කඨෝපනිෂද් – අධ්යාය 1, වළ්ළී 1

අධ්යාය 1
වල්ලී 1

ඕං උශන් හ වෛ වාජශ්රවසඃ සර්වවේදසං දදෞ।
තස්ය හ නචිකේතා නාම පුත්ර ආස ॥1॥

තං හ කුමාරං සංතං දක්ෂිණාසු නීයමානාසු ශ්රද්ධාऽऽවිවේශ। සෝऽමන්යත ॥2॥

පීතෝදකා ජග්ධතෘණා දුග්ධදෝහා නිරිංද්රියාඃ।
අනංදා නාම තේ ලෝකාස්තාන්ස ගච්ඡති තා දදත් ॥3॥

ස හෝවාච පිතරං තත කස්මෛ මාං දාස්යසීති।
ද්විතීයං තෘතීයං තං හෝවාච මෘත්යවේ ත්වා දදාමීති ॥4॥

බහූනාමේමි ප්රථමෝ බහූනාමේමි මධ්යමඃ।
කිං ස්විද්යමස්ය කර්තව්යං-යඁන්මයාද්ය කරිෂ්යති ॥5॥

අනුපශ්ය යථා පූර්වේ ප්රතිපශ්ය තථාऽපරේ।
සස්යමිව මර්ත්යඃ පච්යතේ සස්යමිවාජායතේ පුනඃ ॥6॥

වෛශ්වානරඃ ප්රවිශත්යතිථිර්බ්රාහ්මණෝ ගෘහාන්।
තස්යෛතාං ශාංතිං කුර්වංති හර වෛවස්වතෝදකම් ॥7॥

ආශාප්රතීක්ෂේ සංගතං සූනෘතාං චේෂ්ටාපූර්තේ පුත්රපශූංශ්ච සර්වාන්।
ඒතද් වෘංක්තේ පුරුෂස්යාල්පමේධසෝ යස්යානශ්නන්වසති බ්රාහ්මණෝ ගෘහේ ॥8॥

තිස්රෝ රාත්රීර්යදවාත්සීර්ගෘහේ මේऽනශ්නන්බ්රහ්මන්නතිථිර්නමස්යඃ।
නමස්තේऽස්තු බ්රහ්මන්ස්වස්ති මේऽස්තු තස්මාත්ප්රති ත්රීන්වරාන්වෘණීෂ්ව ॥9॥

ශාංතසංකල්පඃ සුමනා යථා ස්යාද්වීතමන්යුර්ගෞතමෝ මාභි මෘත්යෝ।
ත්වත්ප්රසෘෂ්ටං මාභිවදේත්ප්රතීත ඒතත්ත්රයාණාං ප්රථමං-වඁරං-වෘඁණේ ॥10॥

යථා පුරස්තාද් භවිතා ප්රතීත ඖද්දාලකිරාරුණිර්මත්ප්රසෘෂ්ටඃ।
සුඛං රාත්රීඃ ශයිතා වීතමන්යුස්ත්වාං දදෘශිවාන්මෘත්යුමුඛාත්ප්රමුක්තම් ॥11॥

ස්වර්ගේ ලෝකේ න භයං කිංචනාස්ති න තත්ර ත්වං න ජරයා බිභේති।
උභේ තීර්ත්වාऽශනායාපිපාසේ ශෝකාතිගෝ මෝදතේ ස්වර්ගලෝකේ ॥12॥

ස ත්වමග්නිං ස්වර්ග්යමධ්යේෂි මෘත්යෝ ප්රබ්රූහි ත්වං ශ්රද්දධානාය මහ්යම්।
ස්වර්ගලෝකා අමෘතත්වං භජංත ඒතද් ද්විතීයේන වෘණේ වරේණ ॥13॥

ප්ර තේ බ්රවීමි තදු මේ නිබෝධ ස්වර්ග්යමග්නිං නචිකේතඃ ප්රජානන්।
අනංතලෝකාප්තිමථෝ ප්රතිෂ්ඨාං-විඁද්ධි ත්වමේතං නිහිතං ගුහායාම් ॥14॥

ලෝකාදිමග්නිං තමුවාච තස්මෛ යා ඉෂ්ටකා යාවතීර්වා යථා වා।
ස චාපි තත්ප්රත්යවදද්යථෝක්තමථාස්ය මෘත්යුඃ පුනරේවාහ තුෂ්ටඃ ॥15॥

තමබ්රවීත්ප්රීයමාණෝ මහාත්මා වරං තවේහාද්ය දදාමි භූයඃ।
තවෛව නාම්නා භවිතාऽයමග්නිඃ සෘංකාං චේමාමනේකරූපාං ගෘහාණ ॥16॥

ත්රිණාචිකේතස්ත්රිභිරේත්ය සංධිං ත්රිකර්මකෘත්තරති ජන්මමෘත්යූ।
බ්රහ්මජජ්ඤං දේවමීඩ්යං-විඁදිත්වා නිචාය්යේමාං ශාංතිමත්යංතමේති ॥17॥

ත්රිණාචිකේතස්ත්රයමේතද්විදිත්වා ය ඒවං-විඁද්වාංශ්චිනුතේ නාචිකේතම්।
ස මෘත්යුපාශාන්පුරතඃ ප්රණෝද්ය ශෝකාතිගෝ මෝදතේ ස්වර්ගලෝකේ ॥18॥

ඒෂ තේऽග්නිර්නචිකේතඃ ස්වර්ග්යෝ යමවෘණීථා ද්විතීයේන වරේණ।
ඒතමග්නිං තවෛව ප්රවක්ෂ්යංති ජනාසස්තෘතීයං-වඁරං නචිකේතෝ වෘණීෂ්ව ॥19॥

යේයං ප්රේතේ විචිකිත්සා මනුෂ්යේऽස්තීත්යේකේ නායමස්තීති චෛකේ।
ඒතද්විද්යාමනුශිෂ්ටස්ත්වයාऽහං-වඁරාණාමේෂ වරස්තෘතීයඃ ॥20॥

දේවෛරත්රාපි විචිකිත්සිතං පුරා න හි සුවිජ්ඤේයමණුරේෂ ධර්මඃ।
අන්යං-වඁරං නචිකේතෝ වෘණීෂ්ව මා මෝපරෝත්සීරති මා සෘජෛනම් ॥21॥

දේවෛරත්රාපි විචිකිත්සිතං කිල ත්වං ච මෘත්යෝ යන්න සුජ්ඤේයමාත්ථ।
වක්තා චාස්ය ත්වාදෘගන්යෝ න ලභ්යෝ නාන්යෝ වරස්තුල්ය ඒතස්ය කශ්චිත් ॥22॥

ශතායුෂඃ පුත්රපෞත්රාන්වෘණීෂ්ව බහූන්පශූන්හස්තිහිරණ්යමශ්වාන්।
භූමේර්මහදායතනං-වෘඁණීෂ්ව ස්වයං ච ජීව ශරදෝ යාවදිච්ඡසි ॥23॥

ඒතත්තුල්යං-යඁදි මන්යසේ වරං-වෘඁණීෂ්ව විත්තං චිරජීවිකාං ච।
මහාභූමෞ නචිකේතස්ත්වමේධි කාමානාං ත්වාං කාමභාජං කරෝමි ॥24॥

යේ යේ කාමා දුර්ලභා මර්ත්යලෝකේ සර්වාන්කාමාංශ්ඡංදතඃ ප්රාර්ථයස්ව।
ඉමා රාමාඃ සරථාඃ සතූර්යා න හීදෘශා ලංභනීයා මනුෂ්යෛඃ।
ආභිර්මත්ප්රත්තාභිඃ පරිචාරයස්ව නචිකේතෝ මරණං මාऽනුප්රාක්ශීඃ ॥25॥

ශ්වෝභාවා මර්ත්යස්ය යදංතකෛතත්සර්වේංද්රියාණාං ජරයංති තේජඃ।
අපි සර්වං ජීවිතමල්පමේව තවෛව වාහාස්තව නෘත්යගීතේ ॥26॥

න විත්තේන තර්පණීයෝ මනුෂ්යෝ ලප්ස්යාමහේ විත්තමද්රාක්ෂ්ම චේත්ත්වා।
ජීවිෂ්යාමෝ යාවදීශිෂ්යසි ත්වං-වඁරස්තු මේ වරණීයඃ ස ඒව ॥27॥

අජීර්යතාමමෘතානාමුපේත්ය ජීර්යන්මර්ත්යඃ ක්වධඃස්ථඃ ප්රජානන්।
අභිධ්යායන්වර්ණරතිප්රමෝදානතිදීර්ඝේ ජීවිතේ කෝ රමේත ॥28॥

යස්මින්නිදං-විඁචිකිත්සංති මෘත්යෝ යත්සාංපරායේ මහති බ්රූහි නස්තත්।
යෝऽයං-වඁරෝ ගූඪමනුප්රවිෂ්ටෝ නාන්යං තස්මාන්නචිකේතා වෘණීතේ ॥29॥