නාරායණීයං දශක 71 – කේශී තථා ව්යෝමාසුරවධම්

යත්නේෂු සර්වේෂ්වපි නාවකේශී කේශී ස භෝජේශිතුරිෂ්ටබංධුඃ ।
ත්වාං සිංධුජාවාප්ය ඉතීව මත්වා සංප්රාප්තවාන් සිංධුජවාජිරූපඃ ॥1॥

ගංධර්වතාමේෂ ගතෝऽපි රූක්ෂෛර්නාදෛඃ සමුද්වේජිතසර්වලෝකඃ ।
භවද්විලෝකාවධි ගෝපවාටීං ප්රමර්ද්ය පාපඃ පුනරාපතත්ත්වාම් ॥2॥

තාර්ක්ෂ්යාර්පිතාංඝ්රේස්තව තාර්ක්ෂ්ය ඒෂ චික්ෂේප වක්ෂෝභුවි නාම පාදම් ।
භෘගෝඃ පදාඝාතකථාං නිශම්ය ස්වේනාපි ශක්යං තදිතීව මෝහාත් ॥3॥

ප්රවංචයන්නස්ය ඛුරාංචලං ද්රාගමුංච චික්ෂේපිථ දූරදූරම්
සම්මූර්ච්ඡිතෝऽපි හ්යතිමූර්ච්ඡිතේන ක්රෝධෝෂ්මණා ඛාදිතුමාද්රුතස්ත්වාම් ॥4॥

ත්වං වාහදංඩේ කෘතධීශ්ච වාහාදංඩං න්යධාස්තස්ය මුඛේ තදානීම් ।
තද් වෘද්ධිරුද්ධශ්වසනෝ ගතාසුඃ සප්තීභවන්නප්යයමෛක්යමාගාත් ॥5॥

ආලංභමාත්රේණ පශෝඃ සුරාණාං ප්රසාදකේ නූත්න ඉවාශ්වමේධේ ।
කෘතේ ත්වයා හර්ෂවශාත් සුරේංද්රාස්ත්වාං තුෂ්ටුවුඃ කේශවනාමධේයම් ॥6॥

කංසාය තේ ශෞරිසුතත්වමුක්ත්වා තං තද්වධෝත්කං ප්රතිරුධ්ය වාචා।
ප්රාප්තේන කේශික්ෂපණාවසානේ ශ්රීනාරදේන ත්වමභිෂ්ටුතෝऽභූඃ ॥7॥

කදාපි ගෝපෛඃ සහ කානනාංතේ නිලායනක්රීඩනලෝලුපං ත්වාම් ।
මයාත්මජඃ ප්රාප දුරංතමායෝ ව්යෝමාභිධෝ ව්යෝමචරෝපරෝධී ॥8॥

ස චෝරපාලායිතවල්ලවේෂු චෝරායිතෝ ගෝපශිශූන් පශූංශ්ච
ගුහාසු කෘත්වා පිදධේ ශිලාභිස්ත්වයා ච බුද්ධ්වා පරිමර්දිතෝऽභූත් ॥9॥

ඒවං විධෛශ්චාද්භුතකේලිභේදෛරානංදමූර්ච්ඡාමතුලාං ව්රජස්ය ।
පදේ පදේ නූතනයන්නසීමාං පරාත්මරූපින් පවනේශ පායාඃ ॥10॥