ଦେଵୀ ମାହାତ୍ମ୍ୟଂ ଦେଵି କଵଚମ୍
ଓଂ ନମଶ୍ଚଂଡିକାୟୈ
ନ୍ୟାସଃ
ଅସ୍ୟ ଶ୍ରୀ ଚଂଡୀ କଵଚସ୍ୟ । ବ୍ରହ୍ମା ଋଷିଃ । ଅନୁଷ୍ଟୁପ୍ ଛଂଦଃ ।
ଚାମୁଂଡା ଦେଵତା । ଅଂଗନ୍ୟାସୋକ୍ତ ମାତରୋ ବୀଜମ୍ । ନଵାଵରଣୋ ମଂତ୍ରଶକ୍ତିଃ । ଦିଗ୍ବଂଧ ଦେଵତାଃ ତତ୍ଵମ୍ । ଶ୍ରୀ ଜଗଦଂବା ପ୍ରୀତ୍ୟର୍ଥେ ସପ୍ତଶତୀ ପାଠାଂଗତ୍ଵେନ ଜପେ ଵିନିୟୋଗଃ ॥
ଓଂ ନମଶ୍ଚଂଡିକାୟୈ
ମାର୍କଂଡେୟ ଉଵାଚ ।
ଓଂ ୟଦ୍ଗୁହ୍ୟଂ ପରମଂ ଲୋକେ ସର୍ଵରକ୍ଷାକରଂ ନୃଣାମ୍ ।
ୟନ୍ନ କସ୍ୟଚିଦାଖ୍ୟାତଂ ତନ୍ମେ ବ୍ରୂହି ପିତାମହ ॥ 1 ॥
ବ୍ରହ୍ମୋଵାଚ ।
ଅସ୍ତି ଗୁହ୍ୟତମଂ ଵିପ୍ର ସର୍ଵଭୂତୋପକାରକମ୍ ।
ଦେଵ୍ୟାସ୍ତୁ କଵଚଂ ପୁଣ୍ୟଂ ତଚ୍ଛୃଣୁଷ୍ଵ ମହାମୁନେ ॥ 2 ॥
ପ୍ରଥମଂ ଶୈଲପୁତ୍ରୀ ଚ ଦ୍ଵିତୀୟଂ ବ୍ରହ୍ମଚାରିଣୀ ।
ତୃତୀୟଂ ଚଂଦ୍ରଘଂଟେତି କୂଷ୍ମାଂଡେତି ଚତୁର୍ଥକମ୍ ॥ 3 ॥
ପଂଚମଂ ସ୍କଂଦମାତେତି ଷଷ୍ଠଂ କାତ୍ୟାୟନୀତି ଚ ।
ସପ୍ତମଂ କାଲରାତ୍ରୀତି ମହାଗୌରୀତି ଚାଷ୍ଟମମ୍ ॥ 4 ॥
ନଵମଂ ସିଦ୍ଧିଦାତ୍ରୀ ଚ ନଵଦୁର୍ଗାଃ ପ୍ରକୀର୍ତିତାଃ ।
ଉକ୍ତାନ୍ୟେତାନି ନାମାନି ବ୍ରହ୍ମଣୈଵ ମହାତ୍ମନା ॥ 5 ॥
ଅଗ୍ନିନା ଦହ୍ୟମାନସ୍ତୁ ଶତ୍ରୁମଧ୍ୟେ ଗତୋ ରଣେ ।
ଵିଷମେ ଦୁର୍ଗମେ ଚୈଵ ଭୟାର୍ତାଃ ଶରଣଂ ଗତାଃ ॥ 6 ॥
ନ ତେଷାଂ ଜାୟତେ କିଂଚିଦଶୁଭଂ ରଣସଂକଟେ ।
ନାପଦଂ ତସ୍ୟ ପଶ୍ୟାମି ଶୋକଦୁଃଖଭୟଂ ନ ହି ॥ 7 ॥
ୟୈସ୍ତୁ ଭକ୍ତ୍ୟା ସ୍ମୃତା ନୂନଂ ତେଷାଂ ଵୃଦ୍ଧିଃ ପ୍ରଜାୟତେ ।
ୟେ ତ୍ଵାଂ ସ୍ମରଂତି ଦେଵେଶି ରକ୍ଷସେ ତାନ୍ନସଂଶୟଃ ॥ 8 ॥
ପ୍ରେତସଂସ୍ଥା ତୁ ଚାମୁଂଡା ଵାରାହୀ ମହିଷାସନା ।
ଐଂଦ୍ରୀ ଗଜସମାରୂଢା ଵୈଷ୍ଣଵୀ ଗରୁଡାସନା ॥ 9 ॥
ମାହେଶ୍ଵରୀ ଵୃଷାରୂଢା କୌମାରୀ ଶିଖିଵାହନା ।
ଲକ୍ଷ୍ମୀଃ ପଦ୍ମାସନା ଦେଵୀ ପଦ୍ମହସ୍ତା ହରିପ୍ରିୟା ॥ 10 ॥
ଶ୍ଵେତରୂପଧରା ଦେଵୀ ଈଶ୍ଵରୀ ଵୃଷଵାହନା ।
ବ୍ରାହ୍ମୀ ହଂସସମାରୂଢା ସର୍ଵାଭରଣଭୂଷିତା ॥ 11 ॥
ଇତ୍ୟେତା ମାତରଃ ସର୍ଵାଃ ସର୍ଵୟୋଗସମନ୍ଵିତାଃ ।
ନାନାଭରଣାଶୋଭାଢ୍ୟା ନାନାରତ୍ନୋପଶୋଭିତାଃ ॥ 12 ॥
ଦୃଶ୍ୟଂତେ ରଥମାରୂଢା ଦେଵ୍ୟଃ କ୍ରୋଧସମାକୁଲାଃ ।
ଶଂଖଂ ଚକ୍ରଂ ଗଦାଂ ଶକ୍ତିଂ ହଲଂ ଚ ମୁସଲାୟୁଧମ୍ ॥ 13 ॥
ଖେଟକଂ ତୋମରଂ ଚୈଵ ପରଶୁଂ ପାଶମେଵ ଚ ।
କୁଂତାୟୁଧଂ ତ୍ରିଶୂଲଂ ଚ ଶାର୍ଙ୍ଗମାୟୁଧମୁତ୍ତମମ୍ ॥ 14 ॥
ଦୈତ୍ୟାନାଂ ଦେହନାଶାୟ ଭକ୍ତାନାମଭୟାୟ ଚ ।
ଧାରୟଂତ୍ୟାୟୁଧାନୀତ୍ଥଂ ଦେଵାନାଂ ଚ ହିତାୟ ଵୈ ॥ 15 ॥
ନମସ୍ତେଽସ୍ତୁ ମହାରୌଦ୍ରେ ମହାଘୋରପରାକ୍ରମେ ।
ମହାବଲେ ମହୋତ୍ସାହେ ମହାଭୟଵିନାଶିନି ॥ 16 ॥
ତ୍ରାହି ମାଂ ଦେଵି ଦୁଷ୍ପ୍ରେକ୍ଷ୍ୟେ ଶତ୍ରୂଣାଂ ଭୟଵର୍ଧିନି ।
ପ୍ରାଚ୍ୟାଂ ରକ୍ଷତୁ ମାମୈଂଦ୍ରୀ ଆଗ୍ନେୟ୍ୟାମଗ୍ନିଦେଵତା ॥ 17 ॥
ଦକ୍ଷିଣେଽଵତୁ ଵାରାହୀ ନୈରୃତ୍ୟାଂ ଖଡ୍ଗଧାରିଣୀ ।
ପ୍ରତୀଚ୍ୟାଂ ଵାରୁଣୀ ରକ୍ଷେଦ୍ଵାୟଵ୍ୟାଂ ମୃଗଵାହିନୀ ॥ 18 ॥
ଉଦୀଚ୍ୟାଂ ପାତୁ କୌମାରୀ ଐଶାନ୍ୟାଂ ଶୂଲଧାରିଣୀ ।
ଊର୍ଧ୍ଵଂ ବ୍ରହ୍ମାଣୀ ମେ ରକ୍ଷେଦଧସ୍ତାଦ୍ଵୈଷ୍ଣଵୀ ତଥା ॥ 19 ॥
ଏଵଂ ଦଶ ଦିଶୋ ରକ୍ଷେଚ୍ଚାମୁଂଡା ଶଵଵାହନା ।
ଜୟା ମେ ଚାଗ୍ରତଃ ପାତୁ ଵିଜୟା ପାତୁ ପୃଷ୍ଠତଃ ॥ 20 ॥
ଅଜିତା ଵାମପାର୍ଶ୍ଵେ ତୁ ଦକ୍ଷିଣେ ଚାପରାଜିତା ।
ଶିଖାମୁଦ୍ୟୋତିନୀ ରକ୍ଷେଦୁମା ମୂର୍ଧ୍ନି ଵ୍ୟଵସ୍ଥିତା ॥ 21 ॥
ମାଲାଧରୀ ଲଲାଟେ ଚ ଭ୍ରୁଵୌ ରକ୍ଷେଦ୍ୟଶସ୍ଵିନୀ ।
ତ୍ରିନେତ୍ରା ଚ ଭ୍ରୁଵୋର୍ମଧ୍ୟେ ୟମଘଂଟା ଚ ନାସିକେ ॥ 22 ॥
ଶଂଖିନୀ ଚକ୍ଷୁଷୋର୍ମଧ୍ୟେ ଶ୍ରୋତ୍ରୟୋର୍ଦ୍ଵାରଵାସିନୀ ।
କପୋଲୌ କାଲିକା ରକ୍ଷେତ୍କର୍ଣମୂଲେ ତୁ ଶାଂକରୀ ॥ 23 ॥
ନାସିକାୟାଂ ସୁଗଂଧା ଚ ଉତ୍ତରୋଷ୍ଠେ ଚ ଚର୍ଚିକା ।
ଅଧରେ ଚାମୃତକଲା ଜିହ୍ଵାୟାଂ ଚ ସରସ୍ଵତୀ ॥ 24 ॥
ଦଂତାନ୍ ରକ୍ଷତୁ କୌମାରୀ କଂଠଦେଶେ ତୁ ଚଂଡିକା ।
ଘଂଟିକାଂ ଚିତ୍ରଘଂଟା ଚ ମହାମାୟା ଚ ତାଲୁକେ ॥ 25 ॥
କାମାକ୍ଷୀ ଚିବୁକଂ ରକ୍ଷେଦ୍ଵାଚଂ ମେ ସର୍ଵମଂଗଳା ।
ଗ୍ରୀଵାୟାଂ ଭଦ୍ରକାଳୀ ଚ ପୃଷ୍ଠଵଂଶେ ଧନୁର୍ଧରୀ ॥ 26 ॥
ନୀଲଗ୍ରୀଵା ବହିଃ କଂଠେ ନଲିକାଂ ନଲକୂବରୀ ।
ସ୍କଂଧୟୋଃ ଖଡ୍ଗିନୀ ରକ୍ଷେଦ୍ବାହୂ ମେ ଵଜ୍ରଧାରିଣୀ ॥ 27 ॥
ହସ୍ତୟୋର୍ଦଂଡିନୀ ରକ୍ଷେଦଂବିକା ଚାଂଗୁଲୀଷୁ ଚ ।
ନଖାଂଛୂଲେଶ୍ଵରୀ ରକ୍ଷେତ୍କୁକ୍ଷୌ ରକ୍ଷେତ୍କୁଲେଶ୍ଵରୀ ॥ 28 ॥
ସ୍ତନୌ ରକ୍ଷେନ୍ମହାଦେଵୀ ମନଃଶୋକଵିନାଶିନୀ ।
ହୃଦୟେ ଲଲିତା ଦେଵୀ ଉଦରେ ଶୂଲଧାରିଣୀ ॥ 29 ॥
ନାଭୌ ଚ କାମିନୀ ରକ୍ଷେଦ୍ଗୁହ୍ୟଂ ଗୁହ୍ୟେଶ୍ଵରୀ ତଥା ।
ପୂତନା କାମିକା ମେଢ୍ରଂ ଗୁଦେ ମହିଷଵାହିନୀ ॥ 30 ॥
କଟ୍ୟାଂ ଭଗଵତୀ ରକ୍ଷେଜ୍ଜାନୁନୀ ଵିଂଧ୍ୟଵାସିନୀ ।
ଜଂଘେ ମହାବଲା ରକ୍ଷେତ୍ସର୍ଵକାମପ୍ରଦାୟିନୀ ॥ 31 ॥
ଗୁଲ୍ଫୟୋର୍ନାରସିଂହୀ ଚ ପାଦପୃଷ୍ଠେ ତୁ ତୈଜସୀ ।
ପାଦାଂଗୁଲୀଷୁ ଶ୍ରୀ ରକ୍ଷେତ୍ପାଦାଧସ୍ତଲଵାସିନୀ ॥ 32 ॥
ନଖାନ୍ ଦଂଷ୍ଟ୍ରକରାଲୀ ଚ କେଶାଂଶ୍ଚୈଵୋର୍ଧ୍ଵକେଶିନୀ ।
ରୋମକୂପେଷୁ କୌମାରୀ ତ୍ଵଚଂ ଵାଗୀଶ୍ଵରୀ ତଥା ॥ 33 ॥
ରକ୍ତମଜ୍ଜାଵସାମାଂସାନ୍ୟସ୍ଥିମେଦାଂସି ପାର୍ଵତୀ ।
ଅଂତ୍ରାଣି କାଲରାତ୍ରିଶ୍ଚ ପିତ୍ତଂ ଚ ମୁକୁଟେଶ୍ଵରୀ ॥ 34 ॥
ପଦ୍ମାଵତୀ ପଦ୍ମକୋଶେ କଫେ ଚୂଡାମଣିସ୍ତଥା ।
ଜ୍ଵାଲାମୁଖୀ ନଖଜ୍ଵାଲାମଭେଦ୍ୟା ସର୍ଵସଂଧିଷୁ ॥ 35 ॥
ଶୁକ୍ରଂ ବ୍ରହ୍ମାଣି! ମେ ରକ୍ଷେଚ୍ଛାୟାଂ ଛତ୍ରେଶ୍ଵରୀ ତଥା ।
ଅହଂକାରଂ ମନୋ ବୁଦ୍ଧିଂ ରକ୍ଷେନ୍ମେ ଧର୍ମଧାରିଣୀ ॥ 36 ॥
ପ୍ରାଣାପାନୌ ତଥା ଵ୍ୟାନମୁଦାନଂ ଚ ସମାନକମ୍ ।
ଵଜ୍ରହସ୍ତା ଚ ମେ ରକ୍ଷେତ୍ପ୍ରାଣଂ କଲ୍ୟାଣଶୋଭନା ॥ 37 ॥
ରସେ ରୂପେ ଚ ଗଂଧେ ଚ ଶବ୍ଦେ ସ୍ପର୍ଶେ ଚ ୟୋଗିନୀ ।
ସତ୍ତ୍ଵଂ ରଜସ୍ତମଶ୍ଚୈଵ ରକ୍ଷେନ୍ନାରାୟଣୀ ସଦା ॥ 38 ॥
ଆୟୂ ରକ୍ଷତୁ ଵାରାହୀ ଧର୍ମଂ ରକ୍ଷତୁ ଵୈଷ୍ଣଵୀ ।
ୟଶଃ କୀର୍ତିଂ ଚ ଲକ୍ଷ୍ମୀଂ ଚ ଧନଂ ଵିଦ୍ୟାଂ ଚ ଚକ୍ରିଣୀ ॥ 39 ॥
ଗୋତ୍ରମିଂଦ୍ରାଣି! ମେ ରକ୍ଷେତ୍ପଶୂନ୍ମେ ରକ୍ଷ ଚଂଡିକେ ।
ପୁତ୍ରାନ୍ ରକ୍ଷେନ୍ମହାଲକ୍ଷ୍ମୀର୍ଭାର୍ୟାଂ ରକ୍ଷତୁ ଭୈରଵୀ ॥ 40 ॥
ପଂଥାନଂ ସୁପଥା ରକ୍ଷେନ୍ମାର୍ଗଂ କ୍ଷେମକରୀ ତଥା ।
ରାଜଦ୍ଵାରେ ମହାଲକ୍ଷ୍ମୀର୍ଵିଜୟା ସର୍ଵତଃ ସ୍ଥିତା ॥ 41 ॥
ରକ୍ଷାହୀନଂ ତୁ ୟତ୍-ସ୍ଥାନଂ ଵର୍ଜିତଂ କଵଚେନ ତୁ ।
ତତ୍ସର୍ଵଂ ରକ୍ଷ ମେ ଦେଵି! ଜୟଂତୀ ପାପନାଶିନୀ ॥ 42 ॥
ପଦମେକଂ ନ ଗଚ୍ଛେତ୍ତୁ ୟଦୀଚ୍ଛେଚ୍ଛୁଭମାତ୍ମନଃ ।
କଵଚେନାଵୃତୋ ନିତ୍ୟଂ ୟତ୍ର ୟତ୍ରୈଵ ଗଚ୍ଛତି ॥ 43 ॥
ତତ୍ର ତତ୍ରାର୍ଥଲାଭଶ୍ଚ ଵିଜୟଃ ସାର୍ଵକାମିକଃ ।
ୟଂ ୟଂ ଚିଂତୟତେ କାମଂ ତଂ ତଂ ପ୍ରାପ୍ନୋତି ନିଶ୍ଚିତମ୍ ॥ 44 ॥
ପରମୈଶ୍ଵର୍ୟମତୁଲଂ ପ୍ରାପ୍ସ୍ୟତେ ଭୂତଲେ ପୁମାନ୍ ।
ନିର୍ଭୟୋ ଜାୟତେ ମର୍ତ୍ୟଃ ସଂଗ୍ରାମେଷ୍ଵପରାଜିତଃ ॥ 45 ॥
ତ୍ରୈଲୋକ୍ୟେ ତୁ ଭଵେତ୍ପୂଜ୍ୟଃ କଵଚେନାଵୃତଃ ପୁମାନ୍ ।
ଇଦଂ ତୁ ଦେଵ୍ୟାଃ କଵଚଂ ଦେଵାନାମପି ଦୁର୍ଲଭମ୍ ॥ 46 ॥
ୟଃ ପଠେତ୍ପ୍ରୟତୋ ନିତ୍ୟଂ ତ୍ରିସଂଧ୍ୟଂ ଶ୍ରଦ୍ଧୟାନ୍ଵିତଃ ।
ଦୈଵୀକଲା ଭଵେତ୍ତସ୍ୟ ତ୍ରୈଲୋକ୍ୟେଷ୍ଵପରାଜିତଃ । 47 ॥
ଜୀଵେଦ୍ଵର୍ଷଶତଂ ସାଗ୍ରମପମୃତ୍ୟୁଵିଵର୍ଜିତଃ ।
ନଶ୍ୟଂତି ଵ୍ୟାଧୟଃ ସର୍ଵେ ଲୂତାଵିସ୍ଫୋଟକାଦୟଃ ॥ 48 ॥
ସ୍ଥାଵରଂ ଜଂଗମଂ ଚୈଵ କୃତ୍ରିମଂ ଚୈଵ ୟଦ୍ଵିଷମ୍ ।
ଅଭିଚାରାଣି ସର୍ଵାଣି ମଂତ୍ରୟଂତ୍ରାଣି ଭୂତଲେ ॥ 49 ॥
ଭୂଚରାଃ ଖେଚରାଶ୍ଚୈଵ ଜୁଲଜାଶ୍ଚୋପଦେଶିକାଃ ।
ସହଜା କୁଲଜା ମାଲା ଡାକିନୀ ଶାକିନୀ ତଥା ॥ 50 ॥
ଅଂତରିକ୍ଷଚରା ଘୋରା ଡାକିନ୍ୟଶ୍ଚ ମହାବଲାଃ ।
ଗ୍ରହଭୂତପିଶାଚାଶ୍ଚ ୟକ୍ଷଗଂଧର୍ଵରାକ୍ଷସାଃ ॥ 51 ॥
ବ୍ରହ୍ମରାକ୍ଷସଵେତାଲାଃ କୂଷ୍ମାଂଡା ଭୈରଵାଦୟଃ ।
ନଶ୍ୟଂତି ଦର୍ଶନାତ୍ତସ୍ୟ କଵଚେ ହୃଦି ସଂସ୍ଥିତେ ॥ 52 ॥
ମାନୋନ୍ନତିର୍ଭଵେଦ୍ରାଜ୍ଞସ୍ତେଜୋଵୃଦ୍ଧିକରଂ ପରମ୍ ।
ୟଶସା ଵର୍ଧତେ ସୋଽପି କୀର୍ତିମଂଡିତଭୂତଲେ ॥ 53 ॥
ଜପେତ୍ସପ୍ତଶତୀଂ ଚଂଡୀଂ କୃତ୍ଵା ତୁ କଵଚଂ ପୁରା ।
ୟାଵଦ୍ଭୂମଂଡଲଂ ଧତ୍ତେ ସଶୈଲଵନକାନନମ୍ ॥ 54 ॥
ତାଵତ୍ତିଷ୍ଠତି ମେଦିନ୍ୟାଂ ସଂତତିଃ ପୁତ୍ରପୌତ୍ରିକୀ ।
ଦେହାଂତେ ପରମଂ ସ୍ଥାନଂ ୟତ୍ସୁରୈରପି ଦୁର୍ଲଭମ୍ ॥ 55 ॥
ପ୍ରାପ୍ନୋତି ପୁରୁଷୋ ନିତ୍ୟଂ ମହାମାୟାପ୍ରସାଦତଃ ।
ଲଭତେ ପରମଂ ରୂପଂ ଶିଵେନ ସହ ମୋଦତେ ॥ 56 ॥
॥ ଇତି ଵାରାହପୁରାଣେ ହରିହରବ୍ରହ୍ମ ଵିରଚିତଂ ଦେଵ୍ୟାଃ କଵଚଂ ସଂପୂର୍ଣମ୍ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଦେଵୀ ମାହାତ୍ମ୍ୟଂ ଦେଵି କଵଚମ୍?
ଦେଵୀ ମାହାତ୍ମ୍ୟଂ ଦେଵି କଵଚମ୍ is a Devi Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଦେଵୀ ମାହାତ୍ମ୍ୟଂ ଦେଵି କଵଚମ୍ online?
Yes. The imported text is available directly on this page for online reading and recitation.
Can I download ଦେଵୀ ମାହାତ୍ମ୍ୟଂ ଦେଵି କଵଚମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.