නාරායණීයං දශක 83 – පෞංඩ්රකවධං – ද්නිනිදවධම්

රාමේऽථ ගෝකුලගතේ ප්රමදාප්රසක්තේ
හූතානුපේතයමුනාදමනේ මදාංධේ ।
ස්වෛරං සමාරමති සේවකවාදමූඪෝ
දූතං න්යයුංක්ත තව පෞංඩ්රකවාසුදේවඃ ॥1॥

නාරායණෝऽහමවතීර්ණ ඉහාස්මි භූමෞ
ධත්සේ කිල ත්වමපි මාමකලක්ෂණානි ।
උත්සෘජ්ය තානි ශරණං ව්රජ මාමිති ත්වාං
දූතෝ ජගාද සකලෛර්හසිතඃ සභායාම් ॥2॥

දූතේऽථ යාතවති යාදවසෛනිකෛස්ත්වං
යාතෝ දදර්ශිථ වපුඃ කිල පෞංඩ්රකීයම් ।
තාපේන වක්ෂසි කෘතාංකමනල්පමූල්ය-
ශ්රීකෞස්තුභං මකරකුංඩලපීතචේලම් ॥3॥

කාලායසං නිජසුදර්ශනමස්යතෝऽස්ය
කාලානලෝත්කරකිරේණ සුදර්ශනේන ।
ශීර්ෂං චකර්තිථ මමර්දිථ චාස්ය සේනාං
තන්මිත්රකාශිපශිරෝऽපි චකර්ථ කාශ්යාම් ॥4॥

ජාල්යේන බාලකගිරාऽපි කිලාහමේව
ශ්රීවාසුදේව ඉති රූඪමතිශ්චිරං සඃ ।
සායුජ්යමේව භවදෛක්යධියා ගතෝऽභූත්
කෝ නාම කස්ය සුකෘතං කථමිත්යවේයාත් ॥5॥

කාශීශ්වරස්ය තනයෝऽථ සුදක්ෂිණාඛ්යඃ
ශර්වං ප්රපූජ්ය භවතේ විහිතාභිචාරඃ ।
කෘත්යානලං කමපි බාණ්රරණාතිභීතෛ-
ර්භූතෛඃ කථංචන වෘතෛඃ සමමභ්යමුංචත් ॥6॥

තාලප්රමාණචරණාමඛිලං දහංතීං
කෘත්යාං විලෝක්ය චකිතෛඃ කථිතෝऽපි පෞරෛඃ ।
ද්යූතෝත්සවේ කිමපි නෝ චලිතෝ විභෝ ත්වං
පාර්ශ්වස්ථමාශු විසසර්ජිථ කාලචක්රම් ॥7॥

අභ්යාපතත්යමිතධාම්නි භවන්මහාස්ත්රේ
හා හේති විද්රුතවතී ඛලු ඝෝරකෘත්යා।
රෝෂාත් සුදක්ෂිණමදක්ෂිණචේෂ්ටිතං තං
පුප්ලෝෂ චක්රමපි කාශිපුරීමධාක්ෂීත් ॥8॥

ස ඛලු විවිදෝ රක්ෂෝඝාතේ කෘතෝපකෘතිඃ පුරා
තව තු කලයා මෘත්යුං ප්රාප්තුං තදා ඛලතාං ගතඃ ।
නරකසචිවෝ දේශක්ලේශං සෘජන් නගරාංතිකේ
ඣටිති හලිනා යුධ්යන්නද්ධා පපාත තලාහතඃ ॥9॥

සාංබං කෞරව්යපුත්රීහරණනියමිතං සාංත්වනාර්ථී කුරූණාං
යාතස්තද්වාක්යරෝෂෝද්ධෘතකරිනගරෝ මෝචයාමාස රාමඃ ।
තේ ඝාත්යාඃ පාංඩවේයෛරිති යදුපෘතනාං නාමුචස්ත්වං තදානීං
තං ත්වාං දුර්බෝධලීලං පවනපුරපතේ තාපශාංත්යෛ නිෂේවේ ॥10॥