ଶ୍ରୀ ଆଂଜନେୟ ନଵରତ୍ନ ମାଲା ସ୍ତୋତ୍ରମ୍

ମାଣିକ୍ୟଂ –
ତତୋ ରାଵଣନୀତାୟାଃ ସୀତାୟାଃ ଶତ୍ରୁକର୍ଶନଃ ।
ଇୟେଷ ପଦମନ୍ଵେଷ୍ଟୁଂ ଚାରଣାଚରିତେ ପଥି ॥ 1 ॥

ମୁତ୍ୟଂ –
ୟସ୍ୟ ତ୍ଵେତାନି ଚତ୍ଵାରି ଵାନରେଂଦ୍ର ୟଥା ତଵ ।
ସ୍ମୃତିର୍ମତିର୍ଧୃତିର୍ଦାକ୍ଷ୍ୟଂ ସ କର୍ମସୁ ନ ସୀଦତି ॥ 2 ॥

ପ୍ରଵାଲଂ –
ଅନିର୍ଵେଦଃ ଶ୍ରିୟୋ ମୂଲଂ ଅନିର୍ଵେଦଃ ପରଂ ସୁଖମ୍ ।
ଅନିର୍ଵେଦୋ ହି ସତତଂ ସର୍ଵାର୍ଥେଷୁ ପ୍ରଵର୍ତକଃ ॥ 3 ॥

ମରକତଂ –
ନମୋଽସ୍ତୁ ରାମାୟ ସଲକ୍ଷ୍ମଣାୟ
ଦେଵ୍ୟୈ ଚ ତସ୍ୟୈ ଜନକାତ୍ମଜାୟୈ ।
ନମୋଽସ୍ତୁ ରୁଦ୍ରେଂଦ୍ରୟମାନିଲେଭ୍ୟଃ
ନମୋଽସ୍ତୁ ଚଂଦ୍ରାର୍କମରୁଦ୍ଗଣେଭ୍ୟଃ ॥ 4 ॥

ପୁଷ୍ୟରାଗଂ –
ପ୍ରିୟାନ୍ନ ସଂଭଵେଦ୍ଦୁଃଖଂ ଅପ୍ରିୟାଦଧିକଂ ଭୟମ୍ ।
ତାଭ୍ୟାଂ ହି ୟେ ଵିୟୁଜ୍ୟଂତେ ନମସ୍ତେଷାଂ ମହାତ୍ମନାମ୍ ॥ 5 ॥

ହୀରକଂ –
ରାମଃ କମଲପତ୍ରାକ୍ଷଃ ସର୍ଵସତ୍ତ୍ଵମନୋହରଃ ।
ରୂପଦାକ୍ଷିଣ୍ୟସଂପନ୍ନଃ ପ୍ରସୂତୋ ଜନକାତ୍ମଜେ ॥ 6 ॥

ଇଂଦ୍ରନୀଲଂ –
ଜୟତ୍ୟତିବଲୋ ରାମୋ ଲକ୍ଷ୍ମଣଶ୍ଚ ମହାବଲଃ ।
ରାଜା ଜୟତି ସୁଗ୍ରୀଵୋ ରାଘଵେଣାଭିପାଲିତଃ ।
ଦାସୋଽହଂ କୋସଲେଂଦ୍ରସ୍ୟ ରାମସ୍ୟାକ୍ଲିଷ୍ଟକର୍ମଣଃ ।
ହନୁମାନ୍ ଶତ୍ରୁସୈନ୍ୟାନାଂ ନିହଂତା ମାରୁତାତ୍ମଜଃ ॥ 7 ॥

ଗୋମେଧିକଂ –
ୟଦ୍ୟସ୍ତି ପତିଶୁଶ୍ରୂଷା ୟଦ୍ୟସ୍ତି ଚରିତଂ ତପଃ ।
ୟଦି ଵାସ୍ତ୍ୟେକପତ୍ନୀତ୍ଵଂ ଶୀତୋ ଭଵ ହନୂମତଃ ॥ 8 ॥

ଵୈଡୂର୍ୟଂ –
ନିଵୃତ୍ତଵନଵାସଂ ତଂ ତ୍ଵୟା ସାର୍ଧମରିଂଦମମ୍ ।
ଅଭିଷିକ୍ତମୟୋଧ୍ୟାୟାଂ କ୍ଷିପ୍ରଂ ଦ୍ରକ୍ଷ୍ୟସି ରାଘଵମ୍ ॥ 9 ॥

ଇତି ଶ୍ରୀ ଆଂଜନେୟ ନଵରତ୍ନମାଲା ସ୍ତୋତ୍ରମ୍ ।