නාරායණීයං දශක 62 – ඉංද්රයජ්ඤනිරෝධනං තථා ගෝවර්ධනයාගම්

කදාචිද්ගෝපාලාන් විහිතමඛසංභාරවිභවාන්
නිරීක්ෂ්ය ත්වං ශෞරේ මඝවමදමුද්ධ්වංසිතුමනාඃ ।
විජානන්නප්යේතාන් විනයමෘදු නංදාදිපශුපා-
නපෘච්ඡඃ කෝ වාऽයං ජනක භවතාමුද්යම ඉති ॥1॥

බභාෂේ නංදස්ත්වාං සුත නනු විධේයෝ මඝවතෝ
මඛෝ වර්ෂේ වර්ෂේ සුඛයති ස වර්ෂේණ පෘථිවීම් ।
නෘණාං වර්ෂායත්තං නිඛිලමුපජීව්යං මහිතලේ
විශේෂාදස්මාකං තෘණසලිලජීවා හි පශවඃ ॥2॥

ඉති ශ්රුත්වා වාචං පිතුරයි භවානාහ සරසං
ධිගේතන්නෝ සත්යං මඝවජනිතා වෘෂ්ටිරිති යත් ।
අදෘෂ්ටං ජීවානාං සෘජති ඛලු වෘෂ්ටිං සමුචිතාං
මහාරණ්යේ වෘක්ෂාඃ කිමිව බලිමිංද්රාය දදතේ ॥3॥

ඉදං තාවත් සත්යං යදිහ පශවෝ නඃ කුලධනං
තදාජීව්යායාසෞ බලිරචලභර්ත්රේ සමුචිතඃ ।
සුරේභ්යෝऽප්යුත්කෘෂ්ටා නනු ධරණිදේවාඃ ක්ෂිතිතලේ
තතස්තේऽප්යාරාධ්යා ඉති ජගදිථ ත්වං නිජජනාන් ॥4॥

භවද්වාචං ශ්රුත්වා බහුමතියුතාස්තේऽපි පශුපාඃ
ද්විජේංද්රානර්චංතෝ බලිමදදුරුච්චෛඃ ක්ෂිතිභෘතේ ।
ව්යධුඃ ප්රාදක්ෂිණ්යං සුභෘශමනමන්නාදරයුතා-
ස්ත්වමාදශ්ශෛලාත්මා බලිමඛිලමාභීරපුරතඃ ॥5॥

අවෝචශ්චෛවං තාන් කිමිහ විතථං මේ නිගදිතං
ගිරීංද්රෝ නන්වේෂ ස්වබලිමුපභුංක්තේ ස්වවපුෂා ।
අයං ගෝත්රෝ ගෝත්රද්විෂි ච කුපිතේ රක්ෂිතුමලං
සමස්තානිත්යුක්තා ජහෘෂුරඛිලා ගෝකුලජුෂඃ ॥6॥

පරිප්රීතා යාතාඃ ඛලු භවදුපේතා ව්රජජුෂෝ
ව්රජං යාවත්තාවන්නිජමඛවිභංගං නිශමයන් ।
භවංතං ජානන්නප්යධිකරජසාऽऽක්රාංතහෘදයෝ
න සේහේ දේවේංද්රස්ත්වදුපරචිතාත්මෝන්නතිරපි ॥7॥

මනුෂ්යත්වං යාතෝ මධුභිදපි දේවේෂ්වවිනයං
විධත්තේ චේන්නෂ්ටස්ත්රිදශසදසාං කෝऽපි මහිමා ।
තතශ්ච ධ්වංසිෂ්යේ පශුපහතකස්ය ශ්රියමිති
ප්රවෘත්තස්ත්වාං ජේතුං ස කිල මඝවා දුර්මදනිධිඃ ॥8॥

ත්වදාවාසං හංතුං ප්රලයජලදානංබරභුවි
ප්රහිණ්වන් බිභ්රාණ; කුලිශමයමභ්රේභගමනඃ ।
ප්රතස්ථේऽන්යෛරංතර්දහනමරුදාද්යෛවිංහසිතෝ
භවන්මායා නෛව ත්රිභුවනපතේ මෝහයති කම් ॥9॥

සුරේංද්රඃ ක්රුද්ධශ්චේත් ද්විජකරුණයා ශෛලකෘපයාऽ-
ප්යනාතංකෝऽස්මාකං නියත ඉති විශ්වාස්ය පශුපාන් ।
අහෝ කින්නායාතෝ ගිරිභිදිති සංචිංත්ය නිවසන්
මරුද්ගේහාධීශ ප්රණුද මුරවෛරින් මම ගදාන් ॥10॥