ശ്രീ മഹാകാളീ സ്തോത്രം

ധ്യാനമ്
ശവാരൂഢാം മഹാഭീമാം ഘോരദംഷ്ട്രാം വരപ്രദാം
ഹാസ്യയുക്താം ത്രിണേത്രാംച കപാല കര്ത്രികാ കരാമ് ।
മുക്തകേശീം ലലജ്ജിഹ്വാം പിബംതീം രുധിരം മുഹുഃ
ചതുര്ബാഹുയുതാം ദേവീം വരാഭയകരാം സ്മരേത് ॥

ശവാരൂഢാം മഹാഭീമാം ഘോരദംഷ്ട്രാം ഹസന്മുഖീം
ചതുര്ഭുജാം ഖഡ്ഗമുംഡവരാഭയകരാം ശിവാമ് ।
മുംഡമാലാധരാം ദേവീം ലലജ്ജിഹ്വാം ദിഗംബരാം
ഏവം സംചിംതയേത്കാളീം ശ്മശനാലയവാസിനീമ് ॥

സ്തോത്രമ്
വിശ്വേശ്വരീം ജഗദ്ധാത്രീം സ്ഥിതിസംഹാരകാരിണീമ് ।
നിദ്രാം ഭഗവതീം വിഷ്ണോരതുലാം തേജസഃ പ്രഭാമ് ॥ 1 ॥

ത്വം സ്വാഹാ ത്വം സ്വധാ ത്വം ഹി വഷട്കാരഃ സ്വരാത്മികാ ।
സുധാ ത്വമക്ഷരേ നിത്യേ ത്രിധാ മാത്രാത്മികാ സ്ഥിതാ ॥ 2 ॥

അര്ഥമാത്രാസ്ഥിതാ നിത്യാ യാനുച്ചാര്യാ വിശേഷതഃ ।
ത്വമേവ സംധ്യാ സാവിത്രീ ത്വം ദേവീ ജനനീ പരാ ॥ 3 ॥

ത്വയൈതദ്ധാര്യതേ വിശ്വം ത്വയൈതദ്സൃജ്യതേ ജഗത് ।
ത്വയൈതത്പാല്യതേ ദേവി ത്വമത്സ്യംതേ ച സർവദാ ॥ 4 ॥

വിസൃഷ്ടൌ സൃഷ്ടിരൂപാ ത്വം സ്ഥിതിരൂപാ ച പാലനേ ।
തഥാ സംഹൃതിരൂപാംതേ ജഗതോഽസ്യ ജഗന്മയേ ॥ 5 ॥

മഹാവിദ്യാ മഹാമായാ മഹാമേധാ മഹാസ്മൃതിഃ ।
മഹാമോഹാ ച ഭവതീ മഹാദേവീ മഹേശ്വരീ ॥ 6 ॥

പ്രകൃതിസ്ത്വം ച സർവസ്യ ഗുണത്രയവിഭാവിനീ ।
കാലരാത്രിര്മഹാരാത്രിര്മോഹരാത്രിശ്ച ദാരുണാ ॥ 7 ॥

ത്വം ശ്രീസ്ത്വമീശ്വരീ ത്വം ഹ്രീസ്ത്വം ബുദ്ധിര്ബോധലക്ഷണാ ।
ലജ്ജാ പുഷ്ടിസ്തഥാ തുഷ്ടിസ്ത്വം ശാംതിഃ ക്ഷാംതിരേവ ച ॥ 8 ॥

ഖഡ്ഗിനീ ശൂലിനീ ഘോരാ ഗദിനീ ചക്രിണീ തഥാ ।
ശംഖിനീ ചാപിനീ ബാണഭുശുംഡീപരിഘായുധാ ॥ 9 ॥

സൌമ്യാ സൌമ്യതരാശേഷാ സൌമ്യേഭ്യസ്ത്വതിസുംദരീ ।
പരാപരാണാം പരമാ ത്വമേവ പരമേശ്വരീ ॥ 10 ॥

യച്ച കിംചിത് ക്വചിദ്വസ്തു സദസദ്വാഖിലാത്മികേ ।
തസ്യ സർവസ്യ യാ ശക്തിഃ സാ ത്വം കിം സ്തൂയസേ തദാ ॥ 11 ॥

യയാ ത്വയാ ജഗത്സ്രഷ്ടാ ജഗത്പാത്യത്തി യോ ജഗത് ।
സോഽപി നിദ്രാവശം നീതഃ കസ്ത്വാം സ്തോതുമിഹേശ്വരഃ ॥ 12 ॥

വിഷ്ണുഃ ശരീരഗ്രഹണമഹമീശാന ഏവ ച ।
കാരിതാസ്തേ യതോഽതസ്ത്വാം കഃ സ്തോതും ശക്തിമാന് ഭവേത് ॥ 13 ॥

സാ ത്വമിത്ഥം പ്രഭാവൈഃ സ്വൈരുദാരൈര്ദേവി സംസ്തുതാ ।
മോഹയൈതൌ ദുരാധര്ഷാവസുരൌ മധുകൈടഭൌ ॥ 14 ॥

പ്രബോധം ച ജഗത്സ്വാമീ നീയതാമച്യുതോ ലഘു ।
ബോധശ്ച ക്രിയതാമസ്യ ഹംതുമേതൌ മഹാസുരൌ ॥ 15 ॥

ഇതി ശ്രീ മഹാകാളീ സ്തോത്രമ് ।