂ්ඨ්යා॑ය ච॒
නම॒ස්තල්ප්යා॑ය ච॒ ගේහ්යා॑ය ච॒
නමෝ॑ හෘද॒ය්යා॒ය ච නිවේ॒ෂ්ප්යා॒ය ච॒
නමඃ॒ කාට්යා॑ය ච ගහ්වරේ॒ෂ්ඨාය॑ ච ॥ 44॥

නම॒-ශ්ශුෂ්ක්යා॑ය ච හරි॒ත්යා॒ය ච॒
නමඃ॑ පාග්​ම්ස॒ව්යා॒ය ච රජ॒ස්යා॒ය ච॒
නමෝ॒ ලෝප්යා॑ය චෝල॒ප්යා॒ය ච॒
නම॒ ඌර්ව්යා॑ය ච॒ සූර්ව්යා॑ය ච ॥ 45॥

නමඃ॑ ප॒ර්ණාය॑ ච පර්ණශ॒දාය॑ ච॒
නම॑ උද්ගු॒රමා॑ණාය චාභිඝ්න॒තේ ච॒
නම॑ ආඛිද॒තේ ච॑ ප්රඛිද॒තේ ච॒
නමඃ॑ ඉෂු॒කෘද්භ්යෝ॑ ධනු॒ෂ්කෘද්භ්ය॑ශ්ච වෝ॒ නමෝ॒
නමෝ॑ වඃ කිරි॒කේභ්යෝ॑ දේ॒වානා॒ග්​ම් හෘද॑යේභ්යෝ॒ නමෝ॑
විචින්ව॒ත්කේභ්යෝ॒ නමෝ॑ වික්ෂිණ॒ත්කේභ්යෝ॒ නම॑ ආනිර්​හ॒තේභ්යඃ॑ ॥ 46॥

ද්රාපේ॒ අන්ධ॑සස්පතේ॒ දරි॑ද්රං॒ නීල॑ලෝහිත ।
ආ॒සා-ම්ප්ර॒ජානා॑මේ॒ෂා-ම්ප॑ශූ॒නා-ම්මා භේ॒ර්මා රෝඞ්භෝ ච॑ නඃ॒ කිඤ්ච॒නාම॑මත් ॥ 47॥

ඉ॒මා රු॒ද්රාය॑ ත॒වසේ॑ කප॒ර්දිනේ॑ ක්ෂ॒යද්වී॑රාය॒ ප්රභ॑රාමහේ ම॒තීඃ ।
යථා॒ ශමස॑ද්ද්වි॒පදේ॒ චතු॑ෂ්පදේ॒ විශ්වං॑ පු॒ෂ්ට-ඞ්ග්රාමේ॑ අ॒ස්මින්න॑නාතු॒රම් ॥ 48॥

යා තේ॑ රුද්ර ශි॒වා ත॒නූ-ශ්ශි॒වා වි॒ශ්වාහා॑ භේෂ॒ජී ।
ශි॒වා රු॒තස්ය॑ භේෂ॒ජී තයා॑ නෝ මෘඩ ජී॒වසේ॑ ॥ 49॥

පරි॑ නෝ රු॒ද්රස්ය॑ හේ॒තිර්වෘ॑ණක්තු॒ පරි॑ ත්වේ॒ෂස්ය॑ දුර්ම॒තිර॑ඝා॒යෝඃ ।
අව॑ ස්ථි॒රා ම॒ඝව॑ද්භ්යස්තනුෂ්ව॒ මීඪ්ව॑ස්තෝ॒කාය॒ තන॑යාය මෘඩ ॥ 50॥

මීඪු॑ෂ්ටම॒ ශිව॑තම ශි॒වෝ න॑-ස්සු॒මනා॑ භව ।
ප॒ර॒මේ වෘ॒ක්ෂ ආයු॑ධ-න්නි॒ධාය॒ කෘත්තිං॒ වසා॑න॒ ආච॑ර॒ පිනා॑කං॒ බිභ්ර॒දාග॑හි ॥ 51॥

විකි॑රිද්ර॒ විලෝ॑හිත॒ නම॑ස්තේ අස්තු භගවඃ ।
යාස්තේ॑ ස॒හස්ර॑ග්​ම් හේ॒තයෝ॒-ऽන්යම॒ස්මන්නිව॑පන්තු॒ තාඃ ॥ 52॥

ස॒හස්රා॑ණි සහස්ර॒ශෝ බා॒හ්වෝස්තව॑ හේ॒තයඃ॑ ।
තාසා॒මීශා॑නෝ භගවඃ පරා॒චීනා॒ මුඛා॑ කෘධි ॥ 53॥

අසං॑ඛ්යාතා ස॒හස්රා॑ණි॒ යේ රු॒ද්රා අධි॒ භූම්යා॑ම් ।
තේෂා॑ග්​ම් සහස්රයෝජ॒නේ-ऽව॒ ධන්වා॑නි තන්මසි ॥ 54॥

අ॒ස්මින්ම॑හ॒ත්ය॒ර්ණ॒වේ-ऽන්තරි॑ක්ෂේ භ॒වා අධි॑ ।
තේෂා॑ග්​ම් සහස්රයෝජ॒නේ-ऽව॒ ධන්වා॑නි තන්මසි ॥ 55॥

නීල॑ග්රීවා-ශ්ශිති॒කණ්ඨා॒ දිව॑ග්​ම් රු॒ද්රා උප॑ශ්රිතාඃ ।
තේෂා॑ග්​ම් සහස්රයෝජ॒නේ-ऽව॒ ධන්වා॑නි තන්මසි ॥ 56॥

නීල॑ග්රීවා-ශ්ශිති॒කණ්ඨා॑-ශ්ශ॒ර්වා අ॒ධඃ, ක්ෂ॑මාච॒රාඃ ।
තේෂා॑ග්​ම් සහස්රයෝජ॒නේ-ऽව॒ ධන්වා॑නි තන්මසි ॥ 57॥

යේ වෘ॒ක්ෂේෂු॑ ශ॒ෂ්පිඤ්ජ॑රා॒ නීල॑ග්රීවා॒ විලෝ॑හිතාඃ ।
තේෂා॑ග්​ම් සහස්රයෝජ॒නේ-ऽව॒ ධන්වා॑නි තන්මසි ॥ 58॥

යේ භූ॒තානා॒මධි॑පතයෝ විශි॒ඛාසඃ॑ කප॒ර්දිනඃ॑ ।
තේෂා॑ග්​ම් සහස්රයෝජ॒නේ-ऽව॒ ධන්වා॑නි තන්මසි ॥ 59॥

යේ ප॒ථා-ම්ප॑ථි॒රක්ෂ॑ය ඓලබෘ॒දා ආ॑යු॒ර්යුධඃ॑ ।
තේෂා॑ග්​ම් සහස්රයෝජ॒නේ-ऽව॒ ධන්වා॑නි තන්මසි ॥ 60॥

යේ තී॒ර්ථානි॑ ප්ර॒චර॑න්ති සෘ॒කාහ॑ස්තා නිෂ॒ඞ්ගිණඃ॑ ।
තේෂා॑ග්​ම් සහස්රයෝජ॒නේ-ऽව॒ ධන්වා॑නි තන්මසි ॥ 61॥

යේ-ऽන්නේ॑ෂු වි॒විධ්ය॑න්ති॒ පාත්රේ॑ෂු॒ පිබ॑තෝ॒ ජනා॑න් ।
තේෂා॑ග්​ම් සහස්රයෝජ॒නේ-ऽව॒ ධන්වා॑නි තන්මසි ॥ 62॥

ය ඒ॒තාව॑න්තශ්ච॒ භූයා॑ග්​ම්සශ්ච॒ දිශෝ॑ රු॒ද්රා වි॑තස්ථි॒රේ ।
තේෂා॑ග්​ම් සහස්රයෝජ॒නේ-ऽව॒ ධන්වා॑නි තන්මසි ॥ 63॥

නමෝ॑-ऽස්තු රු॒ද්රේභ්යෝ॒ යේ දි॒වි යේෂාං॑ ව॒ර්​ෂමිෂ॑වස්තේභ්යෝ॒
දශ॒ ප්රාචී॒ර්දශ॑ දක්ෂි॒ණා දශ॑ ප්ර॒තීචී॒ර්දශෝදී॑චී॒ර්දශෝ॒ර්ධ්වාස්තේභ්යෝ॒
නමෝ॑ අස්තු॒ තේ නෝ॑-ऽවන්තු॒ තේ නෝ॑ මෘඩයන්තු॒ තේ යං
ද්වි॒ෂ්මෝ යශ්ච॑ නෝ॒ ද්වේෂ්ටි॒ තමේ॑ෂාං॒ ජම්භේ॑ දධ්මඃ ॥ 64॥

නමෝ॑-ऽස්තු රු॒ද්රේභ්යෝ॒ යේ-ऽන්තරි॑ක්ෂේ॒ යේෂාං॒ වාත॒ ඉෂ॑වස්තේභ්යෝ॒
දශ॒ ප්රාචී॒ර්දශ॑ දක්ෂි॒ණා දශ॑ ප්ර॒තීචී॒ර්දශෝදී॑චී॒ර්දශෝ॒ර්ධ්වාස්තේභ්යෝ॒
නමෝ॑ අස්තු॒ තේ නෝ॑-ऽවන්තු॒ තේ නෝ॑ මෘඩයන්තු॒ තේ යං
ද්වි॒ෂ්මෝ යශ්ච॑ නෝ॒ ද්වේෂ්ටි॒ තමේ॑ෂාං॒ ජම්භේ॑ දධ්මඃ ॥ 65॥

නමෝ॑-ऽස්තු රු॒ද්රේභ්යෝ॒ යේ පෘ॑ථි॒ව්යාං-යේඁෂා॒මන්න॒මිෂ॑වස්තේභ්යෝ॒
දශ॒ ප්රාචී॒ර්දශ॑ දක්ෂි॒ණා දශ॑ ප්ර॒තීචී॒ර්දශෝදී॑චී॒ර්දශෝ॒ර්ධ්වාස්තේභ්යෝ॒
නමෝ॑ අස්තු॒ තේ නෝ॑-ऽවන්තු॒ තේ නෝ॑ මෘඩයන්තු॒ තේ යං
ද්වි॒ෂ්මෝ යශ්ච॑ නෝ॒ ද්වේෂ්ටි॒ තමේ॑ෂාං॒ ජම්භේ॑ දධ්මඃ ॥ 66॥

ඉති රුද්රේ පඤ්චමෝ-ऽධ්යායඃ ॥ 5॥

7. ෂෂ්ඨෝऽධ්යායඃ – මහච්ඡිර, සෝම ස්තවන, ත්ර්යම්බක යජනම්

හරිඃ॑ ඕං
ව॒යග්​ම්සෝ॑ම ව්ර॒තේ තව॒ මන॑ස්ත॒නූෂු॒ බිභ්ර॑තඃ ।
ප්ර॒ජාව॑න්ත-ස්සචේමහි ॥ 1॥

ඒ॒ෂ තේ॑ රුද්ර භා॒ග-ස්ස॒හ ස්වස්රා-ऽම්බි॑කයා॒ ත-ඤ්ජු॑ෂස්ව॒ ස්වාහෛ॒ෂ තේ॑ රුද්ර භා॒ග ආ॒ඛුස්තේ॑ ප॒ශුඃ ॥ 2॥

අව॑ රු॒ද්රම॑දීම॒හ්යව॑ දේ॒ව-න්ත්ර්ය॑ම්බකම් ।
යථා॑ නෝ॒ වස්ය॑ස॒ස්කර॒ද්යථා॑ න॒-ශ්ශ්රේය॑ස॒ස්කර॒ද්යථා॑ නෝ ව්යවසා॒යයා॑ත් ॥ 3॥

භේ॒ෂ॒ජම॑සි භේෂ॒ජ-ඞ්ගවේ-ऽශ්වා॑ය॒ පුරු॑ෂාය භේෂ॒ජම් ।
සු॒ඛ-ම්මේ॒ෂාය॑ මේෂ්යෛ ॥ 4॥

ත්ර්ය॑ම්බකං-යඁජාමහේ සුග॒න්ධි-ම්පු॑ෂ්ටි॒වර්ධ॑නම් ।
උ॒ර්වා॒රු॒කමි॑ව॒ බන්ධ॑නාන්මෘ॒ත්යෝර්මු॑ක්ෂීය॒ මා-ऽමෘතා॑ත් ।
ත්ර්ය॑ම්බකං-යඁජාමහේ සුග॒න්ධි-ම්ප॑ති॒වේද॑නම් ।
උ॒ර්වා॒රු॒කමි॑ව॒ බන්ධ॑නාදි॒තෝ මු॑ක්ෂීය॒ මාමුතඃ॑ ॥ 5॥

ඒ॒තත්තේ॑ රුද්රාව॒ස-න්තේන॑ ප॒රෝ මූජ॑ව॒තෝ-ऽතී॑හි ।
අව॑තතධන්වා॒ පිනා॑කාවසඃ॒ කෘත්ති॑වාසා॒ අහි॑ග්​ම්සන්න-ශ්ශි॒වෝ-ऽතී॑හි ॥ 6॥

ත්ර්යා॑යු॒ෂ-ඤ්ජ॒මද॑ග්නේඃ ක॒ශ්යප॑ස්ය ත්ර්යායු॒ෂම් ।
යද්දේ॒වේෂු॑ ත්ර්යායු॒ෂ-න්තන්නෝ॑ අස්තු ත්ර්යායු॒ෂම් ॥ 7॥

ශි॒වෝ නාමා॑සි॒ ස්වධි॑තිස්තේ පි॒තා නම॑ස්තේ අස්තු॒ මා මා॑ හිග්​ම්සීඃ ।
නිව॑ර්තයාම්යායු॑ෂේ॒-ऽන්නාද්යා॑ය॒ ප්රජන॑නාය රා॒යස්පෝෂා॑ය සුප්රජා॒ස්ත්වාය॑ සු॒වීර්යා॑ය ॥ 8॥

ඉති රුද්රේ ෂෂ්ඨෝ-ऽධ්යායඃ ॥ 6॥

8. සප්තමෝऽධ්යායඃ – ජටාऽධ්යායඃ

හරිඃ॑ ඕං
උ॒ග්රශ්ච॑ භී॒මශ්ච॒ ධ්වා॒න්තශ්ච॒ ධුනි॑ශ්ච ।
සා॒ස॒හ්වාංශ්චා॑භියු॒ග්වා ච॑ වි॒ක්ෂිප॒-ස්ස්වාහා॑ ॥ 1॥

අ॒ග්නිග්​ම් හෘද॑යේනා॒ශනි॑ග්​ම් හෘදයා॒ග්රේණ॑ පශු॒පතිං॑ කෘත්ස්න॒හෘද॑යේන භ॒වං-යඁ॒ක්නා ।
ශ॒ර්ව-ම්මත॑ස්නාභ්යා॒මීශා॑න-ම්ම॒න්යුනා॑ මහාදේ॒වම॑න්තඃ පර්​ශ॒ව්යේනෝ॒ග්රං
දේ॒වං-වඁ ॑නි॒ෂ්ඨුනා॑ වසිෂ්ඨ॒හනුඃ॒ ශිඞ්ගී॑නි කෝ॒ශ්යාභ්යා॑ම් ॥ 2॥

උ॒ග්රං-ල්ලෝඁහි॑තේන මි॒ත්රග්​ම් සෞ॑ව්රත්යේන රු॒ද්ර-න්දෞර්ව්ර॑ත්යේ॒නේන්ද්රං॑ ප්රක්රී॒ඩේන॑ ම॒රුතෝ॒ බලේ॑න සා॒ධ්යාන්ප්ර॒මුදා॑ ।
භ॒වස්ය॒ කණ්ඨ්ය॑ග්​ම් රු॒ද්රස්යා॑න්තඃ පා॒ර්​ශ්ව්ය-ම්ම॑හාදේ॒වස්ය॒ යකෘ॑ච්ඡ॒ර්වස්ය॑ වනි॒ෂ්ඨුඃ ප॑ශු॒පතේඃ॑ පුරී॒තත් ॥ 3॥

ලෝම॑භ්ය॒-ස්ස්වාහා॒ ලෝම॑භ්ය॒-ස්ස්වාහා॑ ත්ව॒චේ ස්වාහා॑ ත්ව॒චේ ස්වාහා॒
ලෝහි॑තාය॒ ස්වාහා॒ ලෝහි॑තාය॒ ස්වාහා॒ මේදෝ॑භ්ය॒-ස්ස්වාහා॒ මේදෝ॑භ්ය॒-ස්ස්වාහා॑ ।
මා॒ග්​ම්සේභ්ය॒-ස්ස්වාහා॑ මා॒ග්​ම්සේභ්ය॒-ස්ස්වාහා॒ ස්නාව॑භ්ය॒-ස්ස්වාහා॒ ස්නාව॑භ්ය॒-ස්ස්වාහා॒
අස්ථභ්ය॒-ස්ස්වාහා॒ අස්ථභ්ය॒-ස්ස්වාහා॑ ම॒ජ්ජභ්ය॒-ස්ස්වාහා॑ ම॒ජ්ජභ්ය॒-ස්ස්වාහා॑ ।
රේත॑සේ॒ ස්වාහා॑ පා॒යවේ॒ ස්වාහා॑ ॥ 4॥

ආ॒යා॒සාය॒ ස්වාහා॑ ප්රායා॒සාය॒ ස්වාහා॑ සං​යාඁ॒සාය॒ ස්වාහා॑ වියා॒සාය॒ ස්වාහෝ॑ද්යා॒සාය॒ ස්වාහා॑ ।
ශු॒චේ ස්වාහා॒ ශෝච॑තේ॒ ස්වාහා॒ ශෝච॑මානාය॒ ස්වාහා॒ ශෝකා॑ය॒ ස්වාහා॑ ॥ 5॥

තප॑සේ॒ ස්වාහා॒ තප්ය॑තේ॒ ස්වාහා॒ තප්ය॑මානාය॒ ස්වාහා॑ ත॒ප්තාය॒ ස්වාහා॑ ඝ॒ර්මාය॒ ස්වාහා॑ ।
නිෂ්කෘ॑ත්යෛ॒ ස්වාහා॒ ප්රාය॑ශ්චිත්ත්යෛ॒ ස්වාහා॑ භේෂ॒ජාය॒ ස්වාහා॑ ॥ 6॥

ය॒මාය॒ ස්වාහාන්ත॑කාය॒ ස්වාහා॑ මෘ॒ත්යවේ॒ ස්වාහා॒ බ්රහ්ම॑ණේ॒ ස්වාහා॑ බ්රහ්මහ॒ත්යායෛ॒ ස්වාහා॒ ।
විශ්වේ॑භ්යෝ දේ॒වේභ්ය॒-ස්ස්වාහා॒ ද්යාවා॑පෘථි॒වීභ්යා॒ග්​ම් ස්වාහා॑ ॥ 7॥

ඉති රුද්රේ සප්තමෝ-ऽධ්යායඃ ॥ 7॥

9. අෂ්ටමෝऽධ්යායඃ – චමක ප්රශ්නඃ

(චමකප්රශ්නඃ ।)
හරිඃ॑ ඕං
වාජ॑ශ්ච මේ ප්රස॒වශ්ච॑ මේ॒ ප්රය॑තිශ්ච මේ॒ ප්රසි॑තිශ්ච මේ
ධී॒තිශ්ච॑ මේ॒ ක්රතු॑ශ්ච මේ॒ ස්වර॑ශ්ච මේ॒ ශ්ලෝක॑ශ්ච මේ
ශ්ර॒වශ්ච॑ මේ॒ ශ්රුති॑ශ්ච මේ॒ ජ්යෝති॑ශ්ච මේ॒ ස්ව॒ශ්ච මේ
ය॒ජ්ඤේන॑ කල්පන්තාම් ॥ 1॥

ප්රා॒ණශ්ච॑ මේ-ऽපා॒නශ්ච॑ මේ ව්යා॒නශ්ච॒ මේ-ऽසු॑ශ්ච මේ
චි॒ත්ත-ඤ්ච॑ ම॒ ආධී॑ත-ඤ්ච මේ॒ වාක්ච॑ මේ॒ මන॑ශ්ච මේ॒
චක්ෂු॑ශ්ච මේ॒ ශ්රෝත්රං॑ ච මේ॒ දක්ෂ॑ශ්ච මේ॒ බලං॑ ච මේ
ය॒ජ්ඤේන॑ කල්පන්තාම් ॥ 2॥

ඕජ॑ශ්ච මේ॒ සහ॑ශ්ච ම ආ॒ත්මා ච॑ මේ ත॒නූශ්ච॑ මේ॒
ශර්ම॑ ච මේ॒ වර්ම॑ ච॒ මේ-ऽඞ්ගා॑නි ච॒ මේ-ऽස්ථී॑නි ච මේ॒
පරූ॑ග්​ම්ෂි ච මේ॒ ශරී॑රාණි ච ම॒ ආයු॑ශ්ච මේ ජ॒රා ච॑ මේ
ය॒ජ්ඤේන॑ කල්පන්තාම් ॥ 3॥

ජ්යෛ॑ෂ්ඨ්ය-ඤ්ච ම ආධි॑පත්ය-ඤ්ච මේ ම॒න්යුශ්ච॑ මේ॒ භාම॑ශ්ච॒ මේ-ऽම॑ශ්ච॒ මේ-ऽම්භ॑ශ්ච මේ
ජේ॒මා ච॑ මේ මහි॒මා ච॑ මේ වරි॒මා ච॑ මේ ප්රථි॒මා ච॑ මේ
වර්​ෂි॒මා ච॑ මේ ද්රාඝි॒මා ච॑ මේ වෘ॒ද්ධ-ඤ්ච॑ මේ॒ වෘද්ධි॑ශ්ච මේ
ය॒ජ්ඤේන॑ කල්පන්තාම් ॥ 4॥

ස॒ත්ය-ඤ්ච॑ මේ ශ්ර॒ද්ධා ච॑ මේ॒ ජග॑ච්ච මේ॒ ධනං॑ ච මේ॒
විශ්වං॑ ච මේ॒ මහ॑ශ්ච මේ ක්රී॒ඩා ච॑ මේ॒ මෝද॑ශ්ච මේ
ජා॒ත-ඤ්ච॑ මේ ජනි॒ෂ්යමා॑ණ-ඤ්ච මේ සූ॒ක්ත-ඤ්ච॑ මේ සුකෘ॒ත-ඤ්ච॑ මේ
ය॒ජ්ඤේන॑ කල්පන්තාම් ॥ 5॥

ඍ॒ත-ඤ්ච॑ මේ-ऽමෘතං॑ ච මේ-ऽය॒ක්ෂ්ම-ඤ්ච॒ මේ-ऽනා॑මයච්ච මේ
ජී॒වාතු॑ශ්ච මේ දීර්ඝායු॒ත්ව-ඤ්ච॑ මේ-ऽනමි॒ත්ර-ඤ්ච॒ මේ-ऽභ॑ය-ඤ්ච මේ
සු॒ඛ-ඤ්ච॑ මේ॒ ශය॑න-ඤ්ච මේ සූ॒ෂාශ්ච॑ මේ සු॒දිනං॑ ච මේ
ය॒ජ්ඤේන॑ කල්පන්තාම් ॥ 6॥

ය॒න්තා ච॑ මේ ධ॒ර්තා ච॑ මේ॒ ක්ෂේම॑ශ්ච මේ॒ ධෘති॑ශ්ච මේ॒
විශ්වං॑ ච මේ॒ මහ॑ශ්ච මේ සං॒විච්ච॑ මේ॒ ජ්ඤාත්රං॑ ච මේ॒
සූශ්ච॑ මේ ප්ර॒සූශච॒॑ මේ॒ සීරං॑ ච මේ॒ ලය॑ශ්ච මේ
ය॒ජ්ඤේන॑ කල්පන්තාම් ॥ 7॥

ශ-ඤ්ච॑ මේ॒ මය॑ශ්ච මේ ප්රි॒ය-ඤ්ච॑ මේ-ऽනුකා॒මශ්ච॑ මේ॒
කාම॑ශ්ච මේ සෞමන॒සශ්ච॑ මේ॒ භග॑ශ්ච මේ॒ ද්රවි॑ණ-ඤ්ච මේ
භ॒ද්ර-ඤ්ච॑ මේ॒ ශ්රේය॑ශ්ච මේ॒ වසී॑යශ්ච මේ॒ යශ॑ශ්ච මේ
ය॒ජ්ඤේන॑ කල්පන්තාම් ॥ 8॥

ඌර්ක්ච॑ මේ සූ॒නෘතා॑ ච මේ॒ පය॑ශ්ච මේ॒ රස॑ශ්ච මේ
ඝෘ॒ත-ඤ්ච॑ මේ॒ මධු॑ ච මේ॒ සග්ධි॑ශ්ච මේ॒ සපී॑තිශ්ච මේ
කෘ॒ෂිශ්ච॑ මේ॒ වෘෂ්ටි॑ශ්ච මේ॒ ජෛත්රං॑ ච ම॒ ඖද්භි॑ද්ය-ඤ්ච මේ
ය॒ජ්ඤේන॑ කල්පන්තාම් ॥ 9॥

ර॒යිශ්ච॑ මේ॒ රාය॑ශ්ච මේ පු॒ෂ්ට-ඤ්ච॑ මේ॒ පුෂ්ටි॑ශ්ච මේ
වි॒භු ච॑ මේ ප්ර॒භු ච॑ මේ පූ॒ර්ණ-ඤ්ච॑ මේ පූ॒ර්ණත॑ර-ඤ්ච මේ॒
කුය॑ව-ඤ්ච॒ මේ-ऽක්ෂි॑ත-ඤ්ච॒ මේ-ऽන්නං॑ ච॒ මේ-ऽක්ෂු॑ච්ච මේ
ය॒ජ්ඤේන॑ කල්පන්තාම් ॥ 10॥

වි॒ත්ත-ඤ්ච॑ මේ॒ වේද්යං॑ ච මේ භූ॒ත-ඤ්ච॑ මේ භවි॒ෂ්යච්ච॑ මේ
සු॒ග-ඤ්ච॑ මේ සුප॒ථ්යං॒ ච ම ඍ॒ද්ධ-ඤ්ච॑ ම॒ ඍද්ධි॑ශ්ච මේ
ක්ලෘ॒ප්ත-ඤ්ච॑ මේ॒ ක්ලෘප්ති॑ශ්ච මේ ම॒තිශ්ච॑ මේ සුම॒තිශ්ච॑ මේ
ය॒ජ්ඤේන॑ කල්පන්තාම් ॥ 11॥

ව්රී॒හය॑ශ්ච මේ॒ යවා॑ශ්ච මේ॒ මාෂා॑ශ්ච මේ॒ තිලා॑ශ්ච මේ
මු॒ද්රාශ්ච॑ මේ॒ ඛල්වා॑ශ්ච මේ ප්රි॒යඞ්ග॑වශ්ච॒ මේ-ऽණ॑වශ්ච මේ
ශ්යා॒මාකා॑ශ්ච මේ නී॒වාරා॑ශ්ච මේ ගෝ॒ධූමා॑ශ්ච මේ ම॒සූරා॑ශ්ච මේ
ය॒ජ්ඤේන॑ කල්පන්තාම් ॥ 12॥

අශ්මා॑ ච මේ॒ මෘත්ති॑කා ච මේ ගි॒රය॑ශ්ච මේ॒ පර්ව॑තාශ්ච මේ॒
සික॑තාශ්ච මේ॒ වන॒ස්පත॑යශ්ච මේ॒ හිර॑ණ්ය-ඤ්ච॒ මේ-ऽය॑ශ්ච මේ
ශ්යා॒ම-ඤ්ච॑ මේ ලෝ॒හ-ඤ්ච॑ මේ॒ සීසං॑ ච මේ॒ ත්රපු॑ ච මේ
ය॒ජ්ඤේන॑ කල්පන්තාම් ॥ 13॥

අ॒ග්නිශ්ච॑ ම॒ ආප॑ශ්ච මේ වී॒රුධ॑ශ්ච ම॒ ඕෂ॑ධයශ්ච මේ
කෘෂ්ටප॒ච්යාශ්ච॑ මේ-ऽකෘෂ්ටප॒ච්යාශ්ච॑ මේ ග්රා॒ම්යාශ්ච॑ මේ ප॒ශව॑ ආර॒ණ්යාශ්ච॑ මේ
වි॒ත්ත-ඤ්ච॑ මේ॒ විත්ති॑ශ්ච මේ භූ॒ත-ඤ්ච॑ මේ॒ භූති॑ශ්ච මේ
ය॒ජ්ඤේන॑ කල්පන්තාම් ॥ 14॥

වසු॑ ච මේ වස॒තිශ්ච॑ මේ॒ කර්ම॑ ච මේ॒
ශක්ති॑ශ්ච॒ මේ-ऽර්ථ॑ශ්ච ම॒ ඒම॑ශ්ච ම ඉ॒ත්යා ච॑ මේ॒ ගති॑ශ්ච මේ
ය॒ජ්ඤේන॑ කල්පන්තාම් ॥ 15॥

අ॒ග්නිශ්ච॑ ම॒ ඉන්ද්ර॑ශ්ච මේ॒ සෝම॑ශ්ච ම॒ ඉන්ද්ර॑ශ්ච මේ
සවි॒තා ච॑ ම॒ ඉන්ද්ර॑ශ්ච මේ॒ සර॑ස්වතී ච ම॒ ඉන්ද්ර॑ශ්ච මේ
පූ॒ෂා ච॑ ම॒ ඉන්ද්ර॑ශ්ච මේ॒ බෘහ॒ස්පති॑ශ්ච ම॒ ඉන්ද්ර॑ශ්ච මේ
ය॒ජ්ඤේන॑ කල්පන්තාම් ॥ 16॥

මි॒ත්රශ්ච॑ ම॒ ඉන්ද්ර॑ශ්ච මේ॒ වරු॑ණශ්ච ම॒ ඉන්ද්ර॑ශ්ච මේ
ධා॒තා ච॑ ම॒ ඉන්ද්ර॑ශ්ච මේ॒ ත්වෂ්ටා॑ ච ම॒ ඉන්ද්ර॑ශ්ච මේ
ම॒රුත॑ශ්ච ම॒ ඉන්ද්ර॑ශ්ච මේ॒ විශ්වේ॑ ච මේ දේ॒වා ඉන්ද්ර॑ශ්ච මේ
ය॒ජ්ඤේන॑ කල්පන්තාම් ॥ 17॥

පෘ॒ථි॒වී ච॑ ම॒ ඉන්ද්ර॑ශ්ච॒ මේ-ऽන්තරි॑ක්ෂ-ඤ්ච ම॒ ඉන්ද්ර॑ශ්ච මේ॒
ද්යෞශ්ච॑ ම॒ ඉන්ද්ර॑ශ්ච මේ॒ සමා॑ශ්ච ම॒ ඉන්ද්ර॑ශ්ච මේ॒
නක්ෂ॑ත්රාණි ච ම॒ ඉන්ද්ර॑ශ්ච මේ॒ දිශ॑ශ්ච ම॒ ඉන්ද්ර॑ශ්ච මේ
ය॒ජ්ඤේන॑ කල්පන්තාම් ॥ 18॥

අ॒ග්​ම්ශුශ්ච॑ මේ ර॒ශ්මිශ්ච॒ මේ-ऽදා॑භ්යශ්ච॒ මේ-ऽධි॑පතිශ්ච ම උපා॒ග්​ම්ශුශ්ච॑ මේ-ऽන්තර්යා॒මශ්ච॑ ම ඓන්ද්රවාය॒වශ්ච॑ මේ
මෛත්රාවරු॒ණශ්ච॑ ම ආශ්වි॒නශ්ච॑ මේ ප්රතිප්ර॒ස්ථාන॑ශ්ච මේ ශු॒ක්රශ්ච॑ මේ ම॒න්ථී ච॑ මේ
ය॒ජ්ඤේන॑ කල්පන්තාම් ॥ 19॥

ආ॒ග්ර॒යා॒ණශ්ච॑ මේ වෛශ්වදේ॒වශ්ච॑ මේ ධ්රු॒වශ්ච॑ මේ
වෛශ්වාන॒රශ්ච॑ ම ඓන්ද්රා॒ග්නශ්ච॑ මේ
ම॒හාවෛ॑ශ්වදේශ්ච මේ මරුත්ව॒තීයා॑ශ්ච මේ॒ නිෂ්කේ॑වල්යශ්ච මේ
සාවි॒ත්රශ්ච॑ මේ සාරස්ව॒තශ්ච॑ මේ පාත්නීව॒තශ්ච॑ මේ හාරියෝජ॒නශ්ච॑ මේ
ය॒ජ්ඤේන॑ කල්පන්තාම් ॥ 20॥

ස්රුච॑ශ්ච මේ චම॒සාශ්ච॑ මේ වාය॒ව්යා॒නි ච මේ ද්රෝණකල॒ශශ්ච॑ මේ॒
ග්රාවා॑ණශ්ච මේ-ऽධි॒ෂව॑ණේ ච මේ පූත॒භෘච්ච॑ ම ආධව॒නීය॑ශ්ච මේ॒
වේදි॑ශ්ච මේ බ॒ර්​හිශ්ච॑ මේ-ऽවභෘ॒තශ්ච॑ මේ ස්වගාකා॒රශ්ච॑ මේ
ය॒ජ්ඤේන॑ කල්පන්තාම් ॥ 21॥

අ॒ග්නිශ්ච॑ මේ ඝ॒ර්මශ්ච॑ මේ॒-ऽර්කශ්ච॑ මේ॒ සූර්ය॑ශ්ච මේ
ප්රා॒ණශ්ච॑ මේ-ऽශ්වමේ॒ධශ්ච॑ මේ පෘථි॒වී ච॒ මේ-ऽදි॑තිශ්ච මේ॒
දිති॑ශ්ච මේ॒ ද්යෞශ්ච॑ මේ॒-ऽඞ්ගුල॑ය॒: ශක්ව॑රයෝ॒ දිශ॑ශ්ච මේ
ය॒ජ්ඤේන॑ කල්පන්තාම් ॥ 22॥

ව්ර॒ත-ඤ්ච॑ ම ඍ॒තව॑ශ්ච මේ॒ තප॑ශ්ච මේ සං​වඁත්ස॒රශ්ච॑ මේ
අහෝරා॒ත්රේ ඌ॑ර්වෂ්ඨී॒වේ බෘ॑හද්රථන්ත॒රේ ච॑ මේ
ය॒ජ්ඤේන॑ කල්පන්තාම් ॥ 23॥

ඒකා॑ ච මේ ති॒ස්රශ්ච॑ මේ ති॒ස්රශ්ච॑ මේ॒ පඤ්ච॑ ච මේ॒ පඤ්ච॑ ච මේ
ස॒ප්ත ච॑ මේ ස॒ප්ත ච॑ මේ॒ නව॑ ච මේ॒ නව॑ ච ම॒ ඒකා॑දශ ච ම॒ ඒකා॑දශ ච මේ॒
ත්රයෝ॑දශ ච මේ॒ ත්රයෝ॑දශ ච මේ॒ පඤ්ච॑දශ ච මේ॒ පඤ්ච॑දශ ච මේ ස॒ප්තද॑ශ ච මේ ස॒ප්තද॑ශ ච මේ॒
නව॑දශ ච මේ॒ නව॑දශ ච ම॒ ඒක॑විග්​ම්ශතිශ්ච ම॒ ඒක॑විග්​ම්ශතිශ්ච මේ॒ ත්රයෝ॑විග්​ම්ශතිශ්ච මේ॒ ත්රයෝ॑විග්​ම්ශතිශ්ච මේ॒
පඤ්ච॑විග්​ම්ශතිශ්ච මේ॒ පඤ්ච॑විග්​ම්ශතිශ්ච මේ ස॒ප්තවි॑ග්​ම්ශතිශ්ච මේ ප්තවි॑ග්​ම්ශතිශ්ච මේ॒
නව॑විග්​ම්ශතිශ්ච මේ॒ නව॑විග්​ම්ශතිශ්ච ම॒ ඒක॑ත්රිග්​ම්ශච්ච ම॒ ඒක॑ත්රිග්​ම්ශච්ච මේ॒ ත්රය॑ස්ත්රිග්​ම්ශච්ච මේ
ය॒ජ්ඤේන॑ කල්පන්තාම් ॥ 24॥

චත॑ස්රශ්ච මේ॒-ऽෂ්ටෞ ච॑ මේ॒-ऽෂ්ටෞ ච॑ මේ॒ ද්වාද॑ශ ච මේ॒ ද්වාද॑ශ ච මේ॒
ෂෝඩ॑ශ ච මේ॒ ෂෝඩ॑ශ ච මේ විග්​ම්ශ॒තිශ්ච॑ මේ විග්​ම්ශතිශ්ච॑ මේ॒
චතු॑ර්විග්​ම්ශතිශ්ච මේ॒ චතු॑ර්විග්​ම්ශ॒තිශ්ච॑ මේ॒-ऽෂ්ටාවි॑ග්​ම්ශතිශ්ච මේ॒-ऽෂ්ටාවි॑ග්​ම්ශතිශ්ච මේ॒
ද්වාත්රි॑ග්​ම්ශච්ච මේ॒ ද්වාත්රි॑ග්​ම්ශච්ච මේ॒ ෂට්ත්රි॑ග්​ම්ශච්ච මේ॒ ෂට්ත්රි॑ග්​ම්ශච්ච මේ
චත්වාරි॒ග්​ම්ශච්ච॑ මේ චත්වාරි॒ග්​ම්ශච්ච॑ මේ॒ චතු॑ශ්චත්වාරිග්​ම්ශච්ච මේ॒ චතු॑ශ්චත්වාරිග්​ම්ශච්ච මේ॒-ऽෂ්ටාච॑ත්වාරිග්​ම්ශච්ච මේ
ය॒ජ්ඤේන॑ කල්පන්තාම් ॥ 25॥

ත්ර්යවි॑ශ්ච මේ ත්ර්ය॒වී ච॑ මේ දිත්ය॒වාට් ච॑ මේ දිත්යෞ॒හී ච॑ මේ
පඤ්චා॒විශ්ච॑ මේ පඤ්චා॒වී ච॑ මේ ත්රිව॒ත්සශ්ච॑ මේ ත්රිව॒ත්සා ච॑ මේ
තුර්ය॒වාට් ච॑ මේ තුර්යෞ॒හී ච॑ මේ
ය॒ජ්ඤේන॑ කල්පන්තාම් ॥ 26॥

ප॒ෂ්ඨ॒වාට් ච॑ මේ පෂ්ඨෞ॒හී ච॑ ම උ॒ක්ෂා ච॑ මේ ව॒ශා ච॑ ම ඍෂ॒භශ්ච॑ මේ
වේ॒හච්ච॑ මේ-ऽන॒ඩ්වාංශ්ච॑ මේ ධේ॒නුශ්ච॑ මේ
ය॒ජ්ඤේන॑ කල්පන්තාම් ॥ 27॥

වාජා॑ය॒ ස්වාහා॑ ප්රස॒වාය॒ ස්වාහා॑-ऽපි॒ජාය॒ ස්වාහා॒ ක්රත॑වේ॒ ස්වාහා॒ වස॑වේ॒ ස්වාහා॑-ऽහ॒ර්පත॑යේ॒ ස්වාහාහ්නේ॑
මු॒ග්ධාය॒ ස්වාහා॑ මු॒ග්ධාය॑ වෛනග්​ම්ශි॒නාය॒ ස්වාහා॑ වින॒ශින॑ ආන්ත්යාය॒නාය॒ ස්වාහාන්ත්යා॑ය
භෞව॒නාය॒ ස්වාහා॒ භුව॑නස්ය॒ පත॑යේ॒ ස්වාහාධි॑පතයේ॒ ස්වාහා॑ ප්ර॒ජාප॑තයේ॒ ස්වාහා॑ ।
ඉ॒ය-න්තේ॒ රාණ්මි॒ත්රාය॑ ය॒න්තා-ऽසි॒ යම॑න ඌ॒ර්ජේ ත්වා॒ වෘෂ්ට්යෛ॑ ත්වා ප්ර॒ජානාං॒ ත්වාධි॑පත්යාය ॥ 28॥

ආයු॑ර්ය॒ජ්ඤේන॑ කල්පතා-ම්ප්රා॒ණෝ ය॒ජ්ඤේන॑ කල්පතාං॒ චක්ෂු॑ර්ය॒ජ්ඤේන॑ කල්පතා॒ග්​ම්ශ්රෝත්රං॑ ය॒ජ්ඤේන॑ කල්පතාං॒
වාග්ය॒ජ්ඤේන॑ කල්පතාං॒ මනෝ॑ ය॒ජ්ඤේන॑ කල්පතාමා॒ත්මා ය॒ජ්ඤේන॑ කල්පතා-ම්බ්ර॒හ්මා ය॒ජ්ඤේන॑ කල්පතාං॒
ජ්යෝති॑ර්ය॒ජ්ඤේන॑ කල්පතාං॒ ස්ව॒ර්ය॒ජ්ඤේන॑ කල්පතා-ම්පෘ॒ෂ්ඨං-යඁ॒ජ්ඤේන॑ කල්පතාං-යඁ॒ජ්ඤෝ ය॒ජ්ඤේන॑ කල්පතාම් ।
ස්තෝම॑ශ්ච යජු॑ශ්ච॒ ඍක්ච॒ සාම॑ ච බෘ॒හච්ච॑ රථන්ත॒ර-ඤ්ච॑ ।
ස්ව॑ර්දේවා අගන්මා॒මෘතා॑ අභූම ප්ර॒ජාප॑තේඃ ප්ර॒ජා අ॑භූම॒ වේට් ස්වාහා॑ ॥ 29॥

ඉති රුද්රේ-ऽෂ්ටමෝ-ऽධ්යායඃ ॥ 8॥

10. ශාන්ත්යධ්යායඃ

හරිඃ॑ ඕං
ඍචං॒ වාචං॒ ප්රප॑ද්යේ॒ මනෝ॒ යජුඃ॒ ප්රප॑ද්යේ॒ සාම॑ ප්රා॒ණ-ම්ප්රප॑ද්යේ॒ චක්ෂු॒-ශ්ශ්රෝත්රං॒ ප්රප॑ද්යේ ।
වාගෝජ॑-ස්ස॒හෞජෝ॒ මයි॑ ප්රාණාපා॒නෞ ॥ 1॥

යන්මේ॑ ඡි॒ද්ර-ඤ්චක්ෂු॑ෂෝ॒ හෘද॑යස්ය॒ මන॑සෝ॒ වාති॑තෘණ්ණං॒ බෘහ॒ස්පති॑ර්මේ॒ තද්ද॑ධාතු ।
ශ-න්නෝ॑ භවතු॒ භුව॑නස්ය॒ යස්පතිඃ॑ ॥ 2॥

භූර්භුව॒-ස්ස්වඃ॒ තත්ස॑වි॒තුර්වරේ॑ණ්යං॒ භර්ගෝ॑ දේ॒වස්ය॑ ධීමහි ।
ධියෝ॒ යෝ නඃ॑ ප්රචෝ॒දයා॑ත් ॥ 3॥

කයා॑ නශ්චි॒ත්ර ආභු॑වදූ॒තී ස॒දාවෘ॑ධ॒-ස්සඛා॑ ।
කයා॒ ශචි॑ෂ්ඨයා වෘ॒තා ॥ 4॥

කස්ත්වා॑ ස॒ත්යෝ මදා॑නාං॒ මග්​ම්හි॑ෂ්ඨෝ මත්ස॒දන්ධ॑සඃ ।
දෘ॒ඪා චි॑දා॒රුජේ॒ වසු॑ ॥ 5॥

අ॒භී ෂු ණ॒-ස්සඛී॑නාමවි॒තා ජ॑රිතॄ॒ණාම් ।
ශ॒ත-ම්භ॑වාස්යූ॒තිභිඃ॑ ॥ 6॥

කයා॒ ත්ව-න්න ඌ॒ත්යාභි ප්රම॑න්දසේ වෘෂන්න් ।
කයා॑ ස්තෝ॒තෘභ්ය॒ ආභ॑ර ॥ 7॥

ඉන්ද්රෝ॒ විශ්ව॑ස්ය රාජති ।
ශ-න්නෝ॑ අස්තු ද්වි॒පදේ॒ ශ-ඤ්චතු॑ෂ්පදේ ॥ 8॥

ශ-න්නෝ॑ මි॒ත්ර: ශං-වඁරු॑ණ॒-ශ්ශ-න්නෝ॑ භවත්වර්ය॒මා ।
ශ-න්න॒ ඉන්ද්රෝ॒ බෘහ॒ස්පති॒-ශ්ශ-න්නෝ॒ විෂ්ණු॑රුරුක්ර॒මඃ ॥ 9॥

ශ-න්නෝ॒ වාතඃ॑ පවතා॒ග්​ම් ශ-න්න॑ස්තපතු॒ සූර්යඃ॑ ।
ශ-න්නඃ॒ කනි॑ක්රදද්දේ॒වඃ ප॒ර්ජන්යෝ॑ අ॒භිව॑ර්​ෂතු ॥ 10॥

අහා॑නි॒ ශ-ම්භව॑න්තු න॒-ශ්ශග්​ම් රාත්රීඃ॒ ප්රති॑ධීයතාම් ।
ශ-න්න॑ ඉන්ද්රා॒ග්නී භ॑වතා॒මවෝ॑භි॒-ශ්ශ-න්න॒ ඉන්ද්රා॒වරු॑ණා රා॒තහ॑ව්යා ।
ශ-න්න॑ ඉන්ද්රාපූ॒ෂණා॒ වාජ॑සාතෞ॒ ශමින්ද්රා॒සෝමා॑ සුවි॒තාය॒ ශං-යෝඃ ඁ॥ 11॥

ශ-න්නෝ॑ දේ॒වීර॒භිෂ්ට॑ය॒ ආපෝ॑ භවන්තු පී॒තයේ॑ ।
ශං-යෝඁර॒භිස්ර॑වන්තු නඃ ॥ 12॥

ස්යෝ॒නා පෘ॑ථිවි නෝ භවානෘක්ෂ॒රා නි॒වේශ॑නී ।
යච්ඡා॑ න॒-ශ්ශර්ම॑ ස॒ප්රථාඃ॑ ॥ 13॥

ආපෝ॒ හි ෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන ।
ම॒හේ රණා॑ය॒ චක්ෂ॑සේ ॥ 14॥

යෝ ව॑-ශ්ශි॒වත॑මෝ॒ රස॒ස්තස්ය॑ භාජයතේ॒හ නඃ॑ ।
උ॒ශ॒තීරි॑ව මා॒තරඃ॑ ॥ 15॥

තස්මා॒ අරං॑ ගමාම වෝ॒ යස්ය॒ ක්ෂයා॑ය॒ ජින්ව॑ථ ।
ආපෝ॑ ජ॒නය॑ථා ච නඃ ॥ 16॥

ද්යෞ: ශාන්ති॑ර॒න්තරි॑ක්ෂ॒ග්​ම් ශාන්තිඃ॑ පෘථි॒වී ශාන්ති॒රාප॒-ශ්ශාන්ති॒රෝෂ॑ධය॒-ශ්ශාන්තිඃ॑ ।
වන॒ස්පත॑ය॒-ශ්ශාන්ති॒ර්විශ්වේ॑ දේ॒වා-ශ්ශාන්ති॒ර්බ්රහ්ම॒ ශාන්ති॒-ස්සර්ව॒ග්​ම් ශාන්තිඃ॒
ශාන්ති॑රේ॒ව ශාන්ති॒-ස්සා මා॒ ශාන්ති॑රේධි ॥ 17॥

දෘතේ॒ දෘග්​ම්හ॑ මා මි॒ත්රස්ය॑ මා॒ චක්ෂු॑ෂා॒ සර්වා॑ණි භූ॒තානි॒ සමී॑ක්ෂන්තාම් ।
මි॒ත්රස්යා॒හ-ඤ්චක්ෂු॑ෂා॒ සර්වා॑ණි භූ॒තානි॒ සමී॑ක්ෂේ ।
මි॒ත්රස්ය॒ චක්ෂු॑ෂා॒ සමී॑ක්ෂාමහේ ॥ 18॥

දෘතේ॒ දෘග්​ම්හ॑ මා මි॒ත්රස්ය॑ මා॒ චක්ෂු॑ෂා॒ සර්වා॑ණි භූ॒තානි॒ සමී॑ක්ෂන්තාම් ।
ජ්යෝක්තේ॑ ස॒න්දෘශි॑ ජීව්යාසං॒ ජ්යෝක්තේ॑ ස॒න්දෘශි॑ ජීව්යාසම් ॥ 19॥

නම॑ස්තේ॒ හර॑සේ ශෝ॒චිෂේ॒ නම॑ස්තේ අස්ත්ව॒ර්චිෂේ॑ ।
අ॒න්යා.ණ්ස්තේ॑ අ॒ස්මත්ත॑පන්තු හේ॒තයඃ॑ පාව॒කෝ අ॒ස්මභ්ය॑ග්​ම් ශි॒වෝ භ॑ව ॥ 20॥

නම॑ස්තේ අස්තු වි॒ද්යුතේ॒ නම॑ස්තේ ස්තනයි॒ත්නවේ॑ ।
නම॑ස්තේ භගවන්නස්තු॒ යත॒-ස්ස්වඃ॒ ස॒මීහ॑සේ ॥ 21॥

යතෝ॑ යත-ස්ස॒මීහ॑සේ॒ තතෝ॑ නෝ॒ අභ॑ය-ඞ්කුරු ।
ශ-න්නඃ॑ කුරු ප්ර॒ජාභ්යෝ-ऽභ॑ය-න්නඃ ප॒ශුභ්යඃ॑ ॥ 22॥

සු॒මි॒ත්රි॒යා න॒ ආප॒ ඕෂ॑ධය-ස්සන්තු දුර්මිත්රි॒යාස්තස්මෛ॑ සන්තු॒යෝ॒-ऽස්මා-න්ද්වේෂ්ටි॒ ය-ඤ්ච॑ ව॒ය-න්ද්වි॒ෂ්මඃ ॥ 23॥

තච්චක්ෂු॑ර්දේ॒වහි॑ත-ම්පු॒රස්තා॑ච්ඡු॒ක්රමුච්ච॑රත් ।
පශ්යේ॑ම ශ॒රද॑-ශ්ශ॒ත-ඤ්ජීවේ॑ම ශ॒රද॑-ශ්ශ॒තග්​ම් ශෘණු॑යාම ශ॒රද॑-ශ්ශ॒තං
ප්රබ්ර॑වාම ශ॒රද॑-ශ්ශ॒තමදී॑නා-ස්ස්යාම ශ॒රද॑-ශ්ශ॒ත-ම්භූය॑ශ්ච ශ॒රද॑-ශ්ශ॒තාත් ॥ 24॥

ඉති රුද්රේ ශාන්ත්යධ්යායඃ ॥ 9॥

11. ස්වස්ති ප්රාර්ථනා මන්ත්රාඃ

හරිඃ॑ ඕං
ඕං
ස්ව॒ස්ති න॒ ඉන්ද්රෝ॑ වෘ॒ද්ධශ්ර॑වාඃ ।
ස්ව॒ස්ති නඃ॑ පූ॒ෂා වි॒ශ්වවේ॑දාඃ ।
ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ ।
ස්ව॒ස්ති නෝ॒ බෘහ॒ස්පති॑ර්දධාතු ॥ 1॥

ඕං
පයඃ॑ පෘථි॒ව්යා-ම්පය॒ ඕෂ॑ධීෂු॒ පයෝ॑ දි॒ව්යන්තරි॑ක්ෂේ॒ පයෝ॑ ධාඃ ।
පය॑ස්වතීඃ ප්ර॒දිශ॑-ස්සන්තු॒ මහ්ය॑ම් ॥ 2॥

ඕං
විෂ්ණෝ॑ ර॒රාට॑මසි॒ විෂ්ණෝ॒-ශ්ශ්නප්ත්රේ॑ ස්ථෝ විෂ්ණෝ॒-ස්ස්යූර॑සි॒ විෂ්ණෝ॑ර්ධ්රු॒වෝ॒-ऽසි ।
වෛ॒ෂ්ණ॒වම॑සි॒ විෂ්ණ॑වේ ත්වා ॥ 3॥

ඕං
අ॒ග්නිර්දේ॒වතා॒ වාතෝ॑ දේ॒වතා॒ සූර්යෝ॑ දේ॒වතා॑ ච॒න්ද්රමා॑ දේ॒වතා॒ වස॑වෝ දේ॒වතා॑
රු॒ද්රා දේ॒වතා॑දි॒ත්යා දේ॒වතා॑ ම॒රුතෝ॑ දේ॒වතා॒ විශ්වේ॑දේ॒වා දේවතා॒
බෘහ॒ස්පති॑ර්දේ॒වතේන්ද්රෝ॑ දේ॒වතා॒ වරු॑ණෝ දේ॒වතා॑ ॥ 4॥

ඕං
ස॒ද්යෝජා॒ත-ම්ප්ර॑පද්යා॒මි॒ ස॒ද්යෝජා॒තාය॒ වෛ නමෝ॒ නමඃ॑ ।
භ॒වේ භ॑වේ॒ නාති॑භවේ භවස්ව॒ මාම් ।
භ॒වෝද්භ॑වාය॒ නමඃ॑ ॥ 5॥

වා॒ම॒දේ॒වාය॒ නමෝ॑ ජ්යේ॒ෂ්ඨාය॒ නමඃ॑ ශ්රේ॒ෂ්ඨාය॒ නමෝ॑ රු॒ද්රාය॒ නමඃ॒
කාලා॑ය නමඃ॒ කල॑විකරණාය॒ නමෝ॒ බල॑විකරණාය॒ නමෝ॒
බලා॑ය॒ නමෝ॒ බල॑ප්රමථනාය॒ නමඃ॒ සර්ව॑භූතදමනාය॒ නමෝ॑
ම॒නෝන්ම॑නාය॒ නමඃ॒ ॥ 6॥

අ॒ඝෝරේ॑භ්යෝ-ऽථ॒ ඝෝරේ॑භ්යෝ॒ ඝෝර॒ඝෝර॑තරේභ්යඃ ।
ස॒ර්වේභ්ය-ස්සර්ව॒ ශ॑ර්වේභ්යෝ॒ නම॑ස්තේ-ऽස්තු රු॒ද්රරූ॑පේභ්යඃ ॥ 7॥

(ස॒ර්වතඃ॑ ශර්ව॒ සර්වේ॑භ්යෝ॒)

තත්පුරු॑ෂාය වි॒ද්මහේ॑ මහාදේ॒වාය॑ ධීමහි ।
තන්නෝ॑ රුද්රඃ ප්රචෝ॒දයා॑ත් ॥ 8॥

ඊශානස්සර්ව॑විද්යා॒නා॒මීශ්වර-ස්සර්ව॑භූතා॒නාං॒ ।
බ්රහ්මාධි॑පති॒ර්බ්රහ්ම॒ණෝ-ऽධි॑පති॒ර්බ්රහ්මා॑ ශි॒වෝ මේ॑-ऽස්තු සදාශි॒වෝම් ॥ 9॥

ඕං
ශි॒වෝ නාමා॑සි॒ ස්වධි॑තිස්තේ පි॒තා නම॑ස්තේ අස්තු॒ මා මා॑ හිග්​ම්සීඃ ।
නිව॑ර්තයාම්යායු॑ෂේ॒-ऽන්නාද්යා॑ය॒ ප්රජන॑නාය රා॒යස්පෝෂා॑ය සුප්රජා॒ස්ත්වාය॑ සු॒වීර්යා॑ය ॥ 10॥

ඕං
විශ්වා॑නි දේව සවිතර්දුරි॒තානි॒ පරාසුව ।
යද්භ॒ද්ර-න්තන්න॒ ආසුව ॥ 11॥

ඕං
ද්යෞ-ශ්ශාන්ති॑ර॒න්තරි॑ක්ෂ॒ග්​ම් ශාන්තිඃ॑ පෘථි॒වී ශාන්ති॒රාප॒-ශ්ශාන්ති॒රෝෂ॑ධය॒-ශ්ශාන්තිඃ॑ ।
වන॒ස්පත॑ය॒-ශ්ශාන්ති॒ර්විශ්වේ॑දේ॒වා-ශ්ශාන්ති॒ර්බ්රහ්ම॒ ශාන්ති॒-ස්සර්ව॒ග්​ම් ශාන්ති॒-ශ්ශාන්ති॑රේ॒ව ශාන්ති॒-ස්සා මා॒ ශාන්ති॑රේධි ॥ 12॥

ඕං
සර්වේෂාං-වාඁ ඒෂ වේදානාග්​ම්රසෝ යත්සාමඃ ।
සර්වේෂාමේවෛනමේතද් වේදානාග්​ම් රසේනාභිෂිඤ්චති ॥ 13॥

ඕං
ශාන්ති॒-ශ්ශාන්ති॒-ශ්ශාන්තිඃ॑ ॥
අනේන ශ්රී රුද්රාභිෂේකකර්මණා ශ්රී භවානීශඞ්කර මහාරුද්රාඃ ප්රීයතා-න්න මම ।

ඉති ශ්රීශුක්ලයජුර්වේදීය රුද්රාෂ්ටාධ්යායී සමාප්තා ।
॥ ඕං සාම්බ සදාශිවාර්පණමස්තු ॥