කඨෝපනිෂද් – අධ්යාය 1, වළ්ළී 3

අධ්යාය 1
වල්ලී 3

ඍතං පිබංතෞ සුකෘතස්ය ලෝකේ ගුහාං ප්රවිෂ්ටෞ පරමේ පරාර්ධේ।
ඡායාතපෞ බ්රහ්මවිදෝ වදංති පංචාග්නයෝ යේ ච ත්රිණාචිකේතාඃ ॥1॥

යඃ සේතුරීජානානාමක්ෂරං බ්රහ්ම යත්පරම්।
අභයං තිතීර්​ෂතාං පාරං නාචිකේතං ශකේමහි ॥2॥

ආත්මානං රථිනං-විඁද්ධි ශරීරං රථමේව තු।
බුද්ධිං තු සාරථිං-විඁද්ධි මනඃ ප්රග්රහමේව ච ॥3॥

ඉංද්රියාණි හයානාහුර්විෂයාංස්තේෂු ගෝචරාන්।
ආත්මේංද්රියමනෝයුක්තං භෝක්තේත්යාහුර්මනීෂිණඃ ॥4॥

යස්ත්වවිජ්ඤානවාන්භවත්යයුක්තේන මනසා සදා।
තස්යේංද්රියාණ්යවශ්යානි දුෂ්ටාශ්වා ඉව සාරථේඃ ॥5॥

යස්තු විජ්ඤානවාන්භවති යුක්තේන මනසා සදා।
තස්යේංද්රියාණි වශ්යානි සදශ්වා ඉව සාරථේඃ ॥6॥

යස්ත්වවිජ්ඤානවාන්භවත්යමනස්කඃ සදාऽශුචිඃ।
න ස තත්පදමාප්නෝති සංසාරං චාධිගච්ඡති ॥7॥

යස්තු විජ්ඤානවාන්භවති සමනස්කඃ සදා ශුචිඃ।
ස තු තත්පදමාප්නෝති යස්මාද් භූයෝ න ජායතේ ॥8॥

විජ්ඤානසාරථිර්යස්තු මනඃ ප්රග්රහවාන්නරඃ।
සෝऽධ්වනඃ පාරමාප්නෝති තද්විෂ්ණෝඃ පරමං පදම් ॥9॥

ඉංද්රියේභ්යඃ පරා හ්යර්ථා අර්ථේභ්යශ්ච පරං මනඃ।
මනසස්තු පරා බුද්ධිර්බුද්ධේරාත්මා මහාන්පරඃ ॥10॥

මහතඃ පරමව්යක්තමව්යක්තාත්පුරුෂඃ පරඃ।
පුරුෂාන්න පරං කිංචිත්සා කාෂ්ඨා සා පරා ගතිඃ ॥11॥

ඒෂ සර්වේෂු භූතේෂු ගූඪෝऽऽත්මා න ප්රකාශතේ।
දෘශ්යතේ ත්වග්ර්යයා බුද්ධ්යා සූක්ෂ්මයා සූක්ෂ්මදර්​ශිභිඃ ॥12॥

යච්ඡේද්වාඞ්මනසී ප්රාජ්ඤස්තද්යච්ඡේජ්ජ්ඤාන ආත්මනි।
ජ්ඤානමාත්මනි මහති නියච්ඡේත්තද්යච්ඡේච්ඡාංත ආත්මනි ॥13॥

උත්තිෂ්ඨත ජාග්රත ප්රාප්ය වරාන්නිබෝධත।
ක්ෂුරස්ය ධාරා නිශිතා දුරත්යයා දුර්ගං පථස්තත්කවයෝ වදංති ॥14॥

අශබ්දමස්පර්​ශමරූපමව්යයං තථාऽරසං නිත්යමගංධවච්ච යත්।
අනාද්යනංතං මහතඃ පරං ධ්රුවං නිචාය්ය තන්මෘත්යුමුඛාත් ප්රමුච්යතේ ॥15॥

නාචිකේතමුපාඛ්යානං මෘත්යුප්රෝක්තං සනාතනම්।
උක්ත්වා ශ්රුත්වා ච මේධාවී බ්රහ්මලෝකේ මහීයතේ ॥16॥

ය ඉමං පරමං ගුහ්යං ශ්රාවයේද් බ්රහ්මසංසදි।
ප්රයතඃ ශ්රාද්ධකාලේ වා තදානංත්යාය කල්පතේ।
තදානංත්යාය කල්පත ඉති ॥17॥