නවරත්න මාලිකා ස්තෝත්රම්

හාරනූපුරකිරීටකුංඩලවිභූෂිතාවයවශෝභිනීං
කාරණේශවරමෞලිකෝටිපරිකල්ප්යමානපදපීඨිකාම් ।
කාලකාලඵණිපාශබාණධනුරංකුශාමරුණමේඛලාං
ඵාලභූතිලකලෝචනාං මනසි භාවයාමි පරදේවතාම් ॥ 1 ॥

ගංධසාරඝනසාරචාරුනවනාගවල්ලිරසවාසිනීං
සාංධ්යරාගමධුරාධරාභරණසුංදරානනශුචිස්මිතාම් ।
මංධරායතවිලෝචනාමමලබාලචංද්රකෘතශේඛරීං
ඉංදිරාරමණසෝදරීං මනසි භාවයාමි පරදේවතාම් ॥ 2 ॥

ස්මේරචාරුමුඛමංඩලාං විමලගංඩලංබිමණිමංඩලාං
හාරදාමපරිශෝභමානකුචභාරභීරුතනුමධ්යමාම් ।
වීරගර්වහරනූපුරාං විවිධකාරණේශවරපීඨිකාං
මාරවෛරිසහචාරිණීං මනසි භාවයාමි පරදේවතාම් ॥ 3 ॥

භූරිභාරධරකුංඩලීංද්රමණිබද්ධභූවලයපීඨිකාං
වාරිරාශිමණිමේඛලාවලයවහ්නිමංඩලශරීරිණීම් ।
වාරිසාරවහකුංඩලාං ගගනශේඛරීං ච පරමාත්මිකාං
චාරුචංද්රවිලෝචනාං මනසි භාවයාමි පරදේවතාම් ॥ 4 ॥

කුංඩලත්රිවිධකෝණමංඩලවිහාරෂඩ්දලසමුල්ලස-
ත්පුංඩරීකමුඛභේදිනීං ච ප්රචංඩභානුභාසමුජ්ජ්වලාම් ।
මංඩලේංදුපරිවාහිතාමෘතතරංගිණීමරුණරූපිණීං
මංඩලාංතමණිදීපිකාං මනසි භාවයාමි පරදේවතාම් ॥ 5 ॥

වාරණානනමයූරවාහමුඛදාහවාරණපයෝධරාං
චාරණාදිසුරසුංදරීචිකුරශේකරීකෘතපදාංබුජාම් ।
කාරණාධිපතිපංචකප්රකෘතිකාරණප්රථමමාතෘකාං
වාරණාංතමුඛපාරණාං මනසි භාවයාමි පරදේවතාම් ॥ 6 ॥

පද්මකාංතිපදපාණිපල්ලවපයෝධරානනසරෝරුහාං
පද්මරාගමණිමේඛලාවලයනීවිශෝභිතනිතංබිනීම් ।
පද්මසංභවසදාශිවාංතමයපංචරත්නපදපීඨිකාං
පද්මිනීං ප්රණවරූපිණීං මනසි භාවයාමි පරදේවතාම් ॥ 7 ॥

ආගමප්රණවපීඨිකාමමලවර්ණමංගළශරීරිණීං
ආගමාවයවශෝභිනීමඛිලවේදසාරකෘතශේඛරීම් ।
මූලමංත්රමුඛමංඩලාං මුදිතනාදබිංදුනවයෞවනාං
මාතෘකාං ත්රිපුරසුංදරීං මනසි භාවයාමි පරදේවතාම් ॥ 8 ॥

කාලිකාතිමිරකුංතලාංතඝනභෘංගමංගළවිරාජිනීං
චූලිකාශිඛරමාලිකාවලයමල්ලිකාසුරභිසෞරභාම් ।
වාලිකාමධුරගංඩමංඩලමනෝහරානනසරෝරුහාං
කාලිකාමඛිලනායිකාං මනසි භාවයාමි පරදේවතාම් ॥ 9 ॥

නිත්යමේව නියමේන ජල්පතාං – භුක්තිමුක්තිඵලදාමභීෂ්ටදාම් ।
ශංකරේණ රචිතාං සදා ජපේන්නාමරත්නනවරත්නමාලිකාම් ॥ 10 ॥