කේන උපනිෂද් – ප්රථමඃ ඛංඩඃ

॥ අථ කේනෝපනිෂත් ॥

ඕං ස॒හ නා॑වවතු । ස॒හ නෞ॑ භුනක්තු । ස॒හ වී॒ර්යං॑ කරවාවහෛ । තේ॒ජ॒ස්විනා॒වධී॑තමස්තු॒ මා වි॑ද්විෂා॒වහෛ᳚ ।

ඕං ශාංතිඃ॒ ශාංතිඃ॒ ශාංතිඃ॑ ॥

ඕං ආප්යායංතු මමාංගානි වාක්ප්රාණශ්චක්ෂුඃ ශ්රෝත්රමථෝ බලමිංද්රියාණි ච සර්වාණි । සර්වං බ්රහ්මෞපනිෂදං මාऽහං බ්රහ්ම නිරාකුර්යාං මා මා බ්රහ්ම නිරාකරෝදනිරාකරණමස්ත්වනිරාකරණං මේऽස්තු । තදාත්මනි නිරතේ ය උපනිෂත්සු ධර්මාස්තේ මයි සංතු තේ මයි සංතු ।

ඕං ශාංතිඃ॒ ශාංතිඃ॒ ශාංතිඃ॑ ॥

කේනේෂිතං පතති ප්රේෂිතං මනඃ
කේන ප්රාණඃ ප්රථමඃ ප්රෛති යුක්තඃ ।
කේනේෂිතාං-වාඁචමිමාං-වඁදංති
චක්ෂුඃ ශ්රෝත්රං ක උ දේවෝ යුනක්ති ॥ 1 ॥

ශ්රෝත්රස්ය ශ්රෝත්රං මනසෝ මනෝ යද්
වාචෝ හ වාචං ස උ ප්රාණස්ය ප්රාණඃ ।
චක්ෂුෂශ්චක්ෂුරතිමුච්ය ධීරාඃ
ප්රේත්යාස්මාල්ලෝකාදමෘතා භවංති ॥ 2 ॥

න තත්ර චක්ෂුර්ගච්ඡති න වාග්ගච්ඡති නෝ මනඃ ।
න විද්මෝ න විජානීමෝ යථෛතදනුශිෂ්යාත් ॥ 3 ॥

අන්යදේව තද්විදිතාදථෝ අවිදිතාදධි ।
ඉති ශුශ්රුම පූර්වේෂාං-යේඁ නස්තද්ව්යාචචක්ෂිරේ ॥ 4 ॥

යද්වාචාऽනභ්යුදිතං-යේඁන වාගභ්යුද්යතේ ।
තදේව බ්රහ්ම ත්වං-විඁද්ධි නේදං-යඁදිදමුපාසතේ ॥ 5 ॥

යන්මනසා න මනුතේ යේනාහුර්මනෝ මතම් ।
තදේව බ්රහ්ම ත්වං-විඁද්ධි නේදං-යඁදිදමුපාසතේ ॥ 6 ॥

යච්චක්ෂුෂා න පශ්යති යේන චක්ෂූංෂි පශ්යති ।
තදේව බ්රහ්ම ත්වං-විඁද්ධි නේදං-යඁදිදමුපාසතේ ॥ 7 ॥

යච්ඡ්රෝත්රේණ න ශෘණෝති යේන ශ්රෝත්රමිදං ශ්රුතම් ।
තදේව බ්රහ්ම ත්වං-විඁද්ධි නේදං-යඁදිදමුපාසතේ ॥ 8 ॥

යත්ප්රාණේන න ප්රාණිති යේන ප්රාණඃ ප්රණීයතේ ।
තදේව බ්රහ්ම ත්වං-විඁද්ධි නේදං-යඁදිදමුපාසතේ ॥ 9 ॥

॥ ඉති කේනෝපනිෂදි ප්රථමඃ ඛංඩඃ ॥