හනුමාන් නිත්ය පූජා විධානම්

ආවශ්යකානි වස්තූනි
– ආසනං
– දීපඃ
– ගංධඃ
– කුංකුමං
– අක්ෂතාඃ
– පුෂ්පාණි
– ධූපඃ
– නෛවේද්යං
– තාංබූලං
– ආචමනීයං
– පූජා පාත්රං
– කලශඃ
– ශංඛඃ [optional]
– හනුමාන් ප්රතිමා වා චිත්රපටඃ වා

පූර්වාංග පූජා
ශ්රීමහාගණාධිපතයේ නමඃ ।
ශ්රී ගුරුභ්යෝ නමඃ ।
හරිඃ ඕම් ।

ශුචිඃ
අපවිත්රඃ පවිත්රෝ වා සර්වාවස්ථාං ගතෝऽපි වා ।
යඃ ස්මරේත් පුංඩරීකාක්ෂං ස බාහ්යාභ්යංතරඃ ශුචිඃ ॥
පුංඩරීකාක්ෂ පුංඩරීකාක්ෂ පුංඩරීකාක්ෂාය නමඃ ॥

ප්රාර්ථනා
ශුක්ලාංබරධරං විෂ්ණුං ශශිවර්ණං චතුර්භුජම් ।
ප්රසන්නවදනං ධ්යායේත් සර්වවිඝ්නෝපශාංතයේ ॥

අගජානන පද්මාර්කං ගජානනමහර්නිශම් ।
අනේකදං තං භක්තානාං ඒකදංතමුපාස්මහේ ॥

තදේව ලග්නං සුදිනං තදේව
තාරාබලං චංද්රබලං තදේව ।
විද්යාබලං දෛවබලං තදේව
ලක්ෂ්මීපතේ තේऽංඝ්රියුගං ස්මරාමි ॥

ගුරුර්බ්රහ්මා ගුරුර්විෂ්ණුඃ ගුරුර්දේවෝ මහේශ්වරඃ ।
ගුරුඃ සාක්ෂාත් පරබ්රහ්ම තස්මෛ ශ්රීගුරවේ නමඃ ॥

සර්වමංගළ මාංගළ්යේ ශිවේ සර්වාර්ථසාධිකේ ।
ශරණ්යේ ත්ර්යංබකේ ගෞරී නාරායණි නමෝऽස්තු තේ ॥

ශ්රීලක්ෂ්මීනාරායණාභ්යාං නමඃ ।
උමාමහේශ්වරාභ්යාං නමඃ ।
වාණීහිරණ්යගර්භාභ්යාං නමඃ ।
ශචීපුරංදරාභ්යාං නමඃ ।
අරුංධතීවසිෂ්ඨාභ්යාං නමඃ ।
ශ්රීසීතාරාමාභ්යාං නමඃ ।
මාතාපිතෘභ්යෝ නමඃ ।
සර්වේභ්යෝ මහාජනේභ්යෝ නමඃ ।

ආචමනං
ඕං කේශවාය ස්වාහා ।
ඕං නාරායණාය ස්වාහා ।
ඕං මාධවාය ස්වාහා ।
ඕං ගෝවිංදාය නමඃ ।
ඕං විෂ්ණවේ නමඃ ।
ඕං මධුසූදනාය නමඃ ।
ඕං ත්රිවික්රමාය නමඃ ।
ඕං වාමනාය නමඃ ।
ඕං ශ්රීධරාය නමඃ ।
ඕං හෘෂීකේශාය නමඃ ।
ඕං පද්මනාභාය නමඃ ।
ඕං දාමෝදරාය නමඃ ।
ඕං සංකර්ෂණාය නමඃ ।
ඕං වාසුදේවාය නමඃ ।
ඕං ප්රද්යුම්නාය නමඃ ।
ඕං අනිරුද්ධාය නමඃ ।
ඕං පුරුෂෝත්තමාය නමඃ ।
ඕං අධෝක්ෂජාය නමඃ ।
ඕං නාරසිංහාය නමඃ ।
ඕං අච්යුතාය නමඃ ।
ඕං ජනාර්දනාය නමඃ ।
ඕං උපේංද්රාය නමඃ ।
ඕං හරයේ නමඃ ।
ඕං ශ්රීකෘෂ්ණාය නමඃ ।

දීපාරාධනම්
දීපස්ත්වං බ්රහ්මරූපෝऽසි ජ්යෝතිෂාං ප්රභුරව්යයඃ ।
සෞභාග්යං දේහි පුත්රාංශ්ච සර්වාන්කාමාංශ්ච දේහි මේ ॥
භෝ දීප දේවි රූපස්ත්වං කර්මසාක්ෂී හ්යවිඝ්නකෘත් ।
යාවත්පූජාං කරිෂ්යාමි තාවත්ත්වං සුස්ථිරෝ භව ॥
දීපාරාධන මුහූර්තඃ සුමුහූර්තෝऽස්තු ॥

භූතෝච්චාටනම්
උත්තිෂ්ඨංතු භූතපිශාචාඃ ය ඒතේ භූමිභාරකාඃ ।
ඒතේෂාමවිරෝධේන බ්රහ්මකර්ම සමාරභේ ॥
අපසර්පංතු තේ භූතා යේ භූතා භූමිසංස්ථිතාඃ ।
යේ භූතා විඝ්නකර්තාරස්තේ ගච්ඡංතු ශිවාऽජ්ඤයා ॥

ප්රාණායාමඃ

ඕං භූඃ । ඕං භුවඃ॑ । ඕග්​ම් සුවඃ॑ । ඕං මහඃ॑ । ඕං ජනඃ॑ । ඕං තපඃ॑ । ඕග්​ම් සත්යම් ।
ඕං තත්ස॑වි॒තුර්වරේ᳚ණ්යං॒ භර්ගෝ॑ දේ॒වස්ය॑ ධීමහි ।
ධියෝ॒ යෝ නඃ॑ ප්රචෝ॒දයා᳚ත් ॥
ඕමාපෝ॒ ජ්යෝතී॒ රසෝ॒ऽමෘතං॒ බ්රහ්ම॒ භූර්භුව॒ස්සුව॒රෝම් ॥

සංකල්පඃ
මම උපාත්ත සමස්ත දුරිතක්ෂය ද්වාරා ශ්රීපරමේශ්වර ප්රීත්යර්ථං, මම/අස්මාකං සහකුටුංබස්ය ක්ෂේම-ස්ථෛර්ය-ධෛර්ය-වීර්ය-විජය-අභය-ආයුඃ-ආරෝග්ය-ඓශ්වර්ය-අභිවෘද්ධ්යර්ථං, ධෛර්ය-බල-බුද්ධි-භක්ති-සිද්ධ්යර්ථං, ධර්මාර්ථ-කාම-මෝක්ෂ-චතුර්විධ-පුරුෂාර්ථ-ඵල-සිද්ධ්යර්ථං, ශ්රීහනුමත්-ප්රීත්යර්ථං, යාවච්ඡක්ති ධ්යාන-ආවාහනාදි-ෂෝඩශෝපචාර-පූජාං කරිෂ්යේ ॥

තදංග කලශාරාධනං කරිෂ්යේ ॥

කලශාරාධනම්
කලශේ ගංධ පුෂ්පාක්ෂතෛරභ්යර්ච්ය ।
කලශේ උදකං පූරයිත්වා ।
කලශස්යෝපරි හස්තං නිධාය ।

කලශස්ය මුඛේ විෂ්ණුඃ කංඨේ රුද්රඃ සමාශ්රිතඃ ।
මූලේ ත්වස්ය ස්ථිතෝ බ්රහ්මා මධ්යේ මාතෘගණාඃ ස්මෘතාඃ ॥
කුක්ෂෞ තු සාගරාඃ සර්වේ සප්තද්වීපා වසුංධරා ।
ඍග්වේදෝऽථ යජුර්වේදෝ සාමවේදෝ හ්යථර්වණඃ ॥
අංගෛශ්ච සහිතාඃ සර්වේ කලශාංබු සමාශ්රිතාඃ ॥

ගංගේ ච යමුනේ චෛව ගෝදාවරී සරස්වතී ।
නර්මදේ සිංධු කාවේරී ජලේऽස්මින් සන්නිධිං කුරු ॥
කාවේරී තුංගභද්රා ච කෘෂ්ණවේණී ච ගෞතමී ।
භාගීරථීති විඛ්යාතාඃ පංචගංගාඃ ප්රකීර්තිතාඃ ॥

ආයාංතු දේවපූජාර්ථං මම දුරිතක්ෂයකාරකාඃ ।
කලශෝදකේන පූජා ද්රව්යාණි සංප්රෝක්ෂ්ය, දේවං සංප්රෝක්ෂ්ය, ආත්මානං ච සංප්රෝක්ෂ්ය ॥

ශංඛපූජා
ශංඛං චංද්රාර්ක දෛවතං මධ්යේ වරුණ දේවතාම් ।
පෘෂ්ඨේ ප්රජාපතිං විංද්යාදග්රේ ගංගා සරස්වතීම් ॥
ත්රෛලෝක්යේ යානි තීර්ථානි වාසුදේවස්ය ආජ්ඤයා ।
ශංඛේ තිෂ්ඨංතු විප්රේංද්රාඃ තස්මාත් ශංඛං ප්රපූජයේත් ॥

ඕං ශංඛාය නමඃ ।
ඕං ධවළාය නමඃ ।
ඕං පාංචජන්යාය නමඃ ।
ඕං ශංඛදේවතාභ්යෝ නමඃ ।
සකලපූජාර්ථේ අක්ෂතාන් සමර්පයාමි ॥

ඝංටානාදඃ
ආගමාර්ථං තු දේවානාං ගමනාර්ථං තු රාක්ෂසාම් ।
ඝංටාරවං කරෝම්යාදෞ දේවතාහ්වාන ලාංඡනම් ॥
ඕං ඝංටාදේවතාභ්යෝ නමඃ ।
සකලෝපචාර පූජාර්ථේ අක්ෂතාන් සමර්පයාමි ॥

ශ්රී මහාගණපති පූජා

ඕං ග॒ණානාං᳚ ත්වා ග॒ණප॑තිග්​ම් හවාමහේ ක॒විං ක॑වී॒නාං උප॒මශ්ර॑වස්තවම් ।
ජ්යේ॒ෂ්ඨ॒රාජං॒ බ්රහ්ම॑ණාං බ්රහ්මණස්පත॒ ආ නඃ॑ ශෘ॒ණ්වන්නූ॒තිභි॑ස්සීද॒ සාද॑නම් ॥

සුමුඛශ්චෛකදංතශ්ච කපිලෝ ගජකර්ණකඃ ।
ලංබෝදරශ්ච විකටෝ විඝ්නරාජෝ ගණාධිපඃ ॥
ධූමකේතුර්ගණාධ්යක්ෂඃ ඵාලචංද්රෝ ගජානනඃ ।
වක්රතුංඩඃ ශූර්පකර්ණෝ හේරංබඃ ස්කංදපූර්වජඃ ॥

ඕං ශ්රීමහාගණපතයේ නමඃ ।
ධ්යායාමි । ආවාහයාමි । ආසනං සමර්පයාමි ।
පාද්යං සමර්පයාමි । අර්ඝ්යං සමර්පයාමි । ආචමනීයං සමර්පයාමි ।
ස්නානං සමර්පයාමි । වස්ත්රං සමර්පයාමි । යජ්ඤෝපවීතං සමර්පයාමි ।
ගංධං සමර්පයාමි । පුෂ්පාණි සමර්පයාමි ।
ධූපමාඝ්රාපයාමි । දීපං දර්ශයාමි ।
නෛවේද්යං සමර්පයාමි । තාංබූලං සමර්පයාමි ।
නීරාජනං සමර්පයාමි । මංත්රපුෂ්පං සමර්පයාමි ।
ප්රදක්ෂිණ නමස්කාරාන් සමර්පයාමි ॥

ෂෝඩශෝපචාර පූජා
හනුමාන් ධ්යානම්
අතුලිත බලධාමං ස්වර්ණ ශෛලාභ දේහම් ।
දනුජවන කෘශානුං ජ්ඤානිනාමග්රගණ්යම් ॥
සකලගුණනිධානං වානරාණාමධීශම් ।
රඝුපතිප්රියභක්තං වාතජාතං නමාමි ॥

මනෝජවං මාරුත තුල්යවේගම් ।
ජිතේංද්රියං බුද්ධිමතාං වරිෂ්ඨම් ॥
වාතාත්මජං වානර යූථමුඛ්යම් ।
ශ්රීරාමදූතං ශිරසා නමාමි ॥

ගෝෂ්පදීකෘතසමුද්රං මශකීකෘත රාක්ෂසම් ।
රාමායණ මහාමාලා රත්නං වංදේऽනිලාත්මජම් ॥

ඕං ශ්රීහනුමතේ නමඃ ।
ධ්යායාමි । ධ්යානං සමර්පයාමි ॥

ආවාහනම්
රාමචංද්ර පදාංභෝජ යුගල ස්ථිරමාසනම් ।
ආවාහයාමි වරදං හනූමංතමභීෂ්ටදම් ॥
ඕං ශ්රීහනුමතේ නමඃ ।
ආවාහයාමි । ස්ථාපයාමි । පූජයාමි ॥

ආසනම්
නවරත්නනිබද්ධාඪ්යං චතුරශ්රං සුශෝභනම් ।
සෞවර්ණමාසනං තුභ්යං දාස්යාමි කපිනායක ॥
ඕං ශ්රීහනුමතේ නමඃ ।
ආසනං සමර්පයාමි ॥

පාද්යම්
සුවර්ණකලශානීතං ගංගාදි සලිලෛර්යුතම් ।
පාදයෝඃ පාද්යමනඝං ප්රතිගෘහ්ය ප්රසීද මේ ॥
ඕං ශ්රීහනුමතේ නමඃ ।
පාදයෝඃ පාද්යං සමර්පයාමි ॥

අර්ඝ්යම්
ලක්ෂ්මණ ප්රාණසංරක්ෂ සීතාශෝකවිනාශන ।
ගෘහාණාර්ඝ්යං මයා දත්තං අංජනාප්රියනංදන ॥
ඕං ශ්රීහනුමතේ නමඃ ।
හස්තයෝඃ අර්ඝ්යං සමර්පයාමි ॥

ආචමනීයම්
වාලාග්රසේතුබංධාය ශතානනවධාය ච ।
තුභ්යමාචමනං දත්තං ප්රතිගෘහ්ණීෂ්ව මාරුතේ ॥
ඕං ශ්රීහනුමතේ නමඃ ।
මුඛේ ආචමනීයං සමර්පයාමි ॥

ස්නානම්

ආපෝ॒ හිෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන ।
ම॒හේ රණා॑ය॒ චක්ෂ॑සේ ॥
යෝ වඃ॑ ශි॒වත॑මෝ රස॒ස්තස්ය॑ භාජයතේ॒හ නඃ॑ ।
උ॒ශ॒තීරි॑ව මා॒ත॑රඃ ॥
තස්මා॒ අරං॑ ගමාම වෝ॒ යස්ය॒ ක්ෂයා॑ය॒ ජින්ව॑ථ ।
ආපෝ॑ ජ॒නය॑ථා ච නඃ ॥

ඕං ශ්රීහනුමතේ නමඃ ।
ශුද්ධෝදක ස්නානං සමර්පයාමි ॥
ස්නානානංතරං ආචමනීයං සමර්පයාමි ॥

වස්ත්රම්
පීතාංබරමිදං තුභ්යං තප්තහාටක සන්නිභම් ।
දාස්යාමි වානරශ්රේෂ්ඨ සංගෘහාණ නමෝऽස්තු තේ ॥
උත්තරීයං තු දාස්යාමි සංසාරෝත්තාර කාරණ ।
ගෘහාණ ච මයා ප්රීත්යා දත්තං ධත්ස්ව යථාවිධි ॥
ඕං ශ්රීහනුමතේ නමඃ ।
වස්ත්රං සමර්පයාමි ॥

යජ්ඤෝපවීතම්
නවභිස්තංතුභිර්යුක්තං ත්රිගුණං දේවතාමයම් ।
උපවීතං චෝත්තරීයං ගෘහාණ රාමකිංකර ॥
ඕං ශ්රීහනුමතේ නමඃ ।
යජ්ඤෝපවීතං සමර්පයාමි ॥

ගංධම්
කස්තූරීකුංකුමාමිශ්රං කර්පූරාගරුවාසිතම් ।
ශ්රීචංදනං තු දාස්යාමි ගෘහ්යතාං හනුමත්ප්රභෝ ॥
ඕං ශ්රීහනුමතේ නමඃ ।
ගංධං සමර්පයාමි ॥

අර්චන
අක්ෂතාන් ධවළාන් දිව්යාන් පුෂ්පාණි ච සුගංධීනි ।
භක්ත්යා දත්තානි ගෘහ්යංතාං සර්වදේවාඃ ප්රසීදත ॥

අංග පූජා
ඕං මාරුතයේ නමඃ – පාදෞ පූජයාමි ।
ඕං සුග්රීවසඛාය නමඃ – ගුල්ඵෞ පූජයාමි ।
ඕං අංගදමිත්රාය නමඃ – ජංඝේ පූජයාමි ।
ඕං රාමදාසාය නමඃ – ඌරූ පූජයාමි ।
ඕං අක්ෂඝ්නාය නමඃ – කටිං පූජයාමි ।
ඕං ලංකාදහනාය නමඃ – වාලං පූජයාමි ।
ඕං සංජීවනනගාහර්තේ නමඃ – ස්කංධෞ පූජයාමි ।
ඕං සෞමිත්රිප්රාණදාත්රේ නමඃ – වක්ෂඃස්ථලං පූජයාමි ।
ඕං කුංඨිතදශකංඨාය නමඃ – කංඨං පූජයාමි ।
ඕං රාමාභිෂේකකාරිණේ නමඃ – හස්තෞ පූජයාමි ।
ඕං මංත්රරචිතරාමායණාය නමඃ – වක්ත්රං පූජයාමි ।
ඕං ප්රසන්නවදනාය නමඃ – වදනං පූජයාමි ।
ඕං පිංගළනේත්රාය නමඃ – නේත්රේ පූජයාමි ।
ඕං ශ්රුතිපරායණාය නමඃ – ශ්රෝත්රේ පූජයාමි ।
ඕං ඌර්ධ්වපුංඩ්රධාරිණේ නමඃ – ලලාටං පූජයාමි ।
ඕං මණිකංඨමාලිකාය නමඃ – ශිරඃ පූජයාමි ।
ඕං සර්වාභීෂ්ටප්රදාය නමඃ – සර්වාණ්යංගානි පූජයාමි ॥

[Recite the hanumAn aShTOttara Sata nAmAvaLI, or at least a few known names of Hanuman. Offer flowers or akshatas with each name.]

අථවා හනුමාන් නාමාවළී පඨනම් ॥

ඕං ශ්රීහනුමතේ නමඃ ।
අෂ්ටෝත්තර ශත නාමාවළී පූජාං සමර්පයාමි ।
අක්ෂතාන් පුෂ්පාණි ච සමර්පයාමි ॥

ධූපම්
දිව්යං සගුග්ගුලං රම්යං දශාංගේන සමන්විතම් ।
ගෘහාණ මාරුතේ ධූපං සුප්රියං ඝ්රාණතත්පරම් ॥
ඕං ශ්රීහනුමතේ නමඃ ।
ධූපමාඝ්රාපයාමි ॥

දීපම්
සාජ්යං ත්රිවර්ති සංයුක්තං වහ්නිනා යෝජිතං මයා ।
ගෘහාණ මංගළං දීපං ත්රෛලෝක්ය තිමිරාපහම් ॥
සුප්රකාශෝ මහාදීපඃ සර්වතස්තිමිරාපහඃ ।
සබාහ්යාභ්යංතරං ජ්යෝතිර්දීපෝऽයං ප්රතිගෘහ්යතාම් ॥
ඕං ශ්රීහනුමතේ නමඃ ।
දීපං දර්ශයාමි ॥

නෛවේද්යම්
මණිපාත්ර සහස්රාඪ්යං දිව්යාන්නං ඝෘතපායසම් ।
ආපූපලඩ්ඩූකෝපේතං මධුරාම්රඵලෛර්යුතම් ॥
හිංගූ ජීරක සංයුක්තං ෂඩ්රසෝපේතමුත්තමම් ।
නෛවේද්යමර්පයාම්යද්ය ගෘහාණේදං කපීශ්වර ॥

ඕං භූර්භුව॒ස්සුවඃ॒ । තත්ස॑වි॒තුර්වරේ᳚ණ්යං॒ භර්ගෝ॑ දේ॒වස්ය॑ ධීමහි ।
ධි॒යෝ යෝ නඃ॑ ප්රචෝ॒දයා᳚ත් ॥

සත්යං ත්වා ඍතේන පරිෂිංචාමි ।
අමෘතමස්තු । අමෘතෝපස්තරණමසි ।
ඕං ප්රාණාය ස්වාහා । ඕං අපානාය ස්වාහා । ඕං ව්යානාය ස්වාහා ।
ඕං උදානාය ස්වාහා । ඕං සමානාය ස්වාහා ।
මධ්යේ මධ්යේ පානීයං සමර්පයාමි ।
අමෘතාපිධානමසි ।
උත්තරාපෝශනං සමර්පයාමි ।
හස්තෞ ප්රක්ෂාළයාමි । පාදෞ ප්රක්ෂාළයාමි ।
ශුද්ධාචමනීයං සමර්පයාමි ॥

ඕං ශ්රීහනුමතේ නමඃ ।
නෛවේද්යං සමර්පයාමි ॥

තාංබූලම්
නාගවල්ලීදලෝපේතං ක්රමුකෛර්මධුරෛර්යුතම් ।
තාංබූලමර්පයාම්යද්ය කර්පූරාදි සුවාසිතම් ॥
ඕං ශ්රීහනුමතේ නමඃ ।
තාංබූලං සමර්පයාමි ॥

නීරාජනම්
ආරාර්තිකං තමෝහාරි ශතසූර්ය සමප්රභම් ।
අර්පයාමි තව ප්රීත්යෛ අංධකාර නිෂූදනම් ॥
ඕං ශ්රීහනුමතේ නමඃ ।
නීරාජනං සමර්පයාමි ॥

මංත්රපුෂ්පම්
ඕං ආංජනේයාය විද්මහේ වායුපුත්රාය ධීමහි ।
තන්නෝ හනුමත් ප්රචෝදයාත් ॥
ඕං ශ්රීහනුමතේ නමඃ ।
මංත්රපුෂ්පං සමර්පයාමි ॥

ප්රදක්ෂිණම්
යානි කානි ච පාපානි ජන්මාංතර කෘතානි ච ।
තානි තානි ප්රණශ්යංති ප්රදක්ෂිණ පදේ පදේ ॥
පාපෝऽහං පාපකර්මාऽහං පාපාත්මා පාපසංභව ।
ත්රාහි මාං කෘපයා දේව ශරණාගතවත්සල ॥
අන්යථා ශරණං නාස්ති ත්වමේව ශරණං මම ।
තස්මාත්කාරුණ්ය භාවේන රක්ෂ රක්ෂ කපීශ්වර ॥
ඕං ශ්රීහනුමතේ නමඃ ।
ප්රදක්ෂිණ නමස්කාරාන් සමර්පයාමි ॥

නමස්කාරඃ
උරසා ශිරසා දෘෂ්ට්යා මනසා වචසා තථා ।
පද්භ්යාං කරාභ්යාං කර්ණාභ්යාං ප්රණාමෝऽෂ්ටාංග උච්යතේ ॥
ඕං ශ්රීහනුමතේ නමඃ ।
නමස්කාරාන් සමර්පයාමි ॥

සර්වෝපචාරාඃ
ඕං ශ්රීහනුමතේ නමඃ ।
ඡත්රං සමර්පයාමි ।
චාමරං සමර්පයාමි ।
ගීතං ශ්රාවයාමි ।
නෘත්යං දර්ශයාමි ।
සමස්ත රාජෝපචාරාන් දේවෝපචාරාන් සමර්පයාමි ॥

ස්තෝත්ර පඨනම්

ක්ෂමාප්රාර්ථනා
අපරාධසහස්රාණි ක්රියංතේऽහර්නිශං මයා ।
දාසෝऽයමිති මාං මත්වා ක්ෂමස්ව කපිනායක ॥
ආවාහනං න ජානාමි න ජානාමි විසර්ජනම් ।
පූජාවිධිං න ජානාමි ක්ෂමස්ව වානරෝත්තම ॥
මංත්රහීනං ක්රියාහීනං භක්තිහීනං කපීශ්වර ।
යත්පූජිතං මයා දේව පරිපූර්ණං තදස්තු තේ ॥

කායේන වාචා මනසේංද්රියෛර්වා
බුද්ධ්යාත්මනා වා ප්රකෘතේඃ ස්වභාවාත් ।
කරෝමි යද්යත් සකලං පරස්මෛ
නාරායණායේති සමර්පයාමි ॥

අනයා ධ්යාන-ආවාහනාදි-ෂෝඩශෝපචාර පූජයා ශ්රීහනුමාන් සුප්රීතඃ සුප්රසන්නඃ වරදෝ භවතු ॥

උද්වාසනම්
ඕං ශ්රීහනුමතේ නමඃ ।
යථාස්ථානං උද්වාසයාමි ।
ශෝභනාර්ථේ ක්ෂේමාය පුනරාගමනාය ච ॥

ප්රසාද ග්රහණම්
අකාලමෘත්යුහරණං සර්වව්යාධිනිවාරණම් ।
සමස්තපාපක්ෂයකරං දේවතා පාදෝදකං ශුභම් ॥

ශ්රීහනුමාන් ප්රසාදං ශිරසා ගෘහ්ණාමි ॥

ඕං ශාංතිඃ ශාංතිඃ ශාංතිඃ ॥

ඕං තත්සත් බ්රහ්මාර්පණමස්තු ॥