නාරායණීයං දශක 96 – භගවද්විභූතයඃ තථා ජ්ඤානකර්මභක්තියෝගාඃ
ත්වං හි බ්රහ්මෛව සාක්ෂාත් පරමුරුමහිමන්නක්ෂරාණාමකාර-
ස්තාරෝ මංත්රේෂු රාජ්ඤාං මනුරසි මුනිෂු ත්වං භෘගුර්නාරදෝऽපි ।
ප්රහ්ලාදෝ දානවානාං පශුෂු ච සුරභිඃ පක්ෂිණාං වෛනතේයෝ
නාගානාමස්යනංතස්සුරසරිදපි ච ස්රෝතසාං විශ්වමූර්තේ ॥1॥
බ්රහ්මණ්යානාං බලිස්ත්වං ක්රතුෂු ච ජපයජ්ඤෝऽසි වීරේෂු පාර්ථෝ
භක්තානාමුද්ධවස්ත්වං බලමසි බලිනාං ධාම තේජස්විනාං ත්වම් ।
නාස්ත්යංතස්ත්වද්විභූතේර්විකසදතිශයං වස්තු සර්වං ත්වමේව
ත්වං ජීවස්ත්වං ප්රධානං යදිහ භවදෘතේ තන්න කිංචිත් ප්රපංචේ ॥2॥
ධර්මං වර්ණාශ්රමාණාං ශ්රුතිපථවිහිතං ත්වත්පරත්වේන භක්ත්යා
කුර්වංතෝऽංතර්විරාගේ විකසති ශනකෛඃ සංත්යජංතෝ ලභංතේ ।
සත්තාස්ඵූර්තිප්රියත්වාත්මකමඛිලපදාර්ථේෂු භින්නේෂ්වභින්නං
නිර්මූලං විශ්වමූලං පරමමහමිති ත්වද්විබෝධං විශුද්ධම් ॥3॥
ජ්ඤානං කර්මාපි භක්තිස්ත්රිතයමිහ භවත්ප්රාපකං තත්ර තාව-
න්නිර්විණ්ණානාමශේෂේ විෂය ඉහ භවේත් ජ්ඤානයෝගේऽධිකාරඃ ।
සක්තානාං කර්මයෝගස්ත්වයි හි විනිහිතෝ යේ තු නාත්යංතසක්තාඃ
නාප්යත්යංතං විරක්තාස්ත්වයි ච ධෘතරසා භක්තියෝගෝ හ්යමීෂාම් ॥4॥
ජ්ඤානං ත්වද්භක්තතාං වා ලඝු සුකෘතවශාන්මර්ත්යලෝකේ ලභංතේ
තස්මාත්තත්රෛව ජන්ම ස්පෘහයති භගවන් නාකගෝ නාරකෝ වා ।
ආවිෂ්ටං මාං තු දෛවාද්භවජලනිධිපෝතායිතේ මර්ත්යදේහේ
ත්වං කෘත්වා කර්ණධාරං ගුරුමනුගුණවාතායිතස්තාරයේථාඃ ॥5॥
අව්යක්තං මාර්ගයංතඃ ශ්රුතිභිරපි නයෛඃ කේවලජ්ඤානලුබ්ධාඃ
ක්ලිශ්යංතේऽතීව සිද්ධිං බහුතරජනුෂාමංත ඒවාප්නුවංති ।
දූරස්ථඃ කර්මයෝගෝऽපි ච පරමඵලේ නන්වයං භක්තියෝග-
ස්ත්වාමූලාදේව හෘද්යස්ත්වරිතමයි භවත්ප්රාපකෝ වර්ධතාං මේ ॥6॥
ජ්ඤානායෛවාතියත්නං මුනිරපවදතේ බ්රහ්මතත්ත්වං තු ශෘණ්වන්
ගාඪං ත්වත්පාදභක්තිං ශරණමයති යස්තස්ය මුක්තිඃ කරාග්රේ ।
ත්වද්ධ්යානේऽපීහ තුල්යා පුනරසුකරතා චිත්තචාංචල්යහේතෝ-
රභ්යාසාදාශු ශක්යං තදපි වශයිතුං ත්වත්කෘපාචාරුතාභ්යාම් ॥7॥
නිර්විණ්ණඃ කර්මමාර්ගේ ඛලු විෂමතමේ ත්වත්කථාදෞ ච ගාඪං
ජාතශ්රද්ධෝऽපි කාමානයි භුවනපතේ නෛව ශක්නෝමි හාතුම් ।
තද්භූයෝ නිශ්චයේන ත්වයි නිහිතමනා දෝෂබුද්ධ්යා භජංස්තාන්
පුෂ්ණීයාං භක්තිමේව ත්වයි හෘදයගතේ මංක්ෂු නංක්ෂ්යංති සංගාඃ ॥8॥
කශ්චිත් ක්ලේශාර්ජිතාර්ථක්ෂයවිමලමතිර්නුද්යමානෝ ජනෞඝෛඃ
ප්රාගේවං ප්රාහ විප්රෝ න ඛලු මම ජනඃ කාලකර්මග්රහා වා।
චේතෝ මේ දුඃඛහේතුස්තදිහ ගුණගණං භාවයත්සර්වකාරී-
ත්යුක්ත්වා ශාංතෝ ගතස්ත්වාං මම ච කුරු විභෝ තාදෘශී චිත්තශාංතිම් ॥9॥
ඓලඃ ප්රාගුර්වශීං ප්රත්යතිවිවශමනාඃ සේවමානශ්චිරං තාං
ගාඪං නිර්විද්ය භූයෝ යුවතිසුඛමිදං ක්ෂුද්රමේවේති ගායන් ।
ත්වද්භක්තිං ප්රාප්ය පූර්ණඃ සුඛතරමචරත්තද්වදුද්ධූතසංගං
භක්තෝත්තංසං ක්රියා මාං පවනපුරපතේ හංත මේ රුංධි රෝගාන් ॥10॥
නිතර අසන ප්රශ්න
What is නාරායණීයං දශක 96 - භගවද්විභූතයඃ තථා ජ්ඤානකර්මභක්තියෝගාඃ?
නාරායණීයං දශක 96 - භගවද්විභූතයඃ තථා ජ්ඤානකර්මභක්තියෝගාඃ is a devotional text available on Bhakti Granth in the selected language or script.
Which language or script is this version in?
This edition is published in Sinhala. Use the language selector to view another available edition.
Can I read නාරායණීයං දශක 96 - භගවද්විභූතයඃ තථා ජ්ඤානකර්මභක්තියෝගාඃ online?
Yes. The imported text is available directly on this page for online reading and recitation.
Can I download නාරායණීයං දශක 96 - භගවද්විභූතයඃ තථා ජ්ඤානකර්මභක්තියෝගාඃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.