බ්රහ්ම සංහිතා

ඊශ්වරඃ පරමඃ කෘෂ්ණඃ සච්චිදානංදවිග්රහඃ ।
අනාදිරාදිර්ගෝවිංදඃ සර්වකාරණකාරණම් ॥ 1 ॥

සහස්රපත්රකමලං ගෝකුලාඛ්යං මහත්පදම් ।
තත්කර්ණිකාරං තද්ධාම තදනංතාශසංභවම් ॥ 2 ॥

කර්ණිකාරං මහද්යංත්රං ෂට්කෝණං වජ්රකීලකම්
ෂඩංග ෂට්පදීස්ථානං ප්රකෘත්යා පුරුෂේණ ච ।
ප්රේමානංදමහානංදරසේනාවස්ථිතං හි යත්
ජ්යෝතීරූපේණ මනුනා කාමබීජේන සංගතම් ॥ 3 ॥

තත්කිංජල්කං තදංශානාං තත්පත්රාණි ශ්රියාමපි ॥ 4 ॥

චතුරස්රං තත්පරිතඃ ශ්වේතද්වීපාඛ්යමද්භුතම් ।
චතුරස්රං චතුර්මූර්තේශ්චතුර්ධාම චතුෂ්කෘතම් ।
චතුර්භිඃ පුරුෂාර්ථෛශ්ච චතුර්භිර්හේතුභිර්වෘතම් ।
ශූලෛර්දශභිරානද්ධමූර්ධ්වාධෝ දිග්විදික්ෂ්වපි ।
අෂ්ටභිර්නිධිභිර්ජුෂ්ටමෂ්ටභිඃ සිද්ධිභිස්තථා ।
මනුරූපෛශ්ච දශභිර්දික්පාලෛඃ පරිතෝ වෘතම් ।
ශ්යාමෛර්ගෞරෛශ්ච රක්තෛශ්ච ශුක්ලෛශ්ච පාර්ෂදර්ෂභෛඃ ।
ශෝභිතං ශක්තිභිස්තාභිරද්භුතාභිඃ සමංතතඃ ॥ 5 ॥

ඒවං ජ්යෝතිර්මයෝ දේවඃ සදානංදං පරාත්පරඃ ।
ආත්මාරාමස්ය තස්යාස්ති ප්රකෘත්යා න සමාගමඃ ॥ 6 ॥

මායයාऽරමමාණස්ය න වියෝගස්තයා සහ ।
ආත්මනා රමයා රේමේ ත්යක්තකාලං සිසෘක්ෂයා ॥ 7 ॥

නියතිඃ සා රමාදේවී තත්ප්රියා තද්වශං තදා ।
තල්ලිංගං භගවාන් ශංභුර්ජෝතිරූපඃ සනාතනඃ ।
යා යෝනිඃ සාපරාශක්තිඃ කාමෝ බීජං මහද්ධරේඃ ॥ 8 ॥

ලිංගයෝන්යාත්මිකා ජාතා ඉමා මාහේශ්වරී ප්රජාඃ ॥ 9 ॥

ශක්තිමාන් පුරුෂඃ සෝऽයං ලිංගරූපී මහේශ්වරඃ ।
තස්මින්නාවිරභූල්ලිංගේ මහාවිෂ්ණුර්ජගත්පතිඃ ॥ 10 ॥

සහස්රශීර්ෂා පුරුෂඃ සහස්රාක්ෂඃ සහස්රපාත් ।
සහස්රබාහුර්විශ්වාත්මා සහස්රාංශඃ සහස්රසූඃ ॥ 11 ॥

නාරායණඃ ස භගවානාපස්තස්මාත්සනාතනාත් ।
ආවිරාසීත්කාරණාර්ණෝ නිධිඃ සංකර්ෂණාත්මකඃ ।
යෝගනිද්රාං ගතස්තස්මින් සහස්රාංශඃ ස්වයං මහාන් ॥ 12 ॥

තද්රෝමබිල ජාලේෂු බීජං සංකර්ෂණස්ය ච ।
හෛමාන්යංඩානි ජාතානි මහාභූතාවෘතානි තු ॥ 13 ॥

ප්රත්යංඩමේවමේකාංශාදේකාංශාද්විශති ස්වයම් ।
සහස්රමූර්ධා විශ්වාත්මා මහාවිෂ්ණුඃ සනාතනඃ ॥ 14 ॥

වාමාංගාදසෘජද්විෂ්ණුං දක්ෂිණාංගාත්ප්රජාපතිම් ।
ජ්යෝතිර්ලිංගමයං ශංභුං කූර්චදේශාදවාසෘජත් ॥ 15 ॥

අහංකාරාත්මකං විශ්වං තස්මාදේතද්ව්යජායත ॥ 16 ॥

අථ තෛස්ත්රිවිධෛර්වේශෛර්ලීලාමුද්වහතඃ කිල ।
යෝගනිද්රා භගවතී තස්ය ශ්රීරිව සංගතා ॥ 17 ॥

සසෘක්ෂායාං තතෝ නාභේස්තස්ය පද්මං විනිර්යයෞ ।
තන්නාලං හේමනලිනං බ්රහ්මණෝ ලෝකමද්භුතම් ॥ 18 ॥

තත්ත්වානි පූර්වරූඪානි කාරණානි පරස්පරම් ।
සමවායාප්රයෝගාච්ච විභින්නානි පෘථක් පෘථක් ।
චිච්ඡක්ත්යා සජ්ජමානෝऽථ භගවානාදිපූරුෂඃ ।
යෝජයන්මායයා දේවෝ යෝගනිද්රාමකල්පයත් ॥ 19 ॥

යෝජයිත්වා තු තාන්යේව ප්රවිවේශ ස්වයං ගුහාම් ।
ගුහාං ප්රවිෂ්ටේ තස්මිංස්තු ජීවාත්මා ප්රතිබුධ්යතේ ॥ 20 ॥

ස නිත්යෝ නිත්යසංබංධඃ ප්රකෘතිශ්ච පරෛව සා ॥ 21 ॥

ඒවං සර්වාත්මසංබංධං නාභ්යාං පද්මං හරේරභූත් ।
තත්ර බ්රහ්මාභවද්භූයශ්චතුර්වේදී චතුර්මුඛඃ ॥ 22 ॥

ස ජාතෝ භගවච්ඡක්ත්යා තත්කාලං කිල චෝදිතඃ ।
සිසෘක්ෂායාං මතිං චක්රේ පූර්වසංස්කාරසංස්කෘතඃ ।
දදර්ශ කේවලං ධ්වාංතං නාන්යත්කිමපි සර්වතඃ ॥ 23 ॥

උවාච පුරතස්තස්මෛ තස්ය දිව්යා සරස්වතී ।
කාමඃ කෘෂ්ණාය ගෝවිංද හේ ගෝපීජන ඉත්යපි ।
වල්ලභාය ප්රියා වහ්නේර්මංත්රං තේ දාස්යති ප්රියම් ॥ 24 ॥

තපස්ත්වං තප ඒතේන තව සිද්ධිර්භවිෂ්යති ॥ 25 ॥

අථ තේපේ ස සුචිරං ප්රීණන් ගෝවිංදමව්යයම් ।
ශ්වේතද්වීපපතිං කෘෂ්ණං ගෝලෝකස්ථං පරාත්පරම් ।
ප්රකෘත්යා ගුණරූපිණ්යා රූපිණ්යා පර්යුපාසිතම් ।
සහස්රදලසංපන්නේ කෝටිකිංජල්කබෘංහිතේ ।
භූමිශ්චිංතාමණිස්තත්ර කර්ණිකාරේ මහාසනේ ।
සමාසීනං චිදානංදං ජ්යෝතිරූපං සනාතනම් ।
ශබ්දබ්රහ්මමයං වේණුං වාදයංතං මුඛාංබුජේ ।
විලාසිනීගණවෘතං ස්වෛඃ ස්වෛරංශෛරභිෂ්ටුතම් ॥ 26 ॥

අථ වේණුනිනාදස්ය ත්රයීමූර්තිමයී ගතිඃ ।
ස්ඵුරංතී ප්රවිවේශාශු මුඛාබ්ජානි ස්වයංභුවඃ ।
ගායත්රීං ගායතස්තස්මාදධිගත්ය සරෝජජඃ ।
සංස්කෘතශ්චාදිගුරුණා ද්විජතාමගමත්තතඃ ॥ 27 ॥

ත්රය්යා ප්රබුද්ධෝऽථ විධිර්විජ්ඤාතතත්ත්වසාගරඃ ।
තුෂ්ටාව වේදසාරේණ ස්තෝත්රේණානේන කේශවම් ॥ 28 ॥

චිංතාමණිප්රකරසද්මසු කල්පවෘක්ෂ
ලක්ෂාවෘතේෂු සුරභීරභිපාලයංතම් ।
ලක්ෂ්මීසහස්රශතසංභ්රමසේව්යමානං
ගෝවිංදමාදිපුරුෂං තමහං භජාමි ॥ 29 ॥

වේණුං ක්වණංතමරවිංදදලායතාක්ෂං
බර්හාවතංසමසිතාංබුදසුංදරාංගම් ।
කංදර්පකෝටිකමනීයවිශේෂශෝභං
ගෝවිංදමාදිපුරුෂං තමහං භජාමි ॥ 30 ॥

ආලෝලචංද්රකලසද්වනමාල්යවංශී-
-රත්නාංගදං ප්රණයකේලිකලාවිලාසම් ।
ශ්යාමං ත්රිභංගලලිතං නියතප්රකාශං
ගෝවිංදමාදිපුරුෂං තමහං භජාමි ॥ 31 ॥

අංගානි යස්ය සකලේංද්රියවෘත්තිමංති
පශ්යංති පාංති කලයංති චිරං ජගංති ।
ආනංදචින්මයසදුජ්ජ්වලවිග්රහස්ය
ගෝවිංදමාදිපුරුෂං තමහං භජාමි ॥ 32 ॥

අද්වෛතමච්යුතමනාදිමනංතරූපං
ආද්යං පුරාණපුරුෂං නවයෞවනං ච ।
වේදේෂු දුර්ලභමදුර්ලභමාත්මභක්තෞ
ගෝවිංදමාදිපුරුෂං තමහං භජාමි ॥ 33 ॥

පංථාස්තු කෝටිශතවත්සරසංප්රගම්යෝ
වායෝරථාපි මනසෝ මුනිපුංගවානාම් ।
සෝऽප්යස්ති යත්ප්රපදසීම්න්යවිචිංත්යතත්ත්වේ
ගෝවිංදමාදිපුරුෂං තමහං භජාමි ॥ 34 ॥

ඒකෝऽප්යසෞ රචයිතුං ජගදංඩකෝටිං
යච්ඡක්තිරස්ති ජගදංඩචයා යදංතඃ ।
අංඩාංතරස්ථපරමාණුචයාංතරස්ථං
ගෝවිංදමාදිපුරුෂං තමහං භජාමි ॥ 35 ॥

යද්භාවභාවිතධියෝ මනුජාස්තථෛව
සංප්රාප්ය රූපමහිමාසනයානභූෂාඃ ।
සූක්තෛර්යමේව නිගමප්රථිතෛඃ ස්තුවංති
ගෝවිංදමාදිපුරුෂං තමහං භජාමි ॥ 36 ॥

ආනංදචින්මයරසප්රතිභාවිතාභි-
-ස්තාභිර්ය ඒව නිජරූපතයා කලාභිඃ ।
ගෝලෝක ඒව නිවසත්යඛිලාත්මභූතෝ
ගෝවිංදමාදිපුරුෂං තමහං භජාමි ॥ 37 ॥

ප්රේමාංජනච්ඡුරිතභක්තිවිලෝචනේන
සංතඃ සදෛව හෘදයේෂු විලෝකයංති ।
යං ශ්යාමසුංදරමචිංත්යගුණස්වරූපං
ගෝවිංදමාදිපුරුෂං තමහං භජාමි ॥ 38 ॥

රාමාදිමූර්තිෂු කලානියමේන තිෂ්ඨන්
නානාවතාරමකරෝද්භුවනේෂු කිංතු ।
කෘෂ්ණඃ ස්වයං සමභවත්පරමඃ පුමාන් යෝ
ගෝවිංදමාදිපුරුෂං තමහං භජාමි ॥ 39 ॥

යස්ය ප්රභා ප්රභවතෝ ජගදංඩකෝටි-
-කෝටිෂ්වශේෂවසුධාදි විභූතිභින්නම් ।
තද්බ්රහ්ම නිෂ්කලමනංතමශේෂභූතං
ගෝවිංදමාදිපුරුෂං තමහං භජාමි ॥ 40 ॥

මායා හි යස්ය ජගදංඩශතානි සූතේ
ත්රෛගුණ්යතද්විෂයවේදවිතායමානා ।
සත්ත්වාවලංබිපරසත්ත්වං විශුද්ධසත්ත්වං
ගෝවිංදමාදිපුරුෂං තමහං භජාමි ॥ 41 ॥

ආනංදචින්මයරසාත්මතයා මනඃසු
යඃ ප්රාණිනාං ප්රතිඵලන් ස්මරතාමුපේත්ය ।
ලීලායිතේන භුවනානි ජයත්යජස්රං
ගෝවිංදමාදිපුරුෂං තමහං භජාමි ॥ 42 ॥

ගෝලෝකනාම්නි නිජධාම්නි තලේ ච තස්ය
දේවි මහේශහරිධාමසු තේෂු තේෂු ।
තේ තේ ප්රභාවනිචයා විහිතාශ්ච යේන
ගෝවිංදමාදිපුරුෂං තමහං භජාමි ॥ 43 ॥

සෘෂ්ටිස්ථිතිප්රලයසාධනශක්තිරේකා
ඡායේව යස්ය භුවනානි බිභර්ති දුර්ගා ।
ඉච්ඡානුරූපමපි යස්ය ච චේෂ්ටතේ සා
ගෝවිංදමාදිපුරුෂං තමහං භජාමි ॥ 44 ॥

ක්ෂීරං යථා දධි විකාරවිශේෂයෝගාත්
සංජායතේ න හි තතඃ පෘථගස්ති හේතෝඃ ।
යඃ ශංභුතාමපි තථා සමුපෛති කාර්යා-
-ද්ගෝවිංදමාදිපුරුෂං තමහං භජාමි ॥ 45 ॥

දීපාර්චිරේව හි දශාංතරමභ්යුපේත්ය
දීපායතේ විවෘතහේතුසමානධර්මා ।
යස්තාදෘගේව හි ච විෂ්ණුතයා විභාති
ගෝවිංදමාදිපුරුෂං තමහං භජාමි ॥ 46 ॥

යඃ කාරණාර්ණවජලේ භජති ස්ම යෝග-
-නිද්රාමනංතජගදංඩසරෝමකූපඃ ।
ආධාරශක්තිමවලංබ්ය පරාං ස්වමූර්තිං
ගෝවිංදමාදිපුරුෂං තමහං භජාමි ॥ 47 ॥

යස්යෛකනිශ්වසිතකාලමථාවලංබ්ය
ජීවංති ලෝමබිලජා ජගදංඩනාථාඃ ।
විෂ්ණුර්මහාන් ස ඉහ යස්ය කලාවිශේෂෝ
ගෝවිංදමාදිපුරුෂං තමහං භජාමි ॥ 48 ॥

භාස්වාන් යථාශ්මශකලේෂු නිජේෂු තේජඃ
ස්වීයං කියත්ප්රකටයත්යපි තද්වදත්ර ।
බ්රහ්මා ය ඒෂ ජගදංඩවිධානකර්තා
ගෝවිංදමාදිපුරුෂං තමහං භජාමි ॥ 49 ॥

යත්පාදපල්ලවයුගං විනිධාය කුංභ-
-ද්වංද්වේ ප්රණාමසමයේ ස ගණාධිරාජඃ ।
විඝ්නාන් විහංතුමලමස්ය ජගත්ත්රයස්ය
ගෝවිංදමාදිපුරුෂං තමහං භජාමි ॥ 50 ॥

අග්නිර්මහී ගගනමංබු මරුද්දිශශ්ච
කාලස්තථාත්මමනසීති ජගත්ත්රයාණි ।
යස්මාද්භවංති විභවංති විශංති යං ච
ගෝවිංදමාදිපුරුෂං තමහං භජාමි ॥ 51 ॥

යච්චක්ෂුරේෂ සවිතා සකලග්රහාණාං
රාජා සමස්තසුරමූර්තිරශේෂතේජාඃ ।
යස්යාජ්ඤයා භ්රමති සංභෘතකාලචක්රෝ
ගෝවිංදමාදිපුරුෂං තමහං භජාමි ॥ 52 ॥

ධර්මෝऽථ පාපනිචයඃ ශ්රුතයස්තපාංසි
බ්රහ්මාදිකීටපතගාවධයශ්ච ජීවාඃ ।
යද්දතමාත්රවිභවප්රකටප්රභාවා
ගෝවිංදමාදිපුරුෂං තමහං භජාමි ॥ 53 ॥

යස්ත්විංද්රගෝපමථවේංද්රමහෝ ස්වකර්ම-
-බංධානුරූපඵලභාජනමාතනෝති ।
කර්මාණි නිර්දහති කිංතු ච භක්තිභාජාං
ගෝවිංදමාදිපුරුෂං තමහං භජාමි ॥ 54 ॥

යං ක්රෝධකාමසහජප්රණයාදිභීති-
-වාත්සල්යමෝහගුරුගෞරවසේව්යභාවෛඃ ।
සංචිංත්ය තස්ය සදෘශීං තනුමාපුරේතේ
ගෝවිංදමාදිපුරුෂං තමහං භජාමි ॥ 55 ॥

ශ්රියඃ කාංතාඃ කාංතඃ පරමපුරුෂඃ කල්පතරවෝ
ද්රුමා භූමිශ්චිංතාමණිගණමයි තෝයමමෘතම් ।
කථා ගානං නාට්යං ගමනමපි වංශී ප්රියසඛි
චිදානංදං ජ්යෝතිඃ පරමපි තදාස්වාද්යමපි ච ।
ස යත්ර ක්ෂීරාබ්ධිඃ ස්රවති සුරභීභ්යශ්ච සුමහාන්
නිමේෂාර්ධාඛ්යෝ වා ව්රජති න හි යත්රාපි සමයඃ ।
භජේ ශ්වේතද්වීපං තමහමිහ ගෝලෝකමිති යං
විදංතස්තේ සංතඃ ක්ෂිතිවිරලචාරාඃ කතිපයේ ॥ 56 ॥

අථෝවාච මහාවිෂ්ණුර්භගවංතං ප්රජාපතිම් ।
බ්රහ්මන් මහත්ත්වවිජ්ඤානේ ප්රජාසර්ගේ ච චේන්මතිඃ ।
පංචශ්ලෝකීමිමාං විද්යාං වත්ස දත්තාං නිබෝධ මේ ॥ 57 ॥

ප්රබුද්ධේ ජ්ඤානභක්තිභ්යාමාත්මන්යානංදචින්මයී ।
උදේත්යනුත්තමා භක්තිර්භගවත්ප්රේමලක්ෂණා ॥ 58 ॥

ප්රමාණෛස්තත් සදාචාරෛස්තදභ්යාසෛර්නිරංතරම් ।
බෝධයනාත්මනාත්මානං භක්තිමප්යුත්තමාං ලභේත් ॥ 59 ॥

යස්යාඃ ශ්රේයස්කරං නාස්ති යයා නිර්වෘතිමාප්නුයාත් ।
යා සාධයති මාමේව භක්තිං තාමේව සාධයේත් ॥ 60 ॥

ධර්මානන්යාන් පරිත්යජ්ය මාමේකං භජ විශ්වසන් ।
යාදෘශී යාදෘශී ශ්රද්ධා සිද්ධිර්භවති තාදෘශී ।
කුර්වන්නිරංතරං කර්ම ලෝකෝऽයමනුවර්තතේ ।
තේනෛව කර්මණා ධ්යායන්මාං පරාං භක්තිමිච්ඡති ॥ 61 ॥

අහං හි විශ්වස්ය චරාචරස්ය
බීජං ප්රධානං ප්රකෘතිඃ පුමාංශ්ච ।
මයාහිතං තේජ ඉදං බිභර්ෂි
විධේ විධේහි ත්වමථෝ ජගංති ॥ 62 ॥

ඉති ශ්රී බ්රහ්ම සංහිතා සංපූර්ණම් ।