ଵେଦାଂତ ଡିଂଡିମଃ

ଵେଦାଂତଡିଂଡିମାସ୍ତତ୍ଵମେକମୁଦ୍ଧୋଷୟଂତି ୟତ୍ ।
ଆସ୍ତାଂ ପୁରସ୍ତାଂତତ୍ତେଜୋ ଦକ୍ଷିଣାମୂର୍ତିସଂଜ୍ଞିତମ୍ ॥ 1

ଆତ୍ମାଽନାତ୍ମା ପଦାର୍ଥୌ ଦ୍ଵୌ ଭୋକ୍ତୃଭୋଗ୍ୟତ୍ଵଲକ୍ଷଣୌ ।
ବ୍ରହ୍ମେଵାଽଽତ୍ମାନ ଦେହାଦିରିତି ଵେଦାଂତଡିଂଡିମଃ ॥ 2

ଜ୍ଞାନାଽଜ୍ଞାନେ ପଦାର୍ଥୋଂ ଦ୍ଵାଵାତ୍ମନୋ ବଂଧମୁକ୍ତିଦୌ ।
ଜ୍ଞାନାନ୍ମୁକ୍ତି ନିର୍ବଂଧୋଽନ୍ୟଦିତି ଵେଦାଂତଡିଂଡିମଃ ॥ 3

ଜ୍ଞାତୃ ଜ୍ଞେୟଂ ପଦାର୍ଥୌ ଦ୍ଵୌ ଭାସ୍ୟ ଭାସକଲକ୍ଷଣୌ ।
ଜ୍ଞାତା ବ୍ରହ୍ମ ଜଗତ୍ ଜ୍ଞେୟ ମିତି ଵେଦାଂତଡିଂଡିମଃ ॥ 4

ସୁଖଦୁଃଖେ ପଦାର୍ଥୌ ଦ୍ଵୌ ପ୍ରିୟଵିପ୍ରିୟକାରକୌ ।
ସୁଖଂ ବ୍ରହ୍ମ ଜଗହୁଃଖ ମିତି ଵେଦାଂତଡିଂଡିମଃ॥ 5

ସମଷ୍ଟିଵ୍ୟଷ୍ଟିରୂପୌ ଦ୍ଵୌ ପଦାର୍ଥୌ ସର୍ଵସଂମତୌ ।
ସମଷ୍ଟିରୀଶ୍ଵରୋ ଵ୍ୟଷ୍ଟିର୍ଜୀଵୋ ଵେଦାଂତଡିଂଡିମଃ ॥ 6

ଜ୍ଞାନଂ କର୍ମ ପଦାର୍ଥୌ ଦ୍ଵୌ ଵସ୍ତୁକତ୍ରାତ୍ମ ତଂତ୍ରକୌ ।
ଜ୍ଞାନାନ୍ମୋକ୍ଷୋ ନ କର୍ମଭ୍ୟ ଇତି ଵେଦାଂତଡିଂଡିମଃ ॥ 7

ଶ୍ରୋତଵ୍ୟାଽଶ୍ରଵ୍ୟରୂପୀ ଦ୍ଵୌ ପଦାର୍ଥୋଂ ସୁଖଦୁଃଖଦୌ ।
ଶ୍ରୋତଵ୍ୟଂ ବ୍ରହ୍ମ ନୈଵାଽନ୍ୟ ଦିତି ଵେଦାଂତଡିଂଡିମଃ॥ 8

ଚିଂତ୍ୟାଽଚିଂତ୍ୟେ ପଦାଥୌ ଦ୍ଵୌ ଵିଶ୍ରାଂତି ଶ୍ରାଂତିଦାୟକୌ ।
ଚିଂତ୍ୟଂ ବ୍ରହ୍ମ ପରଂ ନାଽନ୍ୟ ଦିତି ଵେଦାଂତଡିଂଡିମଃ॥ 9

ଧ୍ୟେୟାଽଧ୍ଵେୟେ ପଦାର୍ଥୌ ଦ୍ଵୌ ଦ୍ଵୌ ଧୀସମାଧ୍ୟସମାଧିଦୌ ।
ଧ୍ୟାତଵ୍ୟଂ ବ୍ରହ୍ମ ନୈଵାଽନ୍ୟ ଦିତି ଵେଦାଂତଡିଂଡିମଃ॥ 10

ୟୋଗିନୋ ଭୋଗିନୋ ଵାଽପି ତ୍ୟାଗିନୋ ରାଗିଣୋଽପି ଚ ।
ଜ୍ଞାନାନ୍ମୋକ୍ଷୋ ନ ସଂଦେହ ଇତି ଵେଦାଂତଡିଂଡିମଃ ॥ 11

ନ ଵର୍ଣାଶ୍ରମ ସଂକେତୈଃ ନ କୋପାସନାଦିଭିଃ।
ବ୍ରହ୍ମଜ୍ଞାନଂ ଵିନା ମୋକ୍ଷଃ ଇତି ଵେଦାଂତଡିଂଡିମଃ ॥ 12

ଅସତ୍ୟସ୍ସର୍ଵସଂସାରୋ ରସାମାସାଦିଦୂଷିତଃ ।
ଉପେକ୍ଷ୍ୟୋ ବ୍ରହ୍ମ ଵିଜ୍ଞେୟ ମିତି ଵେଦାଂତଡିଂଡିମଃ ॥ 13

ଵୃଥା କ୍ରିୟାଂ ଵୃଥାଽଲାପାନ୍ ଵୃଥାଵାଦାନ୍ ମନୋରଥାନ୍ ।
ତ୍ୟତ୍ଵୈକଂ ବ୍ରହ୍ମ ଵିଜ୍ଞେୟ ମିତି ଵେଦାଂତଡିଂଡିମଃ ॥ 14

ସ୍ଥିତୋ ବ୍ରହ୍ମାତ୍ମନା ଜୀଵୋ ବ୍ରହ୍ମ ଜୀଵାତ୍ମନା ସ୍ଥିତମ୍ ।
ଇତି ସଂପଶ୍ୟତାଂ ମୁକ୍ତି ରିତି ଵେଦାଂତଡିଂଡିମଃ॥ 15

ଜୀଵୋ ବ୍ରହ୍ମାତ୍ମନା ଜ୍ଞେୟୋ ଜ୍ଞେୟଂ ଜୀଵାତ୍ମନା ପରମ୍ ।
ମୁକ୍ତିସ୍ତ ଦୈକ୍ୟଵିଜ୍ଞାନ ମିତି ଵେଦାଂତଡିଂଡିମଃ ॥ 16

ସର୍ଵାତ୍ମନା ପରଂ ବ୍ରହ୍ମ ଶ୍ରୋତୁରାତ୍ମତୟା ସ୍ଥିତମ୍ ।
ନାଽଽୟାସ ସ୍ତଵ ଵିଜ୍ଞପ୍ତୌ ଇତି ଵେଦାଂତଡିଂଡିମଃ ॥ 17

ଐହିକଂ ଚାଽଽମୁଧ୍ମିକଂ ଚ ତାପାଂତଂ କର୍ମସଂଚୟମ୍ ।
ତ୍ୟତ୍ଵା ବ୍ରହ୍ମୈଵ ଵିଜ୍ଞେୟ ମିତି ଵେଦାଂତଡିଂଡିମଃ ॥ 18

ଅଦ୍ଵୈତଦ୍ଵୈତଵାଦୌ ଦ୍ଵୌ ସୂକ୍ଷ୍ମସ୍ଥୂଲଦଶାଂ ଗତୌ ।
ଅଦ୍ଵୈତଵାଦାନ୍ମୋକ୍ଷସ୍ସ୍ୟା ଦିତି ଵେଦାଂତଡିଂଡିମଃ ॥19

କର୍ମିଣୋ ଵିନିଵର୍ତଂତେ ନିଵର୍ତଂତ ଉପାସକାଃ।
ଜ୍ଞାନିନୋ ନ ନିଵର୍ତଂତେ ଇତି ଵେଦାଂତଡିଂଡିମଃ ॥ 20

ପରୋକ୍ଷାଽସତ୍ଫଲଂ କର୍ମଜ୍ଞାନଂ ପ୍ରତ୍ୟକ୍ଷସତ୍ଫଲମ୍ ।
ଜ୍ଞାନମେଵାଽଭ୍ୟସେତ୍ତସ୍ମାତ୍ ଇତି ଵେଦାଂତଡିଂଡିମଃ ॥21

ଵୃଥା ଶ୍ରମୋଽୟଂ ଵିଦୁଷା ଵୃଥାଽୟଂ-କର୍ମିଣାଂ ଶ୍ରମଃ ।
ୟଦି ନ ବ୍ରହ୍ମଵିଜ୍ଞାନଂ ଇତି ॥ ଵେଦାଂତଡିଂଡିମଃ ॥ 22

ଅଲଂ ୟାଗୈରଲଂ ୟୋଗୈରଲଂ ଭୋଗୈ ରଲଂ ଧନୈଃ ।
ପରସ୍ମିନ୍ବ୍ରହ୍ମଣି ଜ୍ଞାତ ଇତି ଵେଦାଂତଡିଂଡିମଃ ॥23

ଅଲଂ ଵେଦୈରଲଂ ଶାସ୍ତ୍ରୈରଲମଂ ସ୍ମୃତିପୁରାଣକୈଃ ।
ପରମାତ୍ମନି ଵିଜ୍ଞାତେ ଇତି ଵେଦାଂତଡିଂଡିମଃ ॥ 24

ନର୍ଚା ନ ୟଜୁଷୋଽର୍ଥୋଽସ୍ତି ନ ସାନ୍ନର୍ଥୋଽତି କଶ୍ଚନ ।
ଜାତେ ବ୍ରହ୍ମାତ୍ମଵିଜ୍ଞାନେ ଇତି ଵେଦାଂତଡିଂଡିମଃ ॥ 25

କର୍ମାଣି ଚିତ୍ତଶୁଦ୍ଧ୍ୟର୍ଥଂ ମୈକାଗ୍ର୍ୟାର୍ଥ ମୁପାସନମ୍ ।
ମୋକ୍ଷାର୍ଥଂ ବ୍ରହ୍ମଵିଜ୍ଞାନ ମିତି ଵେଦାଂତଡିଂଡିମଃ ॥ 26

ସଂଚିତାଗାମିକର୍ମାଣି ଦହ୍ୟଂତେ ଜ୍ଞାନକର୍ମଣା ।
ପ୍ରାରବ୍ଧାନୁଭଵାନ୍ମୋକ୍ଷ ଇତି ଵେଦାଂତଡିଂଡିମଃ॥ 27

ନ ପୁଣ୍ୟକର୍ମଣା ଵୃଦ୍ଧିଃ ନ ହାନିଃ ପାପକର୍ମଣା ।
ନିତ୍ୟାସଂଗାତ୍ମନିଷ୍ଠାନାମିତି ଵେଦାଂତଡିଂଡିମଃ॥ 28

ଦୃଗ୍ଦୃଶ୍ୟୌ ଦ୍ଵୌ ପଦାର୍ଥୌ ତୌ ପରସ୍ପରଵିଲକ୍ଷଣୌ ।
ଦୃଗ୍ବ୍ରହ୍ମ ଦୃଶ୍ୟଂ ମାୟା ସ୍ୟାଦିତି ଵେଦାଂତଡିଂଡିମଃ ॥ 29

ଅଵିଦ୍ୟୋପାଧିକୋ ଜୀଵୋ ମାୟୋପାଧିକ ଈଶ୍ଵରଃ ।
ମାୟାଽଵିଦ୍ୟାଗୁଣାତୀତଃ ଇତି ଵେଦାଂତଡିଂଡିମଃ ॥ 30

ବୁଦ୍ଧିପୂର୍ଵାଽବୁଦ୍ଧିପୂର୍ଵକୃତାନାଂ ପାପକର୍ମଣାମ୍ ।
ପ୍ରାୟଶ୍ଚିତ୍ତମହୋଜ୍ଞାନ ମିତି ଵେଦାଂତଡିଂଡିମଃ ॥ 31

ସାକାରଂ ଚ ନିରାକାରଂ ନିର୍ଗୁଣଂ ଚ ଗୁଣାତ୍ମକମ୍ ।
ତତ୍ତ୍ଵଂ ତତ୍ପରମଂ ବ୍ରହ୍ମ ଇତି ଵେଦାଂତଡିଂଡିମଃ ॥ 32

ଦ୍ଵିଜତ୍ଵଂ ଵିଧ୍ୟନୁଷ୍ଠାନାତ୍ ଵିପ୍ରତ୍ଵଂ ଵେଦପାଠତଃ ।
ବ୍ରାହ୍ମଣ୍ୟଂ ବ୍ରହ୍ମଵିଜ୍ଞାନାତ୍ ଇତି ଵେଦାଂତଡିଂଡିମଃ ॥ 33

ସର୍ଵାତ୍ମନା ସ୍ଥିତଂ ବ୍ରହ୍ମ ସର୍ଵଂ ବ୍ରହ୍ମାତ୍ମନା ସ୍ଥିତମ୍ ।
ନ କାର୍ୟଂ କାରଣାଦ୍ଭିନ୍ନ ମିତି ଵେଦାଂତଡିଂଡିମଃ ॥ 34

ସତ୍ତାସ୍ଫୁରଣସୌଖ୍ୟାନି ଭାସଂତେ ସର୍ଵଵସ୍ତୁଷୁ ।
ତସ୍ମାଦ୍ବ୍ରହ୍ମମୟଂ ସର୍ଵ ମିତି ଵେଦାଂତଡିଂଡିମଃ ॥ 35

ଅଵସ୍ଥାତ୍ରିତୟଂ ୟସ୍ୟ କ୍ରୀଡାଭୂମିତୟା ସ୍ଥିତମ୍ ।
ତଦେଵ ବ୍ରହ୍ମ ଜାନୀୟାତ୍ ଇତି ଵେଦାଂତଡିଂଡିମଃ॥ 36

ୟନ୍ନାଽଽଦୌ ୟଶ୍ଚ ନାଽସ୍ତ୍ୟଂତେ ତନ୍ମଧ୍ୟେ ଭାତମପ୍ୟସତ୍ ।
ଅତୋ ମିଥ୍ୟା ଜଗତ୍ସର୍ଵମିତି ଵେଦାଂତଡିଂଡିମଃ ॥ 37

ୟଦସ୍ତ୍ୟାଦୌ ୟଦସ୍ତ୍ୟଂତେ ୟନ୍ମଧ୍ୟେ ଭାତି ତତ୍ସ୍ଵୟମ୍ ।
ପ୍ରୌକମିଦଂ ସତ୍ୟ ମିତି ଵେଦାଂତଡିଂଡିମଃ ॥ 38

ପୁରୁଷାର୍ଥତ୍ରୟାଵିଷ୍ଟାଃ ପୁରୁଷାଃ ପଶଵୋ ଧୃଵମ୍ ।
ମୋକ୍ଷାର୍ଥୀ ପୁରୁଷଃ ଶ୍ରେଷ୍ଠଃ ଇତି ଵେଦାଂତଡିଂଡିମଃ ॥ 39

ଘଟକୁଡ୍ୟାଦିକଂ ସର୍ଵଂ ମୃତ୍ତିକାମାତ୍ରମେଵ ଚ ।
ତଥା ବ୍ରହ୍ମ ଜଗତ୍ସର୍ଵ ମିତି ଵେଦାଂତଡିଂଡିମଃ ॥ 40

ଷଣ୍ଣିହତ୍ୟ ତ୍ରୟଂ ହିତ୍ଵା ଦ୍ଵୟଂ ଭିସ୍ଵାଽଖିଲାଗତିମ୍ ।
ଏକଂ ବୁଦ୍ଧାଽଽଶ୍ରୁତେ ମୋକ୍ଷ ମିତି ଵେଦାଂତଡିଂଡିମଃ ॥ 41

ଭିତ୍ଵା ଷଟ୍ ପଂଚ ଭିତ୍ତ୍ଵାଽଥ ଭିଶ୍ଵାଽଥ ଚତୁରଖିକମ୍ ।
ଦ୍ଵୟଂ ହିତ୍ଵା ଶ୍ରୟେଦେକ ମିତି ଵେଦାଂତଡିଂଡିମଃ ॥ 42

ଦେହୋ ନାହ ମହଂ ଦେହୀ ଦେହସାକ୍ଷୀତି ନିଶ୍ଚୟାତ୍ ।
ଜନ୍ମମୃତ୍ୟୁପହୀଣୋଽସୌ ଇତି ଵେଦାଂତଡିଂଡିମଃ ॥ 43

ପ୍ରାଣୋନାହମହଂ ଦେଵଃ ପ୍ରାଣସ୍ସାକ୍ଷୀତି ନିଶ୍ଚୟାତ୍ ।
କ୍ଷୁତ୍ପିପାସୋପଶାଂତି ସ୍ସ୍ୟାତ୍ ଇତି ଵେଦାଂତଡିଂଡିମଃ ॥ 44

ମନୋ ନାଽହ ମହଂ ଦେଵୋ ମନସ୍ସାକ୍ଷୀତି ନିଶ୍ଚୟାତ୍ ।
ଶୋକମୋହାପହାନିରସ୍ୟାତ୍ ଵେଦାଂତଡିଂଡିମଃ ॥ 45

ବୁଦ୍ଧିର୍ନାଽହମହଂ ଦେଵୋ ବୁଦ୍ଧିସାକ୍ଷୀତି ନିଶ୍ଚୟାତ୍ ।
କର୍ତୃଭାଵନିର୍ଵୃତ୍ତିସ୍ସ୍ୟାତ୍ ଇତି ଵେଦାଂତଡିଂଡିମଃ ॥ 46

ନାଜ୍ଞାନଂ ସ୍ୟାମହଂ ଦେଵୋଽଜ୍ଞାନସାକ୍ଷୀତି ନିଶ୍ଚୟାତ୍ ।
ସର୍ଵାନର୍ଥନିଵୃତ୍ତିସ୍ୟାତ୍ ଇତି ଵେଦାଂତଡିଂଡିମଃ ॥ 47

ଅହଂ ସାକ୍ଷୀତି ୟୋ ଵିଦ୍ୟାତ୍ ଵିଵିଚ୍ୟୈଵଂ ପୁନ: ପୁନଃ ।
ସ ଏଵ ମୁକ୍ତୋଽସୌ ଵିଦ୍ଵାନ୍ ଇତି ଵେଦାଂତଡିଂଡିମଃ ॥ 48

ନାହଂ ମାୟା ନ ତତ୍କାର୍ୟଂ ନ ସାକ୍ଷୀ ପରମୋଽସ୍ମ୍ୟହମ୍ ।
ଇତି ନିସ୍ସଂଶୟଜ୍ଞାନାତ୍ ମୁକ୍ତିର୍ଵେ ଵେଦାଂତଡିଂଡିମଃ ॥ 49

ନାଽହଂ ସର୍ଵ ମହଂ ସର୍ଵଂ ମୟି ସର୍ଵମିତି ସ୍ଫୁଟମ୍ ।
ଜ୍ଞାତେ ତତ୍ଵେ କୁତୋ ଦୁଃଖ ମିତି ଵେଦାଂତଡିଂଡିମଃ ॥ 50

ଦେହାଦିପଂଚକୋଶସ୍ଥା ୟା ସତ୍ତା ପ୍ରତିଭାସତେ ।
ସା ସତ୍ତାସ୍ସ୍ତ୍ମା ନ ସଂଦେହ ଇତି ଵେଦାଂତଡିଂଡିମଃ ॥ 51

ଦେହାଦିପଂଚକୋଶସ୍ଥା ୟା ସ୍ଫୂର୍ତି ରନୁଭୂୟତେ ।
ସା ସ୍ଫୂର୍ତିରାତ୍ମା ନୈଵାଽନ୍ୟ ଦିତି ଵେଦାଂତଡିଂଡିମଃ ॥ 52

ଦେହାଦିପଂଚକୋଶସ୍ଥା ୟା ପ୍ରୀତିରନୁଭୂୟତେ ।
ସା ପ୍ରୀତିରାତ୍ମା କୂଟସ୍ଥଃ ଇତି ଵେଦାଂତଡିଂଡିମଃ ॥ 53

ଵ୍ୟୋମାଦିପଂଚଭୂତସ୍ଥା ୟାସତ୍ତା ଭାସତେ ନୃଣାମ୍ ।
ସା ସତ୍ତା ପରମଂ ବ୍ରହ୍ମ ଇତି ଵେଦାଂତଡିଂଡିମଃ ॥ 54

ଵ୍ୟୋମାଦିପଂଚଭୂତସ୍ଥା ୟା ଚିଦେକାଽନୁଭୂୟତେ ।
ସା ଚିଦେଵ ପରଂ ବ୍ରହ୍ମ ଇତି ଵେଦାଂତଡିଂଡିମଃ ॥ 55

ଵ୍ୟୋମାଦିପଂଚଭୂତସ୍ଥା ୟା ପ୍ରୀତିରନୁଭୂୟତେ ।
ସାପ୍ରୀତିରେଵ ବ୍ରହ୍ମ ସ୍ୟାତ୍ ଇତି ଵେଦାଂତଡିଂଡିମଃ ॥ 56

ଦେହାଦିକୋଶଗା ସତ୍ତା ୟା ସା ଵ୍ୟୋମାଦିଭୂତଗା ।
ମାନୋଽଭାଵାନ୍ନ ତଦ୍ଭେଦଃ ଇତି ଵେଦାଂତଡିଂଡିମଃ ॥ 57

ଦେହାଵିକୋଶଗା ସ୍ଫୂର୍ତିର୍ୟା ସା ଵ୍ୟୋମାଦିଭୂତଗା ।
ମାନୋଽଭାଵା ନ ତଦ୍ଭେଦ ଇତି ଵେଦାଂତଡିଂଡିମଃ ॥ 58

ଦେହାଦିକୋଶଗା ପ୍ରୀତିର୍ୟା ସା ଵ୍ୟୋମାଦିଭୂତଗା ।
ମାନାଽଭାଵା ନ୍ନ ତଦ୍ଭେଦ ଇତି ଵେଦାଂତଡିଂଡିମଃ॥ 59

ସଚ୍ଚିଦାନଂଦରୂପତ୍ଵାତ୍ ବ୍ରହ୍ମୈଵାଽତ୍ମା ନ ସଂଶୟଃ।
ପ୍ରମାଣକୋଟିସଂଘାନାତ୍ ଇତି ଵେଦାଂତଡିଂଡିମଃ॥60

ନ ଜୀଵବ୍ରହ୍ମଣୋର୍ଭେଦଃ ସତ୍ତାରୂପେଣ ଵିଦ୍ୟତେ।
ସତ୍ତାଭେଦେ ନ ମାନଂ ସ୍ୟାତ୍ ଇତି ଵେଦାଂତଡିଂଡିମଃ॥61

ନ ଜୀଵବ୍ରହ୍ମଣୋର୍ଭେଦଃ ସ୍ଫୂର୍ତିରୂପେଣ ଵିଦ୍ୟତେ ।
ସ୍ଫୂର୍ତିଭେଦେ ନ ମାନଂ ସ୍ୟାତ୍ ଇତି ଵେଦାଂତଡିଂଡିମଃ ॥62

ନ ଜୀଵବ୍ରହ୍ମଣୋର୍ଭେଦଃ ପ୍ରିୟରୂପେଣ ଵିଦ୍ୟତେ ।
ପ୍ରିୟଭେଦେ ନ ମାନଂ ସ୍ୟାତ୍ ଇତି ଵେଦାଂତଡିଂଡିମଃ ॥ 63

ନ ଜୀଵବ୍ରହ୍ମଣୋର୍ଭେଦୋ ନାନା ରୂପେଣ ଵିଦ୍ୟତେ ।
ନାମ୍ନୋ ରୂପସ୍ୟ ମିଥ୍ୟାତ୍ଵାତ୍ ଇତି ଵେଦାଂତଡିଂଡିମଃ ॥ 64

ନ ଜୀଵବ୍ରହ୍ମଣୋର୍ଭେଦଃ ପିଂଡବ୍ରହ୍ମାଂଡଭେଦତଃ ।
ଵ୍ୟଷ୍ଟେସ୍ସମଷ୍ଟେରେକତ୍ଵାତ୍ ଇତି ଵେଦାଂତଡିଂଡିମଃ ॥ 65

ବ୍ରହ୍ମ ସତ୍ୟଂ ଜଗନ୍ମିଥ୍ୟା ଜୀଵୋ ବ୍ରହ୍ମୈଵ ନା¶ଃ ।
ଜୀଵନ୍ମୁକ୍ତସ୍ତୁ ତଦ୍ଵିଦ୍ଵାନ୍ ଇତି ଵେଦାଂତଡିଂଡିମଃ ॥ 66

ନ ନାମରୂପେ ନିୟତେ ସର୍ଵତ୍ର ଵ୍ୟଭିଚାରତଃ ।
ଅନାମରୂପଂ ସର୍ଵଂ ସ୍ୟାତ୍ ଇତି ଵେଦାଂତଡିଂଡିମଃ ॥ 67

ଅନାମରୂପଂ ସକଲଂ ସନ୍ମୟଂ ଚିନ୍ମୟଂ ପରମ୍ ।
କୁତୋ ଭେଦଃ କୁତୋ ବଂଧଃ ଇତି ଵେଦାଂତଡିଂଡିମଃ ॥ 68

ନ ତତ୍ତ୍ଵାତ୍କଥ୍ୟତେ ଲୋକୋ ନାମାଦ୍ୟୈର୍ଵ୍ୟଭିଚାରତଃ।
ଵଟୁର୍ଜରଠ ଇତ୍ୟାଦ୍ୟୈ ରିତି ଵେଦାଂତଡିଂଡିମଃ ॥ 69

ନାମରୂପାତ୍ମକଂ ଵିଶ୍ଵମିଂଦ୍ରଜାଲଂ ଵିଦୁର୍ବୁଧାଃ ।
ଅନାମତ୍ଵାଦୟୁକ୍ତତ୍ଵାତ୍ ଇତି ଵେଦାଂତଡିଂଡିମଃ ॥ 70

ଅଭେଦଦର୍ଶନଂ ମୋକ୍ଷଃ ସଂସାୟେ ଭେଦଦର୍ଶନମ୍ ।
ସର୍ଵଵେଦାଂତସିଦ୍ଧାଂତଃ ଇତି ଵେଦାଂତଡିଂଡିମଃ ॥ 71

ନ ମତାଭିନିଵେଶିତ୍ଵାତ୍ ନ ଭାଷାଵେଶମାତ୍ରତଃ ।
ମୁକ୍ତି ର୍ଵିନାଽଽତ୍ମଵିଜ୍ଞାନାତ୍ ଇତି ଵେଦାଂତଡିଂଡିମଃ ॥ 72

ନ କାସ୍ୟପ୍ରତିଷିଦ୍ଧାଭିଃ କ୍ରିୟାଭି ମୋକ୍ଷଵାସନା ।
ଈଶ୍ଵରାନୁଗ୍ରହାତ୍ସା ସ୍ୟାତ୍ ଇତି ଵେଦାଂତଡିଂଡିମଃ ॥ 73

ଅଵିଜ୍ଞାତେ ଜନ୍ମ ନଷ୍ଟଂ ଵିଜ୍ଞାତେ ଜନ୍ମ ସାର୍ଥକମ୍ ।
ଜ୍ଞାତୁରାତ୍ମା ନ ଦୂରେ ସ୍ୟାତ୍ ଇତି ଵେଦାଂତଡିଂଡିମଃ ॥ 74

ଦଶମସ୍ୟ ପରିଜ୍ଞାନେନାଽଽୟାସୋଽସ୍ତି ୟଥାଃ ତଥା ।
ସ୍ଵସ୍ଥ ବ୍ରହ୍ମାତ୍ମଵିଜ୍ଞାନେ ଇତି ଵେଦାଂତଡିଂଡିମଃ ॥ 75

ଉପେକ୍ଷ୍ୟୋପାଧିକାନ୍ ଦୋଷାନ୍ ଗୃହ୍ୟଂତେ ଵିଷମା ୟଥା ।
ଉପେକ୍ଷ୍ୟ ଦୃଶ୍ୟଂ ୟ ଦ୍ବ୍ରହ୍ମ ଇତି ଵେଦାଂତଡିଂଡିମଃ ॥ 76

ସୁଖମଲ୍ପଂ ବହୁଃ କ୍ଲେଶୋଵିଷୟମାହିଣାଂ ନୃଣାମ୍ ।
ଅନଂତଂ ବ୍ରହ୍ମନିଷ୍ଠାନାଂ ଇତି ଵେଦାଂତଡିଂଡିମଃ ॥ 77

ଧନୈର୍ଵା ଧନଦୈଃ ପୁତ୍ରୈଃ ଦାରାଗାରସହୋଦରୈଃ ।
ଧୃଵଂ ପ୍ରାଣହରୈର୍ଦୁଃଖଂ ଇତି ଵେଦାଂତଡିଂଡିମଃ॥ 78

ସୁପ୍ତେ ରୁତ୍ଥାୟ ସୁପ୍ତ୍ୟଂତ୍ୟଂ ବ୍ରହ୍ମୈକଂ ପ୍ରଵିଚିଂତ୍ୟତାମ୍ ।
ନାତିଦୂରେ ନୃଣାଂ ମୃତ୍ୟୁଃ ଇତି ଵେଦାଂତଡିଂଡିମଃ ॥ 79

ପଂଚାନାମପିକୋଶାନାଂ ମାୟାଽନର୍ଥାଵ୍ୟୟୋଚିତା ।
ତତ୍ସାକ୍ଷି ବ୍ରହ୍ମ ଵିଜ୍ଞାନ ମିତି ଵେଦାଂତଡିଂଡିମଃ ॥ 80

ଦଶମତ୍ଵପରିଜ୍ଞାନେ ନନଜ୍ଞସ୍ୟ ୟଥା ସୁଖମ୍ ।
ତଥା ଜୀଵସ୍ୟ ସତ୍ପ୍ରାପ୍ତୌ ଇତି ଵେଦାଂତଡିଂଡିମଃ॥ 81

ନଵଭ୍ୟୋଽସ୍ତି ପରଂ ପ୍ରତ୍ୟକ୍ନସ ଵେଦ ପରଂ ପରମ୍ ।
ତଦ୍ଵିଜ୍ଞାନାଦ୍ଭଵେତ୍ତୁର୍ୟା ମୁକ୍ତି ର୍ଵେଦାଂତଡିଂଡିମଃ ॥ 82

ନଵାଽଽଭାସାନଵଜ୍ଞତ୍ଵାତ୍ ନଵୋପାଧୀନ୍ନଵାତ୍ମନା ।
ମିଥ୍ୟା ଜ୍ଞାତ୍ଵାଽଵଶିଷ୍ଟେ ତୁ ମୌନଂ ଵେଦାଂତଡିଂଡିମଃ॥ 83

ପରମେ ବ୍ରହ୍ମଣି ସ୍ଵସ୍ମିନ୍ ପ୍ରଵିଲାପ୍ୟାଽଖିଲଂ ଜଗତ୍ ।
ଗାୟନଦ୍ଵତମାନଂଦଂ ଆସ୍ତେ ଵେଦାଂତଡିଂଡିମଃ ॥ 84

ପ୍ରତିଲୋମାନୁଲୋମାଭ୍ୟାଂ ଵିଶ୍ଵାରୋପାପଵାଦୟୋଃ ।
ଚିଂତନେ ଶିଷ୍ୟତେ ତତ୍ଵଂ ଇତି ଵେଦାଂତଡିଂଡିମଃ ॥ 85

ନାମରୂପାଭିମାନସ୍ଥାତ୍ ସଂସାରସର୍ଵଦେହିନାମ୍ ।
ସଚ୍ଚିଦାନଂଦଦୃଷ୍ଟିସ୍ତ୍ୟାତ୍ ମୁକ୍ତିର୍ଵେଦାଂତଡିଂଡିମଃ ॥ 86

ସଚିଦାନଂଦସତ୍ୟତ୍ଵେ ମିଥ୍ୟାତ୍ଵେ ନାମରୂପୟୋଃ।
ଵିଜ୍ଞାତେ କିମିଦଂ ଜ୍ଞେୟଂ ଇତି ଵେଦାଂତଡିଂଡିମଃ ॥ 86

ସାଲଂବନଂ ନିରାଲଂବଂ ସର୍ଵାଲଂବାଵଲଂବିତମ୍ ।
ଆଲଂବେନାଽଖିଲାଲଂବ ମିତି ଵେଦାଂତଡିଂଡିମଃ॥ 88

ନ କୁର୍ୟା ନ୍ନ ଵିଜାନୀୟାତ୍ ସର୍ଵଂ ବ୍ରହ୍ମେତ୍ୟନୁସ୍ମରନ୍ ।
ୟଥା ସୁଖଂ ତଥା ତିଷ୍ଠେତ୍ ଇତି ଵେଦାଂତଡିଂଡିମଃ॥ 89

ସ୍ଵକର୍ମପାଶଵଶଗଃ ପ୍ରାଜ୍ଞୋଽନ୍ୟୋ ଵା ଜନୋ ଧ୍ରୁଵମ୍ ।
ପ୍ରାଜ୍ଞସ୍ସୁଖଂ ନୟେତ୍କାଲ ମିତି ଵେଦାଂତଡିଂଡିମଃ॥ 90

ନ ଵିଦ୍ଵାନ୍ ସଂତପେ ଚିତ୍ତଂ କରଣାକରଣେ ଧ୍ରୁଵମ୍ ।
ସର୍ଵମାତ୍ମେତି ଵିଜ୍ଞାନାତ୍ ଇତି ଵେଦାଂତଡିଂଡିମଃ. ॥ 91

ନୈଵାସ୍ସ୍ଭାସଂ ସ୍ପୃଶେତ୍କର୍ମମିଥ୍ୟୋପାଧିମପି ସ୍ଵୟମ୍ ।
କୁତୋଽଧିଷ୍ଠାନମତ୍ୟଚ୍ଛମିତି ଵେଦାଂତଡିଂଡିମଃ॥ 92

ଅହୋଽସ୍ମାକ ମଲଂ ମୋହୈରାତ୍ମା ବ୍ରହ୍ମେତି ନିର୍ଭୟମ୍ ।
ଶ୍ରୁତିଭେରୀରଵୋଽଦ୍ୟାଽପି ଶ୍ରୂୟତେ ଶ୍ରୁତିରଂଜନଃ ॥ 93

ଵେଦାଂତଭେରୀଝଵାରଃ ପ୍ରତିଵାଦିଭୟଂକରଃ ।
ଶ୍ରୂୟତାଂ ବ୍ରାହ୍ମଣୈଃ ଶ୍ରୀମଦ୍ଦକ୍ଷିଣାମୂର୍ତ୍ୟନୁଗ୍ରହାତ୍ ॥ 94

ଇତି ଶ୍ରୀମତ୍ପରମହଂସ ପରିଵ୍ରାଜକାଚାର୍ୟ ଶ୍ରୀମଚ୍ଛଂକର-
ଭଗଵତ୍ପୂଜ୍ୟପାଦକୃତିଷୁ ଵେଦାଂତଡିଂଡିମଃ॥