නාරායණීයං දශක 84 – සමංතපංචකතීර්ථයාත්රා – බංධුමිත්රාදි සමාගමම්

ක්වචිදථ තපනෝපරාගකාලේ පුරි නිදධත් කෘතවර්මකාමසූනූ ।
යදුකුලමහිලාවෘතඃ සුතීර්ථං සමුපගතෝऽසි සමංතපංචකාඛ්යම් ॥1॥

බහුතරජනතාහිතාය තත්ර ත්වමපි පුනන් විනිමජ්ය තීර්ථතෝයම් ।
ද්විජගණපරිමුක්තවිත්තරාශිඃ සමමිලථාඃ කුරුපාංඩවාදිමිත්රෛඃ ॥2॥

තව ඛලු දයිතාජනෛඃ සමේතා ද්රුපදසුතා ත්වයි ගාඪභක්තිභාරා ।
තදුදිතභවදාහෘතිප්රකාරෛඃ අතිමුමුදේ සමමන්යභාමිනීභිඃ ॥3॥

තදනු ච භගවන් නිරීක්ෂ්ය ගෝපානතිකුතුකාදුපගම්ය මානයිත්වා।
චිරතරවිරහාතුරාංගරේඛාඃ පශුපවධූඃ සරසං ත්වමන්වයාසීඃ ॥4॥

සපදි ච භවදීක්ෂණෝත්සවේන ප්රමුෂිතමානහෘදාං නිතංබිනීනාම් ।
අතිරසපරිමුක්තකංචුලීකේ පරිචයහෘද්යතරේ කුචේ න්යලෛෂීඃ ॥5॥

රිපුජනකලහෛඃ පුනඃ පුනර්මේ සමුපගතෛරියතී විලංබනාऽභූත් ।
ඉති කෘතපරිරංභණේත්වයි ද්රාක් අතිවිවශා ඛලු රාධිකා නිලිල්යේ ॥6॥

අපගතවිරහව්යථාස්තදා තා රහසි විධාය දදාථ තත්ත්වබෝධම් ।
පරමසුඛචිදාත්මකෝऽහමාත්මේත්යුදයතු වඃ ස්ඵුටමේව චේතසීති ॥7॥

සුඛරසපරිමිශ්රිතෝ වියෝගඃ කිමපි පුරාऽභවදුද්ධවෝපදේශෛඃ ।
සමභවදමුතඃ පරං තු තාසාං පරමසුඛෛක්යමයී භවද්විචිංතා ॥8॥

මුනිවරනිවහෛස්තවාථ පිත්රා දුරිතශමාය ශුභානි පෘච්ඡ්යමානෛඃ ।
ත්වයි සති කිමිදං ශුභාංතරෛඃ රිත්යුරුහසිතෛරපි යාජිතස්තදාऽසෞ ॥9॥

සුමහති යජනේ විතායමානේ ප්රමුදිතමිත්රජනේ සහෛව ගෝපාඃ ।
යදුජනමහිතාස්ත්රිමාසමාත්රං භවදනුෂංගරසං පුරේව භේජු ඃ ॥10॥

ව්යපගමසමයේ සමේත්ය රාධාං දෘඪමුපගූහ්ය නිරීක්ෂ්ය වීතඛේදාම් ।
ප්රමුදිතහෘදයඃ පුරං ප්රයාතඃ පවනපුරේශ්වර පාහි මාං ගදේභ්යඃ ॥11॥