ശ്രീ വേംകടേശ്വര സഹസ്രനാമ സ്തോത്രമ്

ശ്രീവസിഷ്ഠ ഉവാച ।
ഭഗവന് കേന വിധിനാ നാമഭിർവേംകടേശ്വരമ് ।
പൂജയാമാസ തം ദേവം ബ്രഹ്മാ തു കമലൈഃ ശുഭൈഃ ॥ 1 ॥

പൃച്ഛാമി താനി നാമാനി ഗുണയോഗപരാണി കിമ് ।
മുഖ്യവൃത്തീനി കിം ബ്രൂഹി ലക്ഷകാണ്യഥവാ ഹരേഃ ॥ 2 ॥

നാരദ ഉവാച ।
നാമാന്യനംതാനി ഹരേഃ ഗുണയോഗാനി കാനി ചിത് ।
മുഖ്യവൃത്തീനി ചാന്യാനി ലക്ഷകാണ്യപരാണി ച ॥ 3 ॥

പരമാര്ഥൈഃ സർവശബ്ദൈരേകോ ജ്ഞേയഃ പരഃ പുമാന് ।
ആദിമധ്യാംതരഹിതസ്ത്വവ്യക്തോഽനംതരൂപഭൃത് ॥ 4 ॥

ചംദ്രാര്കവഹ്നിവായ്വാദ്യാ ഗ്രഹര്ക്ഷാണി നഭോ ദിശഃ ।
അന്വയവ്യതിരേകാഭ്യാം സംതി നോ സംതി യന്മതേഃ ॥ 5 ॥

തസ്യ ദേവസ്യ നാമ്നാം ഹി പാരം ഗംതും ഹി കഃ ക്ഷമഃ ।
തഥാഽപി ചാഭിധാനാനി വേംകടേശസ്യ കാനിചിത് ॥ 6 ॥

ബ്രഹ്മഗീതാനി പുണ്യാനി താനി വക്ഷ്യാമി സുവ്രത ।
യദുച്ചാരണമാത്രേണ വിമുക്താഘഃ പരം വ്രജേത് ॥ 7 ॥

വേംകടേശസ്യ നാമ്നാം ഹി സഹസ്രസ്യ ഋഷിർവിധിഃ ।
ഛംദോഽനുഷ്ടുപ്തഥാ ദേവഃ ശ്രീവത്സാംകോ രമാപതിഃ ॥ 8 ॥

ബീജഭൂതസ്തഥോംകാരോ ഹ്രീം ക്ലീം ശക്തിശ്ച കീലകമ് ।
ഓം നമോ വേംകടേശായേത്യാദിര്മംത്രോഽത്ര കഥ്യതേ ॥ 9 ॥

ബ്രഹ്മാംഡഗര്ഭഃ കവചമസ്ത്രം ചക്രഗദാധരഃ ।
വിനിയോഗോഽഭീഷ്ടസിദ്ധൌ ഹൃദയം സാമഗായനഃ ॥ 10 ॥

അസ്യ ശ്രീ വേംകടേശ സഹസ്രനാമ സ്തോത്ര മഹാമംത്രസ്യ ബ്രഹ്മാ ഋഷിഃ അനുഷ്ടുപ് ഛംദഃ ശ്രീവത്സാംകോ രമാപതിര്ദേവതാ ഓം ബീജം ഹ്രീം ശക്തിഃ ക്ലീം കീലകം ബ്രഹ്മാംഡഗര്ഭ ഇതി കവചം ചക്രഗദാധര ഇത്യസ്ത്രം സാമഗാനമിതി ഹൃദയം ഓം നമോ വേംകടേശായേത്യാദിര്മംത്രഃ ശ്രീ വേംകടേശ പ്രീത്യര്ഥേ ജപേ വിനിയോഗഃ ॥

ധ്യാനമ്
ഭാസ്വച്ചംദ്രമസൌ യദീയനയനേ ഭാര്യാ യദീയാ രമാ
യസ്മാദ്വിശ്വസൃഡപ്യഭൂദ്യമികുലം യദ്ധ്യാനയുക്തം സദാ
നാഥോ യോ ജഗതാം നഗേംദ്രദുഹിതുര്നാഥോഽപി യദ്ഭക്തിമാന്
താതോ യോ മദനസ്യ യോ ദുരിതഹാ തം വേംകടേശം ഭജേ ॥

ഊര്ധ്വൌ ഹസ്തൌ യദീയൌ സുരരിപുദളനേ ബിഭ്രതൌ ശംഖചക്രേ
സേവ്യാവംഘ്രീ സ്വകീയാവഭിദധദധരോ ദക്ഷിണോ യസ്യ പാണിഃ ।
താവന്മാത്രം ഭവാബ്ധിം ഗമയതി ഭജതാമൂരുഗോ വാമപാണിഃ
ശ്രീവത്സാംകശ്ച ലക്ഷ്മീര്യദുരസി ലസതസ്തം ഭജേ വേംകടേശമ് ॥

ഇതി ധ്യായന് വേംകടേശം ശ്രീവത്സാംകം രമാപതിമ് ।
വേംകടേശോ വിരൂപാക്ഷ ഇത്യാരഭ്യ ജപേത്ക്രമാത് ॥

സ്തോത്രം
ഓം വേംകടേശോ വിരൂപാക്ഷോ വിശ്വേശോ വിശ്വഭാവനഃ ।
വിശ്വസൃഡ്വിശ്വസംഹര്താ വിശ്വപ്രാണോ വിരാഡ്വപുഃ ॥ 1 ॥

ശേഷാദ്രിനിലയോഽശേഷഭക്തദുഃഖപ്രണാശനഃ ।
ശേഷസ്തുത്യഃ ശേഷശായീ വിശേഷജ്ഞോ വിഭുഃ സ്വഭൂഃ ॥ 2 ॥

വിഷ്ണുര്ജിഷ്ണുശ്ച വര്ധിഷ്ണുരുത്സഹിഷ്ണുഃ സഹിഷ്ണുകഃ ।
ഭ്രാജിഷ്ണുശ്ച ഗ്രസിഷ്ണുശ്ച വര്തിഷ്ണുശ്ച ഭരിഷ്ണുകഃ ॥ 3 ॥

കാലയംതാ കാലഗോപ്താ കാലഃ കാലാംതകോഽഖിലഃ ।
കാലഗമ്യഃ കാലകംഠവംദ്യഃ കാലകലേശ്വരഃ ॥ 4 ॥

ശംഭുഃ സ്വയംഭൂരംഭോജനാഭിഃ സ്തംഭിതവാരിധിഃ ।
അംഭോധിനംദിനീജാനിഃ ശോണാംഭോജപദപ്രഭഃ ॥ 5 ॥

കംബുഗ്രീവഃ ശംബരാരിരൂപഃ ശംബരജേക്ഷണഃ ।
ബിംബാധരോ ബിംബരൂപീ പ്രതിബിംബക്രിയാതിഗഃ ॥ 6 ॥

ഗുണവാന് ഗുണഗമ്യശ്ച ഗുണാതീതോ ഗുണപ്രിയഃ ।
ദുര്ഗുണധ്വംസകൃത്സർവസുഗുണോ ഗുണഭാസകഃ ॥ 7 ॥

പരേശഃ പരമാത്മാ ച പരംജ്യോതിഃ പരാ ഗതിഃ ।
പരം പദം വിയദ്വാസാഃ പാരംപര്യശുഭപ്രദഃ ॥ 8 ॥

ബ്രഹ്മാംഡഗര്ഭോ ബ്രഹ്മണ്യോ ബ്രഹ്മസൃഡ്ബ്രഹ്മബോധിതഃ ।
ബ്രഹ്മസ്തുത്യോ ബ്രഹ്മവാദീ ബ്രഹ്മചര്യപരായണഃ ॥ 9 ॥

സത്യവ്രതാര്ഥസംതുഷ്ടഃ സത്യരൂപീ ഝഷാംഗവാന് ।
സോമകപ്രാണഹാരീ ചാഽഽനീതാമ്നായോഽബ്ധിസംചരഃ ॥ 10 ॥

ദേവാസുരവരസ്തുത്യഃ പതന്മംദരധാരകഃ ।
ധന്വംതരിഃ കച്ഛപാംഗഃ പയോനിധിവിമംഥകഃ ॥ 11 ॥

അമരാമൃതസംധാതാ ധൃതസം‍മോഹിനീവപുഃ ।
ഹരമോഹകമായാവീ രക്ഷസ്സംദോഹഭംജനഃ ॥ 12 ॥

ഹിരണ്യാക്ഷവിദാരീ ച യജ്ഞോ യജ്ഞവിഭാവനഃ ।
യജ്ഞീയോർവീസമുദ്ധര്താ ലീലാക്രോഡഃ പ്രതാപവാന് ॥ 13 ॥

ദംഡകാസുരവിധ്വംസീ വക്രദംഷ്ട്രഃ ക്ഷമാധരഃ ।
ഗംധർവശാപഹരണഃ പുണ്യഗംധോ വിചക്ഷണഃ ॥ 14 ॥

കരാലവക്ത്രഃ സോമാര്കനേത്രഃ ഷഡ്ഗുണവൈഭവഃ ।
ശ്വേതഘോണീ ഘൂര്ണിതഭ്രൂര്ഘുര്ഘുരധ്വനിവിഭ്രമഃ ॥ 15 ॥

ദ്രാഘീയാന് നീലകേശീ ച ജാഗ്രദംബുജലോചനഃ ।
ഘൃണാവാന് ഘൃണിസമ്മോഹോ മഹാകാലാഗ്നിദീധിതിഃ ॥ 16 ॥

ജ്വാലാകരാളവദനോ മഹോല്കാകുലവീക്ഷണഃ ।
സടാനിര്ഭിന്നമേഘൌഘോ ദംഷ്ട്രാരുഗ്വ്യാപ്തദിക്തടഃ ॥ 17 ॥

ഉച്ഛ്വാസാകൃഷ്ടഭൂതേശോ നിശ്ശ്വാസത്യക്തവിശ്വസൃട് ।
അംതര്ഭ്രമജ്ജഗദ്ഗര്ഭോഽനംതോ ബ്രഹ്മകപാലഹൃത് ॥ 18 ॥

ഉഗ്രോ വീരോ മഹാവിഷ്ണുര്ജ്വലനഃ സർവതോമുഖഃ ।
നൃസിംഹോ ഭീഷണോ ഭദ്രോ മൃത്യുമൃത്യുഃ സനാതനഃ ॥ 19 ॥

സഭാസ്തംഭോദ്ഭവോ ഭീമഃ ശീരോമാലീ മഹേശ്വരഃ ।
ദ്വാദശാദിത്യചൂഡാലഃ കല്പധൂമസടാച്ഛവിഃ ॥ 20 ॥

ഹിരണ്യകോരഃസ്ഥലഭിന്നഖഃ സിംഹമുഖോഽനഘഃ ।
പ്രഹ്ലാദവരദോ ധീമാന് ഭക്തസംഘപ്രതിഷ്ഠിതഃ ॥ 21 ॥

ബ്രഹ്മരുദ്രാദിസംസേവ്യഃ സിദ്ധസാധ്യപ്രപൂജിതഃ ।
ലക്ഷ്മീനൃസിംഹോ ദേവേശോ ജ്വാലാജിഹ്വാംത്രമാലികഃ ॥ 22 ॥

ഖഡ്ഗീ ഖേടീ മഹേഷ്വാസീ കപാലീ മുസലീ ഹലീ ।
പാശീ ശൂലീ മഹാബാഹുര്ജ്വരഘ്നോ രോഗലുംഠകഃ ॥ 23 ॥

മൌംജീയുക് ഛാത്രകോ ദംഡീ കൃഷ്ണാജിനധരോ വടുഃ ।
അധീതവേദോ വേദാംതോദ്ധാരകോ ബ്രഹ്മനൈഷ്ഠികഃ ॥ 24 ॥

അഹീനശയനപ്രീതഃ ആദിതേയോഽനഘോ ഹരിഃ ।
സംവിത്പ്രിയഃ സാമവേദ്യോ ബലിവേശ്മപ്രതിഷ്ഠിതഃ ॥ 25 ॥

ബലിക്ഷാലിതപാദാബ്ജോ വിംധ്യാവലിവിമാനിതഃ ।
ത്രിപാദഭൂമിസ്വീകര്താ വിശ്വരൂപപ്രദര്ശകഃ ॥ 26 ॥

ധൃതത്രിവിക്രമഃ സ്വാംഘ്രിനഖഭിന്നാംഡഖര്പരഃ ।
പജ്ജാതവാഹിനീധാരാപവിത്രിതജഗത്ത്രയഃ ॥ 27 ॥

വിധിസമ്മാനിതഃ പുണ്യോ ദൈത്യയോദ്ധാ ജയോര്ജിതഃ ।
സുരരാജ്യപ്രദഃ ശുക്രമദഹൃത്സുഗതീശ്വരഃ ॥ 28 ॥

ജാമദഗ്ന്യഃ കുഠാരീ ച കാര്തവീര്യവിദാരണഃ ।
രേണുകായാഃ ശിരോഹാരീ ദുഷ്ടക്ഷത്രിയമര്ദനഃ ॥ 29 ॥

വര്ചസ്വീ ദാനശീലശ്ച ധനുഷ്മാന് ബ്രഹ്മവിത്തമഃ ।
അത്യുദഗ്രഃ സമഗ്രശ്ച ന്യഗ്രോധോ ദുഷ്ടനിഗ്രഹഃ ॥ 30 ॥

രവിവംശസമുദ്ഭൂതോ രാഘവോ ഭരതാഗ്രജഃ ।
കൌസല്യാതനയോ രാമോ വിശ്വാമിത്രപ്രിയംകരഃ ॥ 31 ॥

താടകാരിഃ സുബാഹുഘ്നോ ബലാതിബലമംത്രവാന് ।
അഹല്യാശാപവിച്ഛേദീ പ്രവിഷ്ടജനകാലയഃ ॥ 32 ॥

സ്വയംവരസഭാസംസ്ഥ ഈശചാപപ്രഭംജനഃ ।
ജാനകീപരിണേതാ ച ജനകാധീശസംസ്തുതഃ ॥ 33 ॥

ജമദഗ്നിതനൂജാതയോദ്ധാഽയോധ്യാധിപാഗ്രണീഃ ।
പിതൃവാക്യപ്രതീപാലസ്ത്യക്തരാജ്യഃ സലക്ഷ്മണഃ ॥ 34 ॥

സസീതശ്ചിത്രകൂടസ്ഥോ ഭരതാഹിതരാജ്യകഃ ।
കാകദര്പപ്രഹര്താ ച ദംഡകാരണ്യവാസകഃ ॥ 35 ॥

പംചവട്യാം വിഹാരീ ച സ്വധര്മപരിപോഷകഃ ।
വിരാധഹാഽഗസ്ത്യമുഖ്യമുനിസമ്മാനിതഃ പുമാന് ॥ 36 ॥

ഇംദ്രചാപധരഃ ഖഡ്ഗധരശ്ചാക്ഷയസായകഃ ।
ഖരാംതകോ ദൂഷണാരിസ്ത്രിശിരസ്കരിപുർവൃഷഃ ॥ 37 ॥

തതഃ ശൂര്പണഖാനാസാച്ഛേത്താ വല്കലധാരകഃ ।
ജടാവാന് പര്ണശാലാസ്ഥോ മാരീചബലമര്ദകഃ ॥ 38 ॥

പക്ഷിരാട്കൃതസംവാദോ രവിതേജാ മഹാബലഃ ।
ശബര്യാനീതഫലഭുക് ഹനൂമത്പരിതോഷിതഃ ॥ 39 ॥

സുഗ്രീവാഽഭയദോ ദൈത്യകായക്ഷേപണഭാസുരഃ ।
സപ്തതാലസമുച്ഛേത്താ വാലിഹൃത്കപിസംവൃതഃ ॥ 40 ॥

വായുസൂനുകൃതാസേവസ്ത്യക്തപംപഃ കുശാസനഃ ।
ഉദന്വത്തീരഗഃ ശൂരോ വിഭീഷണവരപ്രദഃ ॥ 41 ॥

സേതുകൃദ്ദൈത്യഹാ പ്രാപ്തലംകോഽലംകാരവാന് സ്വയമ് ।
അതികായശിരശ്ഛേത്താ കുംഭകര്ണവിഭേദനഃ ॥ 42 ॥

ദശകംഠശിരോധ്വംസീ ജാംബവത്പ്രമുഖാവൃതഃ ।
ജാനകീശഃ സുരാധ്യക്ഷഃ സാകേതേശഃ പുരാതനഃ ॥ 43 ॥

പുണ്യശ്ലോകോ വേദവേദ്യഃ സ്വാമിതീര്ഥനിവാസകഃ ।
ലക്ഷ്മീസരഃകേളിലോലോ ലക്ഷ്മീശോ ലോകരക്ഷകഃ ॥ 44 ॥

ദേവകീഗര്ഭസംഭൂതോ യശോദേക്ഷണലാലിതഃ ।
വസുദേവകൃതസ്തോത്രോ നംദഗോപമനോഹരഃ ॥ 45 ॥

ചതുര്ഭുജഃ കോമലാംഗോ ഗദാവാന്നീലകുംതലഃ ।
പൂതനാപ്രാണസംഹര്താ തൃണാവര്തവിനാശനഃ ॥ 46 ॥

ഗര്ഗാരോപിതനാമാംകോ വാസുദേവോ ഹ്യധോക്ഷജഃ ।
ഗോപികാസ്തന്യപായീ ച ബലഭദ്രാനുജോഽച്യുതഃ ॥ 47 ॥

വൈയാഘ്രനഖഭൂഷശ്ച വത്സജിദ്വത്സവര്ധനഃ ।
ക്ഷീരസാരാശനരതോ ദധിഭാംഡപ്രമര്ദനഃ ॥ 48 ॥

നവനീതാപഹര്താ ച നീലനീരദഭാസുരഃ ।
ആഭീരദൃഷ്ടദൌര്ജന്യോ നീലപദ്മനിഭാനനഃ ॥ 49 ॥

മാതൃദര്ശിതവിശ്വാഽഽസ്യ ഉലൂഖലനിബംധനഃ ।
നലകൂബരശാപാംതോ ഗോധൂളിച്ഛുരിതാംഗകഃ ॥ 50 ॥

ഗോസംഘരക്ഷകഃ ശ്രീശോ ബൃംദാരണ്യനിവാസകഃ ।
വത്സാംതകോ ബകദ്വേഷീ ദൈത്യാംബുദമഹാനിലഃ ॥ 51 ॥

മഹാജഗരചംഡാഗ്നിഃ ശകടപ്രാണകംടകഃ ।
ഇംദ്രസേവ്യഃ പുണ്യഗാത്രഃ ഖരജിച്ചംഡദീധിതിഃ ॥ 52 ॥

താലപക്വഫലാശീ ച കാളീയഫണിദര്പഹാ ।
നാഗപത്നീസ്തുതിപ്രീതഃ പ്രലംബാസുരഖംഡനഃ ॥ 53 ॥

ദാവാഗ്നിബലസംഹാരീ ഫലാഹാരീ ഗദാഗ്രജഃ ।
ഗോപാംഗനാചേലചോരഃ പാഥോലീലാവിശാരദഃ ॥ 54 ॥

വംശഗാനപ്രവീണശ്ച ഗോപീഹസ്താംബുജാര്ചിതഃ ।
മുനിപത്ന്യാഹൃതാഹാരോ മുനിശ്രേഷ്ഠോ മുനിപ്രിയഃ ॥ 55 ॥

ഗോവര്ധനാദ്രിസംധര്താ സംക്രംദനതമോഽപഹഃ ।
സദുദ്യാനവിലാസീ ച രാസക്രീഡാപരായണഃ ॥ 56 ॥

വരുണാഭ്യര്ചിതോ ഗോപീപ്രാര്ഥിതഃ പുരുഷോത്തമഃ ।
അക്രൂരസ്തുതിസംപ്രീതഃ കുബ്ജായൌവനദായകഃ ॥ 57 ॥

മുഷ്ടികോരഃപ്രഹാരീ ച ചാണൂരോദരദാരണഃ ।
മല്ലയുദ്ധാഗ്രഗണ്യശ്ച പിതൃബംധനമോചകഃ ॥ 58 ॥

മത്തമാതംഗപംചാസ്യഃ കംസഗ്രീവാനികൃംതനഃ ।
ഉഗ്രസേനപ്രതിഷ്ഠാതാ രത്നസിംഹാസനസ്ഥിതഃ ॥ 59 ॥

കാലനേമിഖലദ്വേഷീ മുചുകുംദവരപ്രദഃ ।
സാല്വസേവിതദുര്ധര്ഷരാജസ്മയനിവാരണഃ ॥ 60 ॥

രുക്മിഗർവാപഹാരീ ച രുക്മിണീനയനോത്സവഃ ।
പ്രദ്യുമ്നജനകഃ കാമീ പ്രദ്യുമ്നോ ദ്വാരകാധിപഃ ॥ 61 ॥

മണ്യാഹര്താ മഹാമായോ ജാംബവത്കൃതസംഗരഃ ।
ജാംബൂനദാംബരധരോ ഗമ്യോ ജാംബവതീവിഭുഃ ॥ 62 ॥

കാലിംദീപ്രഥിതാരാമകേലിര്ഗുംജാവതംസകഃ ।
മംദാരസുമനോഭാസ്വാന് ശചീശാഭീഷ്ടദായകഃ ॥ 63 ॥

സത്രാജിന്മാനസോല്ലാസീ സത്യാജാനിഃ ശുഭാവഹഃ ।
ശതധന്വഹരഃ സിദ്ധഃ പാംഡവപ്രിയകോത്സവഃ ॥ 64 ॥

ഭദ്രപ്രിയഃ സുഭദ്രായാ ഭ്രാതാ നാഗ്നാജിതീവിഭുഃ ।
കിരീടകുംഡലധരഃ കല്പപല്ലവലാലിതഃ ॥ 65 ॥

ഭൈഷ്മീപ്രണയഭാഷാവാന് മിത്രവിംദാധിപോഽഭയഃ ।
സ്വമൂര്തികേലിസംപ്രീതോ ലക്ഷ്മണോദാരമാനസഃ ॥ 66 ॥

പ്രാഗ്ജ്യോതിഷാധിപധ്വംസീ തത്സൈന്യാംതകരോഽമൃതഃ ।
ഭൂമിസ്തുതോ ഭൂരിഭോഗോ ഭൂഷണാംബരസംയുതഃ ॥ 67 ॥

ബഹുരാമാകൃതാഹ്ലാദോ ഗംധമാല്യാനുലേപനഃ ।
നാരദാദൃഷ്ടചരിതോ ദേവേശോ വിശ്വരാഡ്ഗുരുഃ ॥ 68 ॥

ബാണബാഹുവിദാരശ്ച താപജ്വരവിനാശകഃ ।
ഉഷോദ്ധര്ഷയിതാഽവ്യക്തഃ ശിവവാക്തുഷ്ടമാനസഃ ॥ 69 ॥

മഹേശജ്വരസംസ്തുത്യഃ ശീതജ്വരഭയാംതകഃ ।
നൃഗരാജോദ്ധാരകശ്ച പൌംഡ്രകാദിവധോദ്യതഃ ॥ 70 ॥

വിവിധാരിച്ഛലോദ്വിഗ്നബ്രാഹ്മണേഷു ദയാപരഃ ।
ജരാസംധബലദ്വേഷീ കേശിദൈത്യഭയംകരഃ ॥ 71 ॥

ചക്രീ ചൈദ്യാംതകഃ സഭ്യോ രാജബംധവിമോചകഃ ।
രാജസൂയഹവിര്ഭോക്താ സ്നിഗ്ധാംഗഃ ശുഭലക്ഷണഃ ॥ 72 ॥

ധാനാഭക്ഷണസംപ്രീതഃ കുചേലാഭീഷ്ടദായകഃ ।
സത്ത്വാദിഗുണഗംഭീരോ ദ്രൌപദീമാനരക്ഷകഃ ॥ 73 ॥

ഭീഷ്മധ്യേയോ ഭക്തവശ്യോ ഭീമപൂജ്യോ ദയാനിധിഃ ।
ദംതവക്ത്രശിരശ്ഛേത്താ കൃഷ്ണഃ കൃഷ്ണാസഖഃ സ്വരാട് ॥ 74 ॥

വൈജയംതീപ്രമോദീ ച ബര്ഹിബര്ഹവിഭൂഷണഃ ।
പാര്ഥകൌരവസംധാനകാരീ ദുശ്ശാസനാംതകഃ ॥ 75 ॥

ബുദ്ധോ വിശുദ്ധഃ സർവജ്ഞഃ ക്രതുഹിംസാവിനിംദകഃ ।
ത്രിപുരസ്ത്രീമാനഭംഗഃ സർവശാസ്ത്രവിശാരദഃ ॥ 76 ॥

നിർവികാരോ നിര്മമശ്ച നിരാഭാസോ നിരാമയഃ ।
ജഗന്മോഹകധര്മീ ച ദിഗ്വസ്ത്രോ ദിക്പതീശ്വരഃ ॥ 77 ॥

കല്കീ മ്ലേച്ഛപ്രഹര്താ ച ദുഷ്ടനിഗ്രഹകാരകഃ ।
ധര്മപ്രതിഷ്ടാകാരീ ച ചാതുർവര്ണ്യവിഭാഗകൃത് ॥ 78 ॥

യുഗാംതകോ യുഗാക്രാംതോ യുഗകൃദ്യുഗഭാസകഃ ।
കാമാരിഃ കാമകാരീ ച നിഷ്കാമഃ കാമിതാര്ഥദഃ ॥ 79 ॥

ഭര്ഗോ വരേണ്യഃ സവിതുഃ ശാരംഗീ വൈകുംഠമംദിരഃ ।
ഹയഗ്രീവഃ കൈടഭാരിഃ ഗ്രാഹഘ്നോ ഗജരക്ഷകഃ ॥ 80 ॥

സർവസംശയവിച്ഛേത്താ സർവഭക്തസമുത്സുകഃ ।
കപര്ദീ കാമഹാരീ ച കലാ കാഷ്ഠാ സ്മൃതിര്ധൃതിഃ ॥ 81 ॥

അനാദിരപ്രമേയൌജാഃ പ്രധാനഃ സന്നിരൂപകഃ ।
നിര്ലേപോ നിഃസ്പൃഹോഽസംഗോ നിര്ഭയോ നീതിപാരഗഃ ॥ 82 ॥

നിഷ്പ്രേഷ്യോ നിഷ്ക്രിയഃ ശാംതോ നിഷ്പ്രപംചോ നിധിര്നയഃ
കര്മ്യകര്മീ വികര്മീ ച കര്മേപ്സുഃ കര്മഭാവനഃ ॥ 83 ॥

കര്മാംഗഃ കര്മവിന്യാസോ മഹാകര്മീ മഹാവ്രതീ ।
കര്മഭുക്കര്മഫലദഃ കര്മേശഃ കര്മനിഗ്രഹഃ ॥ 84 ॥

നരോ നാരായണോ ദാംതഃ കപിലഃ കാമദഃ ശുചിഃ ।
തപ്താ ജപ്താഽക്ഷമാലാവാന് ഗംതാ നേതാ ലയോ ഗതിഃ ॥ 85 ॥

ശിഷ്ടോ ദ്രഷ്ടാ രിപുദ്വേഷ്ടാ രോഷ്ടാ വേഷ്ടാ മഹാനടഃ ।
രോദ്ധാ ബോദ്ധാ മഹായോദ്ധാ ശ്രദ്ധാവാന് സത്യധീഃ ശുഭഃ ॥ 86 ॥

മംത്രീ മംത്രോ മംത്രഗമ്യോ മംത്രകൃത്പരമംത്രഹൃത് ।
മംത്രഭൃന്മംത്രഫലദോ മംത്രേശോ മംത്രവിഗ്രഹഃ ॥ 87 ॥

മംത്രാംഗോ മംത്രവിന്യാസോ മഹാമംത്രോ മഹാക്രമഃ ।
സ്ഥിരധീഃ സ്ഥിരവിജ്ഞാനഃ സ്ഥിരപ്രജ്ഞഃ സ്ഥിരാസനഃ ॥ 88 ॥

സ്ഥിരയോഗഃ സ്ഥിരാധാരഃ സ്ഥിരമാര്ഗഃ സ്ഥിരാഗമഃ ।
നിശ്ശ്രേയസോ നിരീഹോഽഗ്നിര്നിരവദ്യോ നിരംജനഃ ॥ 89 ॥

നിർവൈരോ നിരഹംകാരോ നിര്ദംഭോ നിരസൂയകഃ ।
അനംതോഽനംതബാഹൂരുരനംതാംഘ്രിരനംതദൃക് ॥ 90 ॥

അനംതവക്ത്രോഽനംതാംഗോഽനംതരൂപോ ഹ്യനംതകൃത് ।
ഊര്ധ്വരേതാ ഊര്ധ്വലിംഗോ ഹ്യൂര്ധ്വമൂര്ധോര്ധ്വശാഖകഃ ॥ 91 ॥

ഊര്ധ്വ ഊര്ധ്വാധ്വരക്ഷീ ച ഹ്യൂര്ധ്വജ്വാലോ നിരാകുലഃ ।
ബീജം ബീജപ്രദോ നിത്യോ നിദാനം നിഷ്കൃതിഃ കൃതീ ॥ 92 ॥

മഹാനണീയന് ഗരിമാ സുഷമാ ചിത്രമാലികഃ ।
നഭഃ സ്പൃങ്നഭസോ ജ്യോതിര്നഭസ്വാന്നിര്നഭാ നഭഃ ॥ 93 ॥

അഭുർവിഭുഃ പ്രഭുഃ ശംഭുര്മഹീയാന് ഭൂര്ഭുവാകൃതിഃ ।
മഹാനംദോ മഹാശൂരോ മഹോരാശിര്മഹോത്സവഃ ॥ 94 ॥

മഹാക്രോധോ മഹാജ്വാലോ മഹാശാംതോ മഹാഗുണഃ ।
സത്യവ്രതഃ സത്യപരഃ സത്യസംധഃ സതാം ഗതിഃ ॥ 95 ॥

സത്യേശഃ സത്യസംകല്പഃ സത്യചാരിത്രലക്ഷണഃ ।
അംതശ്ചരോ ഹ്യംതരാത്മാ പരമാത്മാ ചിദാത്മകഃ ॥ 96 ॥

രോചനോ രോചമാനശ്ച സാക്ഷീ ശൌരിര്ജനാര്ദനഃ ।
മുകുംദോ നംദനിഷ്പംദഃ സ്വര്ണബിംദുഃ പുരംദരഃ ॥ 97 ॥

അരിംദമഃ സുമംദശ്ച കുംദമംദാരഹാസവാന് ।
സ്യംദനാരൂഢചംഡാംഗോ ഹ്യാനംദീ നംദനംദനഃ ॥ 98 ॥

അനസൂയാനംദനോഽത്രിനേത്രാനംദഃ സുനംദവാന് ।
ശംഖവാന്പംകജകരഃ കുംകുമാംകോ ജയാംകുശഃ ॥ 99 ॥

അംഭോജമകരംദാഢ്യോ നിഷ്പംകോഽഗരുപംകിലഃ ।
ഇംദ്രശ്ചംദ്രരഥശ്ചംദ്രോഽതിചംദ്രശ്ചംദ്രഭാസകഃ ॥ 100 ॥

ഉപേംദ്ര ഇംദ്രരാജശ്ച വാഗിംദ്രശ്ചംദ്രലോചനഃ ।
പ്രത്യക് പരാക് പരംധാമ പരമാര്ഥഃ പരാത്പരഃ ॥ 101 ॥

അപാരവാക് പാരഗാമീ പാരാവാരഃ പരാവരഃ ।
സഹസ്വാനര്ഥദാതാ ച സഹനഃ സാഹസീ ജയീ ॥ 102 ॥

തേജസ്വീ വായുവിശിഖീ തപസ്വീ താപസോത്തമഃ ।
ഐശ്വര്യോദ്ഭൂതികൃദ്ഭൂതിരൈശ്വര്യാംഗകലാപവാന് ॥ 103 ॥

അംഭോധിശായീ ഭഗവാന് സർവജ്ഞഃ സാമപാരഗഃ ।
മഹായോഗീ മഹാധീരോ മഹാഭോഗീ മഹാപ്രഭുഃ ॥ 104 ॥

മഹാവീരോ മഹാതുഷ്ടിര്മഹാപുഷ്ടിര്മഹാഗുണഃ ।
മഹാദേവോ മഹാബാഹുര്മഹാധര്മോ മഹേശ്വരഃ ॥ 105 ॥

സമീപഗോ ദൂരഗാമീ സ്വര്ഗമാര്ഗനിരര്ഗലഃ ।
നഗോ നഗധരോ നാഗോ നാഗേശോ നാഗപാലകഃ ॥ 106 ॥

ഹിരണ്മയഃ സ്വര്ണരേതാ ഹിരണ്യാര്ചിര്ഹിരണ്യദഃ ।
ഗുണഗണ്യഃ ശരണ്യശ്ച പുണ്യകീര്തിഃ പുരാണഗഃ ॥ 107 ॥

ജന്യഭൃജ്ജന്യസന്നദ്ധോ ദിവ്യപംചായുധോ വശീ ।
ദൌര്ജന്യഭംഗഃ പര്ജന്യഃ സൌജന്യനിലയോഽലയഃ ॥ 108 ॥

ജലംധരാംതകോ ഭസ്മദൈത്യനാശീ മഹാമനാഃ ।
ശ്രേഷ്ഠഃ ശ്രവിഷ്ഠോ ദ്രാഘിഷ്ഠോ ഗരിഷ്ഠോ ഗരുഡധ്വജഃ ॥ 109 ॥

ജ്യേഷ്ഠോ ദ്രഢിഷ്ഠോ വര്ഷിഷ്ഠോ ദ്രാഘീയാന് പ്രണവഃ ഫണീ ।
സംപ്രദായകരഃ സ്വാമീ സുരേശോ മാധവോ മധുഃ ॥ 110 ॥

നിര്നിമേഷോ വിധിർവേധാ ബലവാന് ജീവനം ബലീ ।
സ്മര്താ ശ്രോതാ വികര്താ ച ധ്യാതാ നേതാ സമോഽസമഃ ॥ 111 ॥

ഹോതാ പോതാ മഹാവക്താ രംതാ മംതാ ഖലാംതകഃ ।
ദാതാ ഗ്രാഹയിതാ മാതാ നിയംതാഽനംതവൈഭവഃ ॥ 112 ॥

ഗോപ്താ ഗോപയിതാ ഹംതാ ധര്മജാഗരിതാ ധവഃ ।
കര്താ ക്ഷേത്രകരഃ ക്ഷേത്രപ്രദഃ ക്ഷേത്രജ്ഞ ആത്മവിത് ॥ 113 ॥

ക്ഷേത്രീ ക്ഷേത്രഹരഃ ക്ഷേത്രപ്രിയഃ ക്ഷേമകരോ മരുത് ।
ഭക്തിപ്രദോ മുക്തിദായീ ശക്തിദോ യുക്തിദായകഃ ॥ 114 ॥

ശക്തിയുങ്മൌക്തികസ്രഗ്വീ സൂക്തിരാമ്നായസൂക്തിഗഃ ।
ധനംജയോ ധനാധ്യക്ഷോ ധനികോ ധനദാധിപഃ ॥ 115 ॥

മഹാധനോ മഹാമാനീ ദുര്യോധനവിമാനിതഃ ।
രത്നാകരോ രത്നരോചീ രത്നഗര്ഭാശ്രയഃ ശുചിഃ ॥ 116 ॥

രത്നസാനുനിധിര്മൌളിരത്നഭാ രത്നകംകണഃ ।
അംതര്ലക്ഷ്യോഽംതരഭ്യാസീ ചാംതര്ധ്യേയോ ജിതാസനഃ ॥ 117 ॥

അംതരംഗോ ദയാവാംശ്ച ഹ്യംതര്മായോ മഹാര്ണവഃ ।
സരസഃ സിദ്ധരസികഃ സിദ്ധിഃ സാധ്യഃ സദാഗതിഃ ॥ 118 ॥

ആയുഃപ്രദോ മഹായുഷ്മാനര്ചിഷ്മാനോഷധീപതിഃ ।
അഷ്ടശ്രീരഷ്ടഭാഗോഽഷ്ടകകുബ്വ്യാപ്തയശോ വ്രതീ ॥ 119 ॥

അഷ്ടാപദഃ സുവര്ണാഭോ ഹ്യഷ്ടമൂര്തിസ്ത്രിമൂര്തിമാന് ।
അസ്വപ്നഃ സ്വപ്നഗഃ സ്വപ്നഃ സുസ്വപ്നഫലദായകഃ ॥ 120 ॥

ദുഃസ്വപ്നധ്വംസകോ ധ്വസ്തദുര്നിമിത്തഃ ശിവംകരഃ ।
സുവര്ണവര്ണഃ സംഭാവ്യോ വര്ണിതോ വര്ണസമ്മുഖഃ ॥ 121 ॥

സുവര്ണമുഖരീതീരശിവധ്യാതപദാംബുജഃ ।
ദാക്ഷായണീവചസ്തുഷ്ടോ ദൂർവാസോദൃഷ്ടിഗോചരഃ ॥ 122 ॥

അംബരീഷവ്രതപ്രീതോ മഹാകൃത്തിവിഭംജനഃ ।
മഹാഭിചാരകധ്വംസീ കാലസര്പഭയാംതകഃ ॥ 123 ॥

സുദര്ശനഃ കാലമേഘശ്യാമഃ ശ്രീമംത്രഭാവിതഃ ।
ഹേമാംബുജസരഃസ്നായീ ശ്രീമനോഭാവിതാകൃതിഃ ॥ 124 ॥

ശ്രീപ്രദത്താംബുജസ്രഗ്വീ ശ്രീകേളിഃ ശ്രീനിധിര്ഭവഃ ।
ശ്രീപ്രദോ വാമനോ ലക്ഷ്മീനായകശ്ച ചതുര്ഭുജഃ ॥ 125 ॥

സംതൃപ്തസ്തര്പിതസ്തീര്ഥസ്നാതൃസൌഖ്യപ്രദര്ശകഃ ।
അഗസ്ത്യസ്തുതിസംഹൃഷ്ടോ ദര്ശിതാവ്യക്തഭാവനഃ ॥ 126 ॥

കപിലാര്ചിഃ കപിലവാന് സുസ്നാതാഘവിപാടനഃ ।
വൃഷാകപിഃ കപിസ്വാമിമനോഽംതഃസ്ഥിതവിഗ്രഹഃ ॥ 127 ॥

വഹ്നിപ്രിയോഽര്ഥസംഭാവ്യോ ജനലോകവിധായകഃ ।
വഹ്നിപ്രഭോ വഹ്നിതേജാഃ ശുഭാഭീഷ്ടപ്രദോ യമീ ॥ 128 ॥

വാരുണക്ഷേത്രനിലയോ വരുണോ വാരണാര്ചിതഃ ।
വായുസ്ഥാനകൃതാവാസോ വായുഗോ വായുസംഭൃതഃ ॥ 129 ॥

യമാംതകോഽഭിജനനോ യമലോകനിവാരണഃ ।
യമിനാമഗ്രഗണ്യശ്ച സംയമീ യമഭാവിതഃ ॥ 130 ॥

ഇംദ്രോദ്യാനസമീപസ്ഥഃ ഇംദ്രദൃഗ്വിഷയഃ പ്രഭുഃ ।
യക്ഷരാട് സരസീവാസോ ഹ്യക്ഷയ്യനിധികോശകൃത് ॥ 131 ॥

സ്വാമിതീര്ഥകൃതാവാസഃ സ്വാമിധ്യേയോ ഹ്യധോക്ഷജഃ ।
വരാഹാദ്യഷ്ടതീര്ഥാഭിസേവിതാംഘ്രിസരോരുഹഃ ॥ 132 ॥

പാംഡുതീര്ഥാഭിഷിക്താംഗോ യുധിഷ്ഠിരവരപ്രദഃ ।
ഭീമാംതഃകരണാരൂഢഃ ശ്വേതവാഹനസഖ്യവാന് ॥ 133 ॥

നകുലാഭയദോ മാദ്രീസഹദേവാഭിവംദിതഃ ।
കൃഷ്ണാശപഥസംധാതാ കുംതീസ്തുതിരതോ ദമീ ॥ 134 ॥

നാരദാദിമുനിസ്തുത്യോ നിത്യകര്മപരായണഃ ।
ദര്ശിതാവ്യക്തരൂപശ്ച വീണാനാദപ്രമോദിതഃ ॥ 135 ॥

ഷട്കോടിതീര്ഥചര്യാവാന് ദേവതീര്ഥകൃതാശ്രമഃ ।
ബില്വാമലജലസ്നായീ സരസ്വത്യംബുസേവിതഃ ॥ 136 ॥

തുംബുരൂദകസംസ്പര്ശജനചിത്തതമോഽപഹഃ ।
മത്സ്യവാമനകൂര്മാദിതീര്ഥരാജഃ പുരാണഭൃത് ॥ 137 ॥

ചക്രധ്യേയപദാംഭോജഃ ശംഖപൂജിതപാദുകഃ ।
രാമതീര്ഥവിഹാരീ ച ബലഭദ്രപ്രതിഷ്ഠിതഃ ॥ 138 ॥

ജാമദഗ്ന്യസരസ്തീര്ഥജലസേചനതര്പിതഃ ।
പാപാപഹാരികീലാലസുസ്നാതാഘവിനാശനഃ ॥ 139 ॥

നഭോഗംഗാഭിഷിക്തശ്ച നാഗതീര്ഥാഭിഷേകവാന് ।
കുമാരധാരാതീര്ഥസ്ഥോ വടുവേഷഃ സുമേഖലഃ ॥ 140 ॥

വൃദ്ധസ്യ സുകുമാരത്വപ്രദഃ സൌംദര്യവാന് സുഖീ ।
പ്രിയംവദോ മഹാകുക്ഷിരിക്ഷ്വാകുകുലനംദനഃ ॥ 141 ॥

നീലഗോക്ഷീരധാരാഭൂർവരാഹാചലനായകഃ ।
ഭരദ്വാജപ്രതിഷ്ഠാവാന് ബൃഹസ്പതിവിഭാവിതഃ ॥ 142 ॥

അംജനാകൃതപൂജാവാന് ആംജനേയകരാര്ചിതഃ ।
അംജനാദ്രിനിവാസശ്ച മുംജകേശഃ പുരംദരഃ ॥ 143 ॥

കിന്നരദ്വയസംബംധിബംധമോക്ഷപ്രദായകഃ ।
വൈഖാനസമഖാരംഭോ വൃഷജ്ഞേയോ വൃഷാചലഃ ॥ 144 ॥

വൃഷകായപ്രഭേത്താ ച ക്രീഡനാചാരസംഭ്രമഃ ।
സൌവര്ചലേയവിന്യസ്തരാജ്യോ നാരായണഃ പ്രിയഃ ॥ 145 ॥

ദുര്മേധോഭംജകഃ പ്രാജ്ഞോ ബ്രഹ്മോത്സവമഹോത്സുകഃ ।
ഭദ്രാസുരശിരശ്ഛേത്താ ഭദ്രക്ഷേത്രീ സുഭദ്രവാന് ॥ 146 ॥

മൃഗയാഽക്ഷീണസന്നാഹഃ ശംഖരാജന്യതുഷ്ടിദഃ ।
സ്ഥാണുസ്ഥോ വൈനതേയാംഗഭാവിതോ ഹ്യശരീരവാന് ॥ 147 ॥

ഭോഗീംദ്രഭോഗസംസ്ഥാനോ ബ്രഹ്മാദിഗണസേവിതഃ ।
സഹസ്രാര്കച്ഛടാഭാസ്വദ്വിമാനാംതഃസ്ഥിതോ ഗുണീ ॥ 148 ॥

വിഷ്വക്സേനകൃതസ്തോത്രഃ സനംദനവരീവൃതഃ ।
ജാഹ്നവ്യാദിനദീസേവ്യഃ സുരേശാദ്യഭിവംദിതഃ ॥ 149 ॥

സുരാംഗനാനൃത്യപരോ ഗംധർവോദ്ഗായനപ്രിയഃ ।
രാകേംദുസംകാശനഖഃ കോമലാംഘ്രിസരോരുഹഃ ॥ 150 ॥

കച്ഛപപ്രപദഃ കുംദഗുല്ഫകഃ സ്വച്ഛകൂര്പരഃ ।
മേദുരസ്വര്ണവസ്ത്രാഢ്യകടിദേശസ്ഥമേഖലഃ ॥ 151 ॥

പ്രോല്ലസച്ഛുരികാഭാസ്വത്കടിദേശഃ ശുഭംകരഃ ।
അനംതപദ്മജസ്ഥാനനാഭിര്മൌക്തികമാലികഃ ॥ 152 ॥

മംദാരചാംപേയമാലീ രത്നാഭരണസംഭൃതഃ ।
ലംബയജ്ഞോപവീതീ ച ചംദ്രശ്രീഖംഡലേപവാന് ॥ 153 ॥

വരദോഽഭയദശ്ചക്രീ ശംഖീ കൌസ്തുഭദീപ്തിമാന് ।
ശ്രീവത്സാംകിതവക്ഷസ്കോ ലക്ഷ്മീസംശ്രിതഹൃത്തടഃ ॥ 154 ॥

നീലോത്പലനിഭാകാരഃ ശോണാംഭോജസമാനനഃ ।
കോടിമന്മഥലാവണ്യശ്ചംദ്രികാസ്മിതപൂരിതഃ ॥ 155 ॥

സുധാസ്വച്ഛോര്ധ്വപുംഡ്രശ്ച കസ്തൂരീതിലകാംചിതഃ ।
പുംഡരീകേക്ഷണഃ സ്വച്ഛോ മൌലിശോഭാവിരാജിതഃ ॥ 156 ॥

പദ്മസ്ഥഃ പദ്മനാഭശ്ച സോമമംഡലഗോ ബുധഃ ।
വഹ്നിമംഡലഗഃ സൂര്യഃ സൂര്യമംഡലസംസ്ഥിതഃ ॥ 157 ॥

ശ്രീപതിര്ഭൂമിജാനിശ്ച വിമലാദ്യഭിസംവൃതഃ ।
ജഗത്കുടുംബജനിതാ രക്ഷകഃ കാമിതപ്രദഃ ॥ 158 ॥

അവസ്ഥാത്രയയംതാ ച വിശ്വതേജസ്സ്വരൂപവാന് ।
ജ്ഞപ്തിര്ജ്ഞേയോ ജ്ഞാനഗമ്യോ ജ്ഞാനാതീതഃ സുരാതിഗഃ ॥ 159 ॥

ബ്രഹ്മാംഡാംതര്ബഹിർവ്യാപ്തോ വേംകടാദ്രിഗദാധരഃ ।
വേംകടാദ്രിഗദാധര ഓം നമഃ ഇതി ॥
ഏവം ശ്രീവേംകടേശസ്യ കീര്തിതം പരമാദ്ഭുതമ് ॥ 160 ॥

നാമ്നാം സഹസ്രം സംശ്രാവ്യം പവിത്രം പുണ്യവര്ധനമ് ।
ശ്രവണാത്സർവദോഷഘ്നം രോഗഘ്നം മൃത്യുനാശനമ് ॥ 1 ॥

ദാരിദ്ര്യഭേദനം ധര്മ്യം സർവൈശ്വര്യഫലപ്രദമ് ।
കാലാഹിവിഷവിച്ഛേദി ജ്വരാപസ്മാരഭംജനമ് ॥ 2 ॥

[ശത്രുക്ഷയകരം രാജഗ്രഹപീഡാനിവാരണമ് ।
ബ്രഹ്മരാക്ഷസകൂഷ്മാംഡഭേതാലഭയഭംജനമ് ॥]

വിദ്യാഭിലാഷീ വിദ്യാവാന് ധനാര്ഥീ ധനവാന് ഭവേത് ।
അനംതകല്പജീവീ സ്യാദായുഷ്കാമോ മഹായശാഃ ॥ 3 ॥

പുത്രാര്ഥീ സുഗുണാന്പുത്രാന് ലഭേതാഽഽയുഷ്മതസ്തതഃ ।
സംഗ്രാമേ ശത്രുവിജയീ സഭായാം പ്രതിവാദിജിത് ॥ 4 ॥

ദിവ്യൈര്നാമഭിരേഭിസ്തു തുലസീപൂജനാത്സകൃത് ।
വൈകുംഠവാസീ ഭഗവത്സദൃശോ വിഷ്ണുസന്നിധൌ ॥ 5 ॥

കല്ഹാരപൂജനാന്മാസാത് ദ്വിതീയ ഇവ യക്ഷരാട് ।
നീലോത്പലാര്ചനാത്സർവരാജപൂജ്യഃ സദാ ഭവേത് ॥ 6 ॥

ഹൃത്സംസ്ഥിതൈര്നാമഭിസ്തു ഭൂയാദ്ദൃഗ്വിഷയോ ഹരിഃ ।
വാംഛിതാര്ഥം തദാ ദത്വാ വൈകുംഠം ച പ്രയച്ഛതി ॥ 7 ॥

ത്രിസംധ്യം യോ ജപേന്നിത്യം സംപൂജ്യ വിധിനാ വിഭുമ് ।
ത്രിവാരം പംചവാരം വാ പ്രത്യഹം ക്രമശോ യമീ ॥ 8 ॥

മാസാദലക്ഷ്മീനാശഃ സ്യാത് ദ്വിമാസാത് സ്യാന്നരേംദ്രതാ ।
ത്രിമാസാന്മഹദൈശ്വര്യം തതഃ സംഭാഷണം ഭവേത് ॥ 9 ॥

മാസം പഠന്ന്യൂനകര്മപൂര്തിം ച സമവാപ്നുയാത് ।
മാര്ഗഭ്രഷ്ടശ്ച സന്മാര്ഗം ഗതസ്വഃ സ്വം സ്വകീയകമ് ॥ 10 ॥

ചാംചല്യചിത്തോഽചാംചല്യം മനസ്സ്വാസ്ഥ്യം ച ഗച്ഛതി ।
ആയുരാരോഗ്യമൈശ്വര്യം ജ്ഞാനം മോക്ഷം ച വിംദതി ॥ 11 ॥

സർവാന്കാമാനവാപ്നോതി ശാശ്വതം ച പദം തഥാ ।
സത്യം സത്യം പുനസ്സത്യം സത്യം സത്യം ന സംശയഃ ॥ 12 ॥

ഇതി ശ്രീ ബ്രഹ്മാംഡപുരാണേ വസിഷ്ഠനാരദസംവാദേ ശ്രീവേംകടാചലമാഹാത്മ്യേ ശ്രീ വേംകടേശ സഹസ്രനാമ സ്തോത്രം സമാപ്തമ് ।