9 – භෘගුවල්ලී – කෘෂ්ණ යජුර්වේද තෛත්තිරීය ආරණ්යක පාඨඃ – භෘගුර්වෛ වාරුණිඃ

කෘෂ්ණ යජුර්වේදීය තෛත්තිරීය ආරණ්යකේ නවමඃ ප්රපාඨකඃ – භෘගුවල්ලී

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

භෘගු වල්ලී

ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්ය॑-ඞ්කරවාවහෛ । තේ॒ජ॒ස්විනා॒ වධී॑තමස්තු॒ මා වි॑ද්විෂා॒වහෛ᳚ ॥
ඕං ශාන්ති॒-ශ්ශාන්ති॒-ශ්ශාන්තිඃ॑ ॥

අනුවාකං 15
භෘගු॒ර්වෛ වා॑රු॒ණිඃ । වරු॑ණ॒-ම්පිත॑ර॒-මුප॑සසාර । අධී॑හි භගවෝ॒ බ්රහ්මේති॑ ॥ තස්මා॑ ඒ॒ත-ත්ප්රෝ॑වාච । අන්න॑-ම්ප්රා॒ණ-ඤ්චක්ෂු॒-ශ්ශ්රෝත්ර॒-ම්මනෝ॒ වාච॒මිති॑ ॥
තග්​ම් හෝ॑වාච । යතෝ॒ වා ඉ॒මානි॒ භූතා॑නි॒ ජාය॑න්තේ ।
යේන॒ ජාතා॑නි॒ ජීව॑න්ති । ය-ත්ප්රය॑න්ත්ය॒භි සං​විඁ ॑ශන්ති ।
ත-ද්විජි॑ජ්ඤාසස්ව । ත-ද්බ්රහ්මේති॑ ॥
ස තපෝ॑-ऽතප්යත । ස තප॑-ස්ත॒ප්ත්වා ॥ 35 ॥

අන්න॒-ම්බ්රහ්මේති॒ ව්ය॑ජානාත් । අ॒න්නාද්ධ්යේ॑ව ඛල්වි॒මානි॒ භූතා॑නි॒ ජාය॑න්තේ । අන්නේ॑න॒ ජාතා॑නි॒ ජීව॑න්ති । අන්න॒-ම්ප්රය॑න්ත්ය॒භි-සං​විඁ ॑ශ॒න්තීති॑ ॥ ත-ද්වි॒ජ්ඤාය॑ । පුන॑රේ॒ව වරු॑ණ॒-ම්පිත॑ර॒-මුප॑සසාර । අධී॑හි භගවෝ॒ බ්රහ්මේති॑ । තග්​ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව ।
තපෝ॒ බ්රහ්මේති॑ । ස තපෝ॑-ऽතප්යත । ස තප॑-ස්ත॒ප්ත්වා ॥ 36 ॥

ප්රා॒ණෝ බ්ර॒හ්මේති॒ ව්ය॑ජානාත් । ප්රා॒ණාද්ධ්යේ॑ව ඛල්වි॒මානි॒ භූතා॑නි॒ ජාය॑න්තේ । ප්රා॒ණේන॒ ජාතා॑නි॒ ජීව॑න්ති ।
ප්රා॒ණ-ම්ප්රය॑න්ත්ය॒භි-සං​විඁ ॑ශ॒න්තීති॑ ॥ ත-ද්වි॒ජ්ඤාය॑ ।
පුන॑රේ॒ව වරු॑ණ॒-ම්පිත॑ර॒-මුප॑සසාර । අධී॑හි භගවෝ॒ බ්රහ්මේති॑ । තග්​ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව । තපෝ॒ බ්රහ්මේති॑ । ස තපෝ॑-ऽතප්යත । ස තප॑-ස්ත॒ප්ත්වා ॥ 37 ॥

මනෝ॒ බ්රහ්මේති॒ ව්ය॑ජානාත් । මන॑සෝ॒ හ්යේ॑ව ඛල්වි॒මානි॒ භූතා॑නි॒ ජාය॑න්තේ । මන॑සා॒ ජාතා॑නි॒ ජීව॑න්ති । මනඃ॒ ප්රය॑න්ත්ය॒භි-සං​විඁ ॑ශ॒න්තීති॑ ॥ ත-ද්වි॒ජ්ඤාය॑ । පුන॑රේ॒ව වරු॑ණ॒-ම්පිත॑ර॒-මුප॑සසාර । අධී॑හි භගවෝ॒ බ්රහ්මේති॑ । තග්​ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව ।
තපෝ॒ බ්රහ්මේති॑ । ස තපෝ॑-ऽතප්යත । ස තප॑-ස්ත॒ප්ත්වා ॥ 38 ॥

වි॒ජ්ඤාන॒-ම්බ්රහ්මේති॒ ව්ය॑ජානාත් ।
වි॒ජ්ඤානා॒-ද්ධ්යේ॑ව ඛල්වි॒මානි॒ භූතා॑නි॒ ජාය॑න්තේ ।
වි॒ජ්ඤානේ॑න॒ ජාතා॑නි॒ ජීව॑න්ති । වි॒ජ්ඤාන॒-ම්ප්රය॑න්ත්ය॒භි-සං​විඁ ॑ශ॒න්තීති॑ ॥
ත-ද්වි॒ජ්ඤාය॑ । පුන॑රේ॒ව වරු॑ණ॒-ම්පිත॑ර॒-මුප॑සසාර । අධී॑හි භගවෝ॒ බ්රහ්මේති॑ । තග්​ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව । තපෝ॒ බ්රහ්මේති॑ । ස තපෝ॑-ऽතප්යත । ස තප॑-ස්ත॒ප්ත්වා ॥ 39 ॥

ආ॒න॒න්දෝ බ්ර॒හ්මේති॒ ව්ය॑ජානාත් । ආ॒නන්දා॒-ද්ධ්යේ॑ව-ඛල්වි॒මානි॒ භූතා॑නි॒ ජාය॑න්තේ ।
ආ॒න॒න්දේන॒ ජාතා॑නි॒ ජීව॑න්ති । ආ॒න॒න්ද-ම්ප්රය॑න්ත්ය॒භි-සං​විඁ ॑ශ॒න්තීති॑ ॥ සෛෂා භා᳚ර්ග॒වී වා॑රු॒ණී වි॒ද්යා । ප॒ර॒මේ ව්යෝ॑ම॒-න්ප්රති॑ෂ්ඨිතා ॥ ය ඒ॒වං-වේඁද॒ ප්රති॑තිෂ්ඨති । අන්න॑වානන්නා॒දෝ භ॑වති ।
ම॒හා-න්භ॑වති ප්ර॒ජයා॑ ප॒ශුභි॑-ර්බ්රහ්මවර්ච॒සේන॑ ।
ම॒හාන් කී॒ර්ත්යා ॥ 40 ॥

අන්න॒-න්න නි॑න්ද්යාත් । ත-ද්ව්ර॒තම් ॥ ප්රා॒ණෝ වා අන්න᳚ම් । ශරී॑රමන්නා॒දම් । ප්රා॒ණේ ශරී॑ර॒-ම්ප්රති॑ෂ්ඨිතම් । ශරී॑රේ ප්රා॒ණඃ ප්රති॑ෂ්ඨිතඃ ।
තදේ॒ත-දන්න॒-මන්නේ॒ ප්රති॑ෂ්ඨිතම් ॥
ස ය ඒ॒ත-දන්න॒-මන්නේ॒ ප්රති॑ෂ්ඨිතං॒-වේඁද॒ ප්රති॑තිෂ්ඨති । අන්න॑වා-නන්නා॒දෝ භ॑වති ।
ම॒හා-න්භ॑වති ප්ර॒ජයා॑ ප॒ශුභි॑-ර්බ්රහ්මවර්ච॒සේන॑ ।
ම॒හාන් කී॒ර්ත්යා ॥ 41 ॥

අන්න॒-න්න පරි॑චක්ෂීත । ත-ද්ව්ර॒තම් । ආපෝ॒ වා අන්න᳚ම් । ජ්යෝති॑රන්නා॒දම් । අ॒ඵ්සු ජ්යෝතිඃ॒ ප්රති॑ෂ්ඨිතම් । ජ්යෝති॒ෂ්යාපඃ॒ ප්රති॑ෂ්ඨිතාඃ ।
තදේ॒ත-දන්න॒-මන්නේ॒ ප්රති॑ෂ්ඨිතම් ॥
ස ය ඒ॒ත-දන්න॒-මන්නේ॒ ප්රති॑ෂ්ඨිතං॒-වේඁද॒ ප්රති॑තිෂ්ඨති । අන්න॑වා-නන්නා॒දෝ භ॑වති । ම॒හා-න්භ॑වති ප්ර॒ජයා॑ ප॒ශුභි॑-ර්බ්රහ්මවර්ච॒සේන॑ ।
ම॒හාන් කීර්ත්යා ॥ 42 ॥

අන්න॑-ම්බ॒හු කු॑ර්වීත । ත-ද්ව්ර॒තම් ॥ පෘ॒ථි॒වී වා අන්න᳚ම් । ආ॒කා॒ශෝ᳚-ऽන්නා॒දඃ । පෘ॒ථි॒ව්යා-මා॑කා॒ශඃ ප්රති॑ෂ්ඨිතඃ । ආ॒කා॒ශේ පෘ॑ථි॒වී ප්රති॑ෂ්ඨිතා ।
තදේ॒ත-දන්න॒-මන්නේ॒ ප්රති॑ෂ්ඨිතම් ॥
ස ය ඒ॒ත-දන්න॒-මන්නේ॒ ප්රති॑ෂ්ඨිතං॒-වේඁද॒ ප්රති॑තිෂ්ඨති । අන්න॑වානන්නා॒දෝ භ॑වති । ම॒හා-න්භ॑වති ප්ර॒ජයා॑ ප॒ශුභි॑-ර්බ්රහ්මවර්ච॒සේන॑ ।
ම॒හාන් කී॒ර්ත්යා ॥ 43 ॥

න කඤ්චන වසතෞ ප්රත්යා॑චක්ෂී॒ත । ත-ද්ව්ර॒තම් ॥
තස්මාද්යයා කයා ච විධයා බහ්ව॑න්න-ම්ප්රා॒ප්නුයාත් ॥
අරාද්ධ්යස්මා අන්නමි॑ත්යාච॒ක්ෂතේ ॥ ඒතද්වෛ මුඛතෝ᳚-ऽන්නග්​ම් රා॒ද්ධම් ।
මුඛතෝ-ऽස්මා අ॑න්නග්​ම් රා॒ද්ධ්යතේ । ඒතද්වෛ මද්ධ්යතෝ᳚-ऽන්නග්​ම් රා॒ද්ධම් ।
මද්ධ්යතෝ-ऽස්මා අ॑න්නග්​ම් රා॒ද්ධ්යතේ ।
ඒදද්වා අන්තතෝ᳚-ऽන්නග්​ම් රා॒ද්ධම් ।
අන්තතෝ-ऽස්මා අ॑න්නග්​ම් රා॒ද්ධ්යතේ । ॥ 44-ऽ ॥

ය ඒ॑වං-වේඁ॒ද ॥ ක්ෂේම ඉ॑ති වා॒චි । යෝගක්ෂේම ඉති ප්රා॑ණාපා॒නයෝඃ । කර්මේ॑ති හ॒ස්තයෝඃ । ගති-රි॑ති පා॒දයෝඃ । විමුක්ති-රි॑ති පා॒යෞ । ඉති මානුෂී᳚-ස්සමා॒ජ්ඤාඃ ॥ අථ දෛ॒වීඃ । තෘප්ති-රි॑ති වෘ॒ෂ්ටෞ । බල-මි॑ති වි॒ද්යුති । ॥ 44.බ් ॥

යශ ඉ॑ති ප॒ශුෂු । ජ්යෝතිරිති න॑ක්ෂත්රේ॒ෂු ।
ප්රජාති-රමෘත-මානන්ද ඉ॑ත්යුප॒ස්ථේ । සර්ව මි॑ත්යාකා॒ශේ ॥
ත-ත්ප්රතිෂ්ඨේ-ත්යු॑පාසී॒ත । ප්රතිෂ්ඨා॑වා-න්භ॒වති । තන්මහ ඉත්යු॑පාසී॒ත । ම॑හා-න්භ॒වති । තන්මන ඉත්යු॑පාසී॒ත । මාන॑වා-න්භ॒වති । ॥ 44.ච් ॥

තන්නම ඉත්යු॑පාසී॒ත । නම්යන්තේ᳚-ऽස්මෛ කා॒මාඃ । තද්බ්රහ්මේ-ත්යු॑පාසී॒ත । බ්රහ්ම॑වා-න්භ॒වති । ත-ද්බ්රහ්මණඃ පරිමර ඉත්යු॑පාසී॒ත । පර්යේණ-ම්ම්රියන්තේ ද්විෂන්ත॑-ස්සප॒ත්නාඃ । පරි යේ᳚-ऽප්රියා᳚ භ්රාතෘ॒ව්යාඃ ॥ ස යශ්චා॑ය-ම්පු॒රුෂේ । යශ්චාසා॑-වාදි॒ත්යේ । ස ඒකඃ॑ । ॥ 44.ද් ॥

ස ය॑ ඒවං॒-විඁත් । අස්මාල්-ලෝ॑කා-ත්ප්රේ॒ත්ය ।
ඒතමන්නමය-මාත්මාන-මුප॑සඞ්ක්ර॒ම්ය ।
ඒත-ම්ප්රාණමය-මාත්මාන-මුප॑සඞ්ක්ර॒ම්ය ।
ඒත-ම්මනෝමය-මාත්මාන-මුප॑සඞ්ක්ර॒ම්ය ।
ඒතං-විඁජ්ඤානමය-මාත්මාන-මුප॑සඞ්ක්ර॒ම්ය ।
ඒත මානන්දමය මාත්මාන මුප॑සඞ්ක්ර॒ම්ය ।
ඉමාන් ඁලෝකාන් කාමාන්නී කාම-රූප්ය॑නුස॒ඤ්චරන්න් ।
ඒත-ථ්සාම ගා॑යන්නා॒ස්තේ ॥ හා(3) වු॒ හා(3) වු॒ හා(3) වු॑ । ॥ 44එ ॥

අ॒හ-මන්න-ම॒හ-මන්න-ම॒හමන්නම් ।
අ॒හමන්නා॒දෝ(2)-ऽහමන්නා॒දෝ(2) ऽහමන්නා॒දඃ ।
අ॒හග්ග්​ ශ්ලෝක॒කෘ-ද॒හග්ග්​ ශ්ලෝක॒කෘ-ද॒හග්ග්​ ශ්ලෝක॒කෘත් । අ॒හමස්මි ප්රථමජා ඍතා(3) ස්ය॒ ।
පූර්ව-න්දේවේභ්යෝ අමෘතස්ය නා(3) භා॒ ඉ॒ ।
යෝ මා දදාති ස ඉදේව මා(3)වාඃ॒ ।
අ॒හ-මන්න॒-මන්න॑-ම॒දන්ත॒-මා(3) ද්මි॒ ।
අ॒හං-විඁශ්ව॒-ම්භුව॑න॒-මභ්ය॑භ॒වාම් । සුව॒ර්න ජ්යෝතීඃ᳚ ॥ ය ඒ॒වං-වේඁද॑ ॥ ඉත්යු॑ප॒නිෂ॑ත් ॥ 44.f ॥

ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්ය॑-ඞ්කරවාවහෛ । තේ॒ජ॒ස්විනා॒ වධී॑තමස්තු॒ මා වි॑ද්විෂා॒වහෛ᳚ ॥ ඕං ශාන්ති॒-ශ්ශාන්ති॒-ශ්ශාන්තිඃ॑ ॥

(භෘගු॒ස්ත්රයෝ॑ද॒ශා – න්න॑ම් – ප්රා॒ණෝ – මනෝ॑ – වි॒ජ්ඤාන॒-න්ද්වාද॑ශ ද්වාදශා – න॒න්දෝ දශා – න්න॒-න්න නි॑න්ද්යා॒ – දන්න॒-න්න පරි॑චක්ෂී॒තා -න්න॑-ම්බ॒හුකු॑ර්වි॒ තෛකා॑දශෛකාදශ॒ – න කඤ්ච නෛක॑ෂෂ්ටි॒ර්දශ॑ ) (අ. 15)
॥ ඉති භෘගුවල්ලී සමාප්තා ॥

(ශ-න්නඃ॒ – ශීක්ෂාග්​ම් – ස॒හ නෞ॒ – ය ॑007ආ;ඡන්ද॑සා॒ම් – භූඃ – ස යඃ – පෘ॑ථි॒ – ව්යෝමි – ත්යෘත-ඤ්චා॒ – හම් – ඁවේදමනුච්ය – ශ-න්නඃ॑ – ස॒හ නා॑වවතු – බ්රහ්ම॒වි-ද්- භෘගුඃ॒ පඤ්ච॑දශ)

(ශ-න්නෝ॒ – මහ॒ ඉත්යා॑දි॒ත්යෝ – නෝ ඉ॑තරා॒ණ්ය – ස॑න්නේ॒වා – න්න॒-න්න නි॑න්ද්යා॒ච්චතු॑ශ්චත්වාරිග්​ම්ශත් )

(ශන්න॒ – ඉත්යු॑ප॒නිෂ॑ත් )

॥ හරිඃ॑ ඕම් ॥
॥ කෘෂ්ණ යජුර්වේදීය තෛත්තිරීය ආරණ්යකේ නවමඃ ප්රපාඨක-ස්සමාප්තඃ ॥