ගීතගෝවිංදං ප්රථමඃ සර්ගඃ – සාමෝද දාමෝදරඃ

॥ ගීතගෝවිංදම් ॥
॥ අෂ්ටපදී ॥

॥ ශ්රී ගෝපාලක ධ්යානම් ॥

යද්ගෝපීවදනේංදුමංඩනමභූත්කස්තූරිකාපත්රකං යල්ලක්ෂ්මීකුචශාතකුංභ කලශේ ව්යාගෝචමිංදීවරම් ।
යන්නිර්වාණවිධානසාධනවිධෞ සිද්ධාංජනං යෝගිනාං තන්නශ්යාමළමාවිරස්තු හෘදයේ කෘෂ්ණාභිධානං මහඃ ॥ 1 ॥

॥ ශ්රී ජයදේව ධ්යානම් ॥

රාධාමනෝරමරමාවරරාසලීල-ගානාමෘතෛකභණිතං කවිරාජරාජම් ।
ශ්රීමාධවාර්ච්චනවිධවනුරාගසද්ම-පද්මාවතීප්රියතමං ප්රණතෝස්මි නිත්යම් ॥ 2 ॥

ශ්රීගෝපලවිලාසිනී වලයසද්රත්නාදිමුග්ධාකෘති ශ්රීරාධාපතිපාදපද්මභජනානංදාබ්ධිමග්නෝऽනිශම් ॥
ලෝකේ සත්කවිරාජරාජ ඉති යඃ ඛ්යාතෝ දයාංභෝනිධිඃ තං වංදේ ජයදේවසද්ගුරුමහං පද්මාවතීවල්ලභම් ॥ 3 ॥

॥ ප්රථමඃ සර්ගඃ ॥
॥ සාමෝදදාමෝදරඃ ॥

මේඝෛර්මේදුරමංබරං වනභුවඃ ශ්යාමාස්තමාලද්රුමෛ-ර්නක්තං භීරුරයං ත්වමේව තදිමං රාධේ ගෘහං ප්රාපය ।
ඉත්ථං නංදනිදේශිතශ්චලිතයෝඃ ප්රත්යධ්වකුංජද්රුමං රාධාමාධවයෝර්ජයංති යමුනාකූලේ රහඃකේලයඃ ॥ 1 ॥

වාග්දේවතාචරිතචිත්රිතචිත්තසද්මා පද්මාවතීචරණචාරණචක්රවර්තී ।
ශ්රීවාසුදේවරතිකේලිකථාසමේතං ඒතං කරෝති ජයදේවකවිඃ ප්රබංධම් ॥ 2 ॥

යදි හරිස්මරණේ සරසං මනෝ යදි විලාසකලාසු කුතූහලම් ।
මධුරකෝමලකාංතපදාවලීං ශෘණු තදා ජයදේවසරස්වතීම් ॥ 3 ॥

වාචඃ පල්ලවයත්යුමාපතිධරඃ සංදර්භශුද්ධිං ගිරාං ජානීතේ ජයදේව ඒව ශරණඃ ශ්ලාඝ්යෝ දුරූහද්රුතේ ।
ශෘංගාරෝත්තරසත්ප්රමේයරචනෛරාචාර්යගෝවර්ධන-ස්පර්ධී කෝऽපි න විශ්රුතඃ ශ්රුතිධරෝ ධෝයී කවික්ෂ්මාපතිඃ ॥ 4 ॥

॥ ගීතං 1 ॥

ප්රලයපයෝධිජලේ ධෘතවානසි වේදම් ।
විහිතවහිත්රචරිත්රමඛේදම් ॥
කේශව ධෘතමීනශරීර ජය ජගදීශ හරේ ॥ 1 ॥

ක්ෂිතිරතිවිපුලතරේ තව තිෂ්ඨති පෘෂ්ඨේ ।
ධරණිධරණකිණචක්රගරිෂ්ඨේ ॥
කේශව ධෘතකච්ඡපරූප ජය ජගදීශ හරේ ॥ 2 ॥

වසති දශනශිඛරේ ධරණී තව ලග්නා ।
ශශිනි කලංකකලේව නිමග්නා ॥
කේශව ධෘතසූකරරූප ජය ජගදීශ හරේ ॥ 3 ॥

තව කරකමලවරේ නඛමද්භුතශෘංගම් ।
දලිතහිරණ්යකශිපුතනුභෘංගම් ॥
කේශව ධෘතනරහරිරූප ජය ජගදීශ හරේ ॥ 4 ॥

ඡලයසි වික්රමණේ බලිමද්භුතවාමන ।
පදනඛනීරජනිතජනපාවන ॥
කේශව ධෘතවාමනරූප ජය ජගදීශ හරේ ॥ 5 ॥

ක්ෂත්රියරුධිරමයේ ජගදපගතපාපම් ।
ස්නපයසි පයසි ශමිතභවතාපම් ॥
කේශව ධෘතභෘඝුපතිරූප ජය ජගදීශ හරේ ॥ 6 ॥

විතරසි දික්ෂු රණේ දික්පතිකමනීයම් ।
දශමුඛමෞලිබලිං රමණීයම් ॥
කේශව ධෘතරාමශරීර ජය ජගදීශ හරේ ॥ 7 ॥

වහසි වපුෂි විශදේ වසනං ජලදාභම් ।
හලහතිභීතිමිලිතයමුනාභම් ॥
කේශව ධෘතහලධරරූප ජය ජගදීශ හරේ ॥ 8 ॥

නිංදසි යජ්ඤවිධේරහහ ශ්රුතිජාතම් ।
සදයහෘදයදර්ශිතපශුඝාතම් ॥
කේශව ධෘතබුද්ධශරීර ජය ජගදීශ හරේ ॥ 9 ॥

ම්ලේච්ඡනිවහනිධනේ කලයසි කරවාලම් ।
ධූමකේතුමිව කිමපි කරාලම් ॥
කේශව ධෘතකල්කිශරීර ජය ජගදීශ හරේ ॥ 10 ॥

ශ්රීජයදේවකවේරිදමුදිතමුදාරම් ।
ශෘණු සුඛදං ශුභදං භවසාරම් ॥
කේශව ධෘතදශවිධරූප ජය ජගදීශ හරේ ॥ 11 ॥

වේදානුද්ධරතේ ජගන්නිවහතේ භූගෝලමුද්බිභ්රතේ දෛත්යං දාරයතේ බලිං ඡලයතේ ක්ෂත්රක්ෂයං කුර්වතේ ।
පෞලස්ත්යං ජයතේ හලං කලයතේ කාරුණ්යමාතන්වතේ ම්ලේච්ඡාන්මූර්ච්ඡයතේ දශාකෘතිකෘතේ කෘෂ්ණාය තුභ්යං නමඃ ॥ 5 ॥

॥ ගීතං 2 ॥

ශ්රිතකමලාකුචමංඩල! ධෘතකුංඩල! ।
කලිතලලිතවනමාල! ජය, ජය, දේව! හරේ! ॥ 1 ॥

දිනමණීමංඩලමංඩන! භවඛංඩන! ।
මුනිජනමානසහංස! ජය, ජය, දේව! හරේ! ॥ 2 ॥

කාලියවිෂධරගංජන! ජනරංජන! ।
යදුකුලනලිනදිනේශ! ජය, ජය, දේව! හරේ! ॥ 3 ॥

මධුමුරනරකවිනාශන! ගරුඩාසන! ।
සුරකුලකේලිනිදාන! ජය, ජය, දේව! හරේ! ॥ 4 ॥

අමලකමලදලලෝචන! භවමෝචන්! ।
ත්රිභුවනභවනනිධාන! ජය, ජය, දේව! හරේ! ॥ 5 ॥

ජනකසුතාකෘතභූෂණ! ජිතදූෂණ! ।
සමරශමිතදශකංඨ! ජය, ජය, දේව! හරේ! ॥ 6 ॥

අභිනවජලධරසුංදර! ධෘතමංදර! ।
ශ්රීමුඛචංද්රචකෝර! ජය, ජය, දේව! හරේ! ॥ 7 ॥

ශ්රීජයදේවකවේරිදං කුරුතේ මුදම් ।
මංගලමුජ්ජ්වලගීතං; ජය, ජය, දේව! හරේ! ॥ 8 ॥

පද්මාපයෝධරතටීපරිරංභලග්න-කාශ්මීරමුද්රිතමුරෝ මධුසූදනස්ය ।
ව්යක්තානුරාගමිව ඛේලදනංගඛේද-ස්වේදාංබුපූරමනුපූරයතු ප්රියං වඃ ॥ 6 ॥

වසංතේ වාසංතීකුසුමසුකුමාරෛරවයවෛ-ර්භ්රමංතීං කාංතාරේ බහුවිහිතකෘෂ්ණානුසරණාම් ।
අමංදං කංදර්පජ්වරජනිතචිංතාකුලතයා වලද්බාධාං රාධාං සරසමිදමුචේ සහචරී ॥ 7 ॥

॥ ගීතං 3 ॥

ලලිතලවංගලතාපරිශීලනකෝමලමලයසමීරේ ।
මධුකරනිකරකරංබිතකෝකිලකූජිතකුංජකුටීරේ ॥
විහරති හරිරිහ සරසවසංතේ නෘත්යති යුවතිජනේන සමං සඛි විරහිජනස්ය දුරංතේ ॥ 1 ॥

උන්මදමදනමනෝරථපථිකවධූජනජනිතවිලාපේ ।
අලිකුලසංකුලකුසුමසමූහනිරාකුලබකුලකලාපේ ॥ 2 ॥

මෘගමදසෞරභරභසවශංවදනවදලමාලතමාලේ ।
යුවජනහෘදයවිදාරණමනසිජනඛරුචිකිංශුකජාලේ ॥ 3 ॥

මදනමහීපතිකනකදංඩරුචිකේශරකුසුමවිකාසේ ।
මිලිතශිලීමුඛපාටලිපටලකෘතස්මරතූණවිලාසේ ॥ 4 ॥

විගලිතලජ්ජිතජගදවලෝකනතරුණකරුණකෘතහාසේ ।
විරහිනිකෘංතනකුංතමුඛාකෘතිකේතකදංතුරිතාශේ ॥ 5 ॥

මාධවිකාපරිමලලලිතේ නවමාලිකජාතිසුගංධෞ ।
මුනිමනසාමපි මෝහනකාරිණි තරුණාකාරණබංධෞ ॥ 6 ॥

ස්ඵුරදතිමුක්තලතාපරිරංභණමුකුලිතපුලකිතචූතේ ।
බෘංදාවනවිපිනේ පරිසරපරිගතයමුනාජලපූතේ ॥ 7 ॥

ශ්රීජයදේවභණිතමිදමුදයති හරිචරණස්මෘතිසාරම් ।
සරසවසංතසමයවනවර්ණනමනුගතමදනවිකාරම් ॥ 8 ॥

දරවිදලිතමල්ලීවල්ලිචංචත්පරාග-ප්රකටිතපටවාසෛර්වාසයන් කානනානි ।
ඉහ හි දහති චේතඃ කේතකීගංධබංධුඃ ප්රසරදසමබාණප්රාණවද්ගංධවාහඃ ॥ 8 ॥

උන්මීලන්මධුගංධලුබ්ධමධුපව්යාධූතචූතාංකුර-ක්රීඩත්කෝකිලකාකලීකලකලෛරුද්ගීර්ණකර්ණජ්වරාඃ ।
නීයංතේ පථිකෛඃ කථංකථමපි ධ්යානාවධානක්ෂණ-ප්රාප්තප්රාණසමාසමාගමරසෝල්ලාසෛරමී වාසරාඃ ॥ 9 ॥

අනේකනාරීපරිරංභසංභ්රම-ස්ඵුරන්මනෝහාරිවිලාසලාලසම් ।
මුරාරිමාරාදුපදර්ශයංත්යසෞ සඛී සමක්ෂං පුනරාහ රාධිකාම් ॥ 10 ॥

॥ ගීතං 4 ॥

චංදනචර්චිතනීලකලේබරපීතවසනවනමාලී ।
කේලිචලන්මණිකුංඩලමංඩිතගංඩයුගස්මිතශාලී ॥
හරිරිහමුග්ධවධූනිකරේ විලාසිනි විලසති කේලිපරේ ॥ 1 ॥

පීනපයෝධරභාරභරේණ හරිං පරිරම්ය සරාගම් ।
ගෝපවධූරනුගායති කාචිදුදංචිතපංචමරාගම් ॥ 2 ॥

කාපි විලාසවිලෝලවිලෝචනඛේලනජනිතමනෝජම් ।
ධ්යායති මුග්ධවධූරධිකං මධුසූදනවදනසරෝජම් ॥ 3 ॥

කාපි කපෝලතලේ මිලිතා ලපිතුං කිමපි ශ්රුතිමූලේ ।
චාරු චුචුංබ නිතංබවතී දයිතං පුලකෛරනුකූලේ ॥ 4 ॥

කේලිකලාකුතුකේන ච කාචිදමුං යමුනාජලකූලේ ।
මංජුලවංජුලකුංජගතං විචකර්ෂ කරේණ දුකූලේ ॥ 5 ॥

කරතලතාලතරලවලයාවලිකලිතකලස්වනවංශේ ।
රාසරසේ සහනෘත්යපරා හරිණා යුවතිඃ ප්රශශංසේ ॥ 6 ॥

ශ්ලිෂ්යති කාමපි චුංබති කාමපි කාමපි රමයති රාමාම් ।
පශ්යති සස්මිතචාරුපරාමපරාමනුගච්ඡති වාමාම් ॥ 7 ॥

ශ්රීජයදේවකවේරිදමද්භුතකේශවකේලිරහස්යම් ।
වෘංදාවනවිපිනේ ලලිතං විතනෝතු ශුභානි යශස්යම් ॥ 8 ॥

විශ්වේෂාමනුරංජනේන ජනයන්නානංදමිංදීවර-ශ්රේණීශ්යාමලකෝමලෛරුපනයන්නංගෛරනංගෝත්සවම් ।
ස්වච්ඡංදං ව්රජසුංදරීභිරභිතඃ ප්රත්යංගමාලිංකිතඃ ශෘංගාරඃ සඛි මූර්තිමානිව මධෞ මුග්ධෝ හරිඃ ක්රීඩති ॥ 11 ॥

අද්යෝත්සංගවසද්භුජංගකවලක්ලේශාදිවේශාචලං ප්රාලේයප්ලවනේච්ඡයානුසරති ශ්රීඛංඩශෛලානිලඃ ।
කිං ච ස්නිග්ධරසාලමෞලිමුකුලාන්යාලෝක්ය හර්ෂෝදයා-දුන්මීලංති කුහූඃ කුහූරිති කලෝත්තාලාඃ පිකානාං ගිරඃ ॥ 12 ॥

රාසෝල්ලාසභරේණවිභ්රමභෘතාමාභීරවාමභ්රුවා-මභ්යර්ණං පරිරම්යනිර්භරමුරඃ ප්රේමාංධයා රාධයා ।
සාධු ත්වද්වදනං සුධාමයමිති ව්යාහෘත්ය ගීතස්තුති-ව්යාජාදුද්භටචුංබිතස්මිතමනෝහරී හරිඃ පාතු වඃ ॥ 13 ॥

॥ ඉති ශ්රීගීතගෝවිංදේ සාමෝදදාමෝදරෝ නාම ප්රථමඃ සර්ගඃ ॥