නිත්ය පාරායණ ශ්ලෝකාඃ

ප්රභාත ශ්ලෝකඃ
කරාග්රේ වසතේ ලක්ෂ්මීඃ කරමධ්යේ සරස්වතී ।
කරමූලේ ස්ථිතා ගෞරී ප්රභාතේ කරදර්​ශනම් ॥
[පාඨභේදඃ – කරමූලේ තු ගෝවිංදඃ ප්රභාතේ කරදර්​ශනම් ॥]

ප්රභාත භූමි ශ්ලෝකඃ
සමුද්ර වසනේ දේවී පර්වත ස්තන මංඩලේ ।
විෂ්ණුපත්නි නමස්තුභ්යං, පාදස්පර්​ශං ක්ෂමස්වමේ ॥

සූර්යෝදය ශ්ලෝකඃ
බ්රහ්මස්වරූප මුදයේ මධ්යාහ්නේතු මහේශ්වරම් ।
සාහං ධ්යායේත්සදා විෂ්ණුං ත්රිමූර්තිං ච දිවාකරම් ॥

ස්නාන ශ්ලෝකඃ
ගංගේ ච යමුනේ චෛව ගෝදාවරී සරස්වතී
නර්මදේ සිංධු කාවේරී ජලේස්මින් සන්නිධිං කුරු ॥

නමස්කාර ශ්ලෝකඃ
ත්වමේව මාතා ච පිතා ත්වමේව, ත්වමේව බංධුශ්ච සඛා ත්වමේව ।
ත්වමේව විද්යා ද්රවිණං ත්වමේව, ත්වමේව සර්වං මම දේවදේව ॥

භස්ම ධාරණ ශ්ලෝකඃ
ශ්රීකරං ච පවිත්රං ච ශෝක නිවාරණම් ।
ලෝකේ වශීකරං පුංසාං භස්මං ත්ර්යෛලෝක්ය පාවනම් ॥

භෝජන පූර්ව ශ්ලෝකාඃ
බ්රහ්මාර්පණං බ්රහ්ම හවිඃ බ්රහ්මාග්නෞ බ්රහ්මණාහුතම් ।
බ්රහ්මෛව තේන ගංතව්යං බ්රහ්ම කර්ම සමාධිනඃ ॥

අහං-වෛඁශ්වානරෝ භූත්වා ප්රාණිනාං දේහමාශ්රිතඃ ।
ප්රාණාපාන සමායුක්තඃ පචාම්යන්නං චතුර්විධම් ॥

අන්නපූර්ණේ සදා පූර්ණේ ශංකරප්රාණවල්ලභේ ।
ජ්ඤානවෛරාග්ය සිද්ධ්යර්ථං භික්ෂාං දේහි ච පාර්වති ॥

ත්වදීයං-වඁස්තු ගෝවිංද තුභ්යමේව සමර්පයේ ।
ගෘහාණ සුමුඛෝ භූත්වා ප්රසීද පරමේශ්වර ॥

භෝජනානංතර ශ්ලෝකඃ
අගස්ත්යං-වෛඁනතේයං ච ශමීං ච බඩබාලනම් ।
ආහාර පරිණාමාර්ථං ස්මරාමි ච වෘකෝදරම් ॥

සංධ්යා දීප දර්​ශන ශ්ලෝකඃ
දීපජ්යෝතිඃ පරං බ්රහ්ම දීපජ්යෝතිර්ජනාර්දනඃ ।
දීපෝ හරතු මේ පාපං දීපජ්යෝතිර්නමෝऽස්තුතේ ॥

ශුභං කරෝති කළ්යාණං ආරෝග්යං ධනසංපදඃ ।
ශත්රු-බුද්ධි-විනාශාය දීපජ්යෝතිර්නමෝऽස්තුතේ ॥

නිද්රා/ශයන ශ්ලෝකඃ
රාමං ස්කංදං හනුමංතං-වෛඁනතේයං-වෘඁකෝදරම් ।
ශයනේ යඃ ස්මරේන්නිත්යං දුස්වප්න-ස්තස්යනශ්යති ॥

අපරාධ ක්ෂමාපණ ස්තෝත්රං
අපරාධ සහස්රාණි, ක්රියංතේऽහර්නිශං මයා ।
දාසෝऽයමිති මාං මත්වා, ක්ෂමස්ව පරමේශ්වර ॥

කරචරණ කෘතං-වාඁ කර්ම වාක්කායජං-වාඁ
ශ්රවණ නයනජං-වාඁ මානසං-වාඁපරාධම් ।
විහිත මවිහිතං-වාඁ සර්වමේතත් ක්ෂමස්ව
ශිව ශිව කරුණාබ්ධේ ශ්රී මහාදේව ශංභෝ ॥

කායේන වාචා මනසේංද්රියෛර්වා
බුද්ධ්යාත්මනා වා ප්රකෘතේඃ ස්වභාවාත් ।
කරෝමි යද්යත්සකලං පරස්මෛ
නාරායණායේති සමර්පයාමි ॥

දේවතා ස්තෝත්රාඃ

කාර්ය ප්රාරංභ ස්තෝත්රාඃ
ශුක්ලාං බරධරං-විඁෂ්ණුං ශශිවර්ණං චතුර්භුජම් ।
ප්රසන්නවදනං ධ්යායේත් සර්ව විඝ්නෝපශාංතයේ ॥

යස්යද්විරද වක්ත්රාද්යාඃ පාරිෂද්යාඃ පරශ්ශතම් ।
විඝ්නං නිඝ්නංතු සතතං-විඁෂ්වක්සේනං තමාශ්රයේ ॥

ගණේශ ස්තෝත්රං
වක්රතුංඩ මහාකාය සූර්යකෝටි සමප්රභඃ ।
නිර්විඝ්නං කුරු මේ දේව සර්ව කාර්යේෂු සර්වදා ॥

අගජානන පද්මාර්කං ගජානන මහර්නිශම් ।
අනේකදං-තං භක්තානාම්-ඒකදංත-මුපාස්මහේ ॥

විෂ්ණු ස්තෝත්රං
ශාංතාකාරං භුජගශයනං පද්මනාභං සුරේශං
විශ්වාධාරං ගගන සදෘශං මේඝවර්ණං ශුභාංගම් ।
ලක්ෂ්මීකාංතං කමලනයනං-යෝඁගිහෘද්ධ්යානගම්යං
වංදේ විෂ්ණුං භවභයහරං සර්වලෝකෛකනාථම් ॥

ගායත්රි මංත්රං
ඕං භූර්භුව॒ස්සුවඃ॒ । තථ්ස॑වි॒තුර්වරේ᳚ණ්යං॒ ।
භර්ගෝ॑ දේ॒වස්ය॑ ධීමහි । ධියෝ॒ යෝ නඃ॑ ප්රචෝදයා᳚ත් ॥

ශිව ස්තෝත්රං
ත්ර්යං॑බකං-යඁජාමහේ සුගං॒ධිං පු॑ෂ්ටි॒වර්ධ॑නම් ।
උ॒ර්වා॒රු॒කමි॑ව॒ බංධ॑නාන්-මෘත්යෝ॑ර්-මුක්ෂීය॒ මාऽමෘතා᳚ත් ॥

වංදේ ශංභුමුමාපතිං සුරගුරුං-වංඁදේ ජගත්කාරණං
වංදේ පන්නගභූෂණං ශශිධරං-වංඁදේ පශූනාං පතිම්‌ ।
වංදේ සූර්යශශාංක වහ්නිනයනං-වංඁදේ මුකුංදප්රියං
වංදේ භක්තජනාශ්රයං ච වරදං-වංඁදේ ශිවං ශංකරම්‌ ॥

සුබ්රහ්මණ්ය ස්තෝත්රං
ශක්තිහස්තං-විඁරූපාක්ෂං ශිඛිවාහං ෂඩානනං
දාරුණං රිපුරෝගඝ්නං භාවයේ කුක්කුට ධ්වජම් ।
ස්කංදං ෂණ්මුඛං දේවං ශිවතේජං චතුර්භුජං
කුමාරං ස්වාමිනාධං තං කාර්තිකේයං නමාම්යහම් ॥

ගුරු ශ්ලෝකඃ
ගුරුර්බ්රහ්ම ගුරුර්විෂ්ණුඃ ගුරුර්දේවෝ මහේශ්වරඃ ।
ගුරුඃ සාක්ෂාත් පරබ්රහ්ම තස්මෛ ශ්රී ගුරවේ නමඃ ॥

හනුම ස්තෝත්රාඃ
මනෝජවං මාරුත තුල්යවේගං ජිතේංද්රියං බුද්ධිමතාං-වඁරිෂ්ටම් ।
වාතාත්මජං-වාඁනරයූධ මුඛ්යං ශ්රීරාමදූතං ශිරසා නමාමි ॥

බුද්ධිර්බලං-යඁශෝධෛර්යං නිර්භයත්වමරෝගතා ।
අජාඩ්යං-වාඁක්පටුත්වං ච හනුමස්ස්මරණාද්-භවේත් ॥

ජයත්යති බලෝ රාමෝ ලක්ෂ්මණස්ය මහාබලඃ ।
රාජා ජයති සුග්රීවෝ රාඝවේණාභි පාලිතඃ ॥

දාසෝऽහං කෝසලේංද්රස්ය රාමස්යාක්ලිෂ්ට කර්මණඃ ।
හනුමාන් ශත්රුසෛන්යානාං නිහංතා මාරුතාත්මජඃ ॥

ශ්රීරාම ස්තෝත්රාං
ශ්රී රාම රාම රාමේති රමේ රාමේ මනෝරමේ
සහස්රනාම තත්තුල්යං රාම නාම වරානනේ

ශ්රී රාමචංද්රඃ ශ්රිතපාරිජාතඃ සමස්ත කළ්යාණ ගුණාභිරාමඃ ।
සීතාමුඛාංභෝරුහා-චංචරීකෝ නිරංතරං මංගළමාතනෝතු ॥

ශ්රීකෘෂ්ණ ස්තෝත්රං
මංදාරමූලේ මදනාභිරාමං
බිංබාධරාපූරිත වේණුනාදම් ।
ගෝගෝප ගෝපීජන මධ්යසංස්ථං
ගෝපං භජේ ගෝකුල පූර්ණචංද්රම් ॥

ගරුඩ ස්වාමි ස්තෝත්රං
කුංකුමාංකිතවර්ණාය කුංදේංදු ධවළාය ච ।
විෂ්ණු වාහ නමස්තුභ්යං පක්ෂිරාජාය තේ නමඃ ॥

දක්ෂිණාමූර්ති ස්තෝත්රං
ගුරවේ සර්වලෝකානාං භිෂජේ භවරෝගිණාම් ।
නිධයේ සර්ව විද්යානාං ශ්රී දක්ෂිණාමූර්තයේ නම ॥

සරස්වතී ශ්ලෝකඃ
සරස්වතී නමස්තුභ්යං-වඁරදේ කාමරූපිණී ।
විද්යාරංභං කරිෂ්යාමි සිද්ධිර්භවතු මේ සදා ॥

යා කුංදේංදු තුෂාර හාර ධවළා, යා ශුභ්ර වස්ත්රාවෘතා [වස්ත්රාන්විතා] ।
යා වීණා වරදංඩ මංඩිත කරා, යා ශ්වේත පද්මාසනා ।
යා බ්රහ්මාච්යුත ශංකර ප්රභෘතිභිර්-දේවෛඃ සදා පූජිතා ।
සා මාං පාතු සරස්වතී භගවතී නිශ්ශේෂජාඩ්යාපහා ॥

ලක්ෂ්මී ශ්ලෝකඃ
ලක්ෂ්මීං ක්ෂීරසමුද්ර රාජ තනයාං ශ්රීරංග ධාමේශ්වරීම් ।
දාසීභූත සමස්ත දේව වනිතාං-ලෝඁකෛක දීපාංකුරාම් ।
ශ්රීමන්මංධ කටාක්ෂ ලබ්ධ විභව බ්රහ්මේංද්ර ගංගාධරාම් ।
ත්වාං ත්රෛලෝක්යකුටුංබිනීං සරසිජාං-වංඁදේ මුකුංදප්රියාම් ॥

දුර්ගා දේවී ස්තෝත්රං
සර්ව ස්වරූපේ සර්වේශේ සර්ව ශක්ති සමන්විතේ ।
භයේභ්යස්ත්රාහි නෝ දේවි දුර්ගේදේවි නමෝස්තුතේ ॥

ත්රිපුරසුංදරී ස්තෝත්රං
ඕංකාර පංජර ශුකීං උපනිෂදුද්යාන කේළි කලකංඨීම් ।
ආගම විපින මයූරීං ආර්යාං අංතර්විභාවයේද්ගෞරීම් ॥

දේවී ශ්ලෝකඃ
සර්ව මංගල මාංගල්යේ ශිවේ සර්වාර්ථ සාධිකේ ।
ශරණ්යේ ත්ර්යංබකේ දේවි නාරායණි නමෝස්තුතේ ॥

වේංකටේශ්වර ශ්ලෝකඃ
ශ්රියඃ කාංතාය කළ්යාණනිධයේ නිධයේऽර්ථිනාම් ।
ශ්රී වේංකට නිවාසාය ශ්රීනිවාසාය මංගළම් ॥

බෞද්ධ ප්රාර්ථන
බුද්ධං ශරණං ගච්ඡාමි
ධර්මං ශරණං ගච්ඡාමි
සංඝං ශරණං ගච්ඡාමි

ශාංති මංත්රං
අසතෝමා සද්ගමයා ।
තමසෝමා ජ්යෝතිර්ගමයා ।
මෘත්යෝර්මා අමෘතංගමයා ।
ඕං ශාංතිඃ ශාංතිඃ ශාංතිඃ

සර්වේ භවංතු සුඛිනඃ සර්වේ සංතු නිරාමයාඃ ।
සර්වේ භද්රාණි පශ්යංතු මා කශ්චිද්දුඃඛ භාග්භවේත් ॥
ඕං ශාංතිඃ ශාංතිඃ ශාංතිඃ

ඕං සර්වේෂාං ස්වස්තිර්භවතු,
සර්වේෂාං ශාංතිර්භවතු ।
සර්වේෂාං පූර්ණං භවතු,
සර්වේෂාං මංගළං භවතු ।
ඕං ශාංතිඃ ශාංතිඃ ශාංතිඃ

ඕං ස॒හ නා॑වවතු । ස॒හ නෞ॑ භුනක්තු । ස॒හ වී॒ර්යං॑ කරවාවහෛ ।
තේ॒ජ॒ස්විනා॒වධී॑තමස්තු॒ මා වි॑ද්විෂා॒වහෛ᳚ ।
ඕං ශාංතිඃ॒ ශාංතිඃ॒ ශාංතිඃ॑ ॥

ස්වස්ති මංත්රාඃ
ස්වස්ති ප්රජාභ්යඃ පරිපාලයංතාං
න්යායේන මාර්ගේණ මහීං මහීශාඃ ।
ගෝබ්රාහ්මණේභ්ය-ශ්ශුභමස්තු නිත්යං
ලෝකා-ස්සමස්තා-ස්සුඛිනෝ භවංතු ॥

කාලේ වර්​ෂතු පර්ජන්යඃ පෘථිවී සස්යශාලිනී ।
දේශෝයං ක්ෂෝභරහිතෝ බ්රාහ්මණාස්සංතු නිර්භයාඃ ॥

විශේෂ මංත්රාඃ
පංචාක්ෂරී මංත්රං – ඕං නමශ්ශිවාය
අෂ්ටාක්ෂරී මංත්රං – ඕං නමෝ නාරායණාය
ද්වාදශාක්ෂරී මංත්රං – ඕං නමෝ භගවතේ වාසුදේවාය