8 – බ්රහ්මානන්දවල්ලී – කෘෂ්ණ යජුර්වේද තෛත්තිරීය ආරණ්යක පාඨඃ – බ්රහ්මවිදාප්නෝති පරං

කෘෂ්ණ යජුර්වේදීය තෛත්තිරීය ආරණ්යකේ අෂ්ටමඃ ප්රපාඨකඃ – බ්රහ්මානන්දවල්ලී

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

බ්රහ්මානන්ද වල්ලී

අනුවාකං 13
ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්ය॑-ඞ්කරවාවහෛ । තේ॒ජ॒ස්විනා॒ වධී॑තමස්තු॒ මා වි॑ද්විෂා॒වහෛ᳚ ॥ ඕං ශාන්ති॒-ශ්ශාන්ති॒-ශ්ශාන්තිඃ॑ ॥ 25 ॥
(ස॒හ පඤ්ච॑) (අ. 13)

අනුවාකං 14
බ්ර॒හ්ම॒විදා᳚ප්නෝති॒ පර᳚ම් ॥
තදේ॒ෂා-ऽභ්යු॑ක්තා । ස॒ත්ය-ඤ්ජ්ඤා॒න-ම॑න॒න්ත-ම්බ්රහ්ම॑ ।
යෝ වේද॒ නිහි॑ත॒-ඞ්ගුහා॑යා-ම්පර॒මේ ව්යෝ॑මන්න් ।
සෝ᳚-ऽශ්නුතේ॒ සර්වා॒න් කාමා᳚න්-ථ්ස॒හ । බ්රහ්ම॑ණා විප॒ශ්චිතේති॑ ॥
තස්මා॒ද්වා ඒ॒තස්මා॑දා॒ත්මන॑ ආකා॒ශ-ස්සම්භූ॑තඃ । ආ॒කා॒ශා-ද්වා॒යුඃ । වා॒යෝර॒ග්නිඃ । අ॒ග්නේරාපඃ॑ । අ॒ද්භ්යඃ පෘ॑ථි॒වී । පෘ॒ථි॒ව්යා ඕෂ॑ධයඃ ।
ඕෂ॑ධී॒භ්යෝ-ऽන්න᳚ම් । අන්නා॒-ත්පුරු॑ෂඃ ॥
ස වා ඒෂ පුරුෂෝ-ऽන්න॑රස॒මයඃ ॥ තස්යේද॑මේව॒ ශිරඃ । අය-න්දක්ෂි॑ණඃ ප॒ක්ෂඃ । අයමුත්ත॑රඃ ප॒ක්ෂඃ । අයමාත්මා᳚ । ඉද-ම්පුච්ඡ॑-ම්ප්රති॒ෂ්ඨා ॥ තදප්යේෂ ශ්ලෝ॑කෝ භ॒වති ॥ 26 ॥

අන්නා॒ද්වෛ ප්ර॒ජාඃ ප්ර॒ජාය॑න්තේ । යාඃ කාශ්ච॑ පෘථි॒වීග්​ ශ්රි॒තාඃ । අථෝ॒ අන්නේ॑නෛ॒ව ජී॑වන්ති । අථෛ॑න॒දපි॑යන්ත්යන්ත॒තඃ । අන්න॒ග්​ම්॒ හි භූ॒තානා॒-ඤ්ජ්යේෂ්ඨ᳚ම් । තස්මා᳚-ථ්සර්වෞෂ॒ධ මු॑ච්යතේ ।
සර්වං॒-වෛඁ තේ-ऽන්න॑මාප්නුවන්ති । යේ-ऽන්න॒-ම්බ්රහ්මෝ॒පාස॑තේ । අන්න॒ග්​ම්॒ හි භූ॒තානා॒-ඤ්ජ්යේෂ්ඨ᳚ම් । තස්මා᳚-ථ්සර්වෞෂ॒ධ මු॑ච්යතේ । අන්නා᳚-ද්භූ॒තානි॒ ජාය॑න්තේ । ජාතා॒න්යන්නේ॑න වර්ධන්තේ ।
අද්යතේ-ऽත්ති ච॑ භූතා॒නි । තස්මාදන්න-න්තදුච්ය॑ත ඉ॒ති ॥
තස්මාද්වා ඒතස්මා-දන්න॑රස॒මයාත් ।
අන්යෝ-ऽන්තර ආත්මා᳚ ප්රාණ॒ මයඃ । තේනෛ॑ෂ පූ॒ර්ණඃ ॥
ස වා ඒෂ පුරුෂවි॑ධ ඒ॒ව । තස්ය පුරු॑ෂ වි॒ධතාම් ।
අන්වය॑-ම්පුරුෂ॒ විධඃ । තස්ය ප්රාණ॑ ඒව॒ ශිරඃ ॥
ව්යානෝ දක්ෂි॑ණඃ ප॒ක්ෂඃ । අපාන උත්ත॑රඃ ප॒ක්ෂඃ ।
ආකා॑ශ ආ॒ත්මා । පෘථිවී පුච්ඡ॑-ම්ප්රති॒ෂ්ඨා ॥
තදප්යේෂ ශ්ලෝ॑කෝ භ॒වති ॥ 27 ॥

ප්රා॒ණ-න්දේ॒වා අනු॒ප්රාණ॑න්ති । ම॒නු॒ෂ්යාඃ᳚ ප॒ශව॑ශ්ච॒ යේ । ප්රා॒ණෝ හි භූ॒තානා॒මායුඃ॑ । තස්මා᳚-ථ්සර්වායු॒ෂ මු॑ච්යතේ । සර්ව॑මේ॒ව ත॒ ආයු॑ර්යන්ති ।
යේ ප්රා॒ණ-ම්බ්රහ්මෝ॒පාස॑තේ ।
ප්රාණෝ හි භූතා॑නාමා॒යුඃ । තස්මා-ථ්සර්වායුෂ-මුච්ය॑ත ඉ॒ති ॥ තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය ॥
තස්මාද්වා ඒතස්මා᳚-ත්ප්රාණ॒මයාත් । අන්යෝ-ऽන්තර ආත්මා॑ මනෝ॒මයඃ । තේනෛ॑ෂ පූ॒ර්ණඃ ॥ ස වා ඒෂ පුරුෂවි॑ධ ඒ॒ව । තස්ය පුරු॑ෂවි॒ධතාම් ।
අන්වය॑-ම්පුරුෂ॒විධඃ । තස්ය යජු॑රේව॒ ශිරඃ । ඍග් දක්ෂි॑ණඃ ප॒ක්ෂඃ । සාමෝත්ත॑රඃ ප॒ක්ෂඃ । ආදේ॑ශ ආ॒ත්මා । අථර්වාඞ්ගිරසඃ පුච්ඡ॑-ම්ප්රති॒ෂ්ඨා ॥
තදප්යේෂ ශ්ලෝ॑කෝ භ॒වති ॥ 28 ॥

යතෝ॒ වාචෝ॒ නිව॑ර්තන්තේ । අප්රා᳚ප්ය॒ මන॑සා ස॒හ । ආනන්ද-ම්බ්රහ්ම॑ණෝ වි॒ද්වාන් । න බිභේති කදා॑චනේ॒ති ॥ තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය ॥
තස්මාද්වා ඒතස්මා᳚-න්මනෝ॒මයාත් । අන්යෝ-ऽන්තර ආත්මා වි॑ජ්ඤාන॒මයඃ । තේනෛ॑ෂ පූ॒ර්ණඃ ॥ ස වා ඒෂ පුරුෂවි॑ධ ඒ॒ව । තස්ය පුරු॑ෂ වි॒ධතාම් ।
අන්වය॑-ම්පුරුෂ॒ විධඃ । තස්ය ශ්ර॑ද්ධෛව॒ ශිරඃ । ඍත-න්දක්ෂි॑ණඃ ප॒ක්ෂඃ । සත්යමුත්ත॑රඃ ප॒ක්ෂඃ । යෝ॑ග ආ॒ත්මා । මහඃ පුච්ඡ॑-ම්ප්රති॒ෂ්ඨා ॥ තදප්යේෂ ශ්ලෝ॑කෝ භ॒වති ॥ 29 ॥

වි॒ජ්ඤානං॑-යඁ॒ජ්ඤ-න්ත॑නුතේ । කර්මා॑ණි තනු॒තේ-ऽපි॑ ච । වි॒ජ්ඤාන॑-න්දේ॒වා-ස්සර්වේ᳚ । බ්රහ්ම॒ ජ්යේෂ්ඨ॒-මුපා॑සතේ । වි॒ජ්ඤාන॒-ම්බ්රහ්ම॒ චේ-ද්වේද॑ । තස්මා॒ච්චේන්න ප්ර॒මාද්ය॑ති । ශ॒රීරේ॑ පාප්ම॑නෝ හි॒ත්වා । සර්වාන්-කාමාන්-ථ්සමශ්නු॑ත ඉ॒ති ॥ තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය ॥ තස්මාද්වා ඒතස්මා-ද්වි॑ජ්ඤාන॒මයාත් । අන්යෝ-ऽන්තර ආත්මා॑-ऽऽනන්ද॒මයඃ । තේනෛ॑ෂ පූ॒ර්ණඃ ॥ ස වා ඒෂ පුරුෂවි॑ධ ඒ॒ව । තස්ය පුරු॑ෂවි॒ධතාම් ।
අන්වය॑-ම්පුරුෂ॒විධඃ । තස්ය ප්රිය॑-මේව॒ ශිරඃ ।
මෝදෝ දක්ෂි॑ණඃ ප॒ක්ෂඃ ।
ප්රමෝද උත්ත॑රඃ ප॒ක්ෂඃ । ආන॑න්ද ආ॒ත්මා ।
බ්රහ්ම පුච්ඡ॑-ම්ප්රති॒ෂ්ඨා ॥
තදප්යේෂ ශ්ලෝ॑කෝ භ॒වති ॥ 30 ॥

අස॑න්නේ॒ව ස॑ භවති । අස॒-ද්බ්රහ්මේති॒ වේද॒ චේත් ।
අස්ති බ්රහ්මේති॑ චේ-ද්වේ॒ද । සන්තමේන-න්තතෝ වි॑දුරි॒ති ॥
තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය ॥ අථාතෝ॑-ऽනු ප්ර॒ශ්නාඃ ॥ උ॒තා වි॒ද්වා න॒මුං-ලෝඁ॒ක-ම්ප්රේත්ය॑ । කශ්ච॒න ග॑ච්ඡ॒තී(3) । ආහෝ॑ වි॒ද්වාන॒මුං-ලෝඁ॒ක-ම්ප්රේත්ය॑ । කශ්චි॒-ථ්සම॑ශ්නු॒තා(3) උ॒ ॥ සෝ॑-ऽකාමයත ।
බ॒හුස්යා॒-ම්ප්රජා॑යේ॒යේති॑ । ස තපෝ॑-ऽතප්යත । ස තප॑ස්ත॒ප්ත්වා । ඉ॒දග්​ම් සර්ව॑-මසෘජත ॥ යදි॒ද-ඞ්කිඤ්ච॑ । තථ්සෘ॒ෂ්ට්වා । තදේ॒වානු॒ ප්රාවි॑ශත් ॥ තද॑නුප්ර॒විශ්ය॑ । සච්ච॒ ත්යච්චා॑භවත් । නි॒රුක්ත॒-ඤ්චා නි॑රුක්ත-ඤ්ච ।
නි॒ලය॑න॒-ඤ්චා නි॑ලයන-ඤ්ච । වි॒ජ්ඤාන॒-ඤ්චා වි॑ජ්ඤාන-ඤ්ච । සත්ය-ඤ්චානෘත-ඤ්ච ස॑ත්ය-ම॒භවත් ॥ යදි॑ද-ඞ්කි॒ඤ්ච ।
තථ්සත්ය-මි॑ත්යා ච॒ක්ෂතේ ॥ තදප්යේෂ ශ්ලෝ॑කෝ භ॒වති ॥ 31 ॥

අස॒ද්වා ඉ॒දමග්ර॑ ආසීත් । තතෝ॒ වෛ සද॑ජායත ।
තදාත්මානග්ග්​ ස්වය॑-මකු॒රුත । තස්මා-ත්ත-ථ්සුකෘතමුච්ය॑ත ඉ॒ති ॥ යද්වෛ॑ ත-ථ්සු॒කෘතම් । ර॑සෝ වෛ॒ සඃ । රසග්ග්​ හ්යේවායං-ලඁබ්ධ්වා-ऽऽන॑න්දී භ॒වති ॥
කෝ හ්යේවාන්යා᳚-ත්කඃ ප්රා॒ණ්යාත් । යදේෂ ආකාශ ආන॑න්දෝ න॒ ස්යාත් । ඒෂ හ්යේවාන॑න්දයා॒ති ॥ ය॒දා හ්යේ॑වෛෂ॒ ඒතස්මි-න්නදෘශ්යේ ऽනාත්ම්යේ ऽනිරුක්තේ ऽනිලයනේ ऽභයං
ප්රති॑ෂ්ඨාං-විඁ॒න්දතේ । අථ සෝ-ऽභය-ඞ්ග॑තෝ භ॒වති ॥
ය॒දා හ්යේ॑වෛෂ॒ ඒතස්මි-න්නුදර-මන්ත॑ර-ඞ්කු॒රුතේ ।
අථ තස්ය භ॑ය-ම්භ॒වති ॥ තත්ත්වේව භයං-විඁදුෂෝ-ऽම॑න්වාන॒ස්ය ॥
තදප්යේෂ ශ්ලෝ॑කෝ භ॒වති ॥ 32 ॥

භී॒ෂා-ऽස්මා॒-ද්වාතඃ॑ පවතේ । භී॒ෂෝදේ॑ති॒ සූර්යඃ॑ ।
භීෂා-ऽස්මා-දග්නි॑-ශ්චේන්ද්ර॒ශ්ච । මෘත්යු-ර්ධාවති පඤ්ච॑ම ඉ॒ති ॥ සෛෂා-ऽऽනන්දස්ය මීමාග්​ම්॑සා භ॒වති ॥ යුවා ස්යා-ථ්සාධු යු॑වා-ऽද්ධ්යා॒යකඃ । ආශිෂ්ඨෝ දෘඪිෂ්ඨෝ॑ බලි॒ෂ්ඨඃ । තස්යේය-ම්පෘථිවී සර්වා විත්තස්ය॑ පූර්ණා॒ ස්යාත් ।
ස ඒකෝ මානුෂ॑ ආන॒න්දඃ ॥ තේ යේ ශත-ම්මානුෂා॑ ආන॒න්දාඃ । ॥ 33-ऽ ॥

ස ඒකෝ මනුෂ්ය-ගන්ධර්වාණා॑-මාන॒න්දඃ । ශ්රෝත්රියස්ය චාකාම॑හත॒ස්ය ॥ තේ යේ ශත-ම්මනුෂ්ය-ගන්ධර්වාණා॑-මාන॒න්දාඃ । ස ඒකෝ දේව-ගන්ධර්වාණා॑-මාන॒න්දඃ । ශ්රෝත්රියස්ය චාකාම॑හත॒ස්ය ॥
තේ යේ ශත-න්දේව-ගන්ධර්වාණා॑-මාන॒න්දාඃ ।
ස ඒකඃ පිතෘණා-ඤ්චිරලෝක-ලෝකානා॑-මාන॒න්දඃ ।
ශ්රෝත්රියස්ය චාකාම॑හත॒ස්ය ॥
තේ යේ ශත-ම්පිතෘණා-ඤ්චිරලෝක-ලෝකානා॑-මාන॒න්දාඃ ।
ස ඒක ආජානජානා-න්දේවානා॑-මාන॒න්දඃ । ॥ 33.බ් ॥

ශ්රෝත්රියස්ය චාකාම॑හත॒ස්ය ॥
තේ යේ ශත-මාජාන-ජානා-න්දේවානා॑ මාන॒න්දාඃ ।
ස ඒකඃ කර්ම-දේවානා-න්දේවානා॑-මාන॒න්දඃ ।
යේ කර්මණා දේවාන॑පි ය॒න්ති । ශ්රෝත්රියස්ය චාකාම॑හත॒ස්ය ॥ තේ යේ ශත-ඞ්කර්මදේවානා-න්දේවානා॑-මාන॒න්දාඃ । ස ඒකෝ දේවානා॑-මාන॒න්දඃ । ශ්රෝත්රියස්ය චාකාම॑හත॒ස්ය ॥ තේ යේ ශත-න්දේවානා॑-මාන॒න්දාඃ । ස ඒක ඉන්ද්ර॑ස්යාන॒න්දඃ । ॥ 33.ච් ॥

ශ්රෝත්රියස්ය චාකාම॑හත॒ස්ය ॥ තේ යේ ශතමින්ද්ර॑-ස්යා-ऽऽන॒න්දාඃ । ස ඒකෝ බෘහස්පතේ॑-රාන॒න්දඃ । ශ්රෝත්රියස්ය චාකාම॑හත॒ස්ය ॥
තේ යේ ශත-ම්බෘහස්පතේ॑ රාන॒න්දාඃ । ස ඒකඃ ප්රජාපතේ॑-රාන॒න්දඃ । ශ්රෝත්රියස්ය චාකාම॑හත॒ස්ය ॥ තේ යේ ශත-ම්ප්රජාපතේ॑-රාන॒න්දාඃ । ස ඒකෝ බ්රහ්මණ॑ ආන॒න්දඃ । ශ්රෝත්රියස්ය චාකාම॑හත॒ස්ය ॥ 33.ද් ॥

ස යශ්චා॑ය-ම්පු॒රුෂේ । යශ්චාසා॑-වාදි॒ත්යේ । ස ඒකඃ॑ ॥
ස ය॑ ඒවං॒-විඁත් । අස්මාල්ලෝ॑කා-ත්ප්රේ॒ත්ය ।
ඒතමන්නමය-මාත්මාන-මුප॑සඞ්ක්රා॒මති ।
ඒත-ම්ප්රාණමය-මාත්මාන-මුප॑සඞ්ක්රා॒මති ।
ඒත-ම්මනෝමය-මාත්මාන-මුප॑සඞ්ක්රා॒මති ।
ඒතං-විඁජ්ඤානමය-මාත්මාන-මුප॑සඞ්ක්රා॒මති ।
ඒතමානන්දමය-මාත්මාන-මුප॑සඞ්ක්රා॒මති ॥
තදප්යේෂ ශ්ලෝ॑කෝ භ॒වති ॥ 33එ ॥

යතෝ॒ වාචෝ॒ නිව॑ර්තන්තේ । අප්රා᳚ප්ය॒ මන॑සා ස॒හ । ආනන්ද-ම්බ්රහ්ම॑ණෝ වි॒ද්වාන් । න බිභේති කුත॑ශ්චනේ॒ති ॥ ඒතග්​ම් හ වා ව॑ න ත॒පති । කිමහග්​ම් සාධු॑ නාක॒රවම් । කිමහ-ම්පාප-මකර॑ව-මි॒ති ॥
ස ය ඒවං-විඁද්වානේතේ ආත්මා॑නග්ග්​ ස්පෘ॒ණුතේ ॥
උ॒භේ හ්යේ॑වෛෂ॒ ඒතේ ආත්මා॑නග්ග්​ ස්පෘ॒ණුතේ ।
ය ඒ॒වං-වේඁද॑ ॥ ඉත්යු॑ප॒නිෂ॑ත් ॥ 34 ॥

ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්ය॑-ඞ්කරවාවහෛ । තේ॒ජ॒ස්විනා॒ වධී॑තමස්තු॒ මා වි॑ද්විෂා॒වහෛ᳚ ॥ ඕං ශාන්ති॒-ශ්ශාන්ති॒-ශ්ශාන්තිඃ॑ ॥
(බ්ර॒හ්ම॒විදිදමයමිදමේක॑විග්​ම්ශතිඃ ।
අන්නා॒ දන්න॑රස॒මයා-ත්ප්රාණෝ॒ ව්යානෝ-ऽපාන ආකා॑ශඃ॒ පෘථිවී පුච්ඡ॒ග්​ම්॒ ෂඩ්විග්​ම්॑ශතිඃ ।
ප්රා॒ණ-ම්ප්රා॑ණ॒මයා-න්ම॑නෝ॒ යජු॒ර්॒ ඍ-ඛ්සාමාදේ॒ශෝ-ऽථර්වාඞ්ගිරසඃ පුච්ඡ॒-න්ද්වාවිග්​ම්॑ශතිඃ ।
යත॑-ශ්ශ්ර॒ද්ධර්තග්​ම් සත්යම් ඁයෝ॑ගෝ॒ මහෝ॑-ऽෂ්ටාද॑ශ । වි॒ජ්ඤාන॒-ම්ප්රිය॒-ම්මෝදඃ ප්රමෝද ආන॑න්දෝ॒ බ්රහ්ම පුච්ඡ॒-න්ද්වාවිග්​ම්॑ශතිඃ ।
අස॑න්නේ॒වාථාෂ්ටාවි ග්​ම්॑ශතිඃ । අස॒-ථ්ෂෝඩ॑ශ ।
භී॒ෂා-ऽස්මා॒-න්මානුෂෝ॒ මනුෂ්යගන්ධර්වාණා॒-න්දේවගන්ධර්වාණා॒-ම්පිතෘණාම්චිරලෝකලෝකානා॒ මාජානජානා-ඞ්කර්මදේවානාම් ඁයේ කර්මණා දේවානා॒මින්ද්ර॑ස්ය॒ බෘහස්පතේඃ॒ ප්රජාපතේ॒-ර්බ්රහ්මණ॒-ස්ස යශ්ව॑ සඞ්ක්රා॒මත්යේක॑පඤ්චා॒ශත් ।
යතඃ॒ කුත॑ශ්ච॒ නෛතමේකා॑දශ॒ නව॑) (අ. 14)
॥ ඉති බ්රහ්මානන්දවල්ලී සමාප්තා ॥

॥ හරිඃ॑ ඕම් ॥
॥ කෘෂ්ණ යජුර්වේදීය තෛත්තිරීය ආරණ්යකේ අෂ්ටමඃ ප්රපාඨක-ස්සමාප්තඃ ॥