කඨෝපනිෂද් – අධ්යාය 2, වළ්ළී 1

අධ්යාය 2
වල්ලී 1

පරාංචිඛානි ව්යතෘණත්ස්වයංභූස්තස්මාත්පරාඞ්පශ්යති නාංතරාත්මන්।
කශ්චිද්ධීරඃ ප්රත්යගාත්මානමෛක්ෂදාවෘත්තචක්ෂුරමෘතත්වමිච්ඡන්න් ॥1॥

පරාචඃ කාමානනුයංති බාලාස්තේ මෘත්යෝර්යංති විතතස්ය පාශම්।
අථ ධීරා අමෘතත්වං-විඁදිත්වා ධ්රුවමධ්රුවේෂ්විහ න ප්රාර්ථයංතේ ॥2॥

යේන රූපං රසං ගංධං ශබ්දාන්ස්පර්​ශාංශ්ච මෛථුනාන්।
ඒතේනෛව විජානාති කිමත්ර පරිශිෂ්යතේ। ඒතද්වෛ තත් ॥3॥

ස්වප්නාංතං ජාගරිතාංතං චෝභෞ යේනානුපශ්යති।
මහාංතං-විඁභුමාත්මානං මත්වා ධීරෝ න ශෝචති ॥4॥

ය ඉමං මධ්වදං-වේඁද ආත්මානං ජීවමංතිකාත්।
ඊශානං භූතභව්යස්ය න තතෝ විජුගුප්සතේ। ඒතද්වෛ තත් ॥5॥

යඃ පූර්වං තපසෝ ජාතමද්භ්යඃ පූර්වමජායත।
ගුහාං ප්රවිශ්ය තිෂ්ඨංතං-යෝඁ භූතේභිර්ව්යපශ්යත। ඒතද්වෛ තත් ॥6॥

යා ප්රාණේන සංභවත්යදිතිර්දේවතාමයී।
ගුහාං ප්රවිශ්ය තිෂ්ඨංතීං-යාඁ භූතේභිර්ව්යජායත। ඒතද්වෛ තත් ॥7॥

අරණ්යෝර්නිහිතෝ ජාතවේදා ගර්භ ඉව සුභෘතෝ ගර්භිණීභිඃ।
දිවේ දිවේ ඊඩ්යෝ ජාගෘවද්භිර්​හවිෂ්මද්භිර්මනුෂ්යේභිරග්නිඃ। ඒතද්වෛ තත් ॥8॥

යතශ්චෝදේති සූර්යෝऽස්තං-යඁත්ර ච ගච්ඡති।
තං දේවාඃ සර්වේऽර්පිතාස්තදු නාත්යේති කශ්චන। ඒතද්වෛ තත් ॥9॥

යදේවේහ තදමුත්ර යදමුත්ර තදන්විහ।
මෘත්යෝඃ ස මෘත්යුමාප්නෝති ය ඉහ නානේව පශ්යති ॥10॥

මනසෛවේදමාප්තව්යං නේහ නානාऽස්ති කිංචන।
මෘත්යෝඃ ස මෘත්යුං ගච්ඡති ය ඉහ නානේව පශ්යති ॥11॥

අංගුෂ්ඨමාත්රඃ පුරුෂෝ මධ්ය ආත්මනි තිෂ්ඨති।
ඊශානෝ භූතභව්යස්ය න තතෝ විජුගුප්සතේ। ඒතද්වෛ තත් ॥12॥

අංගුෂ්ඨමාත්රඃ පුරුෂෝ ජ්යෝතිරිවාධූමකඃ।
ඊශානෝ භූතභව්යස්ය ස ඒවාද්ය ස උ ශ්වඃ। ඒතද්වෛ තත් ॥13॥

යථෝදකං දුර්ගේ වෘෂ්ටං පර්වතේෂු විධාවති।
ඒවං ධර්මාන්පෘථක් පශ්යංස්තානේවානුවිධාවති ॥14॥

යථෝදකං ශුද්ධේ ශුද්ධමාසික්තං තාදෘගේව භවති।
ඒවං මුනේර්විජානත ආත්මා භවති ගෞතම ॥15॥