ශ්රීමද්භගවද්ගීතා පාරායණ – පංචමෝऽධ්යායඃ

ඕං ශ්රී පරමාත්මනේ නමඃ
අථ පංචමෝऽධ්යායඃ
කර්මසන්න්යාසයෝගඃ

අර්ජුන උවාච
සන්න්යාසං කර්මණාං කෘෂ්ණ පුනර්යෝගං ච ශංසසි ।
යච්ඡ්රේය ඒතයෝරේකං තන්මේ බ්රූහි සුනිශ්චිතම් ॥1॥

ශ්රී භගවානුවාච
සන්න්යාසඃ කර්මයෝගශ්ච නිශ්ශ්රේයසකරාවුභෞ ।
තයෝස්තු කර්මසන්න්යාසාත් කර්මයෝගෝ විශිෂ්යතේ ॥2॥

ජ්ඤේයඃ ස නිත්යසන්න්යාසී යෝ න ද්වේෂ්ටි න කාංක්ෂති ।
නිර්ද්වංද්වෝ හි මහාබාහෝ සුඛං බංධාත්ප්රමුච්යතේ ॥3॥

සාංඛ්යයෝගෞ පෘථග්බාලාඃ ප්රවදංති න පංඩිතාඃ ।
ඒකමප්යාස්ථිතඃ සම්යක් උභයෝර්විංදතේ ඵලම් ॥4॥

යත්සාංඛ්යෛඃ ප්රාප්යතේ ස්ථානං තද්යෝගෛරපි ගම්යතේ ।
ඒකං සාංඛ්යං ච යෝගං ච යඃ පශ්යති ස පශ්යති ॥5॥

සන්න්යාසස්තු මහාබාහෝ දුඃඛමාප්තුමයෝගතඃ ।
යෝගයුක්තෝ මුනිර්බ්රහ්ම නචිරේණාධිගච්ඡති ॥6॥

යෝගයුක්තෝ විශුද්ධාත්මා විජිතාත්මා ජිතේංද්රියඃ ।
සර්වභූතාත්මභූතාත්මා කුර්වන්නපි න ලිප්යතේ ॥7॥

නෛව කිංචිත්කරෝමීති යුක්තෝ මන්යේත තත්ත්වවිත් ।
පශ්යන්ශෘණ්වන්ස්පෘශංජිඝ්රන් අශ්නන්ගච්ඡන්ස්වපන්ශ්වසන් ॥8॥

ප්රලපන්විසෘජන්ගෘහ්ණන් උන්මිෂන්නිමිෂන්නපි ।
ඉංද්රියාණීංද්රියාර්ථේෂු වර්තංත ඉති ධාරයන් ॥9॥

බ්රහ්මණ්යාධාය කර්මාණි සංගං ත්යක්ත්වා කරෝති යඃ ।
ලිප්යතේ න ස පාපේන පද්මපත්රමිවාංභසා ॥10॥

කායේන මනසා බුද්ධ්යා කේවලෛරිංද්රියෛරපි ।
යෝගිනඃ කර්ම කුර්වංති සංගං ත්යක්ත්වාත්මශුද්ධයේ ॥11॥

යුක්තඃ කර්මඵලං ත්යක්ත්වා ශාංතිමාප්නෝති නෛෂ්ඨිකීම් ।
අයුක්තඃ කාමකාරේණ ඵලේ සක්තෝ නිබධ්යතේ ॥12॥

සර්වකර්මාණි මනසා සන්න්යස්යාස්තේ සුඛං වශී ।
නවද්වාරේ පුරේ දේහී නෛව කුර්වන්න කාරයන් ॥13॥

න කර්තෘත්වං න කර්මාණි ලෝකස්ය සෘජති ප්රභුඃ ।
න කර්මඵලසංයෝගං ස්වභාවස්තු ප්රවර්තතේ ॥14॥

නාදත්තේ කස්යචිත්පාපං න චෛව සුකෘතං විභුඃ ।
අජ්ඤානේනාවෘතං ජ්ඤානං තේන මුහ්යංති ජංතවඃ ॥15॥

ජ්ඤානේන තු තදජ්ඤානං යේෂාං නාශිතමාත්මනඃ ।
තේෂාමාදිත්යවජ්ජ්ඤානං ප්රකාශයති තත්පරම් ॥16॥

තද්බුද්ධයස්තදාත්මානඃ තන්නිෂ්ඨාස්තත්පරායණාඃ ।
ගච්ඡංත්යපුනරාවෘත්තිං ජ්ඤානනිර්ධූතකල්මෂාඃ ॥17॥

විද්යාවිනයසංපන්නේ බ්රාහ්මණේ ගවි හස්තිනි ।
ශුනි චෛව ශ්වපාකේ ච පංඩිතාඃ සමදර්ශිනඃ ॥18॥

ඉහෛව තෛර්ජිතඃ සර්ගඃ යේෂාං සාම්යේ ස්ථිතං මනඃ ।
නිර්දෝෂං හි සමං බ්රහ්ම තස්මාත් බ්රහ්මණි තේ ස්ථිතාඃ ॥19॥

න ප්රහෘෂ්යේත්ප්රියං ප්රාප්ය නෝද්විජේත්ප්රාප්ය චාප්රියම් ।
ස්ථිරබුද්ධිරසම්මූඪඃ බ්රහ්මවිත් බ්රහ්මණි ස්ථිතඃ ॥20॥

බාහ්යස්පර්ශේෂ්වසක්තාත්මා විංදත්යාත්මනි යත්සුඛම් ।
ස බ්රහ්මයෝගයුක්තාත්මා සුඛමක්ෂයමශ්නුතේ ॥21॥

යේ හි සංස්පර්ශජා භෝගාඃ දුඃඛයෝනය ඒව තේ ।
ආද්යංතවංතඃ කෞංතේය න තේෂු රමතේ බුධඃ ॥22॥

ශක්නෝතීහෛව යඃ සෝඪුං ප්රාක්ශරීරවිමෝක්ෂණාත් ।
කාමක්රෝධෝද්භවං වේගං ස යුක්තඃ ස සුඛී නරඃ ॥23॥

යෝऽංතඃසුඛෝऽංතරාරාමඃ තථාංතර්ජ්යෝතිරේව යඃ ।
ස යෝගී බ්රහ්මනිර්වාණං බ්රහ්මභූතෝऽධිගච්ඡති ॥24॥

ලභංතේ බ්රහ්මනිර්වාණම් ඍෂයඃ ක්ෂීණකල්මෂාඃ ।
ඡින්නද්වෛධා යතාත්මානඃ සර්වභූතහිතේ රතාඃ ॥25॥

කාමක්රෝධවියුක්තානාං යතීනාං යතචේතසාම් ।
අභිතෝ බ්රහ්මනිර්වාණං වර්තතේ විදිතාත්මනාම් ॥26॥

ස්පර්ශාන්කෘත්වා බහිර්බාහ්යාන් චක්ෂුශ්චෛවාංතරේ භ්රුවෝඃ
ප්රාණාපානෞ සමෞ කෘත්වා නාසාභ්යංතරචාරිණෞ ॥27॥

යතේංද්රියමනෝබුද්ධිඃ මුනිර්මෝක්ෂපරායණඃ ।
විගතේච්ඡාභයක්රෝධඃ යඃ සදා මුක්ත ඒව සඃ ॥28॥

භෝක්තාරං යජ්ඤතපසාං සර්වලෝකමහේශ්වරම් ।
සුහෘදං සර්වභූතානාං ජ්ඤාත්වා මාං ශාංතිමෘච්ඡති ॥29॥

॥ ඕං තත්සදිති ශ්රීමද්භගවද්ගීතාසු උපනිෂත්සු බ්රහ්මවිද්යායාං
යෝගශාස්ත්රේ ශ්රීකෘෂ්ණාර්ජුනසංවාදේ කර්මසන්න්යාසයෝගෝ නාම පංචමෝऽධ්යායඃ ॥