ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ଦ୍ଵିତୀୟୋଽଧ୍ୟାୟଃ
ମହିଷାସୁର ସୈନ୍ୟଵଧୋ ନାମ ଦ୍ଵିତୀୟୋଽଧ୍ୟାୟଃ ॥
ଅସ୍ୟ ସପ୍ତ ସତୀମଧ୍ୟମ ଚରିତ୍ରସ୍ୟ ଵିଷ୍ଣୁର୍ ଋଷିଃ । ଉଷ୍ଣିକ୍ ଛଂଦଃ । ଶ୍ରୀମହାଲକ୍ଷ୍ମୀଦେଵତା। ଶାକଂଭରୀ ଶକ୍ତିଃ । ଦୁର୍ଗା ବୀଜମ୍ । ଵାୟୁସ୍ତତ୍ତ୍ଵମ୍ । ୟଜୁର୍ଵେଦଃ ସ୍ଵରୂପମ୍ । ଶ୍ରୀ ମହାଲକ୍ଷ୍ମୀପ୍ରୀତ୍ୟର୍ଥେ ମଧ୍ୟମ ଚରିତ୍ର ଜପେ ଵିନିୟୋଗଃ ॥
ଧ୍ୟାନଂ
ଓଂ ଅକ୍ଷସ୍ରକ୍ପରଶୁଂ ଗଦେଷୁକୁଲିଶଂ ପଦ୍ମଂ ଧନୁଃ କୁଂଡିକାଂ
ଦଂଡଂ ଶକ୍ତିମସିଂ ଚ ଚର୍ମ ଜଲଜଂ ଘଂଟାଂ ସୁରାଭାଜନମ୍ ।
ଶୂଲଂ ପାଶସୁଦର୍ଶନେ ଚ ଦଧତୀଂ ହସ୍ତୈଃ ପ୍ରଵାଳ ପ୍ରଭାଂ
ସେଵେ ସୈରିଭମର୍ଦିନୀମିହ ମହଲକ୍ଷ୍ମୀଂ ସରୋଜସ୍ଥିତାମ୍ ॥
ଋଷିରୁଵାଚ ॥1॥
ଦେଵାସୁରମଭୂଦ୍ୟୁଦ୍ଧଂ ପୂର୍ଣମବ୍ଦଶତଂ ପୁରା।
ମହିଷେଽସୁରାଣାଂ ଅଧିପେ ଦେଵାନାଂଚ ପୁରଂଦରେ
ତତ୍ରାସୁରୈର୍ମହାଵୀର୍ୟିର୍ଦେଵସୈନ୍ୟଂ ପରାଜିତଂ।
ଜିତ୍ଵା ଚ ସକଲାନ୍ ଦେଵାନ୍ ଇଂଦ୍ରୋଽଭୂନ୍ମହିଷାସୁରଃ ॥3॥
ତତଃ ପରାଜିତା ଦେଵାଃ ପଦ୍ମୟୋନିଂ ପ୍ରଜାପତିମ୍।
ପୁରସ୍କୃତ୍ୟଗତାସ୍ତତ୍ର ୟତ୍ରେଶ ଗରୁଡଧ୍ଵଜୌ ॥4॥
ୟଥାଵୃତ୍ତଂ ତୟୋସ୍ତଦ୍ଵନ୍ ମହିଷାସୁରଚେଷ୍ଟିତମ୍।
ତ୍ରିଦଶାଃ କଥୟାମାସୁର୍ଦେଵାଭିଭଵଵିସ୍ତରମ୍ ॥5॥
ସୂର୍ୟେଂଦ୍ରାଗ୍ନ୍ୟନିଲେଂଦୂନାଂ ୟମସ୍ୟ ଵରୁଣସ୍ୟ ଚ
ଅନ୍ୟେଷାଂ ଚାଧିକାରାନ୍ସ ସ୍ଵୟମେଵାଧିତିଷ୍ଟତି ॥6॥
ସ୍ଵର୍ଗାନ୍ନିରାକୃତାଃ ସର୍ଵେ ତେନ ଦେଵ ଗଣା ଭୁଵିଃ।
ଵିଚରଂତି ୟଥା ମର୍ତ୍ୟା ମହିଷେଣ ଦୁରାତ୍ମନା ॥6॥
ଏତଦ୍ଵଃ କଥିତଂ ସର୍ଵଂ ଅମରାରିଵିଚେଷ୍ଟିତମ୍।
ଶରଣଂ ଵଃ ପ୍ରପନ୍ନାଃ ସ୍ମୋ ଵଧସ୍ତସ୍ୟ ଵିଚିଂତ୍ୟତାମ୍ ॥8॥
ଇତ୍ଥଂ ନିଶମ୍ୟ ଦେଵାନାଂ ଵଚାଂସି ମଧୁସୂଧନଃ
ଚକାର କୋପଂ ଶଂଭୁଶ୍ଚ ଭ୍ରୁକୁଟୀକୁଟିଲାନନୌ ॥9॥
ତତୋଽତିକୋପପୂର୍ଣସ୍ୟ ଚକ୍ରିଣୋ ଵଦନାତ୍ତତଃ।
ନିଶ୍ଚକ୍ରାମ ମହତ୍ତେଜୋ ବ୍ରହ୍ମଣଃ ଶଂକରସ୍ୟ ଚ ॥10॥
ଅନ୍ୟେଷାଂ ଚୈଵ ଦେଵାନାଂ ଶକ୍ରାଦୀନାଂ ଶରୀରତଃ।
ନିର୍ଗତଂ ସୁମହତ୍ତେଜଃ ସ୍ତଚ୍ଚୈକ୍ୟଂ ସମଗଚ୍ଛତ ॥11॥
ଅତୀଵ ତେଜସଃ କୂଟଂ ଜ୍ଵଲଂତମିଵ ପର୍ଵତମ୍।
ଦଦୃଶୁସ୍ତେ ସୁରାସ୍ତତ୍ର ଜ୍ଵାଲାଵ୍ୟାପ୍ତଦିଗଂତରମ୍ ॥12॥
ଅତୁଲଂ ତତ୍ର ତତ୍ତେଜଃ ସର୍ଵଦେଵ ଶରୀରଜମ୍।
ଏକସ୍ଥଂ ତଦଭୂନ୍ନାରୀ ଵ୍ୟାପ୍ତଲୋକତ୍ରୟଂ ତ୍ଵିଷା ॥13॥
ୟଦଭୂଚ୍ଛାଂଭଵଂ ତେଜଃ ସ୍ତେନାଜାୟତ ତନ୍ମୁଖମ୍।
ୟାମ୍ୟେନ ଚାଭଵନ୍ କେଶା ବାହଵୋ ଵିଷ୍ଣୁତେଜସା ॥14॥
ସୌମ୍ୟେନ ସ୍ତନୟୋର୍ୟୁଗ୍ମଂ ମଧ୍ୟଂ ଚୈଂଦ୍ରେଣ ଚାଭଵତ୍।
ଵାରୁଣେନ ଚ ଜଂଘୋରୂ ନିତଂବସ୍ତେଜସା ଭୁଵଃ ॥15॥
ବ୍ରହ୍ମଣସ୍ତେଜସା ପାଦୌ ତଦଂଗୁଳ୍ୟୋଽର୍କ ତେଜସା।
ଵସୂନାଂ ଚ କରାଂଗୁଳ୍ୟଃ କୌବେରେଣ ଚ ନାସିକା ॥16॥
ତସ୍ୟାସ୍ତୁ ଦଂତାଃ ସଂଭୂତା ପ୍ରାଜାପତ୍ୟେନ ତେଜସା
ନୟନତ୍ରିତୟଂ ଜଜ୍ଞେ ତଥା ପାଵକତେଜସା ॥17॥
ଭ୍ରୁଵୌ ଚ ସଂଧ୍ୟୟୋସ୍ତେଜଃ ଶ୍ରଵଣାଵନିଲସ୍ୟ ଚ
ଅନ୍ୟେଷାଂ ଚୈଵ ଦେଵାନାଂ ସଂଭଵସ୍ତେଜସାଂ ଶିଵ ॥18॥
ତତଃ ସମସ୍ତ ଦେଵାନାଂ ତେଜୋରାଶିସମୁଦ୍ଭଵାମ୍।
ତାଂ ଵିଲୋକ୍ୟ ମୁଦଂ ପ୍ରାପୁଃ ଅମରା ମହିଷାର୍ଦିତାଃ ॥19॥
ଶୂଲଂ ଶୂଲାଦ୍ଵିନିଷ୍କୃଷ୍ୟ ଦଦୌ ତସ୍ୟୈ ପିନାକଧୃକ୍।
ଚକ୍ରଂ ଚ ଦତ୍ତଵାନ୍ କୃଷ୍ଣଃ ସମୁତ୍ପାଟ୍ୟ ସ୍ଵଚକ୍ରତଃ ॥20॥
ଶଂଖଂ ଚ ଵରୁଣଃ ଶକ୍ତିଂ ଦଦୌ ତସ୍ୟୈ ହୁତାଶନଃ
ମାରୁତୋ ଦତ୍ତଵାଂଶ୍ଚାପଂ ବାଣପୂର୍ଣେ ତଥେଷୁଧୀ ॥21॥
ଵଜ୍ରମିଂଦ୍ରଃ ସମୁତ୍ପାଟ୍ୟ କୁଲିଶାଦମରାଧିପଃ।
ଦଦୌ ତସ୍ୟୈ ସହସ୍ରାକ୍ଷୋ ଘଂଟାମୈରାଵତାଦ୍ଗଜାତ୍ ॥22॥
କାଲଦଂଡାଦ୍ୟମୋ ଦଂଡଂ ପାଶଂ ଚାଂବୁପତିର୍ଦଦୌ।
ପ୍ରଜାପତିଶ୍ଚାକ୍ଷମାଲାଂ ଦଦୌ ବ୍ରହ୍ମା କମଂଡଲଂ ॥23॥
ସମସ୍ତରୋମକୂପେଷୁ ନିଜ ରଶ୍ମୀନ୍ ଦିଵାକରଃ
କାଲଶ୍ଚ ଦତ୍ତଵାନ୍ ଖଡ୍ଗଂ ତସ୍ୟାଃ ଶ୍ଚର୍ମ ଚ ନିର୍ମଲମ୍ ॥24॥
କ୍ଷୀରୋଦଶ୍ଚାମଲଂ ହାରଂ ଅଜରେ ଚ ତଥାଂବରେ
ଚୂଡାମଣିଂ ତଥାଦିଵ୍ୟଂ କୁଂଡଲେ କଟକାନିଚ ॥25॥
ଅର୍ଧଚଂଦ୍ରଂ ତଧା ଶୁଭ୍ରଂ କେୟୂରାନ୍ ସର୍ଵ ବାହୁଷୁ
ନୂପୁରୌ ଵିମଲୌ ତଦ୍ଵ ଦ୍ଗ୍ରୈଵେୟକମନୁତ୍ତମମ୍ ॥26॥
ଅଂଗୁଳୀୟକରତ୍ନାନି ସମସ୍ତାସ୍ଵଂଗୁଳୀଷୁ ଚ
ଵିଶ୍ଵ କର୍ମା ଦଦୌ ତସ୍ୟୈ ପରଶୁଂ ଚାତି ନିର୍ମଲଂ ॥27॥
ଅସ୍ତ୍ରାଣ୍ୟନେକରୂପାଣି ତଥାଽଭେଦ୍ୟଂ ଚ ଦଂଶନମ୍।
ଅମ୍ଲାନ ପଂକଜାଂ ମାଲାଂ ଶିରସ୍ୟୁ ରସି ଚାପରାମ୍॥28॥
ଅଦଦଜ୍ଜଲଧିସ୍ତସ୍ୟୈ ପଂକଜଂ ଚାତିଶୋଭନମ୍।
ହିମଵାନ୍ ଵାହନଂ ସିଂହଂ ରତ୍ନାନି ଵିଵିଧାନିଚ॥29॥
ଦଦାଵଶୂନ୍ୟଂ ସୁରୟା ପାନପାତ୍ରଂ ଦନାଧିପଃ।
ଶେଷଶ୍ଚ ସର୍ଵ ନାଗେଶୋ ମହାମଣି ଵିଭୂଷିତମ୍ ॥30॥
ନାଗହାରଂ ଦଦୌ ତସ୍ୟୈ ଧତ୍ତେ ୟଃ ପୃଥିଵୀମିମାମ୍।
ଅନ୍ୟୈରପି ସୁରୈର୍ଦେଵୀ ଭୂଷଣୈଃ ଆୟୁଧୈସ୍ତଥାଃ ॥31॥
ସମ୍ମାନିତା ନନାଦୋଚ୍ଚୈଃ ସାଟ୍ଟହାସଂ ମୁହୁର୍ମୁହୁ।
ତସ୍ୟାନାଦେନ ଘୋରେଣ କୃତ୍ସ୍ନ ମାପୂରିତଂ ନଭଃ ॥32॥
ଅମାୟତାତିମହତା ପ୍ରତିଶବ୍ଦୋ ମହାନଭୂତ୍।
ଚୁକ୍ଷୁଭୁଃ ସକଲାଲୋକାଃ ସମୁଦ୍ରାଶ୍ଚ ଚକଂପିରେ ॥33॥
ଚଚାଲ ଵସୁଧା ଚେଲୁଃ ସକଲାଶ୍ଚ ମହୀଧରାଃ।
ଜୟେତି ଦେଵାଶ୍ଚ ମୁଦା ତାମୂଚୁଃ ସିଂହଵାହିନୀମ୍ ॥34॥
ତୁଷ୍ଟୁଵୁର୍ମୁନୟଶ୍ଚୈନାଂ ଭକ୍ତିନମ୍ରାତ୍ମମୂର୍ତୟଃ।
ଦୃଷ୍ଟ୍ଵା ସମସ୍ତଂ ସଂକ୍ଷୁବ୍ଧଂ ତ୍ରୈଲୋକ୍ୟଂ ଅମରାରୟଃ ॥35॥
ସନ୍ନଦ୍ଧାଖିଲସୈନ୍ୟାସ୍ତେ ସମୁତ୍ତସ୍ଥୁରୁଦାୟୁଦାଃ।
ଆଃ କିମେତଦିତି କ୍ରୋଧାଦାଭାଷ୍ୟ ମହିଷାସୁରଃ ॥36॥
ଅଭ୍ୟଧାଵତ ତଂ ଶବ୍ଦଂ ଅଶେଷୈରସୁରୈର୍ଵୃତଃ।
ସ ଦଦର୍ଷ ତତୋ ଦେଵୀଂ ଵ୍ୟାପ୍ତଲୋକତ୍ରୟାଂ ତ୍ଵିଷା॥37॥
ପାଦାକ୍ରାଂତ୍ୟା ନତଭୁଵଂ କିରୀଟୋଲ୍ଲିଖିତାଂବରାମ୍।
କ୍ଷୋଭିତାଶେଷପାତାଳାଂ ଧନୁର୍ଜ୍ୟାନିଃସ୍ଵନେନ ତାମ୍ ॥38॥
ଦିଶୋ ଭୁଜସହସ୍ରେଣ ସମଂତାଦ୍ଵ୍ୟାପ୍ୟ ସଂସ୍ଥିତାମ୍।
ତତଃ ପ୍ରଵଵୃତେ ୟୁଦ୍ଧଂ ତୟା ଦେଵ୍ୟା ସୁରଦ୍ଵିଷାଂ ॥39॥
ଶସ୍ତ୍ରାସ୍ତ୍ରୈର୍ଭହୁଧା ମୁକ୍ତୈରାଦୀପିତଦିଗଂତରମ୍।
ମହିଷାସୁରସେନାନୀଶ୍ଚିକ୍ଷୁରାଖ୍ୟୋ ମହାସୁରଃ ॥40॥
ୟୁୟୁଧେ ଚମରଶ୍ଚାନ୍ୟୈଶ୍ଚତୁରଂଗବଲାନ୍ଵିତଃ।
ରଥାନାମୟୁତୈଃ ଷଡ୍ଭିଃ ରୁଦଗ୍ରାଖ୍ୟୋ ମହାସୁରଃ ॥41॥
ଅୟୁଧ୍ୟତାୟୁତାନାଂ ଚ ସହସ୍ରେଣ ମହାହନୁଃ।
ପଂଚାଶଦ୍ଭିଶ୍ଚ ନିୟୁତୈରସିଲୋମା ମହାସୁରଃ ॥42॥
ଅୟୁତାନାଂ ଶତୈଃ ଷଡ୍ଭିଃର୍ଭାଷ୍କଲୋ ୟୁୟୁଧେ ରଣେ।
ଗଜଵାଜି ସହସ୍ରୌଘୈ ରନେକୈଃ ପରିଵାରିତଃ ॥43॥
ଵୃତୋ ରଥାନାଂ କୋଟ୍ୟା ଚ ୟୁଦ୍ଧେ ତସ୍ମିନ୍ନୟୁଧ୍ୟତ।
ବିଡାଲାଖ୍ୟୋଽୟୁତାନାଂ ଚ ପଂଚାଶଦ୍ଭିରଥାୟୁତୈଃ ॥44॥
ୟୁୟୁଧେ ସଂୟୁଗେ ତତ୍ର ରଥାନାଂ ପରିଵାରିତଃ।
ଅନ୍ୟେ ଚ ତତ୍ରାୟୁତଶୋ ରଥନାଗହୟୈର୍ଵୃତାଃ ॥45॥
ୟୁୟୁଧୁଃ ସଂୟୁଗେ ଦେଵ୍ୟା ସହ ତତ୍ର ମହାସୁରାଃ।
କୋଟିକୋଟିସହସ୍ତ୍ରୈସ୍ତୁ ରଥାନାଂ ଦଂତିନାଂ ତଥା ॥46॥
ହୟାନାଂ ଚ ଵୃତୋ ୟୁଦ୍ଧେ ତତ୍ରାଭୂନ୍ମହିଷାସୁରଃ।
ତୋମରୈର୍ଭିଂଧିପାଲୈଶ୍ଚ ଶକ୍ତିଭିର୍ମୁସଲୈସ୍ତଥା ॥47॥
ୟୁୟୁଧୁଃ ସଂୟୁଗେ ଦେଵ୍ୟା ଖଡ୍ଗୈଃ ପରସୁପଟ୍ଟିସୈଃ।
କେଚିଚ୍ଛ ଚିକ୍ଷିପୁଃ ଶକ୍ତୀଃ କେଚିତ୍ ପାଶାଂସ୍ତଥାପରେ ॥48॥
ଦେଵୀଂ ଖଡ୍ଗପ୍ରହାରୈସ୍ତୁ ତେ ତାଂ ହଂତୁଂ ପ୍ରଚକ୍ରମୁଃ।
ସାପି ଦେଵୀ ତତସ୍ତାନି ଶସ୍ତ୍ରାଣ୍ୟସ୍ତ୍ରାଣି ଚଂଡିକା ॥49॥
ଲୀଲ ୟୈଵ ପ୍ରଚିଚ୍ଛେଦ ନିଜଶସ୍ତ୍ରାସ୍ତ୍ରଵର୍ଷିଣୀ।
ଅନାୟସ୍ତାନନା ଦେଵୀ ସ୍ତୂୟମାନା ସୁରର୍ଷିଭିଃ ॥50॥
ମୁମୋଚାସୁରଦେହେଷୁ ଶସ୍ତ୍ରାଣ୍ୟସ୍ତ୍ରାଣି ଚେଶ୍ଵରୀ।
ସୋଽପି କ୍ରୁଦ୍ଧୋ ଧୁତସଟୋ ଦେଵ୍ୟା ଵାହନକେସରୀ ॥51॥
ଚଚାରାସୁର ସୈନ୍ୟେଷୁ ଵନେଷ୍ଵିଵ ହୁତାଶନଃ।
ନିଃଶ୍ଵାସାନ୍ ମୁମୁଚେୟାଂଶ୍ଚ ୟୁଧ୍ୟମାନାରଣେଽଂବିକା॥52॥
ତ ଏଵ ସଧ୍ୟସଂଭୂତା ଗଣାଃ ଶତସହସ୍ରଶଃ।
ୟୁୟୁଧୁସ୍ତେ ପରଶୁଭିର୍ଭିଂଦିପାଲାସିପଟ୍ଟିଶୈଃ ॥53॥
ନାଶୟଂତୋଽଅସୁରଗଣାନ୍ ଦେଵୀଶକ୍ତ୍ୟୁପବୃଂହିତାଃ।
ଅଵାଦୟଂତା ପଟହାନ୍ ଗଣାଃ ଶଙାଂ ସ୍ତଥାପରେ॥54॥
ମୃଦଂଗାଂଶ୍ଚ ତଥୈଵାନ୍ୟେ ତସ୍ମିନ୍ୟୁଦ୍ଧ ମହୋତ୍ସଵେ।
ତତୋଦେଵୀ ତ୍ରିଶୂଲେନ ଗଦୟା ଶକ୍ତିଵୃଷ୍ଟିଭିଃ॥55॥
ଖଡ୍ଗାଦିଭିଶ୍ଚ ଶତଶୋ ନିଜଘାନ ମହାସୁରାନ୍।
ପାତୟାମାସ ଚୈଵାନ୍ୟାନ୍ ଘଂଟାସ୍ଵନଵିମୋହିତାନ୍ ॥56॥
ଅସୁରାନ୍ ଭୁଵିପାଶେନ ବଧ୍ଵାଚାନ୍ୟାନକର୍ଷୟତ୍।
କେଚିଦ୍ ଦ୍ଵିଧାକୃତା ସ୍ତୀକ୍ଷ୍ଣୈଃ ଖଡ୍ଗପାତୈସ୍ତଥାପରେ॥57॥
ଵିପୋଥିତା ନିପାତେନ ଗଦୟା ଭୁଵି ଶେରତେ।
ଵେମୁଶ୍ଚ କେଚିଦ୍ରୁଧିରଂ ମୁସଲେନ ଭୃଶଂ ହତାଃ ॥58॥
କେଚିନ୍ନିପତିତା ଭୂମୌ ଭିନ୍ନାଃ ଶୂଲେନ ଵକ୍ଷସି।
ନିରଂତରାଃ ଶରୌଘେନ କୃତାଃ କେଚିଦ୍ରଣାଜିରେ ॥59॥
ଶଲ୍ୟାନୁକାରିଣଃ ପ୍ରାଣାନ୍ ମମୁଚୁସ୍ତ୍ରିଦଶାର୍ଦନାଃ।
କେଷାଂଚିଦ୍ବାହଵଶ୍ଚିନ୍ନାଶ୍ଚିନ୍ନଗ୍ରୀଵାସ୍ତଥାପରେ ॥60॥
ଶିରାଂସି ପେତୁରନ୍ୟେଷାଂ ଅନ୍ୟେ ମଧ୍ୟେ ଵିଦାରିତାଃ।
ଵିଚ୍ଛିନ୍ନଜଜ୍ଘାସ୍ଵପରେ ପେତୁରୁର୍ଵ୍ୟାଂ ମହାସୁରାଃ ॥61॥
ଏକବାହ୍ଵକ୍ଷିଚରଣାଃ କେଚିଦ୍ଦେଵ୍ୟା ଦ୍ଵିଧାକୃତାଃ।
ଛିନ୍ନେପି ଚାନ୍ୟେ ଶିରସି ପତିତାଃ ପୁନରୁତ୍ଥିତାଃ ॥62॥
କବଂଧା ୟୁୟୁଧୁର୍ଦେଵ୍ୟା ଗୃହୀତପରମାୟୁଧାଃ।
ନନୃତୁଶ୍ଚାପରେ ତତ୍ର ୟୁଦ୍ଦେ ତୂର୍ୟଲୟାଶ୍ରିତାଃ ॥63॥
କବଂଧାଶ୍ଚିନ୍ନଶିରସଃ ଖଡ୍ଗଶକ୍ୟ୍ତୃଷ୍ଟିପାଣୟଃ।
ତିଷ୍ଠ ତିଷ୍ଠେତି ଭାଷଂତୋ ଦେଵୀ ମନ୍ୟେ ମହାସୁରାଃ ॥64॥
ପାତିତୈ ରଥନାଗାଶ୍ଵୈଃ ଆସୁରୈଶ୍ଚ ଵସୁଂଧରା।
ଅଗମ୍ୟା ସାଭଵତ୍ତତ୍ର ୟତ୍ରାଭୂତ୍ ସ ମହାରଣଃ ॥65॥
ଶୋଣିତୌଘା ମହାନଦ୍ୟସ୍ସଦ୍ୟସ୍ତତ୍ର ଵିସୁସ୍ରୁଵୁଃ।
ମଧ୍ୟେ ଚାସୁରସୈନ୍ୟସ୍ୟ ଵାରଣାସୁରଵାଜିନାମ୍ ॥66॥
କ୍ଷଣେନ ତନ୍ମହାସୈନ୍ୟମସୁରାଣାଂ ତଥାଽଂବିକା।
ନିନ୍ୟେ କ୍ଷୟଂ ୟଥା ଵହ୍ନିସ୍ତୃଣଦାରୁ ମହାଚୟମ୍ ॥67॥
ସଚ ସିଂହୋ ମହାନାଦମୁତ୍ସୃଜନ୍ ଧୁତକେସରଃ।
ଶରୀରେଭ୍ୟୋଽମରାରୀଣାମସୂନିଵ ଵିଚିନ୍ଵତି ॥68॥
ଦେଵ୍ୟା ଗଣୈଶ୍ଚ ତୈସ୍ତତ୍ର କୃତଂ ୟୁଦ୍ଧଂ ତଥାସୁରୈଃ।
ୟଥୈଷାଂ ତୁଷ୍ଟୁଵୁର୍ଦେଵାଃ ପୁଷ୍ପଵୃଷ୍ଟିମୁଚୋ ଦିଵି ॥69॥
ଜୟ ଜୟ ଶ୍ରୀ ମାର୍କଂଡେୟ ପୁରାଣେ ସାଵର୍ନିକେ ମନ୍ଵଂତରେ ଦେଵି ମହତ୍ମ୍ୟେ ମହିଷାସୁରସୈନ୍ୟଵଧୋ ନାମ ଦ୍ଵିତୀୟୋଽଧ୍ୟାୟଃ॥
ଆହୁତି
ଓଂ ହ୍ରୀଂ ସାଂଗାୟୈ ସାୟୁଧାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ଅଷ୍ଟାଵିଂଶତି ଵର୍ଣାତ୍ମିକାୟୈ ଲକ୍ଶ୍ମୀ ବୀଜାଦିଷ୍ଟାୟୈ ମହାହୁତିଂ ସମର୍ପୟାମି ନମଃ ସ୍ଵାହା ।
ବାରମ୍ବାର ପଚରାଯାଉଥିବା ପ୍ରଶ୍ନ
What is ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ଦ୍ଵିତୀୟୋଽଧ୍ୟାୟଃ?
ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ଦ୍ଵିତୀୟୋଽଧ୍ୟାୟଃ is a Devi Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ଦ୍ଵିତୀୟୋଽଧ୍ୟାୟଃ online?
Yes. The imported text is available directly on this page for online reading and recitation.
Can I download ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ଦ୍ଵିତୀୟୋଽଧ୍ୟାୟଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.