ශ්රීමද්භගවද්ගීතා පාරායණ – ද්වාදශෝऽධ්යායඃ

ඕං ශ්රී පරමාත්මනේ නමඃ
අථ ද්වාදශෝऽධ්යායඃ
භක්තියෝගඃ

අර්ජුන උවාච
ඒවං සතතයුක්තා යේ භක්තාස්ත්වාං පර්යුපාසතේ ।
යේ චාප්යක්ෂරමව්යක්තං තේෂාං කේ යෝගවිත්තමාඃ ॥1॥

ශ්රී භගවානුවාච
මය්යාවේශ්ය මනෝ යේ මාං නිත්යයුක්තා උපාසතේ ।
ශ්රද්ධයා පරයෝපේතාඃ තේ මේ යුක්තතමා මතාඃ ॥2॥

යේ ත්වක්ෂරමනිර්දේශ්යම් අව්යක්තං පර්යුපාසතේ ।
සර්වත්රගමචිංත්යං ච කූටස්ථමචලං ධ්රුවම් ॥3॥

සන්නියම්යේංද්රියග්රාමං සර්වත්ර සමබුද්ධයඃ ।
තේ ප්රාප්නුවංති මාමේව සර්වභූතහිතේ රතාඃ ॥4॥

ක්ලේශෝऽධිකතරස්තේෂාම් අව්යක්තාසක්තචේතසාම් ।
අව්යක්තා හි ගතිර්දුඃඛං දේහවද්භිරවාප්යතේ ॥5॥

යේ තු සර්වාණි කර්මාණි මයි සන්න්යස්ය මත්පරාඃ ।
අනන්යේනෛව යෝගේන මාං ධ්යායංත උපාසතේ ॥6॥

තේෂාමහං සමුද්ධර්තා මෘත්යුසංසාරසාගරාත් ।
භවාමි නචිරාත්පාර්ථ මය්යාවේශිතචේතසාම් ॥7॥

මය්යේව මන ආධත්ස්ව මයි බුද්ධිං නිවේශය ।
නිවසිෂ්යසි මය්යේව අත ඌර්ධ්වං න සංශයඃ ॥8॥

අථ චිත්තං සමාධාතුං න ශක්නෝෂි මයි ස්ථිරම් ।
අභ්යාසයෝගේන තතඃ මාමිච්ඡාප්තුං ධනංජය ॥9॥

අභ්යාසේऽප්යසමර්ථෝऽසි මත්කර්මපරමෝ භව ।
මදර්ථමපි කර්මාණි කුර්වන්සිද්ධිමවාප්ස්යසි ॥10॥

අථෛතදප්යශක්තෝऽසි කර්තුං මද්යෝගමාශ්රිතඃ ।
සර්වකර්මඵලත්යාගං තතඃ කුරු යතාත්මවාන් ॥11॥

ශ්රේයෝ හි ජ්ඤානමභ්යාසාත් ජ්ඤානාද්ධ්යානං විශිෂ්යතේ ।
ධ්යානාත්කර්මඵලත්යාගඃ ත්යාගාච්ඡාංතිරනංතරම් ॥12॥

අද්වේෂ්ටා සර්වභූතානාං මෛත්රඃ කරුණ ඒව ච ।
නිර්මමෝ නිරහංකාරඃ සමදුඃඛසුඛඃ ක්ෂමී ॥13॥

සංතුෂ්ටඃ සතතං යෝගී යතාත්මා දෘඪනිශ්චයඃ ।
මය්යර්පිතමනෝබුද්ධිඃ යෝ මද්භක්තඃ ස මේ ප්රියඃ ॥14॥

යස්මාන්නෝද්විජතේ ලෝකඃ ලෝකාන්නෝද්විජතේ ච යඃ ।
හර්ෂාමර්ෂභයෝද්වේගෛඃ මුක්තෝ යඃ ස ච මේ ප්රියඃ ॥15॥

අනපේක්ෂඃ ශුචිර්දක්ෂඃ උදාසීනෝ ගතව්යථඃ ।
සර්වාරංභපරිත්යාගී යෝ මද්භක්තඃ ස මේ ප්රියඃ ॥16॥

යෝ න හෘෂ්යති න ද්වේෂ්ටි න ශෝචති න කාංක්ෂති ।
ශුභාශුභපරිත්යාගී භක්තිමාන්යඃ ස මේ ප්රියඃ ॥17॥

සමඃ ශත්රෞ ච මිත්රේ ච තථා මානාපමානයෝඃ ।
ශීතෝෂ්ණසුඛදුඃඛේෂු සමඃ සංගවිවර්ජිතඃ ॥18॥

තුල්යනිංදාස්තුතිර්මෞනී සංතුෂ්ටෝ යේන කේනචිත් ।
අනිකේතඃ ස්ථිරමතිඃ භක්තිමාන්මේ ප්රියෝ නරඃ ॥19॥

යේ තු ධර්ම්යාමෘතමිදං යථෝක්තං පර්යුපාසතේ ।
ශ්රද්දධානා මත්පරමාඃ භක්තාස්තේऽතීව මේ ප්රියාඃ ॥20॥

॥ ඕං තත්සදිති ශ්රීමද්භගවද්ගීතාසු උපනිෂත්සු බ්රහ්මවිද්යායාං යෝගශාස්ත්රේ
ශ්රීකෘෂ්ණාර්ජුනසංවාදේ භක්තියෝගෝ නාම ද්වාදශෝऽධ්යායඃ ।38