ගෞරී දශකං
ලීලාලබ්ධස්ථාපිතලුප්තාඛිලලෝකාං
ලෝකාතීතෛර්යෝගිභිරංතශ්චිරමෘග්යාම් ।
බාලාදිත්යශ්රේණිසමානද්යුතිපුංජාං
ගෞරීමංබාමංබුරුහාක්ෂීමහමීඩේ ॥ 1 ॥
ප්රත්යාහාරධ්යානසමාධිස්ථිතිභාජාං
නිත්යං චිත්තේ නිර්වෘතිකාෂ්ඨාං කලයංතීම් ।
සත්යජ්ඤානානංදමයීං තාං තනුරූපාං
ගෞරීමංබාමංබුරුහාක්ෂීමහමීඩේ ॥ 2 ॥
චංද්රාපීඩානංදිතමංදස්මිතවක්ත්රාං
චංද්රාපීඩාලංකෘතනීලාලකභාරාම් ।
ඉංද්රෝපේංද්රාද්යර්චිතපාදාංබුජයුග්මාං
ගෞරීමංබාමංබුරුහාක්ෂීමහමීඩේ ॥ 3 ॥
ආදික්ෂාංතාමක්ෂරමූර්ත්යා විලසංතීං
භූතේ භූතේ භූතකදංබප්රසවිත්රීම් ।
ශබ්දබ්රහ්මානංදමයීං තාං තටිදාභාං
ගෞරීමංබාමංබුරුහාක්ෂීමහමීඩේ ॥ 4 ॥
මූලාධාරාදුත්ථිතවීථ්යා විධිරංධ්රං
සෞරං චාංද්රං ව්යාප්ය විහාරජ්වලිතාංගීම් ।
යේයං සූක්ෂ්මාත්සූක්ෂ්මතනුස්තාං සුඛරූපාං
ගෞරීමංබාමංබුරුහාක්ෂීමහමීඩේ ॥ 5 ॥
නිත්යඃ ශුද්ධෝ නිෂ්කල ඒකෝ ජගදීශඃ
සාක්ෂී යස්යාඃ සර්ගවිධෞ සංහරණේ ච ।
විශ්වත්රාණක්රීඩනලෝලාං ශිවපත්නීං
ගෞරීමංබාමංබුරුහාක්ෂීමහමීඩේ ॥ 6 ॥
යස්යාඃ කුක්ෂෞ ලීනමඛංඩං ජගදංඩං
භූයෝ භූයඃ ප්රාදුරභූදුත්ථිතමේව ।
පත්යා සාර්ධං තාං රජතාද්රෞ විහරංතීං
ගෞරීමංබාමංබුරුහාක්ෂීමහමීඩේ ॥ 7 ॥
යස්යාමෝතං ප්රෝතමශේෂං මණිමාලා-
-සූත්රේ යද්වත්කාපි චරං චාප්යචරං ච ।
තාමධ්යාත්මජ්ඤානපදව්යා ගමනීයාං
ගෞරීමංබාමංබුරුහාක්ෂීමහමීඩේ ॥ 8 ॥
නානාකාරෛඃ ශක්තිකදංබෛර්භුවනානි
ව්යාප්ය ස්වෛරං ක්රීඩති යේයං ස්වයමේකා ।
කල්යාණීං තාං කල්පලතාමානතිභාජාං
ගෞරීමංබාමංබුරුහාක්ෂීමහමීඩේ ॥ 9 ॥
ආශාපාශක්ලේශවිනාශං විදධානාං
පාදාංභෝජධ්යානපරාණාං පුරුෂාණාම් ।
ඊශාමීශාර්ධාංගහරාං තාමභිරාමාං
ගෞරීමංබාමංබුරුහාක්ෂීමහමීඩේ ॥ 10 ॥
ප්රාතඃකාලේ භාවවිශුද්ධඃ ප්රණිධානා-
-ද්භක්ත්යා නිත්යං ජල්පති ගෞරීදශකං යඃ ।
වාචාං සිද්ධිං සංපදමග්ර්යාං ශිවභක්තිං
තස්යාවශ්යං පර්වතපුත්රී විදධාති ॥ 11 ॥
ඉති ශ්රීමත්පරමහංසපරිව්රාජකාචාර්යස්ය ශ්රීගෝවිංදභගවත්පූජ්යපාදශිෂ්යස්ය ශ්රීමච්ඡංකරභගවතඃ කෘතෞ ගෞරී දශකම් ।
නිතර අසන ප්රශ්න
What is ගෞරී දශකං?
ගෞරී දශකං is a devotional text available on Bhakti Granth in the selected language or script.
Which language or script is this version in?
This edition is published in Sinhala. Use the language selector to view another available edition.
Can I read ගෞරී දශකං online?
Yes. The imported text is available directly on this page for online reading and recitation.
Can I download ගෞරී දශකං as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.