ශ්රීමද්භගවද්ගීතා පාරායණ – ෂෝඩශෝऽධ්යායඃ
ඕං ශ්රී පරමාත්මනේ නමඃ
අථ ෂෝඩශෝऽධ්යායඃ
දෛවාසුරසංපද්විභාගයෝගඃ
ශ්රී භගවානුවාච
අභයං සත්ත්වසංශුද්ධිඃ ජ්ඤානයෝගව්යවස්ථිතිඃ ।
දානං දමශ්ච යජ්ඤශ්ච ස්වාධ්යායස්තප ආර්ජවම් ॥1॥
අහිංසා සත්යමක්රෝධඃ ත්යාගඃ ශාංතිරපෛශුනම් ।
දයා භූතේෂ්වලෝලුප්ත්වං මාර්දවං හ්රීරචාපලම් ॥2॥
තේජඃ ක්ෂමා ධෘතිඃ ශෞචම් අද්රෝහෝ නාතිමානිතා ।
භවංති සංපදං දෛවීම් අභිජාතස්ය භාරත ॥3॥
දංභෝ දර්පෝऽභිමානශ්ච ක්රෝධඃ පාරුෂ්යමේව ච ।
අජ්ඤානං චාභිජාතස්ය පාර්ථ සංපදමාසුරීම් ॥4॥
දෛවී සංපද්විමෝක්ෂාය නිබංධායාසුරී මතා ।
මා ශුචඃ සංපදං දෛවීම් අභිජාතෝऽසි පාංඩව ॥5॥
ද්වෞ භූතසර්ගෞ ලෝකේऽස්මින් දෛව ආසුර ඒව ච ।
දෛවෝ විස්තරශඃ ප්රෝක්තඃ ආසුරං පාර්ථ මේ ශෘණු ॥6॥
ප්රවෘත්තිං ච නිවෘත්තිං ච ජනා න විදුරාසුරාඃ ।
න ශෞචං නාපි චාචාරඃ න සත්යං තේෂු විද්යතේ ॥7॥
අසත්යමප්රතිෂ්ඨං තේ ජගදාහුරනීශ්වරම් ।
අපරස්පරසංභූතං කිමන්යත්කාමහෛතුකම් ॥8॥
ඒතාං දෘෂ්ටිමවෂ්ටභ්ය නෂ්ටාත්මානෝऽල්පබුද්ධයඃ ।
ප්රභවංත්යුග්රකර්මාණඃ ක්ෂයාය ජගතෝऽහිතාඃ ॥9॥
කාමමාශ්රිත්ය දුෂ්පූරං දංභමානමදාන්විතාඃ ।
මෝහාද්ගෘහීත්වාසද්ග්රාහාන් ප්රවර්තංතේऽශුචිව්රතාඃ ॥10॥
චිංතාමපරිමේයාං ච ප්රලයාංතාමුපාශ්රිතාඃ ।
කාමෝපභෝගපරමාඃ ඒතාවදිති නිශ්චිතාඃ ॥11॥
ආශාපාශශතෛර්බද්ධාඃ කාමක්රෝධපරායණාඃ ।
ඊහංතේ කාමභෝගාර්ථම් අන්යායේනාර්ථසංචයාන් ॥12॥
ඉදමද්ය මයා ලබ්ධම් ඉමං ප්රාප්ස්යේ මනෝරථම් ।
ඉදමස්තීදමපි මේ භවිෂ්යති පුනර්ධනම් ॥13॥
අසෞ මයා හතඃ ශතෘඃ හනිෂ්යේ චාපරානපි ।
ඊශ්වරෝऽහමහං භෝගී සිද්ධෝऽහං බලවාන්සුඛී ॥14॥
ආඪ්යෝऽභිජනවානස්මි කෝऽන්යෝऽස්ති සදෘශෝ මයා ।
යක්ෂ්යේ දාස්යාමි මෝදිෂ්යේ ඉත්යජ්ඤානවිමෝහිතාඃ ॥15॥
අනේකචිත්තවිභ්රාංතාඃ මෝහජාලසමාවෘතාඃ ।
ප්රසක්තාඃ කාමභෝගේෂු පතංති නරකේऽශුචෞ ॥16॥
ආත්මසංභාවිතාඃ ස්තබ්ධාඃ ධනමානමදාන්විතාඃ ।
යජංතේ නාමයජ්ඤෛස්තේ දංභේනාවිධිපූර්වකම් ॥17॥
අහංකාරං බලං දර්පං කාමං ක්රෝධං ච සංශ්රිතාඃ ।
මාමාත්මපරදේහේෂු ප්රද්විෂංතෝऽභ්යසූයකාඃ ॥18॥
තානහං ද්විෂතඃ ක්රූරාන් සංසාරේෂු නරාධමාන් ।
ක්ෂිපාම්යජස්රමශුභාන් ආසුරීෂ්වේව යෝනිෂු ॥19॥
ආසුරීං යෝනිමාපන්නාඃ මූඪා ජන්මනි ජන්මනි ।
මාමප්රාප්යෛව කෞංතේය තතෝ යාංත්යධමාං ගතිම් ॥20॥
ත්රිවිධං නරකස්යේදං ද්වාරං නාශනමාත්මනඃ ।
කාමඃ ක්රෝධස්තථා ලෝභඃ තස්මාදේතත්ත්රයං ත්යජේත් ॥21॥
ඒතෛර්විමුක්තඃ කෞංතේය තමෝද්වාරෛස්ත්රිභිර්නරඃ ।
ආචරත්යාත්මනඃ ශ්රේයඃ තතෝ යාති පරාං ගතිම් ॥22॥
යඃ ශාස්ත්රවිධිමුත්සෘජ්ය වර්තතේ කාමකාරතඃ ।
න ස සිද්ධිමවාප්නෝති න සුඛං න පරාං ගතිම් ॥23॥
තස්මාච්ඡාස්ත්රං ප්රමාණං තේ කාර්යාකාර්යව්යවස්ථිතෞ ।
ජ්ඤාත්වා ශාස්ත්රවිධානෝක්තං කර්ම කර්තුමිහාර්හසි ॥24॥
॥ ඕං තත්සදිති ශ්රීමද්භගවද්ගීතාසු උපනිෂත්සු බ්රහ්මවිද්යායාං
යෝගශාස්ත්රේ ශ්රීකෘෂ්ණාර්ජුනසංවාදේ දෛවාසුරසංපද්විභාගයෝගෝ නාම ෂෝඩශෝऽධ්යායඃ ॥
නිතර අසන ප්රශ්න
What is ශ්රීමද්භගවද්ගීතා පාරායණ - ෂෝඩශෝऽධ්යායඃ?
ශ්රීමද්භගවද්ගීතා පාරායණ - ෂෝඩශෝऽධ්යායඃ is a Bhagavad Gita available on Bhakti Granth in the selected language or script.
Which language or script is this version in?
This edition is published in Sinhala. Use the language selector to view another available edition.
Can I read ශ්රීමද්භගවද්ගීතා පාරායණ - ෂෝඩශෝऽධ්යායඃ online?
Yes. The imported text is available directly on this page for online reading and recitation.
Can I download ශ්රීමද්භගවද්ගීතා පාරායණ - ෂෝඩශෝऽධ්යායඃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.