ਸ਼੍ਰੀ ਵਿਨਾਯਕ ਸ੍ਤਵਰਾਜਃ

ਬੀਜਾਪੂਰਗਦੇਕ੍ਸ਼ੁਕਾਰ੍ਮੁਕਰੁਜਾ ਚਕ੍ਰਾਬ੍ਜਪਾਸ਼ੋਤ੍ਪਲ-
-ਵ੍ਰੀਹ੍ਯਗ੍ਰਸ੍ਵਵਿਸ਼ਾਣਰਤ੍ਨਕਲਸ਼ਪ੍ਰੋਦ੍ਯਤ੍ਕਰਾਂਭੋਰੁਹਃ ।
ਧ੍ਯੇਯੋ ਵਲ੍ਲਭਯਾ ਸਪਦ੍ਮਕਰਯਾਸ਼੍ਲਿਸ਼੍ਟੋਜ੍ਜ੍ਵਲਦ੍ਭੂਸ਼ਯਾ
ਵਿਸ਼੍ਵੋਤ੍ਪਤ੍ਤਿਵਿਪਤ੍ਤਿਸਂਸ੍ਥਿਤਿਕਰੋ ਵਿਘ੍ਨੇਸ਼ ਇਸ਼੍ਟਾਰ੍ਥਦਃ ॥ 1 ॥

ਨਮਸ੍ਤੇ ਸਿਦ੍ਧਿਲਕ੍ਸ਼੍ਮੀਸ਼ ਗਣਾਧਿਪ ਮਹਾਪ੍ਰਭੋ ।
ਵਿਘ੍ਨੇਸ਼੍ਵਰ ਜਗਨ੍ਨਾਥ ਗੌਰੀਪੁਤ੍ਰ ਜਗਤ੍ਪ੍ਰਭੋ ॥ 2 ॥

ਜਯ ਵਿਘ੍ਨੇਸ਼੍ਵਰ ਵਿਭੋ ਵਿਨਾਯਕ ਮਹੇਸ਼੍ਵਰ ।
ਲਂਬੋਦਰ ਮਹਾਬਾਹੋ ਸਰ੍ਵਦਾ ਤ੍ਵਂ ਪ੍ਰਸੀਦ ਮੇ ॥ 3 ॥

ਮਹਾਦੇਵ ਜਗਤ੍ਸ੍ਵਾਮਿਨ੍ ਮੂਸ਼ਿਕਾਰੂਢ ਸ਼ਂਕਰ ।
ਵਿਸ਼ਾਲਾਕ੍ਸ਼ ਮਹਾਕਾਯ ਮਾਂ ਤ੍ਰਾਹਿ ਪਰਮੇਸ਼੍ਵਰ ॥ 4 ॥

ਕੁਂਜਰਾਸ੍ਯ ਸੁਰਾਧੀਸ਼ ਮਹੇਸ਼ ਕਰੁਣਾਨਿਧੇ ।
ਮਾਤੁਲੁਂਗਧਰ ਸ੍ਵਾਮਿਨ੍ ਗਦਾਚਕ੍ਰਸਮਨ੍ਵਿਤ ॥ 5 ॥

ਦਸ਼ਬਾਹੋ ਮਹਾਰਾਜ ਗਜਵਕ੍ਤ੍ਰ ਚਤੁਰ੍ਭੁਜ ।
ਸ਼ੂਰ੍ਪਕਰ੍ਣ ਮਹਾਕਰ੍ਣ ਗਣਨਾਥ ਪ੍ਰਸੀਦ ਮੇ ॥ 6 ॥

ਸ਼ਂਖਸ਼ੂਲਸਮਾਯੁਕ੍ਤ ਬੀਜਾਪੂਰਸਮਨ੍ਵਿਤ ।
ਇਕ੍ਸ਼ੁਕਾਰ੍ਮੁਕਸਂਯੁਕ੍ਤ ਪਦ੍ਮਹਸ੍ਤ ਪ੍ਰਸੀਦ ਮੇ ॥ 7 ॥

ਨਾਨਾਭਰਣਸਂਯੁਕ੍ਤ ਰਤ੍ਨਕੁਂਭਕਰ ਪ੍ਰਭੋ ।
ਸਰ੍ਗਸ੍ਥਿਤਿਲਯਾਧੀਸ਼ ਪਰਮਾਤ੍ਮਨ੍ ਜਯ ਪ੍ਰਭੋ ॥ 8 ॥

ਅਨਾਥਨਾਥ ਵਿਸ਼੍ਵੇਸ਼ ਵਿਘ੍ਨਸਂਘਵਿਨਾਸ਼ਨ ।
ਤ੍ਰਯੀਮੂਰ੍ਤੇ ਸੁਰਪਤੇ ਬ੍ਰਹ੍ਮਵਿਸ਼੍ਣੁਸ਼ਿਵਾਤ੍ਮਕ ॥ 9 ॥

ਤ੍ਰਯੀਗੁਣ ਮਹਾਦੇਵ ਪਾਹਿ ਮਾਂ ਸਰ੍ਵਪਾਲਕ ।
ਅਣਿਮਾਦਿਗੁਣਾਧਾਰ ਲਕ੍ਸ਼੍ਮੀਸ਼੍ਰੀਵਿਸ਼੍ਣੁਪੂਜਿਤ ॥ 10 ॥

ਗੌਰੀਸ਼ਂਕਰਸਂਪੂਜ੍ਯ ਜਯ ਤ੍ਵਂ ਗਣਨਾਯਕ ।
ਰਤਿਮਨ੍ਮਥਸਂਸੇਵ੍ਯ ਮਹੀਭੂਦਾਰਸਂਸ੍ਤੁਤ ॥ 11 ॥

ਰੁਰੁਇਦ੍ਧ੍ਯਾਮੋਦਾਦਿਸਂਸੇਵ੍ਯ ਮਹਾਗਣਪਤੇ ਜਯ ।
ਸ਼ਂਖਪਦ੍ਮਾਦਿਸਂਸੇਵ੍ਯ ਨਿਰਾਲਂਬ ਨਿਰੀਸ਼੍ਵਰ ॥ 12 ॥

ਨਿਸ਼੍ਕਲਂਕ ਨਿਰਾਧਾਰ ਪਾਹਿ ਮਾਂ ਨਿਤ੍ਯਮਵ੍ਯਯ ।
ਅਨਾਦ੍ਯ ਜਗਤਾਮਾਦ੍ਯ ਪਿਤਾਮਹਸੁਪੂਜਿਤ ॥ 13 ॥

ਧੂਮਕੇਤੋ ਗਣਾਧ੍ਯਕ੍ਸ਼ ਮਹਾਮੂਸ਼ਕਵਾਹਨ ।
ਅਨਂਤਪਰਮਾਨਂਦ ਜਯ ਵਿਘ੍ਨੇਸ਼੍ਵਰੇਸ਼੍ਵਰ ॥ 14 ॥

ਰਤ੍ਨਸਿਂਹਾਸਨਾਸੀਨ ਕਿਰੀਟੇਨ ਸੁਸ਼ੋਭਿਤ ।
ਪਰਾਤ੍ਪਰ ਪਰੇਸ਼ਾਨ ਪਰਪੂਰੁਸ਼ ਪਾਹਿ ਮਾਮ੍ ॥ 15 ॥

ਨਿਰ੍ਦ੍ਵਂਦ੍ਵ ਨਿਰ੍ਗੁਣਾਭਾਸ ਜਪਾਪੁਸ਼੍ਪਸਮਪ੍ਰਭ ।
ਸਰ੍ਵਪ੍ਰਮਥਸਂਸ੍ਤੁਤ੍ਯ ਤ੍ਰਾਹਿ ਮਾਂ ਵਿਘ੍ਨਨਾਯਕ ॥ 16 ॥

ਕੁਮਾਰਸ੍ਯ ਗੁਰੋ ਦੇਵ ਸਰ੍ਵੈਸ਼੍ਵਰ੍ਯਪ੍ਰਦਾਯਕ ।
ਸਰ੍ਵਾਭੀਸ਼੍ਟਪ੍ਰਦ ਸ੍ਵਾਮਿਨ੍ ਸਰ੍ਵਪ੍ਰਤ੍ਯੂਹਨਾਸ਼ਕ ॥ 17 ॥

ਸ਼ਰਣ੍ਯ ਸਰ੍ਵਲੋਕਾਨਾਂ ਸ਼ਰਣਾਗਤਵਤ੍ਸਲ ।
ਮਹਾਗਣਪਤੇ ਨਿਤ੍ਯਂ ਮਾਂ ਪਾਲਯ ਕ੍ਰੁਰੁਇਪਾਨਿਧੇ ॥ 18 ॥

ਏਵਂ ਸ਼੍ਰੀਗਣਨਾਥਸ੍ਯ ਸ੍ਤਵਰਾਜਮਨੁਤ੍ਤਮਮ੍ ।
ਯਃ ਪਠੇਚ੍ਛ੍ਰੁਰੁਇਣੁਯਾਨ੍ਨਿਤ੍ਯਂ ਪ੍ਰਤ੍ਯੂਹੈਃ ਸ ਵਿਮੁਚ੍ਯਤੇ ॥ 19 ॥

ਅਸ਼੍ਵਮੇਧਸਮਂ ਪੁਣ੍ਯਫਲਂ ਪ੍ਰਾਪ੍ਨੋਤ੍ਯਨੁਤ੍ਤਮਮ੍ ।
ਵਸ਼ੀਕਰੋਤਿ ਤ੍ਰੈਲੋਕ੍ਯਂ ਪ੍ਰਾਪ੍ਯ ਸੌਭਾਗ੍ਯਮੁਤ੍ਤਮਮ੍ ॥ 20 ॥

ਸਰ੍ਵਾਭੀਸ਼੍ਟਮਵਾਪ੍ਨੋਤਿ ਸ਼ੀਘ੍ਰਮੇਵ ਸੁਦੁਰ੍ਲਭਮ੍ ।
ਮਹਾਗਣੇਸ਼ਸਾਨ੍ਨਿਧ੍ਯਂ ਪ੍ਰਾਪ੍ਨੋਤ੍ਯੇਵ ਨ ਸਂਸ਼ਯਃ ॥ 21 ॥

ਇਤਿ ਸ਼੍ਰੀਰੁਦ੍ਰਯਾਮਲੇ ਸ਼੍ਰੀਵਿਨਾਯਕਸ੍ਤਵਰਾਜਃ ਸਂਪੂਰ੍ਣਮ੍ ।