ଶ୍ରୀ ଦୁର୍ଗା ସହସ୍ର ନାମ ସ୍ତୋତ୍ରମ୍
॥ ଅଥ ଶ୍ରୀ ଦୁର୍ଗା ସହସ୍ରନାମସ୍ତୋତ୍ରମ୍ ॥
ନାରଦ ଉଵାଚ –
କୁମାର ଗୁଣଗଂଭୀର ଦେଵସେନାପତେ ପ୍ରଭୋ ।
ସର୍ଵାଭୀଷ୍ଟପ୍ରଦଂ ପୁଂସାଂ ସର୍ଵପାପପ୍ରଣାଶନମ୍ ॥ 1॥
ଗୁହ୍ୟାଦ୍ଗୁହ୍ୟତରଂ ସ୍ତୋତ୍ରଂ ଭକ୍ତିଵର୍ଧକମଂଜସା ।
ମଂଗଲଂ ଗ୍ରହପୀଡାଦିଶାଂତିଦଂ ଵକ୍ତୁମର୍ହସି ॥ 2॥
ସ୍କଂଦ ଉଵାଚ –
ଶୃଣୁ ନାରଦ ଦେଵର୍ଷେ ଲୋକାନୁଗ୍ରହକାମ୍ୟୟା ।
ୟତ୍ପୃଚ୍ଛସି ପରଂ ପୁଣ୍ୟଂ ତତ୍ତେ ଵକ୍ଷ୍ୟାମି କୌତୁକାତ୍ ॥ 3॥
ମାତା ମେ ଲୋକଜନନୀ ହିମଵନ୍ନଗସତ୍ତମାତ୍ ।
ମେନାୟାଂ ବ୍ରହ୍ମଵାଦିନ୍ୟାଂ ପ୍ରାଦୁର୍ଭୂତା ହରପ୍ରିୟା ॥ 4॥
ମହତା ତପସାଽଽରାଧ୍ୟ ଶଂକରଂ ଲୋକଶଂକରମ୍ ।
ସ୍ଵମେଵ ଵଲ୍ଲଭଂ ଭେଜେ କଲେଵ ହି କଲାନିଧିମ୍ ॥ 5॥
ନଗାନାମଧିରାଜସ୍ତୁ ହିମଵାନ୍ ଵିରହାତୁରଃ ।
ସ୍ଵସୁତାୟାଃ ପରିକ୍ଷୀଣେ ଵସିଷ୍ଠେନ ପ୍ରବୋଧିତଃ ॥ 6॥
ତ୍ରିଲୋକଜନନୀ ସେୟଂ ପ୍ରସନ୍ନା ତ୍ଵୟି ପୁଣ୍ୟତଃ ।
ପ୍ରାଦୁର୍ଭୂତା ସୁତାତ୍ଵେନ ତଦ୍ଵିୟୋଗଂ ଶୁଭଂ ତ୍ୟଜ ॥ 7॥
ବହୁରୂପା ଚ ଦୁର୍ଗେୟଂ ବହୁନାମ୍ନୀ ସନାତନୀ ।
ସନାତନସ୍ୟ ଜାୟା ସା ପୁତ୍ରୀମୋହଂ ତ୍ୟଜାଧୁନା ॥ 8॥
ଇତି ପ୍ରବୋଧିତଃ ଶୈଲଃ ତାଂ ତୁଷ୍ଟାଵ ପରାଂ ଶିଵାମ୍ ।
ତଦା ପ୍ରସନ୍ନା ସା ଦୁର୍ଗା ପିତରଂ ପ୍ରାହ ନଂଦିନୀ ॥ 9॥
ମତ୍ପ୍ରସାଦାତ୍ପରଂ ସ୍ତୋତ୍ରଂ ହୃଦୟେ ପ୍ରତିଭାସତାମ୍ ।
ତେନ ନାମ୍ନାଂ ସହସ୍ରେଣ ପୂଜୟନ୍ କାମମାପ୍ନୁହି ॥ 10॥
ଇତ୍ୟୁକ୍ତ୍ଵାଂତର୍ହିତାୟାଂ ତୁ ହୃଦୟେ ସ୍ଫୁରିତଂ ତଦା ।
ନାମ୍ନାଂ ସହସ୍ରଂ ଦୁର୍ଗାୟାଃ ପୃଚ୍ଛତେ ମେ ୟଦୁକ୍ତଵାନ୍ ॥ 11॥
ମଂଗଲାନାଂ ମଂଗଲଂ ତଦ୍ ଦୁର୍ଗାନାମ ସହସ୍ରକମ୍ ।
ସର୍ଵାଭୀଷ୍ଟପ୍ରଦାଂ ପୁଂସାଂ ବ୍ରଵୀମ୍ୟଖିଲକାମଦମ୍ ॥ 12॥
ଦୁର୍ଗାଦେଵୀ ସମାଖ୍ୟାତା ହିମଵାନୃଷିରୁଚ୍ୟତେ ।
ଛଂଦୋନୁଷ୍ଟୁପ୍ ଜପୋ ଦେଵ୍ୟାଃ ପ୍ରୀତୟେ କ୍ରିୟତେ ସଦା ॥ 13॥
ଅସ୍ୟ ଶ୍ରୀଦୁର୍ଗାସ୍ତୋତ୍ରମହାମଂତ୍ରସ୍ୟ । ହିମଵାନ୍ ଋଷିଃ । ଅନୁଷ୍ଟୁପ୍ ଛଂଦଃ ।
ଦୁର୍ଗାଭଗଵତୀ ଦେଵତା । ଶ୍ରୀଦୁର୍ଗାପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ । ।
ଶ୍ରୀଭଗଵତ୍ୟୈ ଦୁର୍ଗାୟୈ ନମଃ ।
ଦେଵୀଧ୍ୟାନମ୍
ଓଂ ହ୍ରୀଂ କାଲାଭ୍ରାଭାଂ କଟାକ୍ଷୈରରିକୁଲଭୟଦାଂ ମୌଲିବଦ୍ଧେଂଦୁରେଖାଂ
ଶଂଖଂ ଚକ୍ରଂ କୃପାଣଂ ତ୍ରିଶିଖମପି କରୈରୁଦ୍ଵହଂତୀଂ ତ୍ରିନେତ୍ରାମ୍ ।
ସିଂହସ୍କଂଧାଧିରୂଢାଂ ତ୍ରିଭୁଵନମଖିଲଂ ତେଜସା ପୂରୟଂତୀଂ
ଧ୍ୟାୟେଦ୍ ଦୁର୍ଗାଂ ଜୟାଖ୍ୟାଂ ତ୍ରିଦଶପରିଵୃତାଂ ସେଵିତାଂ ସିଦ୍ଧିକାମୈଃ ॥
ଶ୍ରୀ ଜୟଦୁର୍ଗାୟୈ ନମଃ ।
ଓଂ ଶିଵାଥୋମା ରମା ଶକ୍ତିରନଂତା ନିଷ୍କଲାଽମଲା ।
ଶାଂତା ମାହେଶ୍ଵରୀ ନିତ୍ୟା ଶାଶ୍ଵତା ପରମା କ୍ଷମା ॥ 1॥
ଅଚିଂତ୍ୟା କେଵଲାନଂତା ଶିଵାତ୍ମା ପରମାତ୍ମିକା ।
ଅନାଦିରଵ୍ୟୟା ଶୁଦ୍ଧା ସର୍ଵଜ୍ଞା ସର୍ଵଗାଽଚଲା ॥ 2॥
ଏକାନେକଵିଭାଗସ୍ଥା ମାୟାତୀତା ସୁନିର୍ମଲା ।
ମହାମାହେଶ୍ଵରୀ ସତ୍ୟା ମହାଦେଵୀ ନିରଂଜନା ॥ 3॥
କାଷ୍ଠା ସର୍ଵାଂତରସ୍ଥାଽପି ଚିଚ୍ଛକ୍ତିଶ୍ଚାତ୍ରିଲାଲିତା ।
ସର୍ଵା ସର୍ଵାତ୍ମିକା ଵିଶ୍ଵା ଜ୍ୟୋତୀରୂପାକ୍ଷରାମୃତା ॥ 4॥
ଶାଂତା ପ୍ରତିଷ୍ଠା ସର୍ଵେଶା ନିଵୃତ୍ତିରମୃତପ୍ରଦା ।
ଵ୍ୟୋମମୂର୍ତିର୍ଵ୍ୟୋମସଂସ୍ଥା ଵ୍ୟୋମଧାରାଽଚ୍ୟୁତାଽତୁଲା ॥ 5॥
ଅନାଦିନିଧନାଽମୋଘା କାରଣାତ୍ମକଲାକୁଲା ।
ଋତୁପ୍ରଥମଜାଽନାଭିରମୃତାତ୍ମସମାଶ୍ରୟା ॥ 6॥
ପ୍ରାଣେଶ୍ଵରପ୍ରିୟା ନମ୍ୟା ମହାମହିଷଘାତିନୀ ।
ପ୍ରାଣେଶ୍ଵରୀ ପ୍ରାଣରୂପା ପ୍ରଧାନପୁରୁଷେଶ୍ଵରୀ ॥ 7॥
ସର୍ଵଶକ୍ତିକଲାଽକାମା ମହିଷେଷ୍ଟଵିନାଶିନୀ ।
ସର୍ଵକାର୍ୟନିୟଂତ୍ରୀ ଚ ସର୍ଵଭୂତେଶ୍ଵରେଶ୍ଵରୀ ॥ 8॥
ଅଂଗଦାଦିଧରା ଚୈଵ ତଥା ମୁକୁଟଧାରିଣୀ ।
ସନାତନୀ ମହାନଂଦାଽଽକାଶୟୋନିସ୍ତଥେଚ୍ୟତେ ॥ 9॥
ଚିତ୍ପ୍ରକାଶସ୍ଵରୂପା ଚ ମହାୟୋଗେଶ୍ଵରେଶ୍ଵରୀ ।
ମହାମାୟା ସଦୁଷ୍ପାରା ମୂଲପ୍ରକୃତିରୀଶିକା ॥ 10॥
ସଂସାରୟୋନିଃ ସକଲା ସର୍ଵଶକ୍ତିସମୁଦ୍ଭଵା ।
ସଂସାରପାରା ଦୁର୍ଵାରା ଦୁର୍ନିରୀକ୍ଷା ଦୁରାସଦା ॥ 11॥
ପ୍ରାଣଶକ୍ତିଶ୍ଚ ସେଵ୍ୟା ଚ ୟୋଗିନୀ ପରମାକଲା ।
ମହାଵିଭୂତିର୍ଦୁର୍ଦର୍ଶା ମୂଲପ୍ରକୃତିସଂଭଵା ॥ 12॥
ଅନାଦ୍ୟନଂତଵିଭଵା ପରାର୍ଥା ପୁରୁଷାରଣିଃ ।
ସର୍ଗସ୍ଥିତ୍ୟଂତକୃଚ୍ଚୈଵ ସୁଦୁର୍ଵାଚ୍ୟା ଦୁରତ୍ୟୟା ॥ 13॥
ଶବ୍ଦଗମ୍ୟା ଶବ୍ଦମାୟା ଶବ୍ଦାଖ୍ୟାନଂଦଵିଗ୍ରହା ।
ପ୍ରଧାନପୁରୁଷାତୀତା ପ୍ରଧାନପୁରୁଷାତ୍ମିକା ॥ 14॥
ପୁରାଣୀ ଚିନ୍ମୟା ପୁଂସାମିଷ୍ଟଦା ପୁଷ୍ଟିରୂପିଣୀ ।
ପୂତାଂତରସ୍ଥା କୂଟସ୍ଥା ମହାପୁରୁଷସଂଜ୍ଞିତା ॥ 15॥
ଜନ୍ମମୃତ୍ୟୁଜରାତୀତା ସର୍ଵଶକ୍ତିସ୍ଵରୂପିଣୀ ।
ଵାଂଛାପ୍ରଦାଽନଵଚ୍ଛିନ୍ନପ୍ରଧାନାନୁପ୍ରଵେଶିନୀ ॥ 16॥
କ୍ଷେତ୍ରଜ୍ଞାଽଚିଂତ୍ୟଶକ୍ତିସ୍ତୁ ପ୍ରୋଚ୍ୟତେଽଵ୍ୟକ୍ତଲକ୍ଷଣା ।
ମଲାପଵର୍ଜିତାଽଽନାଦିମାୟା ତ୍ରିତୟତତ୍ତ୍ଵିକା ॥ 17॥
ପ୍ରୀତିଶ୍ଚ ପ୍ରକୃତିଶ୍ଚୈଵ ଗୁହାଵାସା ତଥୋଚ୍ୟତେ ।
ମହାମାୟା ନଗୋତ୍ପନ୍ନା ତାମସୀ ଚ ଧ୍ରୁଵା ତଥା ॥ 18॥
ଵ୍ୟକ୍ତାଽଵ୍ୟକ୍ତାତ୍ମିକା କୃଷ୍ଣା ରକ୍ତା ଶୁକ୍ଲା ହ୍ୟକାରଣା ।
ପ୍ରୋଚ୍ୟତେ କାର୍ୟଜନନୀ ନିତ୍ୟପ୍ରସଵଧର୍ମିଣୀ ॥ 19॥
ସର୍ଗପ୍ରଲୟମୁକ୍ତା ଚ ସୃଷ୍ଟିସ୍ଥିତ୍ୟଂତଧର୍ମିଣୀ ।
ବ୍ରହ୍ମଗର୍ଭା ଚତୁର୍ଵିଂଶସ୍ଵରୂପା ପଦ୍ମଵାସିନୀ ॥ 20॥
ଅଚ୍ୟୁତାହ୍ଲାଦିକା ଵିଦ୍ୟୁଦ୍ବ୍ରହ୍ମୟୋନିର୍ମହାଲୟା ।
ମହାଲକ୍ଷ୍ମୀ ସମୁଦ୍ଭାଵଭାଵିତାତ୍ମାମହେଶ୍ଵରୀ ॥ 21॥
ମହାଵିମାନମଧ୍ୟସ୍ଥା ମହାନିଦ୍ରା ସକୌତୁକା ।
ସର୍ଵାର୍ଥଧାରିଣୀ ସୂକ୍ଷ୍ମା ହ୍ୟଵିଦ୍ଧା ପରମାର୍ଥଦା ॥ 22॥
ଅନଂତରୂପାଽନଂତାର୍ଥା ତଥା ପୁରୁଷମୋହିନୀ ।
ଅନେକାନେକହସ୍ତା ଚ କାଲତ୍ରୟଵିଵର୍ଜିତା ॥ 23॥
ବ୍ରହ୍ମଜନ୍ମା ହରପ୍ରୀତା ମତିର୍ବ୍ରହ୍ମଶିଵାତ୍ମିକା ।
ବ୍ରହ୍ମେଶଵିଷ୍ଣୁସଂପୂଜ୍ୟା ବ୍ରହ୍ମାଖ୍ୟା ବ୍ରହ୍ମସଂଜ୍ଞିତା ॥ 24॥
ଵ୍ୟକ୍ତା ପ୍ରଥମଜା ବ୍ରାହ୍ମୀ ମହାରାତ୍ରୀଃ ପ୍ରକୀର୍ତିତା ।
ଜ୍ଞାନସ୍ଵରୂପା ଵୈରାଗ୍ୟରୂପା ହ୍ୟୈଶ୍ଵର୍ୟରୂପିଣୀ ॥ 25॥
ଧର୍ମାତ୍ମିକା ବ୍ରହ୍ମମୂର୍ତିଃ ପ୍ରତିଶ୍ରୁତପୁମର୍ଥିକା ।
ଅପାଂୟୋନିଃ ସ୍ଵୟଂଭୂତା ମାନସୀ ତତ୍ତ୍ଵସଂଭଵା ॥ 26॥
ଈଶ୍ଵରସ୍ୟ ପ୍ରିୟା ପ୍ରୋକ୍ତା ଶଂକରାର୍ଧଶରୀରିଣୀ ।
ଭଵାନୀ ଚୈଵ ରୁଦ୍ରାଣୀ ମହାଲକ୍ଷ୍ମୀସ୍ତଥାଽଂବିକା ॥ 27॥
ମହେଶ୍ଵରସମୁତ୍ପନ୍ନା ଭୁକ୍ତିମୁକ୍ତି ପ୍ରଦାୟିନୀ ।
ସର୍ଵେଶ୍ଵରୀ ସର୍ଵଵଂଦ୍ୟା ନିତ୍ୟମୁକ୍ତା ସୁମାନସା ॥ 28॥
ମହେଂଦ୍ରୋପେଂଦ୍ରନମିତା ଶାଂକରୀଶାନୁଵର୍ତିନୀ ।
ଈଶ୍ଵରାର୍ଧାସନଗତା ମାହେଶ୍ଵରପତିଵ୍ରତା ॥ 29॥
ସଂସାରଶୋଷିଣୀ ଚୈଵ ପାର୍ଵତୀ ହିମଵତ୍ସୁତା ।
ପରମାନଂଦଦାତ୍ରୀ ଚ ଗୁଣାଗ୍ର୍ୟା ୟୋଗଦା ତଥା ॥ 30॥
ଜ୍ଞାନମୂର୍ତିଶ୍ଚ ସାଵିତ୍ରୀ ଲକ୍ଷ୍ମୀଃ ଶ୍ରୀଃ କମଲା ତଥା ।
ଅନଂତଗୁଣଗଂଭୀରା ହ୍ୟୁରୋନୀଲମଣିପ୍ରଭା ॥ 31॥
ସରୋଜନିଲୟା ଗଂଗା ୟୋଗିଧ୍ୟେୟାଽସୁରାର୍ଦିନୀ ।
ସରସ୍ଵତୀ ସର୍ଵଵିଦ୍ୟା ଜଗଜ୍ଜ୍ୟେଷ୍ଠା ସୁମଂଗଲା ॥ 32॥
ଵାଗ୍ଦେଵୀ ଵରଦା ଵର୍ୟା କୀର୍ତିଃ ସର୍ଵାର୍ଥସାଧିକା ।
ଵାଗୀଶ୍ଵରୀ ବ୍ରହ୍ମଵିଦ୍ୟା ମହାଵିଦ୍ୟା ସୁଶୋଭନା ॥ 33॥
ଗ୍ରାହ୍ୟଵିଦ୍ୟା ଵେଦଵିଦ୍ୟା ଧର୍ମଵିଦ୍ୟାଽଽତ୍ମଭାଵିତା ।
ସ୍ଵାହା ଵିଶ୍ଵଂଭରା ସିଦ୍ଧିଃ ସାଧ୍ୟା ମେଧା ଧୃତିଃ କୃତିଃ ॥ 34॥
ସୁନୀତିଃ ସଂକୃତିଶ୍ଚୈଵ କୀର୍ତିତା ନରଵାହିନୀ ।
ପୂଜାଵିଭାଵିନୀ ସୌମ୍ୟା ଭୋଗ୍ୟଭାଗ୍ ଭୋଗଦାୟିନୀ ॥ 35॥
ଶୋଭାଵତୀ ଶାଂକରୀ ଚ ଲୋଲା ମାଲାଵିଭୂଷିତା ।
ପରମେଷ୍ଠିପ୍ରିୟା ଚୈଵ ତ୍ରିଲୋକୀସୁଂଦରୀ ମାତା ॥ 36॥
ନଂଦା ସଂଧ୍ୟା କାମଧାତ୍ରୀ ମହାଦେଵୀ ସୁସାତ୍ତ୍ଵିକା ।
ମହାମହିଷଦର୍ପଘ୍ନୀ ପଦ୍ମମାଲାଽଘହାରିଣୀ ॥ 37॥
ଵିଚିତ୍ରମୁକୁଟା ରାମା କାମଦାତା ପ୍ରକୀର୍ତିତା ।
ପିତାଂବରଧରା ଦିଵ୍ୟଵିଭୂଷଣ ଵିଭୂଷିତା ॥ 38॥
ଦିଵ୍ୟାଖ୍ୟା ସୋମଵଦନା ଜଗତ୍ସଂସୃଷ୍ଟିଵର୍ଜିତା ।
ନିର୍ୟଂତ୍ରା ୟଂତ୍ରଵାହସ୍ଥା ନଂଦିନୀ ରୁଦ୍ରକାଲିକା ॥ 39॥
ଆଦିତ୍ୟଵର୍ଣା କୌମାରୀ ମୟୂରଵରଵାହିନୀ ।
ପଦ୍ମାସନଗତା ଗୌରୀ ମହାକାଲୀ ସୁରାର୍ଚିତା ॥ 40॥
ଅଦିତିର୍ନିୟତା ରୌଦ୍ରୀ ପଦ୍ମଗର୍ଭା ଵିଵାହନା ।
ଵିରୂପାକ୍ଷା କେଶିଵାହା ଗୁହାପୁରନିଵାସିନୀ ॥ 41॥
ମହାଫଲାଽନଵଦ୍ୟାଂଗୀ କାମରୂପା ସରିଦ୍ଵରା ।
ଭାସ୍ଵଦ୍ରୂପା ମୁକ୍ତିଦାତ୍ରୀ ପ୍ରଣତକ୍ଲେଶଭଂଜନା ॥ 42॥
କୌଶିକୀ ଗୋମିନୀ ରାତ୍ରିସ୍ତ୍ରିଦଶାରିଵିନାଶିନୀ ।
ବହୁରୂପା ସୁରୂପା ଚ ଵିରୂପା ରୂପଵର୍ଜିତା ॥ 43॥
ଭକ୍ତାର୍ତିଶମନା ଭଵ୍ୟା ଭଵଭାଵଵିନାଶିନୀ ।
ସର୍ଵଜ୍ଞାନପରୀତାଂଗୀ ସର୍ଵାସୁରଵିମର୍ଦିକା ॥ 44॥
ପିକସ୍ଵନୀ ସାମଗୀତା ଭଵାଂକନିଲୟା ପ୍ରିୟା ।
ଦୀକ୍ଷା ଵିଦ୍ୟାଧରୀ ଦୀପ୍ତା ମହେଂଦ୍ରାହିତପାତିନୀ ॥ 45॥
ସର୍ଵଦେଵମୟା ଦକ୍ଷା ସମୁଦ୍ରାଂତରଵାସିନୀ ।
ଅକଲଂକା ନିରାଧାରା ନିତ୍ୟସିଦ୍ଧା ନିରାମୟା ॥ 46॥
କାମଧେନୁବୃହଦ୍ଗର୍ଭା ଧୀମତୀ ମୌନନାଶିନୀ ।
ନିଃସଂକଲ୍ପା ନିରାତଂକା ଵିନୟା ଵିନୟପ୍ରଦା ॥ 47॥
ଜ୍ଵାଲାମାଲା ସହସ୍ରାଢ୍ୟା ଦେଵଦେଵୀ ମନୋମୟା ।
ସୁଭଗା ସୁଵିଶୁଦ୍ଧା ଚ ଵସୁଦେଵସମୁଦ୍ଭଵା ॥ 48॥
ମହେଂଦ୍ରୋପେଂଦ୍ରଭଗିନୀ ଭକ୍ତିଗମ୍ୟା ପରାଵରା ।
ଜ୍ଞାନଜ୍ଞେୟା ପରାତୀତା ଵେଦାଂତଵିଷୟା ମତିଃ ॥ 49॥
ଦକ୍ଷିଣା ଦାହିକା ଦହ୍ୟା ସର୍ଵଭୂତହୃଦିସ୍ଥିତା ।
ୟୋଗମାୟା ଵିଭାଗଜ୍ଞା ମହାମୋହା ଗରୀୟସୀ ॥ 50॥
ସଂଧ୍ୟା ସର୍ଵସମୁଦ୍ଭୂତା ବ୍ରହ୍ମଵୃକ୍ଷାଶ୍ରିୟାଦିତିଃ ।
ବୀଜାଂକୁରସମୁଦ୍ଭୂତା ମହାଶକ୍ତିର୍ମହାମତିଃ ॥ 51॥
ଖ୍ୟାତିଃ ପ୍ରଜ୍ଞାଵତୀ ସଂଜ୍ଞା ମହାଭୋଗୀଂଦ୍ରଶାୟିନୀ ।
ହୀଂକୃତିଃ ଶଂକରୀ ଶାଂତିର୍ଗଂଧର୍ଵଗଣସେଵିତା ॥ 52॥
ଵୈଶ୍ଵାନରୀ ମହାଶୂଲା ଦେଵସେନା ଭଵପ୍ରିୟା ।
ମହାରାତ୍ରୀ ପରାନଂଦା ଶଚୀ ଦୁଃସ୍ଵପ୍ନନାଶିନୀ ॥ 53॥
ଈଡ୍ୟା ଜୟା ଜଗଦ୍ଧାତ୍ରୀ ଦୁର୍ଵିଜ୍ଞେୟା ସୁରୂପିଣୀ ।
ଗୁହାଂବିକା ଗଣୋତ୍ପନ୍ନା ମହାପୀଠା ମରୁତ୍ସୁତା ॥ 54॥
ହଵ୍ୟଵାହା ଭଵାନଂଦା ଜଗଦ୍ୟୋନିଃ ପ୍ରକୀର୍ତିତା ।
ଜଗନ୍ମାତା ଜଗନ୍ମୃତ୍ୟୁର୍ଜରାତୀତା ଚ ବୁଦ୍ଧିଦା ॥ 55॥
ସିଦ୍ଧିଦାତ୍ରୀ ରତ୍ନଗର୍ଭା ରତ୍ନଗର୍ଭାଶ୍ରୟା ପରା ।
ଦୈତ୍ୟହଂତ୍ରୀ ସ୍ଵେଷ୍ଟଦାତ୍ରୀ ମଂଗଲୈକସୁଵିଗ୍ରହା ॥ 56॥
ପୁରୁଷାଂତର୍ଗତା ଚୈଵ ସମାଧିସ୍ଥା ତପସ୍ଵିନୀ ।
ଦିଵିସ୍ଥିତା ତ୍ରିଣେତ୍ରା ଚ ସର୍ଵେଂଦ୍ରିୟମନାଧୃତିଃ ॥ 57॥
ସର୍ଵଭୂତହୃଦିସ୍ଥା ଚ ତଥା ସଂସାରତାରିଣୀ ।
ଵେଦ୍ୟା ବ୍ରହ୍ମଵିଵେଦ୍ୟା ଚ ମହାଲୀଲା ପ୍ରକୀର୍ତିତା ॥ 58॥
ବ୍ରାହ୍ମଣିବୃହତୀ ବ୍ରାହ୍ମୀ ବ୍ରହ୍ମଭୂତାଽଘହାରିଣୀ ।
ହିରଣ୍ମୟୀ ମହାଦାତ୍ରୀ ସଂସାରପରିଵର୍ତିକା ॥ 59॥
ସୁମାଲିନୀ ସୁରୂପା ଚ ଭାସ୍ଵିନୀ ଧାରିଣୀ ତଥା ।
ଉନ୍ମୂଲିନୀ ସର୍ଵସଭା ସର୍ଵପ୍ରତ୍ୟୟସାକ୍ଷିଣୀ ॥ 60॥
ସୁସୌମ୍ୟା ଚଂଦ୍ରଵଦନା ତାଂଡଵାସକ୍ତମାନସା ।
ସତ୍ତ୍ଵଶୁଦ୍ଧିକରୀ ଶୁଦ୍ଧା ମଲତ୍ରୟଵିନାଶିନୀ ॥ 61॥
ଜଗତ୍ତ୍ତ୍ରୟୀ ଜଗନ୍ମୂର୍ତିସ୍ତ୍ରିମୂର୍ତିରମୃତାଶ୍ରୟା ।
ଵିମାନସ୍ଥା ଵିଶୋକା ଚ ଶୋକନାଶିନ୍ୟନାହତା ॥ 62॥
ହେମକୁଂଡଲିନୀ କାଲୀ ପଦ୍ମଵାସା ସନାତନୀ ।
ସଦାକୀର୍ତିଃ ସର୍ଵଭୂତଶୟା ଦେଵୀ ସତାଂପ୍ରିୟା ॥ 63॥
ବ୍ରହ୍ମମୂର୍ତିକଲା ଚୈଵ କୃତ୍ତିକା କଂଜମାଲିନୀ ।
ଵ୍ୟୋମକେଶା କ୍ରିୟାଶକ୍ତିରିଚ୍ଛାଶକ୍ତିଃ ପରାଗତିଃ ॥ 64॥
କ୍ଷୋଭିକା ଖଂଡିକାଭେଦ୍ୟା ଭେଦାଭେଦଵିଵର୍ଜିତା ।
ଅଭିନ୍ନା ଭିନ୍ନସଂସ୍ଥାନା ଵଶିନୀ ଵଂଶଧାରିଣୀ ॥ 65॥
ଗୁହ୍ୟଶକ୍ତିର୍ଗୁହ୍ୟତତ୍ତ୍ଵା ସର୍ଵଦା ସର୍ଵତୋମୁଖୀ ।
ଭଗିନୀ ଚ ନିରାଧାରା ନିରାହାରା ପ୍ରକୀର୍ତିତା ॥ 66॥
ନିରଂକୁଶପଦୋଦ୍ଭୂତା ଚକ୍ରହସ୍ତା ଵିଶୋଧିକା ।
ସ୍ରଗ୍ଵିଣୀ ପଦ୍ମସଂଭେଦକାରିଣୀ ପରିକୀର୍ତିତା ॥ 67॥
ପରାଵରଵିଧାନଜ୍ଞା ମହାପୁରୁଷପୂର୍ଵଜା ।
ପରାଵରଜ୍ଞା ଵିଦ୍ୟା ଚ ଵିଦ୍ୟୁଜ୍ଜିହ୍ଵା ଜିତାଶ୍ରୟା ॥ 68॥
ଵିଦ୍ୟାମୟୀ ସହସ୍ରାକ୍ଷୀ ସହସ୍ରଵଦନାତ୍ମଜା ।
ସହସ୍ରରଶ୍ମିଃସତ୍ଵସ୍ଥା ମହେଶ୍ଵରପଦାଶ୍ରୟା ॥ 69॥
ଜ୍ଵାଲିନୀ ସନ୍ମୟା ଵ୍ୟାପ୍ତା ଚିନ୍ମୟା ପଦ୍ମଭେଦିକା ।
ମହାଶ୍ରୟା ମହାମଂତ୍ରା ମହାଦେଵମନୋରମା ॥ 70॥
ଵ୍ୟୋମଲକ୍ଷ୍ମୀଃ ସିଂହରଥା ଚେକିତାନାଽମିତପ୍ରଭା ।
ଵିଶ୍ଵେଶ୍ଵରୀ ଭଗଵତୀ ସକଲା କାଲହାରିଣୀ ॥ 71॥
ସର୍ଵଵେଦ୍ୟା ସର୍ଵଭଦ୍ରା ଗୁହ୍ୟା ଦୂଢା ଗୁହାରଣୀ ।
ପ୍ରଲୟା ୟୋଗଧାତ୍ରୀ ଚ ଗଂଗା ଵିଶ୍ଵେଶ୍ଵରୀ ତଥା ॥ 72॥
କାମଦା କନକା କାଂତା କଂଜଗର୍ଭପ୍ରଭା ତଥା ।
ପୁଣ୍ୟଦା କାଲକେଶା ଚ ଭୋକ୍ତ୍ତ୍ରୀ ପୁଷ୍କରିଣୀ ତଥା ॥ 73॥
ସୁରେଶ୍ଵରୀ ଭୂତିଦାତ୍ରୀ ଭୂତିଭୂଷା ପ୍ରକୀର୍ତିତା ।
ପଂଚବ୍ରହ୍ମସମୁତ୍ପନ୍ନା ପରମାର୍ଥାଽର୍ଥଵିଗ୍ରହା ॥ 74॥
ଵର୍ଣୋଦୟା ଭାନୁମୂର୍ତିର୍ଵାଗ୍ଵିଜ୍ଞେୟା ମନୋଜଵା ।
ମନୋହରା ମହୋରସ୍କା ତାମସୀ ଵେଦରୂପିଣୀ ॥ 75॥
ଵେଦଶକ୍ତିର୍ଵେଦମାତା ଵେଦଵିଦ୍ୟାପ୍ରକାଶିନୀ ।
ୟୋଗେଶ୍ଵରେଶ୍ଵରୀ ମାୟା ମହାଶକ୍ତିର୍ମହାମୟୀ ॥ 76॥
ଵିଶ୍ଵାଂତଃସ୍ଥା ଵିୟନ୍ମୂର୍ତିର୍ଭାର୍ଗଵୀ ସୁରସୁଂଦରୀ ।
ସୁରଭିର୍ନଂଦିନୀ ଵିଦ୍ୟା ନଂଦଗୋପତନୂଦ୍ଭଵା ॥ 77॥
ଭାରତୀ ପରମାନଂଦା ପରାଵରଵିଭେଦିକା ।
ସର୍ଵପ୍ରହରଣୋପେତା କାମ୍ୟା କାମେଶ୍ଵରେଶ୍ଵରୀ ॥ 78॥
ଅନଂତାନଂଦଵିଭଵା ହୃଲ୍ଲେଖା କନକପ୍ରଭା ।
କୂଷ୍ମାଂଡା ଧନରତ୍ନାଢ୍ୟା ସୁଗଂଧା ଗଂଧଦାୟିନୀ ॥ 79॥
ତ୍ରିଵିକ୍ରମପଦୋଦ୍ଭୂତା ଚତୁରାସ୍ୟା ଶିଵୋଦୟା ।
ସୁଦୁର୍ଲଭା ଧନାଧ୍ୟକ୍ଷା ଧନ୍ୟା ପିଂଗଲଲୋଚନା ॥ 80॥
ଶାଂତା ପ୍ରଭାସ୍ଵରୂପା ଚ ପଂକଜାୟତଲୋଚନା ।
ଇଂଦ୍ରାକ୍ଷୀ ହୃଦୟାଂତଃସ୍ଥା ଶିଵା ମାତା ଚ ସତ୍କ୍ରିୟା ॥ 81॥
ଗିରିଜା ଚ ସୁଗୂଢା ଚ ନିତ୍ୟପୁଷ୍ଟା ନିରଂତରା ।
ଦୁର୍ଗା କାତ୍ୟାୟନୀ ଚଂଡୀ ଚଂଦ୍ରିକା କାଂତଵିଗ୍ରହା ॥ 82॥
ହିରଣ୍ୟଵର୍ଣା ଜଗତୀ ଜଗଦ୍ୟଂତ୍ରପ୍ରଵର୍ତିକା ।
ମଂଦରାଦ୍ରିନିଵାସା ଚ ଶାରଦା ସ୍ଵର୍ଣମାଲିନୀ ॥ 83॥
ରତ୍ନମାଲା ରତ୍ନଗର୍ଭା ଵ୍ୟୁଷ୍ଟିର୍ଵିଶ୍ଵପ୍ରମାଥିନୀ ।
ପଦ୍ମାନଂଦା ପଦ୍ମନିଭା ନିତ୍ୟପୁଷ୍ଟା କୃତୋଦ୍ଭଵା ॥ 84॥
ନାରାୟଣୀ ଦୁଷ୍ଟଶିକ୍ଷା ସୂର୍ୟମାତା ଵୃଷପ୍ରିୟା ।
ମହେଂଦ୍ରଭଗିନୀ ସତ୍ୟା ସତ୍ୟଭାଷା ସୁକୋମଲା ॥ 85॥
ଵାମା ଚ ପଂଚତପସାଂ ଵରଦାତ୍ରୀ ପ୍ରକୀର୍ତିତା ।
ଵାଚ୍ୟଵର୍ଣେଶ୍ଵରୀ ଵିଦ୍ୟା ଦୁର୍ଜୟା ଦୁରତିକ୍ରମା ॥ 86॥
କାଲରାତ୍ରିର୍ମହାଵେଗା ଵୀରଭଦ୍ରପ୍ରିୟା ହିତା ।
ଭଦ୍ରକାଲୀ ଜଗନ୍ମାତା ଭକ୍ତାନାଂ ଭଦ୍ରଦାୟିନୀ ॥ 87॥
କରାଲା ପିଂଗଲାକାରା କାମଭେତ୍ତ୍ରୀ ମହାମନାଃ ।
ୟଶସ୍ଵିନୀ ୟଶୋଦା ଚ ଷଡଧ୍ଵପରିଵର୍ତିକା ॥ 88॥
ଶଂଖିନୀ ପଦ୍ମିନୀ ସଂଖ୍ୟା ସାଂଖ୍ୟୟୋଗପ୍ରଵର୍ତିକା ।
ଚୈତ୍ରାଦିର୍ଵତ୍ସରାରୂଢା ଜଗତ୍ସଂପୂରଣୀଂଦ୍ରଜା ॥ 89॥
ଶୁଂଭଘ୍ନୀ ଖେଚରାରାଧ୍ୟା କଂବୁଗ୍ରୀଵା ବଲୀଡିତା ।
ଖଗାରୂଢା ମହୈଶ୍ଵର୍ୟା ସୁପଦ୍ମନିଲୟା ତଥା ॥ 90॥
ଵିରକ୍ତା ଗରୁଡସ୍ଥା ଚ ଜଗତୀହୃଦ୍ଗୁହାଶ୍ରୟା ।
ଶୁଂଭାଦିମଥନା ଭକ୍ତହୃଦ୍ଗହ୍ଵରନିଵାସିନୀ ॥ 91॥
ଜଗତ୍ତ୍ତ୍ରୟାରଣୀ ସିଦ୍ଧସଂକଲ୍ପା କାମଦା ତଥା ।
ସର୍ଵଵିଜ୍ଞାନଦାତ୍ରୀ ଚାନଲ୍ପକଲ୍ମଷହାରିଣୀ ॥ 92॥
ସକଲୋପନିଷଦ୍ଗମ୍ୟା ଦୁଷ୍ଟଦୁଷ୍ପ୍ରେକ୍ଷ୍ୟସତ୍ତମା ।
ସଦ୍ଵୃତା ଲୋକସଂଵ୍ୟାପ୍ତା ତୁଷ୍ଟିଃ ପୁଷ୍ଟିଃ କ୍ରିୟାଵତୀ ॥ 93॥
ଵିଶ୍ଵାମରେଶ୍ଵରୀ ଚୈଵ ଭୁକ୍ତିମୁକ୍ତିପ୍ରଦାୟିନୀ ।
ଶିଵାଧୃତା ଲୋହିତାକ୍ଷୀ ସର୍ପମାଲାଵିଭୂଷଣା ॥ 94॥
ନିରାନଂଦା ତ୍ରିଶୂଲାସିଧନୁର୍ବାଣାଦିଧାରିଣୀ ।
ଅଶେଷଧ୍ୟେୟମୂର୍ତିଶ୍ଚ ଦେଵତାନାଂ ଚ ଦେଵତା ॥ 95॥
ଵରାଂବିକା ଗିରେଃ ପୁତ୍ରୀ ନିଶୁଂଭଵିନିପାତିନୀ ।
ସୁଵର୍ଣା ସ୍ଵର୍ଣଲସିତାଽନଂତଵର୍ଣା ସଦାଧୃତା ॥ 96॥
ଶାଂକରୀ ଶାଂତହୃଦୟା ଅହୋରାତ୍ରଵିଧାୟିକା ।
ଵିଶ୍ଵଗୋପ୍ତ୍ରୀ ଗୂଢରୂପା ଗୁଣପୂର୍ଣା ଚ ଗାର୍ଗ୍ୟଜା ॥ 97॥
ଗୌରୀ ଶାକଂଭରୀ ସତ୍ୟସଂଧା ସଂଧ୍ୟାତ୍ରୟୀଧୃତା ।
ସର୍ଵପାପଵିନିର୍ମୁକ୍ତା ସର୍ଵବଂଧଵିଵର୍ଜିତା ॥ 98॥
ସାଂଖ୍ୟୟୋଗସମାଖ୍ୟାତା ଅପ୍ରମେୟା ମୁନୀଡିତା ।
ଵିଶୁଦ୍ଧସୁକୁଲୋଦ୍ଭୂତା ବିଂଦୁନାଦସମାଦୃତା ॥ 99॥
ଶଂଭୁଵାମାଂକଗା ଚୈଵ ଶଶିତୁଲ୍ୟନିଭାନନା ।
ଵନମାଲାଵିରାଜଂତୀ ଅନଂତଶୟନାଦୃତା ॥ 100॥
ନରନାରାୟଣୋଦ୍ଭୂତା ନାରସିଂହୀ ପ୍ରକୀର୍ତିତା ।
ଦୈତ୍ୟପ୍ରମାଥିନୀ ଶଂଖଚକ୍ରପଦ୍ମଗଦାଧରା ॥ 101॥
ସଂକର୍ଷଣସମୁତ୍ପନ୍ନା ଅଂବିକା ସଜ୍ଜନାଶ୍ରୟା ।
ସୁଵୃତା ସୁଂଦରୀ ଚୈଵ ଧର୍ମକାମାର୍ଥଦାୟିନୀ ॥ 102॥
ମୋକ୍ଷଦା ଭକ୍ତିନିଲୟା ପୁରାଣପୁରୁଷାଦୃତା ।
ମହାଵିଭୂତିଦାଽଽରାଧ୍ୟା ସରୋଜନିଲୟାଽସମା ॥ 103॥
ଅଷ୍ଟାଦଶଭୁଜାଽନାଦିର୍ନୀଲୋତ୍ପଲଦଲାକ୍ଷିଣୀ ।
ସର୍ଵଶକ୍ତିସମାରୂଢା ଧର୍ମାଧର୍ମଵିଵର୍ଜିତା ॥ 104॥
ଵୈରାଗ୍ୟଜ୍ଞାନନିରତା ନିରାଲୋକା ନିରିଂଦ୍ରିୟା ।
ଵିଚିତ୍ରଗହନାଧାରା ଶାଶ୍ଵତସ୍ଥାନଵାସିନୀ ॥ 105॥
ଜ୍ଞାନେଶ୍ଵରୀ ପୀତଚେଲା ଵେଦଵେଦାଂଗପାରଗା ।
ମନସ୍ଵିନୀ ମନ୍ୟୁମାତା ମହାମନ୍ୟୁସମୁଦ୍ଭଵା ॥ 106॥
ଅମନ୍ୟୁରମୃତାସ୍ଵାଦା ପୁରଂଦରପରିଷ୍ଟୁତା ।
ଅଶୋଚ୍ୟା ଭିନ୍ନଵିଷୟା ହିରଣ୍ୟରଜତପ୍ରିୟା ॥ 107॥
ହିରଣ୍ୟଜନନୀ ଭୀମା ହେମାଭରଣଭୂଷିତା ।
ଵିଭ୍ରାଜମାନା ଦୁର୍ଜ୍ଞେୟା ଜ୍ୟୋତିଷ୍ଟୋମଫଲପ୍ରଦା ॥ 108॥
ମହାନିଦ୍ରାସମୁତ୍ପତ୍ତିରନିଦ୍ରା ସତ୍ୟଦେଵତା ।
ଦୀର୍ଘା କକୁଦ୍ମିନୀ ପିଂଗଜଟାଧାରା ମନୋଜ୍ଞଧୀଃ ॥ 109॥
ମହାଶ୍ରୟା ରମୋତ୍ପନ୍ନା ତମଃପାରେ ପ୍ରତିଷ୍ଠିତା ।
ତ୍ରିତତ୍ତ୍ଵମାତା ତ୍ରିଵିଧା ସୁସୂକ୍ଷ୍ମା ପଦ୍ମସଂଶ୍ରୟା ॥ 110॥
ଶାଂତ୍ୟତୀତକଲାଽତୀତଵିକାରା ଶ୍ଵେତଚେଲିକା ।
ଚିତ୍ରମାୟା ଶିଵଜ୍ଞାନସ୍ଵରୂପା ଦୈତ୍ୟମାଥିନୀ ॥ 111॥
କାଶ୍ୟପୀ କାଲସର୍ପାଭଵେଣିକା ଶାସ୍ତ୍ରୟୋନିକା ।
ତ୍ରୟୀମୂର୍ତିଃ କ୍ରିୟାମୂର୍ତିଶ୍ଚତୁର୍ଵର୍ଗା ଚ ଦର୍ଶିନୀ ॥ 112॥
ନାରାୟଣୀ ନରୋତ୍ପନ୍ନା କୌମୁଦୀ କାଂତିଧାରିଣୀ ।
କୌଶିକୀ ଲଲିତା ଲୀଲା ପରାଵରଵିଭାଵିନୀ ॥ 113॥
ଵରେଣ୍ୟାଽଦ୍ଭୁତମହାତ୍ମ୍ୟା ଵଡଵା ଵାମଲୋଚନା ।
ସୁଭଦ୍ରା ଚେତନାରାଧ୍ୟା ଶାଂତିଦା ଶାଂତିଵର୍ଧିନୀ ॥ 114॥
ଜୟାଦିଶକ୍ତିଜନନୀ ଶକ୍ତିଚକ୍ରପ୍ରଵର୍ତିକା ।
ତ୍ରିଶକ୍ତିଜନନୀ ଜନ୍ୟା ଷଟ୍ସୂତ୍ରପରିଵର୍ଣିତା ॥ 115॥
ସୁଧୌତକର୍ମଣାଽଽରାଧ୍ୟା ୟୁଗାଂତଦହନାତ୍ମିକା ।
ସଂକର୍ଷିଣୀ ଜଗଦ୍ଧାତ୍ରୀ କାମୟୋନିଃ କିରୀଟିନୀ ॥ 116॥
ଐଂଦ୍ରୀ ତ୍ରୈଲୋକ୍ୟନମିତା ଵୈଷ୍ଣଵୀ ପରମେଶ୍ଵରୀ ।
ପ୍ରଦ୍ୟୁମ୍ନଜନନୀ ବିଂବସମୋଷ୍ଠୀ ପଦ୍ମଲୋଚନା ॥ 117॥
ମଦୋତ୍କଟା ହଂସଗତିଃ ପ୍ରଚଂଡା ଚଂଡଵିକ୍ରମା ।
ଵୃଷାଧୀଶା ପରାତ୍ମା ଚ ଵିଂଧ୍ୟା ପର୍ଵତଵାସିନୀ ॥ 118॥
ହିମଵନ୍ମେରୁନିଲୟା କୈଲାସପୁରଵାସିନୀ ।
ଚାଣୂରହଂତ୍ରୀ ନୀତିଜ୍ଞା କାମରୂପା ତ୍ରୟୀତନୁଃ ॥ 119॥
ଵ୍ରତସ୍ନାତା ଧର୍ମଶୀଲା ସିଂହାସନନିଵାସିନୀ ।
ଵୀରଭଦ୍ରାଦୃତା ଵୀରା ମହାକାଲସମୁଦ୍ଭଵା ॥ 120॥
ଵିଦ୍ୟାଧରାର୍ଚିତା ସିଦ୍ଧସାଧ୍ୟାରାଧିତପାଦୁକା ।
ଶ୍ରଦ୍ଧାତ୍ମିକା ପାଵନୀ ଚ ମୋହିନୀ ଅଚଲାତ୍ମିକା ॥ 121॥
ମହାଦ୍ଭୁତା ଵାରିଜାକ୍ଷୀ ସିଂହଵାହନଗାମିନୀ ।
ମନୀଷିଣୀ ସୁଧାଵାଣୀ ଵୀଣାଵାଦନତତ୍ପରା ॥ 122॥
ଶ୍ଵେତଵାହନିଷେଵ୍ୟା ଚ ଲସନ୍ମତିରରୁଂଧତୀ ।
ହିରଣ୍ୟାକ୍ଷୀ ତଥା ଚୈଵ ମହାନଂଦପ୍ରଦାୟିନୀ ॥ 123॥
ଵସୁପ୍ରଭା ସୁମାଲ୍ୟାପ୍ତକଂଧରା ପଂକଜାନନା ।
ପରାଵରା ଵରାରୋହା ସହସ୍ରନୟନାର୍ଚିତା ॥ 124॥
ଶ୍ରୀରୂପା ଶ୍ରୀମତୀ ଶ୍ରେଷ୍ଠା ଶିଵନାମ୍ନୀ ଶିଵପ୍ରିୟା ।
ଶ୍ରୀପ୍ରଦା ଶ୍ରିତକଲ୍ୟାଣା ଶ୍ରୀଧରାର୍ଧଶରୀରିଣୀ ॥ 125॥
ଶ୍ରୀକଲାଽନଂତଦୃଷ୍ଟିଶ୍ଚ ହ୍ୟକ୍ଷୁଦ୍ରାରାତିସୂଦନୀ ।
ରକ୍ତବୀଜନିହଂତ୍ରୀ ଚ ଦୈତ୍ୟସଂଗଵିମର୍ଦିନୀ ॥ 126॥
ସିଂହାରୂଢା ସିଂହିକାସ୍ୟା ଦୈତ୍ୟଶୋଣିତପାୟିନୀ ।
ସୁକୀର୍ତିସହିତାଚ୍ଛିନ୍ନସଂଶୟା ରସଵେଦିନୀ ॥ 127॥
ଗୁଣାଭିରାମା ନାଗାରିଵାହନା ନିର୍ଜରାର୍ଚିତା ।
ନିତ୍ୟୋଦିତା ସ୍ଵୟଂଜ୍ୟୋତିଃ ସ୍ଵର୍ଣକାୟା ପ୍ରକୀର୍ତିତା ॥ 128॥
ଵଜ୍ରଦଂଡାଂକିତା ଚୈଵ ତଥାମୃତସଂଜୀଵିନୀ ।
ଵଜ୍ରଚ୍ଛନ୍ନା ଦେଵଦେଵୀ ଵରଵଜ୍ରସ୍ଵଵିଗ୍ରହା ॥ 129॥
ମାଂଗଲ୍ୟା ମଂଗଲାତ୍ମା ଚ ମାଲିନୀ ମାଲ୍ୟଧାରିଣୀ ।
ଗଂଧର୍ଵୀ ତରୁଣୀ ଚାଂଦ୍ରୀ ଖଡ୍ଗାୟୁଧଧରା ତଥା ॥ 130॥
ସୌଦାମିନୀ ପ୍ରଜାନଂଦା ତଥା ପ୍ରୋକ୍ତା ଭୃଗୂଦ୍ଭଵା ।
ଏକାନଂଗା ଚ ଶାସ୍ତ୍ରାର୍ଥକୁଶଲା ଧର୍ମଚାରିଣୀ ॥ 131॥
ଧର୍ମସର୍ଵସ୍ଵଵାହା ଚ ଧର୍ମାଧର୍ମଵିନିଶ୍ଚୟା ।
ଧର୍ମଶକ୍ତିର୍ଧର୍ମମୟା ଧାର୍ମିକାନାଂ ଶିଵପ୍ରଦା ॥ 132॥
ଵିଧର୍ମା ଵିଶ୍ଵଧର୍ମଜ୍ଞା ଧର୍ମାର୍ଥାଂତରଵିଗ୍ରହା ।
ଧର୍ମଵର୍ଷ୍ମା ଧର୍ମପୂର୍ଵା ଧର୍ମପାରଂଗତାଂତରା ॥ 133॥
ଧର୍ମୋପଦେଷ୍ଟ୍ରୀ ଧର୍ମାତ୍ମା ଧର୍ମଗମ୍ୟା ଧରାଧରା ।
କପାଲିନୀ ଶାକଲିନୀ କଲାକଲିତଵିଗ୍ରହା ॥ 134॥
ସର୍ଵଶକ୍ତିଵିମୁକ୍ତା ଚ କର୍ଣିକାରଧରାଽକ୍ଷରା।
କଂସପ୍ରାଣହରା ଚୈଵ ୟୁଗଧର୍ମଧରା ତଥା ॥ 135॥
ୟୁଗପ୍ରଵର୍ତିକା ପ୍ରୋକ୍ତା ତ୍ରିସଂଧ୍ୟା ଧ୍ୟେୟଵିଗ୍ରହା ।
ସ୍ଵର୍ଗାପଵର୍ଗଦାତ୍ରୀ ଚ ତଥା ପ୍ରତ୍ୟକ୍ଷଦେଵତା ॥ 136॥
ଆଦିତ୍ୟା ଦିଵ୍ୟଗଂଧା ଚ ଦିଵାକରନିଭପ୍ରଭା ।
ପଦ୍ମାସନଗତା ପ୍ରୋକ୍ତା ଖଡ୍ଗବାଣଶରାସନା ॥ 137॥
ଶିଷ୍ଟା ଵିଶିଷ୍ଟା ଶିଷ୍ଟେଷ୍ଟା ଶିଷ୍ଟଶ୍ରେଷ୍ଠପ୍ରପୂଜିତା ।
ଶତରୂପା ଶତାଵର୍ତା ଵିତତା ରାସମୋଦିନୀ ॥ 138॥
ସୂର୍ୟେଂଦୁନେତ୍ରା ପ୍ରଦ୍ୟୁମ୍ନଜନନୀ ସୁଷ୍ଠୁମାୟିନୀ ।
ସୂର୍ୟାଂତରସ୍ଥିତା ଚୈଵ ସତ୍ପ୍ରତିଷ୍ଠତଵିଗ୍ରହା ॥ 139॥
ନିଵୃତ୍ତା ପ୍ରୋଚ୍ୟତେ ଜ୍ଞାନପାରଗା ପର୍ଵତାତ୍ମଜା ।
କାତ୍ୟାୟନୀ ଚଂଡିକା ଚ ଚଂଡୀ ହୈମଵତୀ ତଥା ॥ 140॥
ଦାକ୍ଷାୟଣୀ ସତୀ ଚୈଵ ଭଵାନୀ ସର୍ଵମଂଗଲା ।
ଧୂମ୍ରଲୋଚନହଂତ୍ରୀ ଚ ଚଂଡମୁଂଡଵିନାଶିନୀ ॥ 141॥
ୟୋଗନିଦ୍ରା ୟୋଗଭଦ୍ରା ସମୁଦ୍ରତନୟା ତଥା ।
ଦେଵପ୍ରିୟଂକରୀ ଶୁଦ୍ଧା ଭକ୍ତଭକ୍ତିପ୍ରଵର୍ଧିନୀ ॥ 142॥
ତ୍ରିଣେତ୍ରା ଚଂଦ୍ରମୁକୁଟା ପ୍ରମଥାର୍ଚିତପାଦୁକା ।
ଅର୍ଜୁନାଭୀଷ୍ଟଦାତ୍ରୀ ଚ ପାଂଡଵପ୍ରିୟକାରିଣୀ ॥ 143॥
କୁମାରଲାଲନାସକ୍ତା ହରବାହୂପଧାନିକା ।
ଵିଘ୍ନେଶଜନନୀ ଭକ୍ତଵିଘ୍ନସ୍ତୋମପ୍ରହାରିଣୀ ॥ 144॥
ସୁସ୍ମିତେଂଦୁମୁଖୀ ନମ୍ୟା ଜୟାପ୍ରିୟସଖୀ ତଥା ।
ଅନାଦିନିଧନା ପ୍ରେଷ୍ଠା ଚିତ୍ରମାଲ୍ୟାନୁଲେପନା ॥ 145॥
କୋଟିଚଂଦ୍ରପ୍ରତୀକାଶା କୂଟଜାଲପ୍ରମାଥିନୀ ।
କୃତ୍ୟାପ୍ରହାରିଣୀ ଚୈଵ ମାରଣୋଚ୍ଚାଟନୀ ତଥା ॥ 146॥
ସୁରାସୁରପ୍ରଵଂଦ୍ୟାଂଘ୍ରିର୍ମୋହଘ୍ନୀ ଜ୍ଞାନଦାୟିନୀ ।
ଷଡ୍ଵୈରିନିଗ୍ରହକରୀ ଵୈରିଵିଦ୍ରାଵିଣୀ ତଥା ॥ 147॥
ଭୂତସେଵ୍ୟା ଭୂତଦାତ୍ରୀ ଭୂତପୀଡାଵିମର୍ଦିକା ।
ନାରଦସ୍ତୁତଚାରିତ୍ରା ଵରଦେଶା ଵରପ୍ରଦା ॥ 148॥
ଵାମଦେଵସ୍ତୁତା ଚୈଵ କାମଦା ସୋମଶେଖରା ।
ଦିକ୍ପାଲସେଵିତା ଭଵ୍ୟା ଭାମିନୀ ଭାଵଦାୟିନୀ ॥ 149॥
ସ୍ତ୍ରୀସୌଭାଗ୍ୟପ୍ରଦାତ୍ରୀ ଚ ଭୋଗଦା ରୋଗନାଶିନୀ ।
ଵ୍ୟୋମଗା ଭୂମିଗା ଚୈଵ ମୁନିପୂଜ୍ୟପଦାଂବୁଜା ।
ଵନଦୁର୍ଗା ଚ ଦୁର୍ବୋଧା ମହାଦୁର୍ଗା ପ୍ରକୀର୍ତିତା ॥ 150॥
ଫଲଶ୍ରୁତିଃ
ଇତୀଦଂ କୀର୍ତିଦଂ ଭଦ୍ର ଦୁର୍ଗାନାମସହସ୍ରକମ୍ ।
ତ୍ରିସଂଧ୍ୟଂ ୟଃ ପଠେନ୍ନିତ୍ୟଂ ତସ୍ୟ ଲକ୍ଷ୍ମୀଃ ସ୍ଥିରା ଭଵେତ୍ ॥ 1॥
ଗ୍ରହଭୂତପିଶାଚାଦିପୀଡା ନଶ୍ୟତ୍ୟସଂଶୟମ୍ ।
ବାଲଗ୍ରହାଦିପୀଡାୟାଃ ଶାଂତିର୍ଭଵତି କୀର୍ତନାତ୍ ॥ 2॥
ମାରିକାଦିମହାରୋଗେ ପଠତାଂ ସୌଖ୍ୟଦଂ ନୃଣାମ୍ ।
ଵ୍ୟଵହାରେ ଚ ଜୟଦଂ ଶତ୍ରୁବାଧାନିଵାରକମ୍ ॥ 3॥
ଦଂପତ୍ୟୋଃ କଲହେ ପ୍ରାପ୍ତେ ମିଥଃ ପ୍ରେମାଭିଵର୍ଧକମ୍ ।
ଆୟୁରାରୋଗ୍ୟଦଂ ପୁଂସାଂ ସର୍ଵସଂପତ୍ପ୍ରଦାୟକମ୍ ॥ 4॥
ଵିଦ୍ୟାଭିଵର୍ଧକଂ ନିତ୍ୟଂ ପଠତାମର୍ଥସାଧକମ୍ ।
ଶୁଭଦଂ ଶୁଭକାର୍ୟେଷୁ ପଠତାଂ ଶୃଣୁତାମପି ॥ 5॥
ୟଃ ପୂଜୟତି ଦୁର୍ଗାଂ ତାଂ ଦୁର୍ଗାନାମସହସ୍ରକୈଃ ।
ପୁଷ୍ପୈଃ କୁଂକୁମସମ୍ମିଶ୍ରୈଃ ସ ତୁ ୟତ୍କାଂକ୍ଷତେ ହୃଦି ॥ 6॥
ତତ୍ସର୍ଵଂ ସମଵାପ୍ନୋତି ନାସ୍ତି ନାସ୍ତ୍ୟତ୍ର ସଂଶୟଃ ।
ୟନ୍ମୁଖେ ଧ୍ରିୟତେ ନିତ୍ୟଂ ଦୁର୍ଗାନାମସହସ୍ରକମ୍ ॥ 7॥
କିଂ ତସ୍ୟେତରମଂତ୍ରୌଘୈଃ କାର୍ୟଂ ଧନ୍ୟତମସ୍ୟ ହି ।
ଦୁର୍ଗାନାମସହସ୍ରସ୍ୟ ପୁସ୍ତକଂ ୟଦ୍ଗୃହେ ଭଵେତ୍ ॥ 8॥
ନ ତତ୍ର ଗ୍ରହଭୂତାଦିବାଧା ସ୍ୟାନ୍ମଂଗଲାସ୍ପଦେ ।
ତଦ୍ଗୃହଂ ପୁଣ୍ୟଦଂ କ୍ଷେତ୍ରଂ ଦେଵୀସାନ୍ନିଧ୍ୟକାରକମ୍ ॥ 9॥
ଏତସ୍ୟ ସ୍ତୋତ୍ରମୁଖ୍ୟସ୍ୟ ପାଠକଃ ଶ୍ରେଷ୍ଠମଂତ୍ରଵିତ୍ ।
ଦେଵତାୟାଃ ପ୍ରସାଦେନ ସର୍ଵପୂଜ୍ୟଃ ସୁଖୀ ଭଵେତ୍ ॥ 10॥
ଇତ୍ୟେତନ୍ନଗରାଜେନ କୀର୍ତିତଂ ମୁନିସତ୍ତମ ।
ଗୁହ୍ୟାଦ୍ଗୁହ୍ୟତରଂ ସ୍ତୋତ୍ରଂ ତ୍ଵୟି ସ୍ନେହାତ୍ ପ୍ରକୀର୍ତିତମ୍ ॥ 11॥
ଭକ୍ତାୟ ଶ୍ରଦ୍ଧଧାନାୟ କେଵଲଂ କୀର୍ତ୍ୟତାମିଦମ୍ ।
ହୃଦି ଧାରୟ ନିତ୍ୟଂ ତ୍ଵଂ ଦେଵ୍ୟନୁଗ୍ରହସାଧକମ୍ ॥ 12॥ ॥
ଇତି ଶ୍ରୀସ୍କାଂଦପୁରାଣେ ସ୍କଂଦନାରଦସଂଵାଦେ ଦୁର୍ଗାସହସ୍ରନାମସ୍ତୋତ୍ରଂ ସଂପୂର୍ଣମ୍ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଶ୍ରୀ ଦୁର୍ଗା ସହସ୍ର ନାମ ସ୍ତୋତ୍ରମ୍?
ଶ୍ରୀ ଦୁର୍ଗା ସହସ୍ର ନାମ ସ୍ତୋତ୍ରମ୍ is a Devi Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଶ୍ରୀ ଦୁର୍ଗା ସହସ୍ର ନାମ ସ୍ତୋତ୍ରମ୍ online?
Yes. The imported text is available directly on this page for online reading and recitation.
Can I download ଶ୍ରୀ ଦୁର୍ଗା ସହସ୍ର ନାମ ସ୍ତୋତ୍ରମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.