නාරායණීයං දශක 31 – බලිදර්පහරණම්

ප්රීත්යා දෛත්යස්තව තනුමහඃප්රේක්ෂණාත් සර්වථාऽපි
ත්වාමාරාධ්යන්නජිත රචයන්නංජලිං සංජගාද ।
මත්තඃ කිං තේ සමභිලෂිතං විප්රසූනෝ වද ත්වං
විත්තං භක්තං භවනමවනීං වාऽපි සර්වං ප්රදාස්යේ ॥1॥

තාමීක්ෂණාං බලිගිරමුපාකර්ණ්ය කාරුණ්යපූර්ණෝऽ-
ප්යස්යෝත්සේකං ශමයිතුමනා දෛත්යවංශං ප්රශංසන් ।
භූමිං පාදත්රයපරිමිතාං ප්රාර්ථයාමාසිථ ත්වං
සර්වං දේහීති තු නිගදිතේ කස්ය හාස්යං න වා ස්යාත් ॥2॥

විශ්වේශං මාං ත්රිපදමිහ කිං යාචසේ බාලිශස්ත්වං
සර්වාං භූමිං වෘණු කිමමුනේත්යාලපත්ත්වාං ස දෘප්යන් ।
යස්මාද්දර්පාත් ත්රිපදපරිපූර්ත්යක්ෂමඃ ක්ෂේපවාදාන්
බංධං චාසාවගමදතදර්හෝऽපි ගාඪෝපශාංත්යෛ ॥3॥

පාදත්රය්යා යදි න මුදිතෝ විෂ්ටපෛර්නාපි තුෂ්යේ-
දිත්යුක්තේऽස්මින් වරද භවතේ දාතුකාමේऽථ තෝයම් ।
දෛත්යාචාර්යස්තව ඛලු පරීක්ෂාර්ථිනඃ ප්රේරණාත්තං
මා මා දේයං හරිරයමිති ව්යක්තමේවාබභාෂේ ॥4॥

යාචත්යේවං යදි ස භගවාන් පූර්ණකාමෝऽස්මි සෝऽහං
දාස්යාම්යේව ස්ථිරමිති වදන් කාව්යශප්තෝऽපි දෛත්යඃ ।
විංධ්යාවල්යා නිජදයිතයා දත්තපාද්යාය තුභ්යං
චිත්රං චිත්රං සකලමපි ස ප්රාර්පයත්තෝයපූර්වම් ॥5॥

නිස්සංදේහං දිතිකුලපතෞ ත්වය්යශේෂාර්පණං තද්-
ව්යාතන්වානේ මුමුචුඃ-ඍෂයඃ සාමරාඃ පුෂ්පවර්ෂම් ।
දිව්යං රූපං තව ච තදිදං පශ්යතාං විශ්වභාජා-
මුච්චෛරුච්චෛරවෘධදවධීකෘත්ය විශ්වාංඩභාංඩම් ॥6॥

ත්වත්පාදාග්රං නිජපදගතං පුංඩරීකෝද්භවෝऽසෞ
කුංඩීතෝයෛරසිචදපුනාද්යජ්ජලං විශ්වලෝකාන් ।
හර්ෂෝත්කර්ෂාත් සුබහු නනෘතේ ඛේචරෛරුත්සවේऽස්මින්
භේරීං නිඝ්නන් භුවනමචරජ්ජාංබවාන් භක්තිශාලී ॥7॥

තාවද්දෛත්යාස්ත්වනුමතිමෘතේ භර්තුරාරබ්ධයුද්ධා
දේවෝපේතෛර්භවදනුචරෛස්සංගතා භංගමාපන් ।
කාලාත්මාऽයං වසති පුරතෝ යද්වශාත් ප්රාග්ජිතාඃ ස්මඃ
කිං වෝ යුද්ධෛරිති බලිගිරා තේऽථ පාතාලමාපුඃ ॥8॥

පාශෛර්බද්ධං පතගපතිනා දෛත්යමුච්චෛරවාදී-
ස්තාර්ත්තීයීකං දිශ මම පදං කිං න විශ්වේශ්වරෝऽසි ।
පාදං මූර්ධ්නි ප්රණය භගවන්නිත්යකංපං වදංතං
ප්රහ්ලාද්ස්තං ස්වයමුපගතෝ මානයන්නස්තවීත්ත්වාම් ॥9॥

දර්පෝච්ඡිත්ත්යෛ විහිතමඛිලං දෛත්ය සිද්ධෝऽසි පුණ්යෛ-
ර්ලෝකස්තේऽස්තු ත්රිදිවවිජයී වාසවත්වං ච පශ්චාත් ।
මත්සායුජ්යං භජ ච පුනරිත්යන්වගෘහ්ණා බලිං තං
විප්රෛස්සංතානිතමඛවරඃ පාහි වාතාලයේශ ॥10॥