බ්රහ්මජ්ඤානාවළීමාලා

සකෘච්ඡ්රවණමාත්රේණ බ්රහ්මජ්ඤානං යතෝ භවේත් ।
බ්රහ්මජ්ඤානාවලීමාලා සර්වේෂාං මෝක්ෂසිද්ධයේ ॥ 1॥

අසංගෝऽහමසංගෝऽහමසංගෝऽහං පුනඃ පුනඃ ।
සච්චිදානංදරූපෝऽහමහමේවාහමව්යයඃ ॥ 2॥

නිත්යශුද්ධවිමුක්තෝऽහං නිරාකාරෝऽහමව්යයඃ ।
භූමානංදස්වරූපෝऽහමහමේවාහමව්යයඃ ॥ 3॥

නිත්යෝऽහං නිරවද්යෝऽහං නිරාකාරෝऽහමුච්යතේ ।
පරමානංදරූපෝऽහමහමේවාහමව්යයඃ ॥ 4॥

ශුද්ධචෛතන්යරූපෝऽහමාත්මාරාමෝऽහමේව ච ।
අඛංඩානංදරූපෝऽහමහමේවාහමව්යයඃ ॥ 5॥

ප්රත්යක්චෛතන්යරූපෝऽහං ශාංතෝऽහං ප්රකෘතේඃ පරඃ ।
ශාශ්වතානංදරූපෝऽහමහමේවාහමව්යයඃ ॥ 6॥

තත්ත්වාතීතඃ පරාත්මාහං මධ්යාතීතඃ පරඃ ශිවඃ ।
මායාතීතඃ පරංජ්යෝතිරහමේවාහමව්යයඃ ॥ 7॥

නානාරූපව්යතීතෝऽහං චිදාකාරෝऽහමච්යුතඃ ।
සුඛරූපස්වරූපෝऽහමහමේවාහමව්යයඃ ॥ 8॥

මායාතත්කාර්යදේහාදි මම නාස්ත්යේව සර්වදා ।
ස්වප්රකාශෛකරූපෝऽහමහමේවාහමව්යයඃ ॥ 9॥

ගුණත්රයව්යතීතෝऽහං බ්රහ්මාදීනාං ච සාක්ෂ්යහම් ।
අනංතානංතරූපෝऽහමහමේවාහමව්යයඃ ॥ 10॥

අංතර්යාමිස්වරූපෝऽහං කූටස්ථඃ සර්වගෝऽස්ම්යහම් ।
පරමාත්මස්වරූපෝऽහමහමේවාහමව්යයඃ ॥ 11॥

නිෂ්කලෝऽහං නිෂ්ක්රියෝऽහං සර්වාත්මාද්යඃ සනාතනඃ ।
අපරෝක්ෂස්වරූපෝऽහමහමේවාහමව්යයඃ ॥ 12॥

ද්වංද්වාදිසාක්ෂිරූපෝऽහමචලෝऽහං සනාතනඃ ।
සර්වසාක්ෂිස්වරූපෝऽහමහමේවාහමව්යයඃ ॥ 13॥

ප්රජ්ඤානඝන ඒවාහං විජ්ඤානඝන ඒව ච ।
අකර්තාහමභෝක්තාහමහමේවාහමව්යයඃ ॥ 14॥

නිරාධාරස්වරූපෝऽහං සර්වාධාරෝऽහමේව ච ।
ආප්තකාමස්වරූපෝऽහමහමේවාහමව්යයඃ ॥ 15॥

තාපත්රයවිනිර්මුක්තෝ දේහත්රයවිලක්ෂණඃ ।
අවස්ථාත්රයසාක්ෂ්යස්මි චාහමේවාහමව්යයඃ ॥ 16॥

දෘග්දෘශ්යෞ ද්වෞ පදාර්ථෞ ස්තඃ පරස්පරවිලක්ෂණෞ ।
දෘග්බ්රහ්ම දෘශ්යං මායේති සර්වවේදාංතඩිංඩිමඃ ॥ 17॥

අහං සාක්ෂීති යෝ විද්යාද්විවිච්යෛවං පුනඃ පුනඃ ।
ස ඒව මුක්තඃ සෝ විද්වානිති වේදාංතඩිංඩිමඃ ॥ 18॥

ඝටකුඩ්යාදිකං සර්වං මෘත්තිකාමාත්රමේව ච ।
තද්වද්බ්රහ්ම ජගත්සර්වමිති වේදාංතඩිංඩිමඃ ॥ 19॥

බ්රහ්ම සත්යං ජගන්මිථ්යා ජීවෝ බ්රහ්මෛව නාපරඃ ।
අනේන වේද්යං සච්ඡාස්ත්රමිති වේදාංතඩිංඩිමඃ ॥ 20॥

අංතර්ජ්යෝතිර්බහිර්ජ්යෝතිඃ ප්රත්යග්ජ්යෝතිඃ පරාත්පරඃ ।
ජ්යෝතිර්ජ්යෝතිඃ ස්වයංජ්යෝතිරාත්මජ්යෝතිඃ ශිවෝऽස්ම්යහම් ॥ 21॥

ඉති ශ්රීමත්පරමහංසපරිව්රාජකාචාර්යස්ය
ශ්රීගෝවිංදභගවත්පූජ්යපාදශිෂ්යස්ය
ශ්රීමච්ඡංකරභගවතඃ කෘතෞ
බ්රහ්මජ්ඤානාවලීමාලා සංපූර්ණා ॥