නටරාජ ස්තෝත්රං (පතංජලි කෘතම්)
අථ චරණශෘංගරහිත ශ්රී නටරාජ ස්තෝත්රං
සදංචිත-මුදංචිත නිකුංචිත පදං ඣලඣලං-චලිත මංජු කටකම් ।
පතංජලි දෘගංජන-මනංජන-මචංචලපදං ජනන භංජන කරම් ।
කදංබරුචිමංබරවසං පරමමංබුද කදංබ කවිඩංබක ගලම්
චිදංබුධි මණිං බුධ හෘදංබුජ රවිං පර චිදංබර නටං හෘදි භජ ॥ 1 ॥
හරං ත්රිපුර භංජන-මනංතකෘතකංකණ-මඛංඩදය-මංතරහිතං
විරිංචිසුරසංහතිපුරංධර විචිංතිතපදං තරුණචංද්රමකුටම් ।
පරං පද විඛංඩිතයමං භසිත මංඩිතතනුං මදනවංචන පරං
චිරංතනමමුං ප්රණවසංචිතනිධිං පර චිදංබර නටං හෘදි භජ ॥ 2 ॥
අවංතමඛිලං ජගදභංග ගුණතුංගමමතං ධෘතවිධුං සුරසරිත්-
තරංග නිකුරුංබ ධෘති ලංපට ජටං ශමනදංභසුහරං භවහරම් ।
ශිවං දශදිගංතර විජෘංභිතකරං කරලසන්මෘගශිශුං පශුපතිං
හරං ශශිධනංජයපතංගනයනං පර චිදංබර නටං හෘදි භජ ॥ 3 ॥
අනංතනවරත්නවිලසත්කටකකිංකිණිඣලං ඣලඣලං ඣලරවං
මුකුංදවිධි හස්තගතමද්දල ලයධ්වනිධිමිද්ධිමිත නර්තන පදම් ।
ශකුංතරථ බර්හිරථ නංදිමුඛ භෘංගිරිටිසංඝනිකටං භයහරම්
සනංද සනක ප්රමුඛ වංදිත පදං පර චිදංබර නටං හෘදි භජ ॥ 4 ॥
අනංතමහසං ත්රිදශවංද්ය චරණං මුනි හෘදංතර වසංතමමලම්
කබංධ වියදිංද්වවනි ගංධවහ වහ්නිමඛ බංධුරවිමංජු වපුෂම් ।
අනංතවිභවං ත්රිජගදංතර මණිං ත්රිනයනං ත්රිපුර ඛංඩන පරම්
සනංද මුනි වංදිත පදං සකරුණං පර චිදංබර නටං හෘදි භජ ॥ 5 ॥
අචිංත්යමලිවෘංද රුචි බංධුරගලං කුරිත කුංද නිකුරුංබ ධවලම්
මුකුංද සුර වෘංද බල හංතෘ කෘත වංදන ලසංතමහිකුංඩල ධරම් ।
අකංපමනුකංපිත රතිං සුජන මංගලනිධිං ගජහරං පශුපතිම්
ධනංජය නුතං ප්රණත රංජනපරං පර චිදංබර නටං හෘදි භජ ॥ 6 ॥
පරං සුරවරං පුරහරං පශුපතිං ජනිත දංතිමුඛ ෂණ්මුඛමමුං
මෘඩං කනක පිංගල ජටං සනක පංකජ රවිං සුමනසං හිමරුචිම් ।
අසංඝමනසං ජලධි ජන්මගරලං කවලයංත මතුලං ගුණනිධිම්
සනංද වරදං ශමිතමිංදු වදනං පර චිදංබර නටං හෘදි භජ ॥ 7 ॥
අජං ක්ෂිතිරථං භුජගපුංගවගුණං කනක ශෘංගි ධනුෂං කරලසත්
කුරංග පෘථු ටංක පරශුං රුචිර කුංකුම රුචිං ඩමරුකං ච දධතම් ।
මුකුංද විශිඛං නමදවංධ්ය ඵලදං නිගම වෘංද තුරගං නිරුපමං
ස චංඩිකමමුං ඣටිති සංහෘතපුරං පර චිදංබර නටං හෘදි භජ ॥ 8 ॥
අනංගපරිපංථිනමජං ක්ෂිති ධුරංධරමලං කරුණයංතමඛිලං
ජ්වලංතමනලං දධතමංතකරිපුං සතතමිංද්ර සුරවංදිතපදම් ।
උදංචදරවිංදකුල බංධුශත බිංබරුචි සංහති සුගංධි වපුෂං
පතංජලි නුතං ප්රණව පංජර ශුකං පර චිදංබර නටං හෘදි භජ ॥ 9 ॥
ඉති ස්තවමමුං භුජගපුංගව කෘතං ප්රතිදිනං පඨති යඃ කෘතමුඛඃ
සදඃ ප්රභුපද ද්විතයදර්ශනපදං සුලලිතං චරණ ශෘංග රහිතම් ।
සරඃ ප්රභව සංභව හරිත්පති හරිප්රමුඛ දිව්යනුත ශංකරපදං
ස ගච්ඡති පරං න තු ජනුර්ජලනිධිං පරමදුඃඛජනකං දුරිතදම් ॥ 10 ॥
ඉති ශ්රී පතංජලිමුනි ප්රණීතං චරණශෘංගරහිත නටරාජ ස්තෝත්රං සංපූර්ණම් ॥
නිතර අසන ප්රශ්න
What is නටරාජ ස්තෝත්රං (පතංජලි කෘතම්)?
නටරාජ ස්තෝත්රං (පතංජලි කෘතම්) is a devotional text available on Bhakti Granth in the selected language or script.
Which language or script is this version in?
This edition is published in Sinhala. Use the language selector to view another available edition.
Can I read නටරාජ ස්තෝත්රං (පතංජලි කෘතම්) online?
Yes. The imported text is available directly on this page for online reading and recitation.
Can I download නටරාජ ස්තෝත්රං (පතංජලි කෘතම්) as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.