නාරායණීයං දශක 51 – අඝාසුරවධම්

කදාචන ව්රජශිශුභිඃ සමං භවාන්
වනාශනේ විහිතමතිඃ ප්රගේතරාම් ।
සමාවෘතෝ බහුතරවත්සමංඩලෛඃ
සතේමනෛර්නිරගමදීශ ජේමනෛඃ ॥1॥

විනිර්යතස්තව චරණාංබුජද්වයා-
දුදංචිතං ත්රිභුවනපාවනං රජඃ ।
මහර්ෂයඃ පුලකධරෛඃ කලේබරෛ-
රුදූහිරේ ධෘතභවදීක්ෂණෝත්සවාඃ ॥2॥

ප්රචාරයත්යවිරලශාද්වලේ තලේ
පශූන් විභෝ භවති සමං කුමාරකෛඃ ।
අඝාසුරෝ න්යරුණදඝාය වර්තනී
භයානකඃ සපදි ශයානකාකෘතිඃ ॥3॥

මහාචලප්රතිමතනෝර්ගුහානිභ-
ප්රසාරිතප්රථිතමුඛස්ය කානනේ ।
මුඛෝදරං විහරණකෞතුකාද්ගතාඃ
කුමාරකාඃ කිමපි විදූරගේ ත්වයි ॥4॥

ප්රමාදතඃ ප්රවිශති පන්නගෝදරං
ක්වථත්තනෞ පශුපකුලේ සවාත්සකේ ।
විදන්නිදං ත්වමපි විවේශිථ ප්රභෝ
සුහෘජ්ජනං විශරණමාශු රක්ෂිතුම් ॥5॥

ගලෝදරේ විපුලිතවර්ෂ්මණා ත්වයා
මහෝරගේ ලුඨති නිරුද්ධමාරුතේ ।
ද්රුතං භවාන් විදලිතකංඨමංඩලෝ
විමෝචයන් පශුපපශූන් විනිර්යයෞ ॥6॥

ක්ෂණං දිවි ත්වදුපගමාර්ථමාස්ථිතං
මහාසුරප්රභවමහෝ මහෝ මහත් ।
විනිර්ගතේ ත්වයි තු නිලීනමංජසා
නභඃස්ථලේ නනෘතුරථෝ ජගුඃ සුරාඃ ॥7॥

සවිස්මයෛඃ කමලභවාදිභිඃ සුරෛ-
රනුද්රුතස්තදනු ගතඃ කුමාරකෛඃ ।
දිනේ පුනස්තරුණදශාමුපේයුෂි
ස්වකෛර්භවානතනුත භෝජනෝත්සවම් ॥8॥

විෂාණිකාමපි මුරලීං නිතංබකේ
නිවේශයන් කබලධරඃ කරාංබුජේ ।
ප්රහාසයන් කලවචනෛඃ කුමාරකාන්
බුභෝජිථ ත්රිදශගණෛර්මුදා නුතඃ ॥9॥

සුඛාශනං ත්විහ තව ගෝපමංඩලේ
මඛාශනාත් ප්රියමිව දේවමංඩලේ ।
ඉති ස්තුතස්ත්රිදශවරෛර්ජගත්පතේ
මරුත්පුරීනිලය ගදාත් ප්රපාහි මාම් ॥10॥