නාරායණීයං දශක 91 – භක්තිමහත්ත්වම්
ශ්රීකෘෂ්ණ ත්වත්පදෝපාසනමභයතමං බද්ධමිථ්යාර්ථදෘෂ්ටේ-
ර්මර්ත්යස්යාර්තස්ය මන්යේ ව්යපසරති භයං යේන සර්වාත්මනෛව ।
යත්තාවත් ත්වත්ප්රණීතානිහ භජනවිධීනාස්ථිතෝ මෝහමාර්ගේ
ධාවන්නප්යාවෘතාක්ෂඃ ස්ඛලති න කුහචිද්දේවදේවාඛිලාත්මන් ॥1॥
භූමන් කායේන වාචා මුහුරපි මනසා ත්වද්බලප්රේරිතාත්මා
යද්යත් කුර්වේ සමස්තං තදිහ පරතරේ ත්වය්යසාවර්පයාමි ।
ජාත්යාපීහ ශ්වපාකස්ත්වයි නිහිතමනඃකර්මවාගිංද්රියාර්ථ-
ප්රාණෝ විශ්වං පුනීතේ න තු විමුඛමනාස්ත්වත්පදාද්විප්රවර්යඃ ॥2॥
භීතිර්නාම ද්විතීයාද්භවති නනු මනඃකල්පිතං ච ද්විතීයං
තේනෛක්යාභ්යාසශීලෝ හෘදයමිහ යථාශක්ති බුද්ධ්යා නිරුංධ්යාම් ।
මායාවිද්ධේ තු තස්මින් පුනරපි න තථා භාති මායාධිනාථං
තං ත්වාං භක්ත්යා මහත්යා සතතමනුභජනීශ භීතිං විජහ්යාම් ॥3॥
භක්තේරුත්පත්තිවෘද්ධී තව චරණජුෂාං සංගමේනෛව පුංසා-
මාසාද්යේ පුණ්යභාජාං ශ්රිය ඉව ජගති ශ්රීමතාං සංගමේන ।
තත්සංගෝ දේව භූයාන්මම ඛලු සතතං තන්මුඛාදුන්මිෂද්භි-
ස්ත්වන්මාහාත්ම්යප්රකාරෛර්භවති ච සුදෘඪා භක්තිරුද්ධූතපාපා ॥4॥
ශ්රේයෝමාර්ගේෂු භක්තාවධිකබහුමතිර්ජන්මකර්මාණි භූයෝ
ගායන් ක්ෂේමාණි නාමාන්යපි තදුභයතඃ ප්රද්රුතං ප්රද්රුතාත්මා ।
උද්යද්ධාසඃ කදාචිත් කුහචිදපි රුදන් ක්වාපි ගර්ජන් ප්රගාය-
න්නුන්මාදීව ප්රනෘත්යන්නයි කුරු කරුණාං ලෝකබාහ්යශ්චරේයම් ॥5॥
භූතාන්යේතානි භූතාත්මකමපි සකලං පක්ෂිමත්ස්යාන් මෘගාදීන්
මර්ත්යාන් මිත්රාණි ශත්රූනපි යමිතමතිස්ත්වන්මයාන්යානමානි ।
ත්වත්සේවායාං හි සිද්ධ්යේන්මම තව කෘපයා භක්තිදාර්ඪ්යං විරාග-
ස්ත්වත්තත්ත්වස්යාවබෝධෝऽපි ච භුවනපතේ යත්නභේදං විනෛව ॥6॥
නෝ මුහ්යන් ක්ෂුත්තෘඩාද්යෛර්භවසරණිභවෛස්ත්වන්නිලීනාශයත්වා-
ච්චිංතාසාතත්යශාලී නිමිෂලවමපි ත්වත්පදාදප්රකංපඃ ।
ඉෂ්ටානිෂ්ටේෂු තුෂ්ටිව්යසනවිරහිතෝ මායිකත්වාවබෝධා-
ජ්ජ්යෝත්ස්නාභිස්ත්වන්නඛේංදෝරධිකශිශිරිතේනාත්මනා සංචරේයම් ॥7॥
භූතේෂ්වේෂු ත්වදෛක්යස්මෘතිසමධිගතෞ නාධිකාරෝऽධුනා චේ-
ත්ත්වත්ප්රේම ත්වත්කමෛත්රී ජඩමතිෂු කෘපා ද්විට්සු භූයාදුපේක්ෂා ।
අර්චායාං වා සමර්චාකුතුකමුරුතරශ්රද්ධයා වර්ධතාං මේ
ත්වත්සංසේවී තථාපි ද්රුතමුපලභතේ භක්තලෝකෝත්තමත්වම් ॥8॥
ආවෘත්ය ත්වත්ස්වරූපං ක්ෂිතිජලමරුදාද්යාත්මනා වික්ෂිපංතී
ජීවාන් භූයිෂ්ඨකර්මාවලිවිවශගතීන් දුඃඛජාලේ ක්ෂිපංතී ।
ත්වන්මායා මාභිභූන්මාමයි භුවනපතේ කල්පතේ තත්ප්රශාංත්යෛ
ත්වත්පාදේ භක්තිරේවේත්යවදදයි විභෝ සිද්ධයෝගී ප්රබුද්ධඃ ॥9॥
දුඃඛාන්යාලෝක්ය ජංතුෂ්වලමුදිතවිවේකෝऽහමාචාර්යවර්යා-
ල්ලබ්ධ්වා ත්වද්රූපතත්ත්වං ගුණචරිතකථාද්යුද්භවද්භක්තිභූමා ।
මායාමේනාං තරිත්වා පරමසුඛමයේ ත්වත්පදේ මෝදිතාහේ
තස්යායං පූර්වරංගඃ පවනපුරපතේ නාශයාශේෂරෝගාන් ॥10॥
නිතර අසන ප්රශ්න
What is නාරායණීයං දශක 91 - භක්තිමහත්ත්වම්?
නාරායණීයං දශක 91 - භක්තිමහත්ත්වම් is a devotional text available on Bhakti Granth in the selected language or script.
Which language or script is this version in?
This edition is published in Sinhala. Use the language selector to view another available edition.
Can I read නාරායණීයං දශක 91 - භක්තිමහත්ත්වම් online?
Yes. The imported text is available directly on this page for online reading and recitation.
Can I download නාරායණීයං දශක 91 - භක්තිමහත්ත්වම් as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.