නාරායණීයං දශක 27 – ක්ෂීරාබ්ධිමථනං තථා කූර්මාවතාරම්

දූර්වාසාස්සුරවනිතාප්තදිව්යමාල්යං
ශක්රාය ස්වයමුපදාය තත්ර භූයඃ ।
නාගේංද්රප්රතිමෘදිතේ ශශාප ශක්රං
කා ක්ෂාංතිස්ත්වදිතරදේවතාංශජානාම් ॥1॥

ශාපේන ප්රථිතජරේऽථ නිර්ජරේංද්රේ
දේවේෂ්වප්යසුරජිතේෂු නිෂ්ප්රභේෂු ।
ශර්වාද්යාඃ කමලජමේත්ය සර්වදේවා
නිර්වාණප්රභව සමං භවංතමාපුඃ ॥2॥

බ්රහ්මාද්යෛඃ ස්තුතමහිමා චිරං තදානීං
ප්රාදුෂ්ෂන් වරද පුරඃ පරේණ ධාම්නා ।
හේ දේවා දිතිජකුලෛර්විධාය සංධිං
පීයූෂං පරිමථතේති පර්යශාස්ත්වම් ॥3॥

සංධානං කෘතවති දානවෛඃ සුරෞඝේ
මංථානං නයති මදේන මංදරාද්රිම් ।
භ්රෂ්ටේऽස්මින් බදරමිවෝද්වහන් ඛගේංද්රේ
සද්යස්ත්වං විනිහිතවාන් පයඃපයෝධෞ ॥4॥

ආධාය ද්රුතමථ වාසුකිං වරත්රාං
පාථෝධෞ විනිහිතසර්වබීජජාලේ ।
ප්රාරබ්ධේ මථනවිධෞ සුරාසුරෛස්තෛ-
ර්ව්යාජාත්ත්වං භුජගමුඛේऽකරෝස්සුරාරීන් ॥5॥

ක්ෂුබ්ධාද්රෞ ක්ෂුභිතජලෝදරේ තදානීං
දුග්ධාබ්ධෞ ගුරුතරභාරතෝ නිමග්නේ ।
දේවේෂු ව්යථිතතමේෂු තත්ප්රියෛෂී
ප්රාණෛෂීඃ කමඨතනුං කඨෝරපෘෂ්ඨාම් ॥6॥

වජ්රාතිස්ථිරතරකර්පරේණ විෂ්ණෝ
විස්තාරාත්පරිගතලක්ෂයෝජනේන ।
අංභෝධේඃ කුහරගතේන වර්ෂ්මණා ත්වං
නිර්මග්නං ක්ෂිතිධරනාථමුන්නිනේථ ॥7॥

උන්මග්නේ ඣටිති තදා ධරාධරේංද්රේ
නිර්මේථුර්දෘඪමිහ සම්මදේන සර්වේ ।
ආවිශ්ය ද්විතයගණේऽපි සර්පරාජේ
වෛවශ්යං පරිශමයන්නවීවෘධස්තාන් ॥8॥

උද්දාමභ්රමණජවෝන්නමද්ගිරීංද්ර-
න්යස්තෛකස්ථිරතරහස්තපංකජං ත්වාම් ।
අභ්රාංතේ විධිගිරිශාදයඃ ප්රමෝදා-
දුද්භ්රාංතා නුනුවුරුපාත්තපුෂ්පවර්ෂාඃ ॥9॥

දෛත්යෞඝේ භුජගමුඛානිලේන තප්තේ
තේනෛව ත්රිදශකුලේऽපි කිංචිදාර්තේ ।
කාරුණ්යාත්තව කිල දේව වාරිවාහාඃ
ප්රාවර්ෂන්නමරගණාන්න දෛත්යසංඝාන් ॥10॥

උද්භ්රාම්යද්බහුතිමිනක්රචක්රවාලේ
තත්රාබ්ධෞ චිරමථිතේऽපි නිර්විකාරේ ।
ඒකස්ත්වං කරයුගකෘෂ්ටසර්පරාජඃ
සංරාජන් පවනපුරේශ පාහි රෝගාත් ॥11॥