2.3 – හෝතෘබ්රාහ්මණශේෂඃ – කෘෂ්ණ යජුර්වේද තෛත්තිරීය බ්රාහ්මණ පාඨඃ – බ්රහ්මවාදිනෝ වදන්ති

කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ තෘතීයඃ ප්රපාඨකඃ – හෝතෘබ්රාහ්මණශේෂඃ

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අනුවාකං 1 – සර්වේෂාං හෝතෘමන්ත්රාණා-ඤ්චතුර්​හෝතෘශබ්දේන ව්යවහාර

බ්ර॒හ්ම॒වා॒දිනෝ॑ වදන්ති । කි-ඤ්චතු॑ර්​හෝතෘණා-ඤ්චතුර්​හෝතෘ॒ත්වමිති॑ । යදේ॒වෛෂු ච॑තු॒ර්ධා හෝතා॑රඃ । තේන॒ චතු॑ර්​හෝතාරඃ । තස්මා॒ච්චතු॑ර්​හෝතාර උච්යන්තේ । තච්චතු॑ර්​හෝතෘණා-ඤ්චතුර්​හෝතෘ॒ත්වම් ॥ සෝමෝ॒ වෛ චතු॑ර්​හෝතා । අ॒ග්නිඃ පඤ්ච॑හෝතා । ධා॒තා ෂඩ්ඪෝ॑තා । ඉන්ද්ර॑-ස්ස॒ප්තහෝ॑තා ॥ 1 ॥

ප්ර॒ජාප॑ති॒-ර්දශ॑හෝතා । ය ඒ॒ව-ඤ්චතු॑ර්​හෝතෘණා॒-මෘද්ධිං॒-වේඁද॑ । ඍ॒ධ්නෝත්යේ॒ව ॥ ය ඒ॑ෂාමේ॒ව-ම්බ॒න්ධුතාං॒-වේඁද॑ । බන්ධු॑මාන්භවති । ය ඒ॑ෂාමේ॒ව-ඞ්ක්ලෘප්තිං॒-වේඁද॑ । කල්ප॑තේ-ऽස්මෛ । ය ඒ॑ෂාමේ॒ව-මා॒යත॑නං॒-වේඁද॑ । ආ॒යත॑නවාන්-භවති । ය ඒ॑ෂාමේ॒ව-ම්ප්ර॑ති॒ෂ්ඨාං-වේඁද॑ ॥ 2 ॥

ප්රත්යේ॒ව ති॑ෂ්ඨති ॥ බ්ර॒හ්ම॒වා॒දිනෝ॑ වදන්ති । දශ॑හෝතා॒ චතු॑ර්​හෝතා । පඤ්ච॑හෝතා॒ ෂඩ්ඪෝ॑තා ස॒ප්තහෝ॑තා । අථ॒ කස්මා॒ච්චතු॑ර්​හෝතාර උච්යන්ත॒ ඉති॑ । ඉන්ද්රෝ॒ වෛ චතු॑ර්​හෝතා । ඉන්ද්රඃ॒ ඛලු॒ වෛ ශ්රේෂ්ඨෝ॑ දේ॒වතා॑නා-මුප॒දේශ॑නාත් । ය ඒ॒වමින්ද්ර॒ග්ග්॒ ශ්රේෂ්ඨ॑-න්දේ॒වතා॑නා-මුප॒දේශ॑නා॒-ද්වේද॑ । වසි॑ෂ්ඨ-ස්සමා॒නානා᳚-ම්භවති । තස්මා॒ච්ඡ්රේෂ්ඨ॑මා॒යන්ත॑-ම්ප්රථ॒මේනෛ॒වානු॑බුද්ධ්යන්තේ । අ॒යමාගන්න්॑ । අ॒යමවා॑සා॒දිති॑ । කී॒ර්තිර॑ස්ය॒ පූර්වා-ऽऽග॑ච්ඡති ජ॒නතා॑මාය॒තඃ । අථෝ॑ ඒන-ම්ප්රථ॒මේනෛ॒වානු॑ බුද්ධ්යන්තේ । අ॒යමාගන්න්॑ । අ॒යමවා॑සා॒දිති॑ ॥ 3 ॥
(ස॒ප්තහෝ॑තා – ප්රති॒ෂ්ඨාං-වේඁද॑ – බුද්ධ්යන්තේ॒ ෂට්ච॑) (අ. 1)

අනුවාකං 2 – නෛමිත්තිකෝ හෝතෘමන්ත්රහෝමඃ
දක්ෂි॑ණා-ම්ප්රතිග්රහී॒ෂ්යන්-ථ්ස॒ප්තද॑ශ॒ කෘත්වෝ-ऽපා᳚න්යාත් । ආ॒ත්මාන॑මේ॒ව සමි॑න්ධේ । තේජ॑සේ වී॒ර්යා॑ය । අථෝ᳚ ප්ර॒ජාප॑තිරේ॒වෛනා᳚-ම්භූ॒ත්වා ප්රති॑ ගෘහ්ණාති । ආ॒ත්මනෝ ऽනා᳚ර්ත්යෛ ॥ යද්යේ॑න॒මාර්ත්-වි॑ජ්යා-ද්වෘ॒තග්​ම් සන්ත॑-න්නි॒රඃඅරේ॑රන්න් । ආග්නී᳚ද්ධ්රේ ජුහුයා॒-ද්දශ॑හෝතාරම් । ච॒තු॒ර්ගෘ॒හී॒තේනාජ්යේ॑න । පු॒රස්තා᳚ත්-ප්ර॒ත්යන්තිෂ්ඨන්න්॑ । ප්ර॒ති॒ලෝ॒මං-විඁ॒ග්රාහ᳚ම් ॥ 4 ॥

ප්රා॒ණානේ॒වාස්යෝප॑දාසයති ॥ යද්යේ॑න॒-ම්පුන॑රුප॒ ශික්ෂේ॑යුඃ । ආග්නී᳚ද්ධ්ර ඒ॒ව ජු॑හුයා॒-ද්දශ॑හෝතාරම් । ච॒තු॒ර්ගෘ॒හී॒තේනාජ්යේ॑න । ප॒ශ්චා-ත්ප්රාංආසී॑නඃ । අ॒නු॒ලෝ॒ම-මවි॑ග්රාහම් । ප්රා॒ණානේ॒වාස්මෛ॑ කල්පයති ॥ ප්රාය॑ශ්චිත්තී॒-වාඝෝතේ-ත්යෘ॑තුමු॒ඛ ඍ॑තුමුඛේ ජුහෝති । ඍ॒තූනේ॒වාස්මෛ॑ කල්පයති । කල්ප॑න්තේ-ऽස්මා ඍ॒තවඃ॑ ॥ 5 ॥

ක්ලෘ॒ප්තා අ॑ස්මා ඍ॒තව॒ ආය॑න්ති ॥ ෂඩ්ඪෝ॑තා॒ වෛ භූ॒ත්වා ප්ර॒ජාප॑තිරි॒දග්​ම් සර්ව॑මසෘජත । ස මනෝ॑-ऽසෘජත । මන॒සෝ-ऽධි॑ ගාය॒ත්රීම॑සෘජත । තද්ගා॑ය॒ත්රීං-යඁශ॑ ආර්ච්ඡත් । තාමා-ऽල॑භත । ගා॒ය॒ත්රි॒යා අධි॒ ඡන්දාග්॑ස්ය සෘජත । ඡන්දෝ॒භ්යෝ-ऽධි॒ සාම॑ । ත-ථ්සාම॒ යශ॑ ආර්ච්ඡත් । තදා-ऽල॑භත ॥ 6 ॥

සාම්නෝ-ऽධි॒ යජූග්॑ෂ්යසෘජත । යජු॒ර්භ්යෝ-ऽධි॒ විෂ්ණු᳚ම් । ත-ද්විෂ්ණුං॒-යඁශ॑ ආර්ච්ඡත් । තමා-ऽල॑භත । වි॒ෂ්ණෝරද්ධ්යෝෂ॑ධීරසෘජත । ඕෂ॑ධී॒භ්යෝ-ऽධි॒ සෝම᳚ම් । ත-ථ්සෝමං॒-යඁශ॑ ආර්ච්ඡත් । තමා-ऽල॑භත । සෝමා॒දධි॑ ප॒ශූන॑සෘජත । ප॒ශුභ්යෝ-ऽධීන්ද්ර᳚ම් ॥ 7 ॥

තදින්ද්රං॒-යඁශ॑ ආර්ච්ඡත් । තදේ॑න॒-න්නාති॒ ප්රාච්ය॑වත । ඉන්ද්ර॑ ඉව යශ॒ස්වී භ॑වති । ය ඒ॒වං-වේඁද॑ । නෛනං॒-යඁශෝ-ऽති॒ ප්රච්ය॑වතේ ॥ යද්වා ඉ॒ද-ඞ්කි-ඤ්ච॑ । ත-ථ්සර්ව॑මුත්තා॒න ඒ॒වාඞ්ගී॑ර॒සඃ ප්රත්ය॑ගෘහ්ණාත් । තදේ॑න॒-ම්ප්රති॑ගෘහීත॒-න්නාහි॑නත් । ය-ත්කිඤ්ච॑ ප්රති ගෘහ්ණී॒යාත් । ත-ථ්සර්ව॑මුත්තා॒නස්ත්වා᳚ඞ්ගීර॒සඃ ප්රති॑ගෘහ්ණා॒ත්විත්යේ॒ව ප්රති॑ගෘහ්ණීයාත් । ඉ॒යං-වාඁ උ॑ත්තා॒න ආ᳚ඞ්ගීර॒සඃ । අ॒නයෛ॒වෛන॒ත්-ප්රති॑ ගෘහ්ණාති । නෛනග්​ම්॑ හිනස්ති ॥ බ॒ර॒ඃඉෂා॒ ප්රතී॑යා॒ද්ගාං-වාඁ-ऽශ්වං॑-වාඁ । ඒ॒තද්වෛ ප॑ශූ॒නා-ම්ප්රි॒ය-න්ධාම॑ । ප්රි॒යේණෛ॒වෛන॒-න්ධාම්නා॒ ප්රත්යේ॑ති ॥ 8 ॥
(වි॒ග්රාහ॑ – මෘ॒තව॒ – ස්තදා-ऽල॑භ॒ – තේන්ද්රං॑ – ගෘහ්ණීයා॒-ථ්ෂට්ච॑) (අ. 2)

අනුවාකං 3 – කේශවපනාඞ්ග-ම්පුෂ්ටිවේදනං
යෝ වා අවි॑ද්වා-න්නිව॒ර්තය॑තේ । විශී॑ර්​ෂා॒ සපා᳚ප්මා॒ ऽමුෂ්මි॑ල් ඁලෝ॒කේ භ॑වති । අථ॒ යෝ වි॒ද්වා-න්නි॑ව॒ර්තය॑තේ । සශී॑ර්​ෂා॒ විපා᳚ප්මා॒ ऽමුෂ්මි॑ල් ඁලෝ॒කේ භ॑වති ॥ දේ॒වතා॒ වෛ ස॒ප්ත පුෂ්ටි॑කාමා॒ න්ය॑වර්තයන්ත । අ॒ග්නිශ්ච॑ පෘථි॒වී ච॑ । වා॒යුශ්චා॒න්තරි॑ක්ෂ-ඤ්ච । ආ॒දි॒ත්යශ්ච॒ ද්යෞශ්ච॑ ච॒න්ද්රමාඃ᳚ । අ॒ග්නිර්න්ය॑වර්තයත । ස සා॑හ॒ස්ර-ම॑පුෂ්යත් ॥ 9 ॥

පෘ॒ථි॒වී න්ය॑වර්තයත । සෞෂ॑ධීභි॒-ර්වන॒ස්පති॑භි-රපුෂ්යත් । වා॒යුර්න්ය॑වර්තයත । ස මරී॑චීභි-රපුෂ්යත් । අ॒න්තරි॑ක්ෂ॒-න්න්ය॑වර්තයත । තද්වයෝ॑භි-රපුෂ්යත් । ආ॒දි॒ත්යෝ න්ය॑වර්තයත । ස ර॒ශ්මිභි॑-රපුෂ්යත් । ද්යෞර්න්ය॑වර්තයත । සා නක්ෂ॑ත්රෛ-රපුෂ්යත් । ච॒න්ද්රමා॒ න්ය॑වර්තයත । සෝ॑-ऽහෝරා॒ත්රෛ-ර॑ර්ධමා॒සෛ-ර්මාසෛර්॑ ඍ॒තුභි॑-ස්සං​වඁථ්ස॒රේණා॑-පුෂ්යත් । තාන්පෝෂා᳚න්-පුෂ්යති । යාග්​ස්තේ-ऽපු॑ෂ්යන්න් । ය ඒ॒වං-විඁ॒දාන්නි ච॑ ව॒ර්තය॑තේ॒ පරි॑ ච ॥ 10 ॥
(අ॒පු॒ෂ්ය॒න් – නක්ෂ॑ත්රෛරපුෂ්ය॒-ත්පඤ්ච॑ ච) (අ. 3)

අනුවාකං 4 – ප්රතිග්රහමන්ත්රමහිමජ්ඤානම්
තස්ය॒ වා අ॒ග්නේර්-හිර॑ණ්ය-ම්ප්රතිජග්ර॒හුෂඃ॑ । අ॒ර්ධමි॑න්ද්රි॒යස්යා-පා᳚ක්රාමත් । තදේ॒තේනෛ॒ව ප්රත්ය॑ගෘහ්ණාත් । තේන॒ වෛ සෝ᳚-ऽර්ධමි॑න්ද්රි॒ය-ස්යා॒ත්ම-න්නු॒පාධ॑ත්ත । අ॒ර්ධමි॑න්ද්රි॒යස්යා॒ත්ම-න්නු॒පාධ॑ත්තේ । ය ඒ॒වං-විඁ॒ද්වාන්. හිර॑ණ්ය-ම්ප්රති ගෘ॒හ්ණාති॑ । අථ॒ යෝ ऽවි॑ද්වා-න්ප්රති ගෘ॒හ්ණාති॑ । අ॒ර්ධම॑ස්යේන්ද්රි॒යස්යාප॑ ක්රාමති ॥ තස්ය॒ වෛ සෝම॑ස්ය॒ වාසඃ॑ ප්රතිජග්ර॒හුෂඃ॑ । තෘතී॑යමින්ද්රි॒යස්යා-පා᳚ක්රාමත් ॥ 11 ॥

තදේ॒තේනෛ॒ව ප්රත්ය॑ගෘහ්ණාත් । තේන॒ වෛ ස තෘතී॑යමින්ද්රි॒යස්යා॒ත්ම-න්නු॒පාධ॑ත්ත । තෘතී॑යමින්ද්රි॒යස්යා॒ත්ම-න්නු॒පාධ॑ත්තේ । ය ඒ॒වං-විඁ॒ද්වාන්. වාසඃ॑ ප්රති ගෘ॒හ්ණාති॑ । අථ॒ යෝ-ऽවි॑ද්වා-න්ප්රති ගෘ॒හ්ණාති॑ । තෘතී॑යමස්යේන්ද්රි॒යස්යාප॑ ක්රාමති ॥ තස්ය॒ වෛ රු॒ද්රස්ය॒ ගා-ම්ප්ර॑තිජග්ර॒හුෂඃ॑ । ච॒තු॒ර්ථමි॑න්ද්රි॒යස්යා-පා᳚ක්රාමත් । තාමේ॒තේනෛ॒ව ප්රත්ය॑ගෘහ්ණාත් । තේන॒ වෛ ස ච॑තු॒ර්ථමි॑න්ද්රි॒යස්යා॒ත්ම-න්නු॒පාධ॑ත්ත ॥ 12 ॥

ච॒තු॒ර්ථමි॑න්ද්රි॒යස්යා॒ත්ම-න්නු॒පාධ॑ත්තේ । ය ඒ॒වං-විඁ॒ද්වා-න්ගා-ම්ප්ර॑ති ගෘ॒හ්ණාති॑ । අථ॒ යෝ-ऽවි॑ද්වා-න්ප්රති ගෘ॒හ්ණාති॑ । ච॒තු॒ර්ථම॑ස්යේන්ද්රි॒යස්යාප॑ ක්රාමති ॥ තස්ය॒ වෛ වරු॑ණ॒ස්යාශ්ව॑-ම්ප්රතිජග්ර॒හුෂඃ॑ । ප॒ඤ්ච॒මමි॑න්ද්රි॒යස්යා-පා᳚ක්රාමත් । තමේ॒තේනෛ॒ව ප්රත්ය॑ගෘහ්ණාත් । තේන॒ වෛ ස ප॑ඤ්ච॒මමි॑න්ද්රි॒යස්යා॒ත්ම-න්නු॒පාධ॑ත්ත । ප॒ඤ්ච॒මමි॑න්ද්රි॒යස්යා॒ත්ම-න්නු॒පාධ॑ත්තේ । ය ඒ॒වං-විඁ॒ද්වානශ්ව॑-ම්ප්රති ගෘ॒හ්ණාති॑ ॥ 13 ॥

අථ॒ යෝ-ऽවි॑ද්වා-න්ප්රතිගෘ॒හ්ණාති॑ । ප॒ඤ්ච॒මම॑ස්යේන්ද්රි॒යස්යාප॑ ක්රාමති ॥ තස්ය॒ වෛ ප්ර॒ජාප॑තේඃ॒ පුරු॑ෂ-ම්ප්රතිජග්ර॒හුෂඃ॑ । ෂ॒ෂ්ඨමි॑න්ද්රි॒යස්යා-පා᳚ක්රාමත් । තමේ॒තේනෛ॒ව ප්රත්ය॑ගෘහ්ණාත් । තේන॒ වෛ ස ෂ॒ෂ්ඨමි॑න්ද්රි॒යස්යා॒ත්ම-න්නු॒පාධ॑ත්ත । ෂ॒ෂ්ඨමි॑න්ද්රි॒යස්යා॒ත්ම-න්නු॒පාධ॑ත්තේ । ය ඒ॒වං-විඁ॒ද්වා-න්පුරු॑ෂ-ම්ප්රති ගෘ॒හ්ණාති॑ । අථ॒ යෝ-ऽවි॑ද්වා-න්ප්රති ගෘ॒හ්ණාති॑ । ෂ॒ෂ්ඨම॑ස්යේන්ද්රි॒යස්යාප॑-ක්රාමති ॥ 14 ॥

තස්ය॒ වෛ මනෝ॒ස්තල්ප॑-ම්ප්රතිජග්ර॒හුෂඃ॑ । ස॒ප්ත॒මමි॑න්ද්රි॒යස්යා-පා᳚ක්රාමත් । තමේ॒තේනෛ॒ව ප්රත්ය॑ගෘහ්ණාත් । තේන॒ වෛ ස ස॑ප්ත॒මමි॑න්ද්රි॒ය-ස්යා॒ත්ම-න්නු॒පාධ॑ත්ත । ස॒ප්ත॒මමි॑න්ද්රි॒යස්යා॒ත්ම-න්නු॒පාධ॑ත්තේ । ය ඒ॒වං-විඁ॒ද්වාග්​ස්තල්ප॑-ම්ප්රතිගෘ॒හ්ණාති॑ । අථ॒ යෝ-ऽවි॑ද්වා-න්ප්රති ගෘ॒හ්ණාති॑ । ස॒ප්ත॒මම॑ස්යේන්ද්රි॒යස්යාප॑-ක්රාමති ॥ තස්ය॒ වා උ॑ත්තා॒නස්යා᳚ඞ්ගීර॒සස්යා ප්රා॑ණ-ත්ප්රතිජග්ර॒හුෂඃ॑ । අ॒ෂ්ට॒මමි॑න්ද්රි॒යස්යා-පා᳚ක්රාමත් ॥ 15 ॥

තදේ॒තේනෛ॒ව ප්රත්ය॑ගෘහ්ණාත් । තේන॒ වෛ සෝ᳚-ऽෂ්ට॒මමි॑න්ද්රි॒යස්යා॒ත්ම-න්නු॒පාධ॑ත්තේ । අ॒ෂ්ට॒මමි॑න්ද්රි॒යස්යා॒ත්ම-න්නු॒පාධ॑ත්තේ । ය ඒ॒වං-විඁ॒ද්වාන ප්රා॑ණ-ත්ප්රති ගෘ॒හ්ණාති॑ । අථ॒ යෝ-ऽවි॑ද්වා-න්ප්රතිගෘ॒හ්ණාති॑ । අ॒ෂ්ට॒මම॑ස්යේන්ද්රි॒යස්යාප॑ ක්රාමති ॥ යද්වා ඉ॒ද-ඞ්කි-ඤ්ච॑ । ත-ථ්සර්ව॑-මුත්තා॒න ඒ॒වාඞ්ගී॑ර॒සඃ ප්රත්ය॑ ගෘහ්ණාත් । තදේ॑න॒-ම්ප්රති॑ගෘහීත॒-න්නාහි॑නත් । ය-ත්කි-ඤ්ච॑ ප්රති ගෘහ්ණී॒යාත් । ත-ථ්සර්ව॑-මුත්තා॒න-ස්ත්වා᳚ඞ්ගීර॒සඃ ප්රති॑ගෘහ්ණා॒ත්විත්යේ॒ව ප්රති॑ ගෘහ්ණීයාත් । ඉ॒යං-වාඁ උ॑ත්තා॒න ආ᳚ඞ්ගීර॒සඃ । අ॒නයෛ॒වෛන॒ත්-ප්රති॑ගෘහ්ණාති । නෛනග්​ම්॑ හිනස්ති ॥ 16 ॥
(තෘතී॑යමින්ද්රි॒යස්යාපා᳚ක්රාමච් – චතු॒ර්ථමි॑න්ද්රි॒යස්යා॒ත්මන්නු॒පාධ॒ – ත්තාශ්ව॑-ම්ප්රතිගෘ॒හ්ණාති॑ – ෂ॒ෂ්ඨ॑මස්යේන්ද්රි॒යස්යාප॑ක්රාම -ත්යෂ්ට॒මමි॑න්ද්රි॒යස්යාපා᳚ක්රාමත් – ප්රති ගෘහ්ණී॒යාච් ච॒ත්වාරි॑ ච) (අ. 4)

(තස්ය॒ වා අ॒ග්නේර්-හිර॑ණ්ය॒ග්​ම්॒ සෝම॑ස්ය॒ වාස॒ස්තදේ॒තේන॑ රු॒ද්රස්ය॒ ගා-න්තාමේ॒තේන॒ වරු॑ණ॒ස්යාශ්ව॑-ම්ප්ර॒ජාප॑තේඃ॒ පුරු॑ෂ॒-ම්මනෝ॒ස්තල්ප॒-න්තමේ॒තේනෝ᳚ත්තා॒නස්ය॒ තදේ॒තේනාප්රා॑ණ॒ද්ය-ද්වෛ )
(අ॒ර්ධ-න්තෘතී॑යමෂ්ට॒ම-න්තච්ච॑තු॒ර්ථ-න්තා-ම්ප॑ඤ්ච॒මග්​ම් ෂ॒ෂ්ඨග්​ම් ස॑ප්ත॒මන්තම් ।
තදේ॒තේන॒ ද්වේ තාමේ॒තේනෛක॒-න්තමේ॒තේන॒ ත්රීණි॒ තදේ॒තේනෛකං᳚ )

අනුවාකං 5 – ප්රශ්නෝත්තරරූපෝ බ්රහ්මවිෂයස්සං​වාඁදඃ
බ්ර॒හ්ම॒වා॒දිනෝ॑ වදන්ති ॥ ය-ද්දශ॑හෝතාර-ස්ස॒ත්රමාස॑ත । කේන॒ තේ ගෘ॒හප॑තිනා ऽऽර්ධ්නුවන්න් । කේන॑ ප්ර॒ජා අ॑සෘජ॒න්තේති॑ । ප්ර॒ජාප॑තිනා॒ වෛ තේ ගෘ॒හප॑තිනා ऽऽර්ධ්නුවන්න් । තේන॑ ප්ර॒ජා අ॑සෘජන්ත ॥ යච්චතු॑ර්​හෝතාර-ස්ස॒ත්රමාස॑ත । කේන॒ තේ ගෘ॒හප॑තිනා ऽऽර්ධ්නුවන්න් । කේනෞෂ॑ධී-රසෘජ॒න්තේති॑ । සෝමේ॑න॒ වෛ තේ ගෘ॒හප॑තිනා ऽऽර්ධ්නුවන්න් ॥ 17 ॥

තේනෞෂ॑ධී-රසෘජන්ත ॥ ය-ත්පඤ්ච॑හෝතාර-ස්ස॒ත්රමාස॑ත । කේන॒ තේ ගෘ॒හප॑තිනා ऽऽර්ධ්නුවන්න් । කේනෛ॒භ්යෝ ලෝ॒කේභ්යෝ-ऽසු॑රා॒-න්ප්රාණු॑දන්ත । කේනෛ॑ෂා-ම්ප॒ශූන॑වෘඤ්ජ॒තේති॑ । අ॒ග්නිනා॒ වෛ තේ ගෘ॒හප॑තිනා ऽऽර්ධ්නුවන්න් । තේනෛ॒භ්යෝ ලෝ॒කේභ්යෝ-ऽසු॑රා॒න්-ප්රාණු॑දන්ත । තේනෛ॑ෂා-ම්ප॒ශූන॑වෘඤ්ජත ॥ ය-ථ්ෂඩ්ඪෝ॑තාර-ස්ස॒ත්රමාස॑ත । කේන॒ තේ ගෘ॒හප॑තිනා ऽऽර්ධ්නුවන්න් ॥ 18 ॥

කේන॒ර්තූන॑-කල්පය॒න්තේති॑ । ධා॒ත්රා වෛ තේ ගෘ॒හප॑තිනා ऽऽර්ධ්නුවන්න් । තේන॒ර්තූන॑කල්පයන්ත ॥ ය-ථ්ස॒ප්තහෝ॑තාර-ස්ස॒ත්රමාස॑ත । කේන॒ තේ ගෘ॒හප॑තිනා ऽऽර්ධ්නුවන්න් । කේන॒ සුව॑රායන්න් । කේනේ॒මාල් ඁලෝ॒කාන්-ථ්සම॑තන්ව॒න්නිති॑ । අ॒ර්ය॒ම්ණා වෛ තේ ගෘ॒හප॑තිනා ऽऽර්ධ්නුවන්න් । තේන॒ සුව॑රායන්න් । තේනේ॒මාල් ඁලෝ॒කාන්-ථ්සම॑තන්ව॒න්නිති॑ ॥ 19 ॥

ඒ॒තේ වෛ දේ॒වා ගෘ॒හප॑තයඃ । තාන්. ය ඒ॒වං-විඁ॒ද්වාන් । අප්ය॒න්යස්ය॑ ගාර්​හප॒තේ දීක්ෂ॑තේ । අ॒වා॒න්ත॒රමේ॒ව ස॒ත්රිණා॑-මෘද්ධ්නෝති ॥ යෝ වා අ॑ර්ය॒මණං॒-වේඁද॑ । දාන॑කාමා අස්මෛ ප්ර॒ජා භ॑වන්ති । ය॒ජ්ඤෝ වා අ॑ර්ය॒මා । ආර්යා॑වස॒තිරිති॒ වෛ තමා॑හු॒ර්ය-ම්ප්ර॒ශග්​ම්ස॑න්ති ॥ ආර්යා॑ වස॒තිර්භ॑වති । ය ඒ॒වං-වේඁද॑ ॥ 20 ॥

යද්වා ඉ॒ද-ඞ්කි-ඤ්ච॑ । ත-ථ්සර්ව॒-ඤ්චතු॑ර්​හෝතාරඃ । චතු॑ර්​හෝතෘ॒භ්යෝ-ऽධි॑ ය॒ජ්ඤෝ නිමි॑ර්තඃ । ස ය ඒ॒වං-විඁ॒ද්වාන්. වි॒වදේ॑ත । අ॒හමේ॒ව භූයෝ॑ වේද । යශ්චතු॑ර්​හෝතॄ॒න්॒. වේදේති॑ । ස හ්යේ॑ව භූයෝ॒ වේද॑ । යශ්චතු॑ර්​හෝතॄ॒න්.॒ වේද॑ ॥ යෝ වෛ චතු॑ර්​හෝතෘණා॒ග්​ම්॒ හෝතॄ॒න්॒. වේද॑ । සර්වා॑සු ප්ර॒ජාස්වන්න॑මත්ති ॥ 21 ॥

සර්වා॒ දිශෝ॒-ऽභිජ॑යති । ප්ර॒ජාප॑ති॒ර්වෛ දශ॑හෝතෘණා॒ග්​ම්॒ හෝතා᳚ । සෝම॒ශ්චතු॑ර්​හෝතෘණා॒ග්​ම්॒ හෝතා᳚ । අ॒ග්නිඃ පඤ්ච॑හෝතෘණා॒ග්​ම්॒ හෝතා᳚ । ධා॒තා ෂඩ්ඪෝ॑තෘණා॒ග්​ම්॒ හෝතා᳚ । අ॒ර්ය॒මා ස॒ප්තහෝ॑තෘණා॒ග්​ම්॒ හෝතා᳚ । ඒ॒තේ වෛ චතු॑ර්​හෝතෘණා॒ග්​ම්॒ හෝතා॑රඃ । තාන්. ය ඒ॒වං-වේඁද॑ । සර්වා॑සු ප්ර॒ජාස්වන්න॑මත්ති । සර්වා॒ දිශෝ॒-ऽභි ජ॑යති ॥ 22 ॥
(ආ॒ර්ධ්නු॒ව॒ – න්නා॒ධ්නු॒ව॒ – න්නිත්යේ॒ – වං-වේඁදා᳚ – ත්ති॒ – සර්වා॒ දිශෝ॒භි ජ॑යති ) (අ. 5)
(වෛ තේන॑ ස॒ත්ර-ඞ්කේන॑)

2.3.6 අනුවාකං – හෝතෘප්රශංසාප්රසඞ්ගේන ක්රතූනාමෘත්විග් විශේෂව්යවස්ථාපනම්, අග්නිහෝත්රස්ය ප්රාශස්ත්ය-ඤ්ච
ප්ර॒ජාප॑තිඃ ප්ර॒ජා-ස්සෘ॒ෂ්ට්වා ව්ය॑ස්රග්​ම්සත । ස හෘද॑ය-ම්භූ॒තෝ॑-ऽශයත් । ආත්ම॒න්॒. හා(3) ඉත්යහ්ව॑යත් । ආපඃ॒ ප්රත්ය॑ශෘණ්වන්න් । තා අ॑ග්නිහෝ॒ත්රේණෛ॒ව ය॑ජ්ඤක්ර॒තුනෝප॑ ප॒ර්යාව॑ර්තන්ත । තාඃ කුසි॑න්ධ॒මුපෞ॑හන්න් । තස්මා॑දග්නිහෝ॒ත්රස්ය॑ යජ්ඤක්ර॒තෝඃ । ඒක॑ ඍ॒ත්වික් ॥ ච॒තු॒ෂ්කෘත්වෝ-ऽහ්ව॑යත් । අ॒ග්නි-ර්වා॒යු-රා॑දි॒ත්ය-ශ්ච॒න්ද්රමාඃ᳚ ॥ 23 ॥

තේ ප්රත්ය॑ශෘණ්වන්න් । තේ ද॑ර්​ශපූර්ණමා॒සාභ්යා॑මේ॒ව ය॑ජ්ඤක්ර॒තුනෝප॑ ප॒ර්යාව॑ර්තන්ත । ත උපෞ॑හග්ග්​-ශ්ච॒ත්වාර්යඞ්ගා॑නි । තස්මා᳚-ද්දර්​ශපූර්ණමා॒සයෝ᳚-ර්යජ්ඤක්ර॒තෝඃ । ච॒ත්වාර॑ ඍ॒ත්විජඃ॑ ॥ ප॒ඤ්ච॒ කෘත්වෝ-ऽහ්ව॑යත් । ප॒ශවඃ॒ ප්රත්ය॑ශෘණ්වන්න් । තේ චා॑තුර්මා॒ස්යෛරේ॒ව ය॑ජ්ඤක්ර॒තුනෝප॑ ප॒ර්යාව॑ර්තන්ත । ත උපෞ॑හ॒ල් ඁලෝම॑ ඡ॒වී-ම්මා॒ග්​ම්॒සමස්ථි॑ ම॒ජ්ජාන᳚ම් । තස්මා᳚ච්චාතුර්මා॒ස්යානාං᳚-යඁජ්ඤක්ර॒තෝඃ ॥ 24 ॥

පඤ්ච॒ර්ත්විජඃ॑ ॥ ෂ॒ට්කෘත්වෝ-ऽහ්ව॑යත් । ඍ॒තවඃ॒ ප්රත්ය॑ශෘණ්වන්න් । තේ ප॑ශුබ॒න්ධේනෛ॒ව ය॑ජ්ඤක්ර॒තුනෝප॑ ප॒ර්යාව॑ර්තන්ත । ත උපෞ॑හ॒න්-ථ්ස්තනා॑වා॒ණ්ඩෞ ශි॒ශ්නමවා᳚ඤ්ච-ම්ප්රා॒ණම් । තස්මා᳚ත්-පශුබ॒න්ධස්ය॑ යජ්ඤක්ර॒තෝඃ । ෂඩෘ॒ත්විජඃ॑ ॥ ස॒ප්ත॒කෘත්වෝ-ऽහ්ව॑යත් । හෝත්රාඃ॒ ප්රත්ය॑ශෘණ්වන්න් । තා-ස්සෞ॒ම්යේනෛ॒වාද්ධ්ව॒රේණ॑ යජ්ඤක්ර॒තුනෝප॑ ප॒ර්යාව॑ර්තන්ත ॥ 25 ॥

තා උපෞ॑හන්-ථ්ස॒ප්තශී॑ර්​ෂ॒ණ්යා᳚න්-ප්රා॒ණාන් । තස්මා᳚-ථ්සෞ॒ම්යස්යා᳚ද්ධ්ව॒රස්ය॑ යජ්ඤක්ර॒තෝඃ । ස॒ප්ත හෝත්රාඃ॒ ප්රාචී॒ර්වෂ॑ට්කුර්වන්ති ॥ ද॒ශ॒කෘත්වෝ-ऽහ්ව॑යත් । තපඃ॒ ප්රත්ය॑ශෘණෝත් । තත්-කර්ම॑ණෛ॒ව සං॑​වඁථ්ස॒රේණ॒ සර්වෛ᳚ර්යජ්ඤක්ර॒තුභි॒රුප॑ ප॒ර්යාව॑ර්තත । ත-ථ්සර්ව॑මා॒ත්මාන॒-මප॑රිවර්ග॒-මුපෞ॑හත් । තස්මා᳚ථ්- සං​වඁථ්ස॒රේ සර්වේ॑ යජ්ඤක්ර॒තවෝ-ऽව॑රුද්ධ්යන්තේ ॥ තස්මා॒-ද්දශ॑හෝතා॒ චතු॑ර්​හෝතා । පඤ්ච॑හෝතා॒ ෂඩ්ඪෝ॑තා ස॒ප්තහෝ॑තා । ඒක॑හෝත්රේ බ॒ලිග්​ම් හ॑රන්ති । හර॑න්ත්යස්මෛ ප්ර॒ජා බ॒ලිම් । ඓන॒මප්ර॑තිඛ්යාත-ඞ්ගච්ඡති । ය ඒ॒වං-වේඁද॑ ॥ 26 ॥
(ච॒න්ද්රමා᳚ – ශ්චාතුර්මා॒ස්යානාං᳚-යඁජ්ඤක්ර॒තෝ – ර॑ද්ධ්ව॒රේණ॑ යජ්ඤක්ර॒තුනෝප॑ ප॒ර්යාව॑ර්තන්ත – ස॒ප්තහෝ॑තා ච॒ත්වාරි॑ ච) (අ. 6)

අනුවාකං 7 – අග්නිහෝත්රස්ය සර්වක්රතුරුද්භාවසාධනේන ප්රශංසා
ප්ර॒ජාප॑තිඃ॒ පුරු॑ෂ-මසෘජත । සෝ᳚-ऽග්නිර॑බ්රවීත් । මමා॒ය-මන්න॑ම॒ස්ත්විති॑ । සෝ॑-ऽබිභේත් । සර්වං॒-වෛඁ මා॒-ऽය-ම්ප්රධ॑ක්ෂ්ය॒තීති॑ । ස ඒ॒තාග්​-ශ්චතු॑ර්​හෝතॄනාත්ම॒-ස්පර॑ණානපශ්යත් । තාන॑ජුහෝත් । තෛර්වෛ ස ආ॒ත්මාන॑-මස්පෘණෝත් ॥ යද॑ග්නිහෝ॒ත්ර-ඤ්ජු॒හෝති॑ । ඒක॑හෝතාරමේ॒ව ත-ද්ය॑ජ්ඤක්ර॒තු-මා᳚ප්නෝත්යග්නිහෝ॒ත්රම් ॥ 27 ॥

කුසි॑න්ධ-ඤ්චා॒ත්මන॑-ස්ස්පෘ॒ණෝති॑ । ආ॒දි॒ත්යස්ය॑ ච॒ සායු॑ජ්ය-ඞ්ගච්ඡති ॥ ච॒තුරුන්න॑යති । චතු॑ර්​හෝතාරමේ॒ව ත-ද්ය॑ජ්ඤක්ර॒තු-මා᳚ප්නෝති දර්​ශපූර්ණමා॒සෞ । ච॒ත්වාරි॑ චා॒ත්මනෝ-ऽඞ්ගා॑නි ස්පෘ॒ණෝති॑ । ආ॒දි॒ත්යස්ය॑ ච॒ සායු॑ජ්ය-ඞ්ගච්ඡති ॥ ච॒තුරුන්න॑යති । ස॒මිත්ප॑ඤ්ච॒මී । පඤ්ච॑හෝතාරමේ॒ව ත-ද්ය॑ජ්ඤක්ර॒තු-මා᳚ප්නෝති චාතුර්මා॒ස්යානි॑ । ලෝම॑ ඡ॒වී-ම්මා॒ග්​ම්॒සමස්ථි॑ ම॒ජ්ජාන᳚ම් ॥ 28 ॥

තානි॑ චා॒ත්මන॑-ස්ස්පෘ॒ණෝති॑ । ආ॒දි॒ත්යස්ය॑ ච॒ සායු॑ජ්ය-ඞ්ගච්ඡති ॥ ච॒තුරුන්න॑යති । ද්විර්ජු॑හෝති । ෂඩ්ඪෝ॑තාරමේ॒ව ත-ද්ය॑ජ්ඤක්ර॒තු-මා᳚ප්නෝති පශුබ॒න්ධම් । ස්තනා॑වා॒ණ්ඩෞ ශි॒ශ්නමවා᳚ඤ්ච-ම්ප්රා॒ණම් । තානි॑ චා॒ත්මන॑-ස්ස්පෘ॒ණෝති॑ । ආ॒දි॒ත්යස්ය॑ ච॒ සායු॑ජ්ය-ඞ්ගච්ඡති । ච॒තුරුන්න॑යති । ද්විර්ජු॑හෝති ॥ 29 ॥

ස॒මි-ථ්ස॑ප්ත॒මී । ස॒ප්තහෝ॑තාරමේ॒ව ත-ද්ය॑ජ්ඤක්ර॒තු-මා᳚ප්නෝති සෞ॒ම්ය-ම॑ද්ධ්ව॒රම් । ස॒ප්ත චා॒ත්මන॑-ශ්ශීර්​ෂ॒ණ්යා᳚න්-ප්රා॒ණාන්-ථ්ස්පෘ॒ණෝති॑ । ආ॒දි॒ත්යස්ය॑ ච॒ සායු॑ජ්ය-ඞ්ගච්ඡති ॥ ච॒තුරුන්න॑යති । ද්විර්ජු॒හෝති॑ । ද්විර්නිමා᳚ර්​ෂ්ටි । ද්විඃ ප්රාශ්ඤා॑ති । දශ॑හෝතාරමේ॒ව ත-ද්ය॑ජ්ඤක්ර॒තු-මා᳚ප්නෝති සං​වඁථ්ස॒රම් । සර්ව॑-ඤ්චා॒ත්මාන॒-මප॑රිවර්ගග්ග්​ ස්පෘ॒ණෝති॑ । ආ॒දි॒ත්යස්ය॑ ච॒ සායු॑ජ්ය-ඞ්ගච්ඡති ॥ 30 ॥
(අ॒ග්නි॒හෝ॒ත්රං – ම॒ජ්ජානං॒ – ද්විර්ජු॑හෝ॒ – ත්යප॑රිවර්ගග්ග්​ ස්පෘ॒ණෝත්යේක॑-ඤ්ච ) (අ. 7)

අනුවාකං 8 – සෘෂ්ටිසාධනත්වේන හෝතෘමන්ත්රාසාමර්ථ්ය ප්රශංසා
[(අප॑ක්රාමත ගර්භි॒ණ්යඃ) ඉස් ඕන්ල්ය් ඉන්ස්ත්රුච්තිඕන් , නෝත් අ මන්ත්ර]
ප්ර॒ජාප॑ති-රකාමයත॒ ප්රජා॑යේ॒යේති॑ । ස තපෝ॑-ऽතප්යත । සෝ᳚-ऽන්තර්වා॑නභවත් । ස හරි॑ත-ශ්ශ්යා॒වෝ॑-ऽභවත් । තස්මා॒-ථ්ස්ත්ර්ය॑න්තර්ව॑ත්නී । හරි॑ණී ස॒තී ශ්යා॒වා භ॑වති । ස වි॒ජාය॑මානෝ॒ ගර්භේ॑ණාතාම්යත් । ස තා॒න්තඃ කෘ॒ෂ්ණ-ශ්ශ්යා॒වෝ॑-ऽභවත් । තස්මා᳚-ත්තා॒න්තඃ කෘ॒ෂ්ණ-ශ්ශ්යා॒වෝ භ॑වති । තස්යාසු॑රේ॒වාජී॑වත් ॥ 31 ॥

තේනාසු॒නා-ऽසු॑රානසෘජත । තදසු॑රාණා-මසුර॒ත්වම් । ය ඒ॒වමසු॑රාණා-මසුර॒ත්වං-වේඁද॑ । අසු॑මානේ॒ව භ॑වති । නෛන॒මසු॑ර්ජහාති ॥ සෝ-ऽසු॑රාන්-ථ්සෘ॒ෂ්ට්වා පි॒තේවා॑මන්යත । තදනු॑ පි॒තॄන॑සෘජත । තත්-පි॑තෘ॒ණා-ම්පි॑තෘ॒ත්වම් । ය ඒ॒ව-ම්පි॑තෘ॒ණා-ම්පි॑තෘ॒ත්වං-වේඁද॑ । පි॒තේවෛ॒ව ස්වානා᳚-ම්භවති ॥ 32 ॥

යන්ත්ය॑ස්ය පි॒තරෝ॒ හව᳚ම් ॥ ස පි॒තॄන්-ථ්සෘ॒ෂ්ට්වා ऽම॑නස්යත් । තදනු॑ මනු॒ෂ්යා॑-නසෘජත । තන්ම॑නු॒ෂ්යා॑ණා-ම්මනුෂ්ය॒ත්වම් । ය ඒ॒ව-ම්ම॑නු॒ෂ්යා॑ණා-ම්මනුෂ්ය॒ත්වං-වේඁද॑ । ම॒න॒ස්ව්යේ॑ව භ॑වති । නෛන॒-ම්මනු॑ර්ජහාති ॥ තස්මෛ॑ මනු॒ෂ්යා᳚න්-ථ්සසෘජා॒නාය॑ । දිවා॑ දේව॒ත්රා ऽභ॑වත් । තදනු॑ දේ॒වාන॑සෘජත । ත-ද්දේ॒වානා᳚-න්දේව॒ත්වම් । ය ඒ॒ව-න්දේ॒වානා᳚-න්දේව॒ත්වං-වේඁද॑ । දිවා॑ හෛ॒වාස්ය॑ දේව॒ත්රා භ॑වති ॥ තානි॒ වා ඒ॒තානි॑ ච॒ත්වාර්යම්භාග්​ම්॑සි । දේ॒වා ම॑නු॒ෂ්යාඃ᳚ පි॒තරෝ-ऽසු॑රාඃ ॥ තේෂු॒ සර්වේ॒ෂ්වම්භෝ॒ නභ॑ ඉව භවති । ය ඒ॒වං-වේඁද॑ ॥ 33 ॥
(අ॒ජී॒ව॒ථ් – ස්වානා᳚-ම්භවති – දේ॒වාන॑සෘජත ස॒ප්ත ච॑) (අ. 8)

අනුවාකං 9 – වායුරූපත්වජ්ඤානේන හෝතෘමන්ත්රාණා-ම්ප්රශංසා
[(ය॒ථා॒ස්ථා॒න-ඞ්ග॑ර්භි॒ණ්යඃ॑) ඉස් ඔන්ල්ය් ඉන්ස්ත්රුච්තිඔන් , නොත් අ මන්ත්ර]
බ්ර॒හ්ම॒වා॒දිනෝ॑ වදන්ති । යෝ වා ඉ॒මං-විඁ॒ද්යාත් । යතෝ॒-ऽය-ම්පව॑තේ । යද॑භි॒ පව॑තේ । යද॑භි ස॒පං​වඁ ॑තේ । සර්ව॒මායු॑රියාත් । න පු॒රා ऽऽයු॑ෂඃ॒ ප්රමී॑යේත । ප॒ශු॒මාන්-ථ්ස්යා᳚ත් । වි॒න්දේත॑ ප්ර॒ජාම් ॥ යෝ වා ඉ॒මං-වේඁද॑ ॥ 34 ॥

යතෝ॒-ऽය-ම්පව॑තේ । යද॑භි॒ පව॑තේ । යද॑භි ස॒පං​වඁ ॑තේ । සර්ව॒මායු॑රේති । න පු॒රා-ऽऽයු॑ෂඃ॒ ප්රමී॑යතේ । ප॒ශු॒මා-න්භ॑වති । වි॒න්දතේ᳚ ප්ර॒ජාම් ॥ අ॒ද්භ්යඃ ප॑වතේ । අ॒පෝ॑-ऽභි ප॑වතේ । අ॒පෝ॑-ऽභි සම්ප॑වතේ ॥ 35 ॥

අ॒ස්යාඃ ප॑වතේ । ඉ॒මාම॒භි ප॑වතේ । ඉ॒මාම॒භි සම්ප॑වතේ । අ॒ග්නේඃ ප॑වතේ । අ॒ග්නිම॒භි ප॑වතේ । අ॒ග්නිම॒භි ස-ම්ප॑වතේ । අ॒න්තරි॑ක්ෂා-ත්පවතේ । අ॒න්තරි॑ක්ෂම॒භි ප॑වතේ । අ॒න්තරි॑ක්ෂම॒භි ස-ම්ප॑වතේ । ආ॒දි॒ත්යා-ත්ප॑වතේ ॥ 36 ॥

ආ॒දි॒ත්යම॒භි ප॑වතේ । ආ॒දි॒ත්යම॒භි ස-ම්ප॑වතේ । ද්යෝඃ ප॑වතේ । දිව॑ම॒භි ප॑වතේ ॥ දිව॑ම॒භි ස-ම්ප॑වතේ । දි॒ග්භ්යඃ ප॑වතේ । දිශෝ॒-ऽභි ප॑වතේ । දිශෝ॒-ऽභි ස-ම්ප॑වතේ । ස යත්-පු॒රස්තා॒ද්වාති॑ । ප්රා॒ණ ඒ॒ව භූ॒ත්වා පු॒රස්තා᳚ද්වාති ॥ 37 ॥

තස්මා᳚ත්-පු॒රස්තා॒-ද්වාන්ත᳚ම් । සර්වාඃ᳚ ප්ර॒ජාඃ ප්රති॑ නන්දන්ති । ප්රා॒ණෝ හි ප්රි॒යඃ ප්ර॒ජානා᳚ම් । ප්රා॒ණ ඉ॑ව ප්රි॒යඃ ප්ර॒ජානා᳚-ම්භවති । ය ඒ॒වං-වේඁද॑ । ස වා ඒ॒ෂ ප්රා॒ණ ඒ॒ව ॥ අථ॒ ය-ද්ද॑ක්ෂිණ॒තෝ වාති॑ । මා॒ත॒රිශ්වෛ॒ව භූ॒ත්වා ද॑ක්ෂිණ॒තෝ වා॑ති । තස්මා᳚-ද්දක්ෂිණ॒තෝ වාන්තං॑-විඁ॒ද්යාත් । සර්වා॒ දිශ॒ ආවා॑ති ॥ 38 ॥

සර්වා॒ දිශෝ-ऽනු॒ විවා॑ති । සර්වා॒ දිශෝ-ऽනු॒ සං​වාඁ॒තීති॑ । ස වා ඒ॒ෂ මා॑ත॒රිශ්වෛ॒ව ॥ අථ॒ යත්-ප॒ශ්චාද්වාති॑ । පව॑මාන ඒ॒ව භූ॒ත්වා ප॒ශ්චාද්වා॑ති । පූ॒තම॑ස්මා॒ ආහ॑රන්ති । පූ॒තමුප॑හරන්ති । පූ॒තම॑ශ්නාති । ය ඒ॒වං-වේඁද॑ । ස වා ඒ॒ෂ පව॑මාන ඒ॒ව ॥ 39 ॥

අථ॒ යදු॑ත්තර॒තෝ වාති॑ । ස॒වි॒තෛව භූ॒ත්වෝත්ත॑ර॒තෝ වා॑ති । ස॒වි॒තේව॒ ස්වානා᳚-ම්භවති । ය ඒ॒වං-වේඁද॑ । ස වා ඒ॒ෂ ස॑වි॒තෛව ॥ තේ ය ඒ॑න-ම්පු॒රස්තා॑දා॒යන්ත॑-මුප॒වද॑න්ති । ය ඒ॒වාස්ය॑ පු॒රස්තා᳚ත්-පා॒ප්මානඃ॑ । තාග්​ස්තේ ऽප॑ඝ්නන්ති । පු॒රස්තා॒දිත॑රාන්-පා॒ප්මන॑-ස්සචන්තේ ॥ අථ॒ ය ඒ॑න-න්දක්ෂිණ॒ත ආ॒යන්ත॑-මුප॒වද॑න්ති ॥ 40 ॥

ය ඒ॒වාස්ය॑ දක්ෂිණ॒තඃ පා॒ප්මානඃ॑ । තාග්​ස්තේ ऽප॑ඝ්නන්ති । ද॒ක්ෂි॒ණ॒ත ඉත॑රා-න්පා॒ප්මන॑-ස්සචන්තේ ॥ අථ॒ ය ඒ॑න-ම්ප॒ශ්චාදා॒යන්ත॑-මුප॒වද॑න්ති । ය ඒ॒වාස්ය॑ ප॒ශ්චාත්-පා॒ප්මානඃ॑ । තාග්​ස්තේ ऽප॑ඝ්නන්ති । ප॒ශ්චාදිත॑රාන්-පා॒ප්මන॑-ස්සචන්තේ ॥ අථ॒ ය ඒ॑නමුත්තර॒ත ආ॒යන්ත॑මුප॒ වද॑න්ති । ය ඒ॒වාස්යෝ᳚ත්තර॒තඃ පා॒ප්මානඃ॑ । තාග්​ස්තේ ऽප॑ඝ්නන්ති ॥ 41 ॥

උ॒ත්ත॒ර॒ත ඉත॑රා-න්පා॒ප්මන॑-ස්සචන්තේ ॥ තස්මා॑ දේ॒වං-විඁ॒ද්වාන් । වීව॑ නෘත්යේත් । ප්රේව॑ චලේත් । ව්යස්යේ॑වා॒ක්ෂ්යෞ භා॑ෂේත । ම॒ණ්ටයේ॑දිව । ක්රා॒ථයේ॑දිව । ශෘ॒ඞ්ගා॒යේතේ॑ව ॥ උ॒ත මෝප॑වදේයුඃ । උ॒ත මේ॑ පා॒ප්මාන॒-මප॑හන්යු॒රිති॑ ॥ ස යා-න්දිශග්​ම්॑ ස॒නිමේ॒ෂ්යන්-ථ්ස්යාත් । ය॒දා තා-න්දිශං॒-වාඁතෝ॑ වා॒යාත් । අථ॒ ප්රවේ॒යාත් । ප්ර වා॑ ධාපයේත් (ධාවයේත්) । සා॒තමේ॒ව ර॑දි॒තං-ව්යූඁ ॑ඪ-ඞ්ග॒න්ධම॒භි ප්රච්ය॑වතේ । ආ-ऽස්ය॒ ත-ඤ්ජ॑නප॒ද-ම්පූර්වා॑ කී॒ර්තිර්ග॑ච්ඡති ॥ දාන॑කාමා අස්මෛ ප්ර॒ජා භ॑වන්ති । ය ඒ॒වං-වේඁද॑ ॥ 42 ॥
(වේද॒ – සම්ප॑වත – ආදි॒ත්යා-ත්ප॑වතේ – වා॒ත්යා – වා᳚ත්යේ॒ – ෂ පව॑මාන ඒ॒ව – ද॑ක්ෂිණ॒ත ආ॒යන්ත॑මුප॒ වද॑න් – ත්යුත්තර॒තඃ පා॒ප්මාන॒ස්තාග්​ස්තේ ऽප॑ඝ්න॒ – න්තීත්ය॒ෂ්ටෞ ච॑) (අ. 9)

අනුවාකං 10 – දශහෝතෘමන්ත්රාණා-ඞ්කාම්යප්රයෝගඃ
ප්ර॒ජාප॑ති॒-ස්සෝම॒ග්​ම්॒ රාජා॑නමසෘජත । ත-න්ත්රයෝ॒ වේදා॒ අන්ව॑සෘජ්යන්ත । තාන්. හස්තේ॑-ऽකුරුත । අථ॒ හ සීතා॑ සාවි॒ත්රී । සෝම॒ග්​ම්॒ රාජා॑න-ඤ්චකමේ । ශ්ර॒ද්ධාමු॒ ස ච॑කමේ । සා හ॑ පි॒තර॑-ම්ප්ර॒ජාප॑ති॒-මුප॑සසාර । තග්​ම් හෝ॑වාච । නම॑ස්තේ අස්තු භගවඃ । උප॑ ත්වා-ऽයානි ॥ 43 ॥

ප්ර ත්වා॑ පද්යේ ॥ සෝමං॒-වෛඁ රාජා॑න-ඞ්කාමයේ । ශ්ර॒ද්ධාමු॒ ස කා॑මයත॒ ඉති॑ । තස්යා॑ උ॒ හ ස්ථා॑ග॒රම॑ලඞ්කා॒ර-ඞ්ක॑ල්පයි॒ත්වා । දශ॑හෝතාර-ම්පු॒රස්තා᳚-ද්ව්යා॒ඛ්යාය॑ । චතු॑ර්​හෝතාර-න්දක්ෂිණ॒තඃ । පඤ්ච॑ හෝතාර-ම්ප॒ශ්චාත් । ෂඩ්ඪෝ॑තාර-මුත්තර॒තඃ । ස॒ප්තහෝ॑තාර-මු॒පරි॑ෂ්ටාත් । ස॒ම්භා॒රෛශ්ච॒ පත්නි॑භිශ්ච॒ මුඛේ॑-ऽල॒ඞ්කෘත්ය॑ ॥ 44 ॥

ආ-ऽස්යාර්ධං-වඁ ॑ව්රාජ । තාග්​ම් හෝ॒දීක්ෂ්යෝ॑වාච । උප॒ මා-ऽऽව॑ර්ත॒ස්වේති॑ । තග්​ම් හෝ॑වාච । භෝග॒-න්තු ම॒ ආච॑ක්ෂ්ව । ඒ॒ත-න්ම॒ ආච॑ක්ෂ්ව । යත්තේ॑ පා॒ණාවිති॑ । තස්යා॑ උ॒ හ ත්රීන්. වේදා॒-න්ප්රද॑දෞ । තස්මා॒දු හ॒ ස්ත්රියෝ॒ භෝග॒මෛව හා॑රයන්තේ ॥ ස යඃ කා॒මයේ॑ත ප්රි॒ය-ස්ස්යා॒මිති॑ ॥ 45 ॥

යං-වාඁ ॑ කා॒මයේ॑ත ප්රි॒ය-ස්ස්යා॒දිති॑ । තස්මා॑ ඒ॒තග්ග්​ ස්ථා॑ග॒ර-ම॑ලඞ්කා॒ර-ඞ්ක॑ල්පයි॒ත්වා । දශ॑හෝතාර-ම්පු॒රස්තා᳚-ද්ව්යා॒ඛ්යාය॑ । චතු॑ර්​හෝතාර-න්දක්ෂිණ॒තඃ । පඤ්ච॑හෝතාර-ම්ප॒ශ්චාත් । ෂඩ්ඪෝ॑තාර-මුත්තර॒තඃ । ස॒ප්තහෝ॑තා-රමු॒පරි॑ෂ්ටාත් । ස॒ම්භා॒රෛශ්ච॒ පත්නි॑භිශ්ච॒ මුඛේ॑-ऽල॒ඞ්කෘත්ය॑ । ආ-ऽස්යාර්ධං-ව්රඁ ॑ජේත් । ප්රි॒යෝ හෛ॒ව භ॑වති ॥ 46 ॥
(අ॒යා॒ – න්ය॒ල॒ඞ්කෘත්ය॑ – ස්යා॒මිති॑ – භවති) (අ. 10)

අනුවාකං 11 – දශහෝත්රාදිමන්ත්රනාම්නා-ම්ප්රවෘත්තිනිමිත්තම්
බ්රහ්මා᳚ත්ම॒න්-වද॑සෘජත । තද॑කාමයත । සමා॒ත්මනා॑ පද්යේ॒යේති॑ । ආත්ම॒-න්නාත්ම॒-න්නිත්යාම॑න්ත්රයත । තස්මෛ॑ දශ॒මග්​ම් හූ॒තඃ ප්රත්ය॑ශෘණෝත් । ස දශ॑හූතෝ-ऽභවත් । දශ॑හූතෝ හ॒ වෛ නාමෛ॒ෂඃ । තං-වාඁ ඒ॒ත-න්දශ॑හූත॒ග්​ම්॒ සන්ත᳚ම් । දශ॑හෝ॒තේත්යාච॑ක්ෂතේ ප॒රෝක්ෂේ॑ණ । ප॒රෝක්ෂ॑ප්රියා ඉව॒ හි දේ॒වාඃ ॥ 47 ॥

ආත්ම॒-න්නාත්ම॒-න්නිත්යාම॑න්ත්රයත । තස්මෛ॑ සප්ත॒මග්​ම් හූ॒තඃ ප්රත්ය॑ශෘණෝත් । ස ස॒ප්තහූ॑තෝ-ऽභවත් । ස॒ප්තහූ॑තෝ හ॒ වෛ නාමෛ॒ෂඃ । තං-වාඁ ඒ॒තග්​ම් ස॒ප්තහූ॑ත॒ග්​ම්॒ සන්ත᳚ම් । ස॒ප්තහෝ॒තේත්යාච॑ක්ෂතේ ප॒රෝක්ෂේ॑ණ । ප॒රෝක්ෂ॑ප්රියා ඉව॒ හි දේ॒වාඃ ॥ ආත්ම॒-න්නාත්ම॒-න්නිත්යාම॑න්ත්රයත । තස්මෛ॑ ෂ॒ෂ්ඨග්​ම් හූ॒තඃ ප්රත්ය॑ශෘණෝත් । ස ෂඩ්ඪූ॑තෝ-ऽභවත් ॥ 48 ॥

ෂඩ්ඪූ॑තෝ හ॒ වෛ නාමෛ॒ෂඃ । තං-වාඁ ඒ॒තග්​ම් ෂඩ්ඪූ॑ත॒ග්​ම්॒ සන්ත᳚ම් । ෂඩ්ඪෝ॒තේත්යාච॑ක්ෂතේ ප॒රෝක්ෂේ॑ණ । ප॒රෝක්ෂ॑ප්රියා ඉව॒ හි දේ॒වාඃ ॥ ආත්ම॒-න්නාත්ම॒-න්නිත්යාම॑න්ත්රයත । තස්මෛ॑ පඤ්ච॒මග්​ම් හූ॒තඃ ප්රත්ය॑ ශෘණෝත් । ස පඤ්ච॑ හූතෝ-ऽභවත් । පඤ්ච॑හූතෝ හ॒ වෛ නාමෛ॒ෂඃ । තං-වාඁ ඒ॒ත-ම්පඤ්ච॑හූත॒ග්​ම්॒ සන්ත᳚ම් । පඤ්ච॑හෝ॒තේත්යාච॑ක්ෂතේ ප॒රෝක්ෂේ॑ණ ॥ 49 ॥

ප॒රෝක්ෂ॑ප්රියා ඉව॒ හි දේ॒වාඃ ॥ ආත්ම॒-න්නාත්ම॒-න්නිත්යාම॑න්ත්රයත । තස්මෛ॑ චතු॒ර්ථග්​ම් හූ॒තඃ ප්රත්ය॑ශෘණෝත් । ස චතු॑ර්​හූතෝ-ऽභවත් । චතු॑ර්​හූතෝ හ॒ වෛ නාමෛ॒ෂඃ । තං-වාඁ ඒ॒ත-ඤ්චතු॑ර්​හූත॒ග්​ම්॒ සන්ත᳚ම් । චතු॑ර්​හෝ॒තේත්යාච॑ක්ෂතේ ප॒රෝක්ෂේ॑ණ । ප॒රෝක්ෂ॑ප්රියා ඉව॒ හි දේ॒වාඃ ॥ තම॑බ්රවීත් । ත්වං-වෛඁ මේ॒ නේදි॑ෂ්ඨග්​ම් හූ॒තඃ ප්රත්ය॑ශ්රෞෂීඃ । ත්වයෛ॑-නානාඛ්යා॒තාර॒ ඉති॑ । තස්මා॒න්නු හෛ॑නා॒ග්॒-ශ්චතු॑ර්​හෝතාර॒ ඉත්යාච॑ක්ෂතේ । තස්මා᳚-ච්ඡුශ්රූ॒ෂුඃ පු॒ත්රාණා॒ග්​ම්॒ හෘද්ය॑තමඃ । නේදි॑ෂ්ඨෝ॒ හෘද්ය॑තමඃ । නේදි॑ෂ්ඨෝ॒ බ්රහ්ම॑ණෝ භවති । ය ඒ॒වං-වේඁද॑ ॥ 50 ॥
(දේ॒වාඃ – ෂඩ්ඪූ॑තෝ-ऽභව॒ත් – පඤ්ච॑හෝ॒තේත්යාච॑ක්ෂතේ ප॒රෝක්ෂේ॑ණා – ශ්රෞෂී॒-ෂ්ෂට්ච॑) (අ. 11)

(බ්ර॒හ්ම॒වා॒දිනඃ॒ කිං – දක්ෂි॑ණාං॒ – ඁයෝ වා අවි॑ද්වා॒න් – තස්ය॒ වෛ – බ්ර॑හ්මවා॒දිනෝ॒ ය-ද්දශ॑හෝතාරඃ – ප්ර॒ජාප॑ති॒ ව්යස්රං – ප්ර॒ජාප॑තිඃ॒ පුරු॑ෂං – ප්ර॒ජාප॑තිරකාමයත॒ ස තප॒-ස්සෝ᳚-ऽන්තර්වා᳚න් – බ්රහ්මවා॒දිනෝ॒ යෝ වා ඉ॒මං-විඁ॒ද්යාත් – ප්ර॒ජාප॑ති॒-ස්සෝම॒ග්​ම්॒ රාජා॑නං॒ – බ්රහ්මා᳚ත් ම॒න්වදේකා॑දශ)

(බ්ර॒හ්ම॒වා॒දින॒ – ස්තස්ය॒ වා අ॒ග්නේ–ර් යද්වා ඉ॒ද-ඞ්කිඤ්ච॑ – ප්ර॒ජාප॑තිරකාමයත॒ -ය ඒ॒වාස්ය॑ දක්ෂිණ॒තඃ ප॑ඤ්චා॒ශත්)

(බ්ර॒හ්ම॒වා॒දිනෝ॒ – ය ඒ॒වං-වේඁද॑ )

॥ හරිඃ॑ ඕම් ॥
॥ කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ තෘතීයඃ ප්රපාඨක-ස්සමාප්තඃ ॥