ශ්රී හනුමදෂ්ටකම්

ශ්රීරඝුරාජපදාබ්ජනිකේතන පංකජලෝචන මංගළරාශේ
චංඩමහාභුජදංඩ සුරාරිවිඛංඩනපංඩිත පාහි දයාළෝ ।
පාතකිනං ච සමුද්ධර මාං මහතාං හි සතාමපි මානමුදාරං
ත්වාං භජතෝ මම දේහි දයාඝන හේ හනුමන් ස්වපදාංබුජදාස්යම් ॥ 1 ॥

සංසෘතිතාපමහානලදග්ධතනූරුහමර්මතනෝරතිවේලං
පුත්රධනස්වජනාත්මගෘහාදිෂු සක්තමතේරතිකිල්බිෂමූර්තේඃ ।
කේනචිදප්යමලේන පුරාකෘතපුණ්යසුපුංජලවේන විභෝ වෛ
ත්වාං භජතෝ මම දේහි දයාඝන හේ හනුමන් ස්වපදාංබුජදාස්යම් ॥ 2 ॥

සංසෘතිකූපමනල්පමඝෝරනිදාඝනිදානමජස්රමශේෂං
ප්රාප්ය සුදුඃඛසහස්රභුජංගවිෂෛකසමාකුලසර්වතනෝර්මේ ।
ඝෝරමහාකෘපණාපදමේව ගතස්ය හරේ පතිතස්ය භවාබ්ධෞ
ත්වාං භජතෝ මම දේහි දයාඝන හේ හනුමන් ස්වපදාංබුජදාස්යම් ॥ 3 ॥

සංසෘතිසිංධුවිශාලකරාලමහාබලකාලඣෂග්රසනාර්තං
ව්යග්රසමග්රධියං කෘපණං ච මහාමදනක්රසුචක්රහෘතාසුම් ।
කාලමහාරසනෝර්මිනිපීඩිතමුද්ධර දීනමනන්යගතිං මාං
ත්වාං භජතෝ මම දේහි දයාඝන හේ හනුමන් ස්වපදාංබුජදාස්යම් ॥ 4 ॥

සංසෘතිඝෝරමහාගහනේ චරතෝ මණිරංජිතපුණ්යසුමූර්තේඃ
මන්මථභීකරඝෝරමහෝග්රමෘගප්රවරාර්දිතගාත්රසුසංධේඃ ।
මත්සරතාපවිශේෂනිපීඩිතබාහ්යමතේශ්ච කථං චිදමේයං
ත්වාං භජතෝ මම දේහි දයාඝන හේ හනුමන් ස්වපදාංබුජදාස්යම් ॥ 5 ॥

සංසෘතිවෘක්ෂමනේකශතාඝනිදානමනංතවිකර්මසුශාඛං
දුඃඛඵලං කරණාදිපලාශමනංගසුපුෂ්පමචිංත්යසුමූලම් ।
තං හ්යධිරුහ්ය හරේ පතිතං ශරණාගතමේව විමෝචය මූඪං
ත්වාං භජතෝ මම දේහි දයාඝන හේ හනුමන් ස්වපදාංබුජදාස්යම් ॥ 6 ॥

සංසෘතිපන්නගවක්ත්රභයංකරදංෂ්ට්රමහාවිෂදග්ධශරීරං
ප්රාණවිනිර්ගමභීතිසමාකුලමංදමනාථමතීව විෂණ්ණම් ।
මෝහමහාකුහරේ පතිතං දයයෝද්ධර මාමජිතේංද්රියකාමං
ත්වාං භජතෝ මම දේහි දයාඝන හේ හනුමන් ස්වපදාංබුජදාස්යම් ॥ 7 ॥

ඉංද්රියනාමකචෝරගණෛර්හෘතතත්ත්වවිවේකමහාධනරාශිං
සංසෘතිජාලනිපාතිතමේව මහාබලිභිශ්ච විඛංඩිතකායම් ।
ත්වත්පදපද්මමනුත්තමමාශ්රිතමාශු කපීශ්වර පාහි කෘපාළෝ
ත්වාං භජතෝ මම දේහි දයාඝන හේ හනුමන් ස්වපදාංබුජදාස්යම් ॥ 8 ॥

බ්රහ්මමරුද්ගණරුද්රමහේංද්රකිරීටසුකෝටිලසත්පදපීඨං
දාශරථිං ජපති ක්ෂිතිමංඩල ඒෂ නිධාය සදෛව හෘදබ්ජේ ।
තස්ය හනූමත ඒව ශිවංකරමෂ්ටකමේතදනිෂ්ටහරං වෛ
යඃ සතතං හි පඨේත්ස නරෝ ලභතේऽච්යුතරාමපදාබ්ජනිවාසම් ॥ 9 ॥

ඉති ශ්රී මධුසූදනාශ්රම ශිෂ්යාऽච්යුතවිරචිතං ශ්රීමද්දනුමදෂ්ටකම් ।