ശ്രീ ലലിതാ ഹൃദയമ്

അഥശ്രീലലിതാഹൃദയസ്തോത്രമ് ॥

ശ്രീലലിതാംബികായൈ നമഃ ।
ദേവ്യുവാച ।
ദേവദേവ മഹാദേവ സച്ചിദാനംദവിഗ്രഹാ ।
സുംദര്യാഹൃദയം സ്തോത്രം പരം കൌതൂഹലം വിഭോ ॥ 1॥

ഈശ്വരൌവാച ।

സാധു സാധുത്വയാ പ്രാജ്ഞേ ലോകാനുഗ്രഹകാരകമ് ।
രഹസ്യമപിവക്ഷ്യാമി സാവധാനമനാഃശ‍ഋണു ॥ 2॥

ശ്രീവിദ്യാം ജഗതാം ധാത്രീം സര്ഗ്ഗസ്ഥിതിലയേശ്വരീമ് ।
നമാമിലലിതാം നിത്യാം ഭക്താനാമിഷ്ടദായിനീമ് ॥ 3॥

ബിംദുത്രികോണസമ്യുക്തം വസുകോണസമന്വിതമ് ।
ദശകോണദ്വയോപേതം ചതുര്ദ്ദശ സമന്വിതമ് ॥ 4॥

ദലാഷ്ടകേസരോപേതം ദലഷോഡശകാന്വിതമ് ।
വൃത്തത്രയയാന്വിതംഭൂമിസദനത്രയഭൂഷിതമ് ॥ 5॥

നമാമി ലലിതാചക്രം ഭക്താനാമിഷ്ടദായകമ് ।
അമൃതാംഭോനിധിംതത്ര രത്നദ്വീപം നമാമ്യഹമ് ॥ 6॥

നാനാവൃക്ഷമഹോദ്യാനം വംദേഹം കല്പവാടികാമ് ।
സംതാനവാടികാംവംദേ ഹരിചംദനവാടികാമ് ॥ 7॥

മംദാരവാടികാം പാരിജാതവാടീം മുദാ ഭജേ ।
നമാമിതവ ദേവേശി കദംബവനവാടികാമ് ॥ 8॥

പുഷ്യരാഗമഹാരത്നപ്രാകാരം പ്രണമാമ്യഹമ് ।
പദ്മരാഗാദിമണിഭിഃപ്രാകാരം സർവദാ ഭജേ ॥ 9॥

ഗോമേദരത്നപ്രാകാരം വജ്രപ്രാകാരമാശ്രയേ ।
വൈഡൂര്യരത്നപ്രാകാരംപ്രണമാമി കുലേശ്വരീ ॥ 10॥

ഇംദ്രനീലാഖ്യരത്നാനാം പ്രാകാരം പ്രണമാമ്യഹമ് ।
മുക്താഫലമഹാരത്നപ്രാകാരംപ്രണമാമ്യഹമ് ॥ 11॥

മരതാഖ്യമഹാരത്നപ്രാകാരായ നമോനമഃ ।
വിദ്രുമാഖ്യമഹാരത്നപ്രാകാരംപ്രണമാമ്യഹമ് ॥ 12॥

മാണിക്യമംഡപം രത്നസഹസ്രസ്തംഭമംഡപമ് ।
ലലിതേ!തവദേവേശി ഭജാമ്യമൃതവാപികാമ് ॥ 13॥

ആനംദവാപികാം വംദേവിമര്ശവാപികാം ഭജേ ।
ഭജേബാലാതപോല്ഗാരം ചംദ്രികോഗാരികാം ഭജേ ॥ 14॥

മഹാശ‍ഋംഗാരപരിഖാം മഹാപത്മാടവീം ഭജേ ।
ചിംതാമണിമഹാരത്നഗൃഹരാജം നമാമ്യഹമ് ॥ 15॥

പൂർവാംനായമയം പൂർവ്വദ്വാരം ദേവി നമാമ്യഹമ് ।
ദക്ഷിണാംനായരൂപംതേദക്ഷിണദ്വാരമാശ്രയേ ॥ 16॥

നമാമി പശ്ചിമദ്വാരം പശ്ചിമാമ്നായ രൂപകമ് ।
വംദേഹമുത്തരദ്വാരമുത്തരാമ്നായരൂപകമ് ॥ 17॥

ഊര്ദ്ധ്വാമ്നായമയം വംദേ ഹ്യൂര്ദ്ധദ്വാരം കുലേശ്വരി ।
ലലിതേതവ ദേവേശി മഹാസിംഹാസനം ഭജേ ॥ 18॥

ബ്രഹ്മാത്മകം മംചപാദമേകം തവ നമാമ്യഹമ് ।
ഏകംവിഷ്ണുമയം മംചപാദമന്യം നമാമ്യഹമ് ॥ 19॥

ഏകം രുദ്രമയം മംചപാദമന്യം നമാമ്യഹമ് ।
മംചപാദംമമാമ്യേകം തവ ദേവീശ്വരാത്മകമ് ॥ 20॥

മംചൈകഫലകം വംദേ സദാശിവമയം ശുഭമ് ।
നമാമിതേഹംസതൂലതല്പകം പരമേശ്വരീ! ॥ 21॥

നമാമിതേ ഹംസതൂലമഹോപാധാനമുത്തമമ് ।
കൌസ്തുഭാസ്തരണംവംദേ തവ നിത്യം കുലേശ്വരീ ॥ 22॥

മഹാവിതാനികാം വംദേ മഹായവിനികാം ഭജേ ।
ഏവം പൂജാഗൃഹം ധ്യാത്വാ ശ്രീചക്രേ ശ്രീശിവാം ഭജേ ॥ 23॥

സ്വദക്ഷിണേ സ്ഥാപയാമി ഭാഗേ പുഷ്പാക്ഷതാദികാന് ।
അമിതാംസ്തേമഹാദേവി ദീപാന് സംദര്ശയാമ്യഹമ് ॥ 24॥

മൂലേന ത്രിപുരാചക്രം തവ സംപൂജ്യയാമ്യഹമ് ।
ത്രിഭിഃഖംഡൈസ്തവഖ്യാതൈഃ പൂജയാമി മഹേശ്വരി! ॥ 25॥

വായ്വഗ്നി ജലസമ്യുക്തം പ്രാണായാമൈരഹം ശിവൈ ।
ശോഷാണാംദാഹനം ചൈവ കരോമി പ്ലാവനം തഥാ ॥ 26॥

ത്രിവാരം മൂലമംത്രേണ പ്രാണായാമം കരോമ്യഹമ് ।
പാഷംഡകാരിണോഭൂതാ ഭൂമൌയേ ചാംതരിക്ഷകേ ॥ 27॥

കരോമ്യനേന മംത്രേണ താലത്രയമഹം ശിവേ ।
നാരായണോഽഹംബ്രഹ്മാഹം ഭൈരവോഽഹം ശിവോസ്മ്യഹമ് ॥ 28॥

ദേവോഹം പരമാനംദോഽസ്മ്യഹം ത്രിപുരസുംദരി ।
ധ്യാത്വാവൈ വജ്രകവചം ന്യാസം തവ കരോമ്യഹമ് ॥ 29॥

കുമാരീബീജസമ്യുക്തം മഹാത്രിപുരസുംദരി! ।
മാംരക്ഷരക്ഷേതി ഹൃദി കരോമ്യജ്ഞലിമീശ്വരി! ॥ 30॥

മഹാദേവ്യാസനായേതി പ്രകരോമ്യാസനം ശിവേ ।
ചക്രാസനംനമസ്യാമി സർവമംത്രാസനം ശിവേ ॥ 31॥

സാദ്ധ്യസിദ്ധാസനം മംത്രൈരേഭിര്യുക്തം മഹേശ്വരി ।
കരോമ്യസ്മിംചക്രമംത്രൈര്ദേവതാസനമുത്തമമ് ॥ 32॥

കരോമ്യഥ ഷഡംഗാഖ്യം മാതൃകാം ച കലാം ന്യസേ ।
ശ്രീകംടംകേശവം ചൈവ പ്രപംചം യോഗമാതൃകാമ് ॥ 33॥

തത്ത്വന്യാസം തതഃ കൂർവ്വേ ചതുഷ്പീടം യഥാചരേ ।
ലഘുഷോഢാംതതഃ കൂർവ്വേ ശക്തിന്യാസം മഹോത്തമമ് ॥ 34॥

പീടന്യാസം തതഃ കുർവേ ദേവതാവാഹനം പ്രിയേ ।
കുംകുമന്യാസകംചൈവ ചക്രന്യാസമഥാചരേ ॥ 35॥

ചക്രന്യാസം തതഃ കുർവ്വേ ന്യാസം കാമകലാദ്വയമ് ।
ഷോഡശാര്ണ്ണമഹാമംത്രൈരംഗന്യാസംകരോമ്യഹമ് ॥ 36॥

മഹാഷോഢാം തതഃ കുർവ്വേ ശാംഭവം ച മഹാപ്രിയേ ।
തതോമൂലംപ്രജപ്ത്വാഥ പാദുകാംച തതഃ പരമ് ॥ 37॥

ഗുരവേ സമ്യഗര്ച്യാഥ ദേവതാം ഹൃദിസംഭജേ ।
കരോമിമംഡലം വൃത്തം ചതുരശ്രം ശിവപ്രിയേ ॥ 38॥

പുഷ്പൈരഭ്യര്ച്ച്യസാധാരം ശംഖം സംപൂജയാമഹമ് ।
അര്ച്ചയാമിഷഡംഗേന ജലമാപൂരയാമ്യഹമ് ॥ 39॥

ദദാമി ചാദിമം ബിംദും കുർവേ മൂലാഭിമംത്രിതമ് ।
തജ്ജലേനജഗന്മാതസ്ത്രികോണം വൃത്തസമ്യുതമ് ॥ 40॥

ഷല്കോണം ചതുരശ്രംച മംഡലം പ്രണമാമ്യഹമ് ।
വിദ്യയാപൂജയാമീഹ ത്രിഖംഡേന തു പൂജനമ് ॥ 41॥

ബീജേനവൃത്തഷല്കോണം പൂജയാമി തവപ്രിയേ ।
തസ്മിംദേവീകലാത്മാനാം മണിമംഡലമാശ്രയേ ॥ 42॥

ധൂമ്രാര്ച്ചിഷം നമസ്യാമി ഊഷ്മാം ച ജ്വലനീം തഥാ ।
ജ്വാലിനീംച നമസ്യാമി വംദേഹം വിസ്പുലിംഗിനീമ് ॥ 43॥

സുശ്രിയം ച സുരൂപാംചകംപിലാം പ്രണമാമ്യഹമ് ।
നൌമിഹവ്യവഹാം നിത്യാം ഭജേ കവ്യവഹാം കലാമ് ॥ 44॥

സൂര്യാഗ്നിമംഡലാം തത്ര സകലാദ്വാദശാത്മകമ് ।
അര്ഘ്യപാദ്യമഹംതത്ര തപിനീം താപിനീം ഭജേ ॥ 45॥

ധൂമ്രാം മരീചീം വംദേഹം ജ്വാലിനീം മരുഹം ഭജേ ।
സുഷുമ്നാംഭോഗദാം വംദേ ഭജേ വിശ്വാം ച ബോധിനീമ് ॥ 46॥

ധാരിണീം ച ക്ഷമാം വംദേ സൌരീരേതാഃ കലാഭജേ ।
ആശ്രയേമണ്മലം ചാംദ്രം തല്കലാഷോഡശാത്മകമ് ॥ 47॥

അമൃതാം മാനദാം വംദേ പൂഷാം തുഷ്ടീം ഭജാമ്യഹമ് ।
പുഷ്ടിംഭജേ മഹാദേവി ഭജേഽഹം ച രതിം ധൃതിമ് ॥ 48॥

രശനിം ചംദ്രികാം വംദേ കാംതീം ജോത്സനാ ശ്രിയം ഭജേ ।
നേഔമിപ്രീതിംചാഗതദാംചപൂര്ണ്ണിമാമമൃതാംഭജേ ॥ 49॥

ത്രികോണലേഖനം കുർവ്വേ ആകാരാദിസുരേഖകമ് ।
ഹലക്ഷവര്ണ്ണസമ്യുക്തംസ്പീതം തം ഹംസഭാസ്കരമ് ॥ 50॥

വാക്കാമശക്തി സംയുക്തം ഹംസമാരാധയാമ്യഹമ് ।
വൃത്താദ്ബഹിഃഷഡശ്രസ്യലേഖനം പ്രകരോമ്യഹമ് ॥ 51॥

പുരതോഗ്ന്യാദിഷല്ഖ഼ഓണം കഖഗേനാര്ച്ചയാമ്യഹമ് ।
ശ്രീവിദ്യയാസപ്തവാരം കരോമ്യത്രാഭി മംത്രിതമ് ॥ 52॥

സമര്പ്പയാമി ദേവേശി തസ്മാത് ഗംധാക്ഷതാദികമ് ।
ധ്യായാമിപൂജാദ്രവ്യേഷു തത് സർവം വിദ്യയായുതമ് ॥ 53॥

ചതുര്ന്നവതിസന്മംത്രാന് സ്പൃഷ്ട്വാ തത് പ്രജപാമ്യഹമ് ।
വഹ്നേര്ദ്ദശകലാഃസൂര്യകലാദ്വാദശകം ഭജേ ॥ 54॥

ആശ്രയേ ശോഡഷകലാസ്തത്ര ചംദ്രമസസ്തദാ ।
സൃഷ്ടിമ്വൃദ്ധിം സ്മൃതിം വംദേ മേധാം കാംതീം തഥൈവ ച ॥ 55॥

ലക്ഷ്മീം ദ്യുഥിം സ്ഥിതാം വംദേ സ്ഥിതിം സിദ്ധിം ഭജാമ്യഹമ് ।
ഏതാബ്രഹ്മകലാവംദേ ജരാംഥാം പാലിനീം ഭജേ ॥ 56॥

ശാംതിം നമാമീശ്വരീം ച രതീം വംദേ ച കാരികാമ് ।
വരദാംഹ്ലാദിനീം വംദേ പ്രീതിം ദീര്ഘാം ഭജാഭമ്യഹമ് ॥ 57॥

ഏതാ വിഷ്ണുഅകലാവംദേ തീക്ഷണാം രൌദ്രിം ഭയാം ഭജേ ।
നിദ്രാംതംദ്രീം ക്ഷുധാം വംദേ നമാമി ക്രോധിനീം ക്രിയാമ് ॥ 58॥

ഉല്കാരീം മൃത്യുരൂപാം ച ഏതാ രുദ്രകലാ ഭജേ ।
നീലാംപീതാം ഭജേ ശ്വേതാം വംദേഹമരുണാം കലാമ് ॥ 59॥

അനംതഖ്യാം കലാംചേതി ഈശ്വരസ്യ കലാഭജേ ।
നിവൃത്തിംചപ്രതിഷ്ഠാംചവിദ്യാംശാംതിം ഭജാമ്യഹമ് ॥ 60॥

രോധികാം ദീപികാം വംദേ രേചികാം മോചികാം ഭജേ ।
പരാംസൂക്ഷാമൃതാം സൂക്ഷാം പ്രണാമി കുലേശ്വരി! ॥ 61॥

ജ്ഞാനാഖ്യാംചനമസ്യാമി നൌമിജ്ഞാനാമൃതാം കലാമ് ।
ആപ്യായിനീംവ്യാപിനീം ച മോദിനീം പ്രണമാമ്യഹമ് ॥ 62॥

കലാഃ സദാശിവസ്യൈതാഃ ഷോഡശ പ്രണമാമ്യഹമ് ।
വിഷ്ണുയോനിന്നമസ്യാമി മൂലവിദ്യാം നമാമ്യഹമ് ॥ 63॥

ത്രൈയംബകം നമസ്യാമി തദ്വിഷ്ണും പ്രണമാമ്യഹമ് ।
വിഷ്ണുയോനിമ്നമസ്യാമി മൂലവിദ്യാം നമാമ്യഹമ് ॥ 64॥

അമൃതം മംത്രിതം വംദേ ചതുര്ന്നവതിഭിസ്തഥാ ।
അഖംഡൈകരസാനംദകരേപരസുധാത്മനി ॥ 65॥

സ്വച്ഛംദസ്പപുരണം മംത്രം നീധേഹി കുലരൂപിണി ।
അകുലസ്ഥാമൃതാകാരേസിദ്ധിജ്ഞാനകരേപരേ ॥ 66॥

അമൃതം നിധേഹ്യസ്മിന് വസ്തുനിക്ലിന്നരൂപിണി ।
തദ്രൂപാണേകരസ്യത്വംകൃത്വാഹ്യേതത്സ്വരൂപിണി ॥ 67॥

ഭൂത്വാ പരാമൃതാകാരമയി ചിത് സ്പുരണം കുരു ।
ഏഭിര്മ്മനൂത്തമൈർവംദേമംത്രിതം പരമാമൃതമ് ॥ 68॥

ജോതിമ്മയമിദം വംദേ പരമര്ഘ്യംച സുംദരി ।
തദ്വിംദുഭിര്മേശിരസി ഗുരും സംതര്പ്പയാമ്യഹമ് ॥ 69॥

ബ്രഹ്മാസ്മിന് തദ്വിംദും കുംഡലിന്യാം ജുഹോമ്യഹമ് ।
ഹൃച്ചക്രസ്താം-മഹാദേവീമ്മഹാത്രിപുരസുംദരീമ് ॥ 70॥

നിരസ്തമോഹതിമിരാം സാക്ഷാത് സംവിത്സ്വരൂപിണീമ് ।
നാസാപുടാത്പരകലാമഥനിര്ഗ്ഗമയാമ്യഹമ് ॥ 71॥

നമാമിയോനിമദ്ധ്യാസ്ഥാം ത്രിഖംഡകുസുമാംംജലിമ് ।
ജഗന്മാതര്മഹാദേവിയംത്രേത്വാം സ്ഥാപയാമ്യഹമ് ॥ 72॥

സുധാചൈതന്യമൂര്ത്തീം തേ കല്പയാമിമനും തവ ।
അനേനദേവിമംത്രയംത്രേത്വാം സ്ഥാപയാമ്യഹമ് ॥ 73॥

മഹാപദ്മവനാംതസ്ഥേ കാരണാനംതവിഗ്രഹേ ।
സർവഭൂതഹിതേമാതരേഹ്യപി പരമേശ്വരി ॥ 74॥

ദേവേശീ ഭക്തസുലഭേ സർവാഭരണഭൂഷിതേ ।
യാവത്വംപൂജയാമീഹതാവത്ത്വം സുസ്ഥിരാഭവ ॥ 75॥

അനേന മംത്രയുഗ്മേന ത്വാമത്രാവാഹയാമ്യഹമ് ।
കല്പയാമിനമഃ പാദമര്ഘ്യം തേ കല്പയാമ്യഹമ് ॥ 76॥

ഗംധതൈലാഭ്യംജനംചമജ്ജശാലാപ്രവേശമ് ।
കല്പയാമിനമസ്തസ്മൈ മണിപീഠോപ്രവേശനമ് ॥ 77॥

ദിവ്യസ്നാനീയമീശാനി ഗൃഹാണോദ്വര്ത്തനം ശുഭേ ।
ഗൃഹാണോഷ്ണാദകസ്നാനംകല്പയാമ്യഭിഷേചനമ് ॥ 78॥

ഹേമകുംഭായുതൈഃ സ്നിഗ്ദ്ധൈഃ കല്പയാമ്യഭിഷേചനമ് ।
കല്പയാമിനമസ്തുഭ്യം ധേഔതേന പരിമാര്ജ്ജനമ് ॥ 79॥

ബാലഭാനു പ്രതീകാശം ദുകൂലം പരിധാനകമ് ।
അരുണേനദുകുലേനോത്തരീയം കല്പയാമ്യഹമ് ॥ 80॥

പ്രവേശനം കല്പയാമി സർവാംഗാനി വിലേപനമ് ।
നമസ്തേകല്പയാമ്യത്ര മണിപീഠോപവേശനമ് ॥ 81॥

അഷ്ടഗംധൈഃ കല്പയാമി തവലേഖനമംബികേ ।
കാലാഗരുമഹാധൂപംകല്പയാമി നമശ്ശിവേ ॥ 82॥

മല്ലികാമാലാതീജാതി ചംപകാദി മനോരമൈഃ ।
അര്ച്ചിതാംകുസുമൈര്മ്മാലാം കല്പയാമി നമശ്ശിവേ ॥ 83॥

പ്രവേശനം കല്പയാമി നമോ ഭൂഷണമംഡപേ ।
ഉപവേശ്യംരത്നപീഠേ തത്രതേ കല്പയാമ്യഹമ് ॥ 84॥

നവമാണിക്യമകുടം തത്രതേ കല്പയാമ്യഹമ് ।
ശരച്ചംദ്രനിഭംയുക്തം തച്ചംദ്രശകലം തവ ॥ 85॥

തത സീമംതസിംദൂരം കസ്തൂരീതിലകം തവ ।
കാലാജ്ഞനംകല്പയാമി പാലീയുഗലമുത്തമമ് ॥ 86॥

മണികുംഡലയുഗ്മംച നാസാഭരണമീശ്വരീ! ।
താടംകയുഗലംദേവി ലലിതേ ധാരയാമ്യഹമ് ॥ 87॥

അഥാദ്യാം ഭൂഷണം കംഠേ മഹാചിംതാകമുത്തമമ് ।
പദകംതേ കല്പയാമി മഹാപദകമുത്തമമ് ॥ 88॥

മുക്താവലീം കല്പയാമി ചൈകാവലി സമന്വിതാമ് ।
ഛന്നവീരംചകേയൂരയുഗലാനാം ചതുഷ്ടയമ് ॥ 89॥

വലയാവലിമാലാനീം ചോര്മികാവലിമീശ്വരി ।
കാംചീദാമകടീസൂത്രംസൌഭഗ്യാഭരണം ച തേ ॥ 90॥

ത്രിപുരേ പാദകടകം കല്പയേ രത്നനൂപുരമ് ।
പാദാംഗുലീയകംതുഭ്യം പാശമേകം കരേതവ ॥ 91॥

അന്യേ കരേംകുശം ദേവി പൂംഡ്രേക്ഷുധനുഷം തവ ।
അപരേപുഷ്പബാണംച ശ്രീമന്മാണിക്യപാദുകേ ॥ 92॥

തദാവരണ ദേവേശി മഹാമംചാദിരോഹണമ് ।
കാമേശ്വരാംകപര്യംകമുപവേശനമുത്തമമ് ॥ 93॥

സുധയാ പൂര്ണ്ണചഷകം തതസ്തത് പാനമുത്തമമ് ।
കര്പ്പൂരവീടികാംതുഭ്യം കല്പയാമി നമഃ ശിവേ ॥ 94॥

ആനംദോല്ലാസവിലസദ്ധംസം തേ കല്പയാമ്യഹമ് ।
മംഗലാരാത്രികംവംദേ ഛത്രം തേ കല്പയാമ്യഹമ് ॥ 95॥

ചാമരം യൂഗലം ദേവിദര്പ്പണം കല്പയാമ്യഹമ് ।
താലവ്രിംതംകല്പയാമിഗംധപുഷ്പാക്ഷതൈരപി ॥ 96॥

ധൂപം ദീപശ്ചനൈവേദ്യം കല്പയാമി ശിവപ്രിയേ ।
അഥാഹംബൈംദവേ ചക്രേ സർവാനംദമയാത്മകേ ॥ 97॥

രത്നസിംഹാസനേ രമ്യേ സമാസീനാം ശിവപ്രിയാമ് ।
ഉദ്യദ്ഭാനുസഹസ്രാഭാംജപാപുഷ്പസമപ്രഭാമ് ॥ 98॥

നവരത്നപ്രഭായുക്തമകുടേന വിരാജിതാമ് ।
ചംദ്രരേഖാസമോപേതാംകസ്തൂരിതിലകാംകിതാമ് ॥ 99॥

കാമകോദംഡസൌംദര്യനിര്ജ്ജിതഭ്രൂലതായുതാമ് ।
അംജനാംചിതനേത്രാംതുപദ്മപത്രനിഭേഷണാമ് ॥ 100॥

മണികുംഡലസമ്യുക്ത കര്ണ്ണദ്വയവിരാജിതാമ് ।
താംബൂലപൂരിതമുഖീംസുസ്മിതാസ്യവിരാജിതാമ് ॥ 101॥

ആദ്യഭൂഷണസമ്യുക്താം ഹേമചിംതാകസംയുതാമ് ।
പദകേനസമോപേതാം മഹാപദകസംയുതാമ് ॥ 102॥

മുക്താഫലസമോപേതാമേകാവലിസമന്വിതാമ് ।
കൌസുഭാംഗദസംയുക്തചതുര്ബാഹുസമന്വിതാമ് ॥ 103॥

അഷ്ടഗംധസമോപേതാം ശ്രീചംദനവിരാജിതാമ് ।
ഹേമകുംഭോപമപ്രഖ്യസ്തനദ്വംദവിരാജിതാമ് ॥ 104॥

രക്തവസ്ത്രപരീധാനാം രക്തകംചുകസംയുതാമ് ।
സൂക്ഷ്മരോമാവലിയുക്തതനുമദ്ധ്യവിരാജിതാമ് ॥ 105॥

മുക്താമാണിക്യഖചിത കാംചീയുതനിതംബനീമ് ।
സദാശിവാങകസ്ഥബൃഹന്മഹാജഘനമംഡലാമ് ॥ 106॥

കദലിസ്തംഭസംരാജദൂരുദ്വയവിരാജിതാമ് ।
കപാലീകാംതിസംകാശജംഘായുഗലശോഭിതാമ് ॥ 107॥

ഗ്രൂഢഗുല്ഫദ്വേയോപേതാം രക്തപാദസമന്വിതാമ് ।
ബ്രഹ്മവിഷ്ണുമഹേശാദികിരീടസ്ഫൂര്ജ്ജിതാംഘ്രികാമ് ॥ 108॥

കാംത്യാ വിരാജിതപദാം ഭക്തത്രാണ പരായണാമ് ।
ഇക്ഷുകാര്മുകപുഷ്പേഷുപാശാംകുശധരാംശുഭാമ് ॥ 109॥

സംവിത്സ്വരൂപിണീം വംദേ ധ്യായാമി പരമേശ്വരീമ് ।
പ്രദര്ശയാമ്യഥശിവേദശാമുദ്രാഃ ഫലപ്രദാഃ ॥ 110॥

ത്വാം തര്പ്പയാമി ത്രിപുരേ ത്രിധനാ പാർവ്വതി ।
അഗ്നൌമഹേശദിഗ്ഭാഗേ നൈരൃത്ര്യാം മാരുതേ തഥാ ॥ 111॥

ഇംദ്രാശാവാരുണീ ഭാഗേ ഷഡംഗാന്യര്ച്ചയേ ക്രമാത് ।
ആദ്യാംകാമേശ്വരീം വംദേ നമാമി ഭഗമാലിനീമ് ॥ 112॥

നിത്യക്ലിന്നാം നമസ്യാമി ഭേരുംഡാം പ്രണമാമ്യഹമ് ।
വഹ്നിവാസാന്നമസ്യാമി മഹാവിദ്യേശ്വരീം ഭജേ ॥ 113॥

ശിവദൂതിം നമസ്യാമി ത്വരിതാം കുല സുംദരീമ് ।
നിത്യാന്നീലപതാകാംച വിജയാം സർവമംഗലാമ് ॥ 114॥

ജ്വാലാമാലാംച ചിത്രാംച മഹാനിത്യാം ച സംസ്തുവേ ।
പ്രകാശാനംദനാഥാഖ്യാംപരാശക്തിനമാമ്യഹമ് ॥ 115॥

ശുക്ലദേവീം നമസ്യാമി പ്രണമാമി കുലേശ്വരീമ് ।
പരശിവാനംദനാഥാഖ്യാംപരാശക്തി നമാമ്യഹമ് ॥ 116॥

കൌലേശ്വരാനംദനാഥം നൌമി കാമേശ്വരീം സദാ ।
ഭോഗാനംദന്നമസ്യാമി സിദ്ധൌഘംച വരാനനേ ॥ 117॥

ക്ലിന്നാനംദം നമസ്യാമി സമയാനംദമേവച ।
സഹജാനംദനാഥംചപ്രണമാമി മുഹുര്മുഹു ॥ 118॥

മാനവൌഘം നമസ്യാമി ഗഗനാനംദഗപ്യഹമ് ।
വിശ്വാനംദന്നമസ്യാമി വിമലാനംദമേവച ॥ 119॥

മദനാനംദനാഥംച ഭുവനാനംദരൂപിണീമ് ।
ലീലാനംദന്നമസ്യാമി സ്വാത്മാനംദം മഹേശ്വരി ॥ 120॥

പ്രണമാമിപ്രിയാനംദം സർവകാമഫലപ്രദമ് ।
പരമേഷ്ടിഗുരുംവംദേ പരമംഗുരുമാശ്രയേ ॥ 121॥

ശ്രീഗുരും പ്രണമസ്യാമി മൂര്ദ്ധ്നി ബ്രഹ്മബിലേശ്വരീമ് ।
ശ്രീമദാനംദനാഥാഖ്യശ്രിഗുരോപാദുകാം തഥാ ॥ 122॥

അഥ പ്രാഥമികേ ദേവി ചതുരശ്രേ കുലേശ്വരി ।
അണിമാംലഖിമാം വംദേ മഹിമാം പ്രണമാമ്യഹമ് ॥ 123॥

ഈശിത്വസിദ്ധിം കലയേ വശിത്വം പ്രണമാമ്യഹമ് ।
പ്രാകാമ്യസിദ്ധിംഭുക്തിംച ഇച്ഛാപ്രാപ്ര്തിമഹം ഭജേ ॥ 124॥

സർവകാമപ്രദാം സർവകാമസിദ്ധിമഹം ഭജേ ।
മദ്ധ്യമേചതുരശ്രേഹം ബ്രാഹ്മീം മാഹേശ്വരീം ഭജേ ॥ 125॥

കൌമാരീം വൈഷ്ണവീം വംദേ വാരാഹീം പ്രണമാമ്യഹമ് ।
മാഹേംദ്രീമപിചാമുംഡാമ്മഹാലക്ഷ്മീമഹം ഭജേ ॥ 126॥

തൃതീയേ ചതുരശ്രേ തു സർവസംക്ഷോഭിണീം ഭജേ ।
സർവവിദ്രാപിണീമ്മുദ്രാം സർവാകര്ഷിണികാം ഭജേ ॥ 127॥

മുദ്രാം വശംകരീം വംദേ സർവോന്മാദിനികാം ഭജേ ।
ഭജേമഹാംകുശാം മുദ്രാം ഖേചരീം പ്രണമാമ്യഹമ് ॥ 128॥

ബീജാമുദ്രാം യോനിമുദ്രാം ഭജേ സർവത്രിഖംഡിനീമ് ।
ത്രൈലോക്യമോഹനംചക്രം നമാമി ലലിതേ തവ ॥ 129॥

നമാമി യോഗിനീം തത്ര പ്രഖടാഖ്യാമഭീഷ്ടദാമ് ।
സുധാര്ണ്ണവാസനംവംദേ തത്ര തേ പരമേശ്വരി ॥ 130॥

ചക്രേശ്വരി മഹം വംദേ ത്രിപുരാം പ്രണമാമ്യഹമ് ।
സർവസംക്ഷോഭിണീമ്മുദ്രാം തതോഹം കലയേ ശിവേ ॥ 131॥

അഥാഹം ഷോഡശദലേ കാമാകര്ഷിണികാം ഭജേ ।
ബുദ്ധ്യാകര്ഷിണികാം വംദേഽഹംകാരാകര്ഷിണീം ഭജേ ॥ 132॥

ശബ്ദാകര്ഷിണികാം വംദേ സ്പര്ശാകര്ഷിണികാം ഭജേ ।
രൂപാകര്ഷിണികാംവംദേ രസാകര്ഷിണികാം ഭജേ ॥ 133॥

ഗംധാകര്ഷിണികാം വംദേ ചിത്താകര്ഷിണികാം ഭജേ ।
ധൈര്യാകര്ഷിണികാംവംദേ സ്മൃത്യാകര്ഷിണികാം ഭജേ ॥ 134॥

നാമാകര്ഷിണികാം വംദേ ബീജാകര്ഷിണികാം ഭജേ ।
ആത്മാകര്ഷിണികാംവംദേ അമൃതാകര്ഷിണികാം ഭജേ ॥ 135॥

ശരീരാകര്ഷിണികാം വംദേ നിത്യാം ശ്രീപരമേശ്വരി ।
സർവാശാപൂരകംവംദേ കല്പയേഹം തവേശ്വരി ॥ 136॥

ഗുപ്താഖ്യാം യോഗിനീം വംദേ മാതരം ഗുപ്തപൂജ്യതാമ് ।
പോതാംബുജാസനംതത്ര നമാമി ലലിതേ തവ ॥ 137॥

ത്രിപുരേശീം നമസ്യാമി ഭജാമിഷ്ടാര്ത്ഥസിദ്ധിദാമ് ।
സർവവിദ്രാവിണിമുദ്രാംതത്രാഹം തേ വിചംതയേ ॥ 138॥

സിവേ തവാഷ്ടപത്രേഹമനംഗകുസുമാം ഭജേ ।
അനംഗമേഖലാംവംദേ അനംഗമദനാം ഭജേ ॥ 139॥

നമോഹം പ്രണസ്യാമി അനംഗമദനാതുരാമ് ।
അനംഗരേഖാംകലയേ ഭജേനംഗാം ച വേഗിനീമ് ॥ 140॥

അനംഗാകുശവംദേഽഹമനംഗമാലിനീം ഭജേ ।
തത്രാഹംപ്രണസ്യാമി ദേവ്യാ ആസനമുത്തമമ് ॥ 141॥

നമാമി ജഗതീശാനീം തത്ര ത്രിപുരസുംദരീമ് ।
സർവാകര്ഷിണികാമ്മുദ്രാം തത്രാഹ കല്പയാമിതേ ॥ 142॥

ഭുവനാശ്രയേ തവ ശിവേ സർവസംക്ഷോഭിണീം ഭജേ ।
സർവവിദ്രാവിണീംവംദേ സർവകര്ഷിണികാം ഭജേ ॥ 143॥

സർവഹ്ലാദിനീം വംദേ സർവസമ്മോഹിനീം ഭജേ ।
സകലസ്തംഭിനീം വംദേ കലയേ സർവജൃംഭിണീമ് ॥ 144॥

വശംകരീം നമസ്യാമി സർവരജ്ഞിനികാം ഭജേ ।
സകലോന്മദിനീം വംദേ ഭജേ സർവാര്ഥസാധകേ ॥ 145॥

സംപത്തിപുരികാം വംദേ സർവമംത്രമയീം ഭജേ ।
ഭജാമ്യേവതതശ്ശക്തിം സർവദ്വംദ്വക്ഷ്യംകരീമ് ॥ 146॥

തത്രാഹം കലയേ ചക്രം സർവസൌഭാഗ്യദായകമ് ।
നമാമിജഗതാം ധാത്രീം സംപ്രദായാഖ്യയോഗിനിമ് ॥ 147॥

നമാമി പരമേശാനീം മഹാത്രിപുരവാസിനിമ് ।
കലയേഹംതവ ശിവേ മുദ്രാം സർവശംകരീമ് ॥ 148॥

ബഹിര്ദ്ദശാരേ തേ ദേവി സർവസിദ്ധിപ്രദാം ഭജേ ।
സർവസംപത്പ്രദാം വംദേ സർവപ്രിയംകരീം ഭജേ ॥ 149॥

നമാമ്യഹം തതോ ദേവീം സർവമംഗലകാരിണീമ് ।
സർവകാമപ്രദാംവംദേ സർവദുഃഖവിമോചിനിമ് ॥ 150॥

സർവമൃത്യുപ്രശമനീം സർവവിഘ്നനിവാരിണീമ് ।
സർവാംഗസുംദരീംവംദേ സർവസൌഭാഗ്യദായിനീമ് ॥ 151॥

സർവാര്ത്ഥസാധകം ചക്രം തത്രാഹം നേ വിചിംതയേ ।
തത്രാഹംതേ നമസ്യാമി കുലോത്തീര്ണാഖ്യ യോഗിനീമ് ॥ 152॥

സർവമംത്രസനം വംദേ ത്രിപുരാശ്രിയമാശ്രയേ ।
കലയാമിതതോ മുദ്രാം സർവോന്മാദന കാരിണീമ് ॥ 153॥

അംതര്ദ്ദശാരേ തേ ദേവി സർവജ്ഞാം പ്രണമാമ്യഹമ് ।
സർവശക്തിന്നമസ്യാമി സർവൈശ്വര്യപ്രദാം ഭജേ ॥ 154॥

സർവജ്ഞാനമയീം വംദേ സർവവ്യാധിവിനാശിനീമ് ।
സർവാധാരസ്വരൂപാംചസർവപാപഹരാംഭജേ ॥ 155॥

സർവാനംദമയിം വംദേ സർവരക്ഷാസ്വരൂപിണീമ് ।
പ്രണമാമിമഹാദേവീം സർവേപ്സിത ഫലപ്രദാമ് ॥ 156॥

സർവരക്ഷാകരം ചക്രം സുംദരീം കലയേ സദാ ।
നിഗര്ഭയോനീംവംദേ തത്രാഹം പ്രണമാമ്യഹമ് ॥ 157॥

സാദ്ധ്യസിദ്ധാസനം വംദേ ഭജേ ത്രിപുരമാലിനീമ് ।
കലയാമിതതോ ദേവീം മുദ്രാം സർവമഹാംകുശാമ് ॥ 158॥

അഷ്ടാരേ വശിനീം വംദേ മഹാ കാമേശ്വരീം ഭജേ ।
മോദിനീംവിമലാംവംദേ അരുണാജയിനീം ഭജേ ॥ 159॥

സർവേശ്വരീം നമസ്യാമി കൌലിനീം പ്രണമാമ്യഹമ് ।
സർവരോഗഹരംചക്രം തത്രാഹം കലയേ സദാ ॥ 160॥

നമാമി ത്രിപുരാ സിദ്ധിം ഭജേ മുദ്രാം ച ഖേചരീമ് ।
മഹാത്രികോണവത്ബാഹുചതുരശ്രേ കുലേശ്വരി ॥ 161॥

നമാമി ജൃംഭണാബാണം സർവസമ്മോഹിനീം ഭജേ ।
പാശംചാപം ഭജേ നിത്യം ഭജേ സ്തംഭനമംകുശമ് ॥ 162॥

ത്രികോണേഹം ജഗദ്ധാത്രീം മഹാകാമേശ്വരീം ഭജേ ।
മഹാവജ്രേശ്വരീംവംദേ മഹാശ്രീഭഗമാലിനീമ് ॥ 163॥

മഹാശ്രീസുംദരീം വംദേ സർവകാമഫലപ്രദാമ് ।
സർവസിദ്ധിപ്രദംചക്രം തവദേവി നമാമ്യഹമ് ॥ 164॥

നമാമ്യതിരഹസ്യാഖ്യാം യോഗിനീം തവകാമദാമ് ।
ത്രിപുരാംബാന്നമസ്യാമി ബീജാമുദ്രാമഹാംഭജേ ॥ 165॥

മൂലമംത്രേണ ലലിതേ തല്ബിംദൌ പൂജയാമ്യഹമ് ।
സർവാനംദമയംചക്രം തവദേവി ഭജാമ്യഹമ് ॥ 166॥

പരാം പരരഹസ്യാഖ്യാം യോഗിനീം തത്രകാമദാമ് ।
മഹാചക്രേശ്വരീംവംദേ യോനിമുദ്രാമഹം ഭജേ ॥ 167॥

ധൂപദീപാദികം സർവമര്പ്പിതം കല്പയാമ്യഹമ് ।
ത്വല്പ്രീതയേമഹാമുദ്രാം ദര്ശയാമി തതശ്ശിവേ ॥ 168॥

ശാല്യന്നം മധുസമ്യുക്തം പായസാപൂപ സമ്യുക്തമ് ।
ഘൃതസൂപസമായുക്തംദധിക്ഷീരസമന്വിതമ് ॥ 169॥

സർവഭക്ഷ്യസമായുക്തം ബഹുശാകസമന്വിതമ് ।
നിക്ഷിപ്യകാംചനേ പാത്രേ നൈവേദ്യം കല്പയാമി തേ ॥ 170॥

സംകല്പബിംദുനാ ചക്രം കുചൌ ബിംദുദ്വയേന ച ।
യോനിശ്ചസപരാര്ദ്ധേന കൃത്വാ ശ്രീലലിതേ തവ ॥ 171॥

ഏതത് കാമകലാ രൂപം ഭക്താനാം സർവകാമദമ് ।
സർവസൌഭാഗ്യദംവംദേ തത്ര ത്രിപുരസുംദരീമ് ॥ 172॥

വാമഭാഗേ മഹേശാനി വൃത്തം ച ചതുരസ്രകമ് ।
കൃത്വാഗംധാക്ഷതാദ്യൈശ്ചാപ്യര്ച്ചയാമി മഹേശ്വരീമ് ॥ 173॥

വാഗ്ദവാദ്യം നമസ്യാമി തത്ര വ്യാപകമംഡലമ് ।
ജലയുക്തേനപാണൌ ച ശുദ്ധമുദ്രാ സമന്വിതമ് ॥ 174॥

തത്ര മംത്രേണ ദാസ്യാമി ദേവി തേ ബലിമുത്തമമ് ।
നമസ്തേദേവദേവേശി നമ സ്ത്രൈലോക്യവംദിതേ ॥ 175॥

നമശ്ശിവവരാംകസ്ഥേ നമസ്ത്രീപുരസുംദരി ।
പ്രദക്ഷിണനമസ്കാരമനേനാഹം കരോമി തേ ॥ 176॥

തത സംകല്പമംത്രാണാം സമാജം പരമേശ്വരി ।
പ്രജപാമിമഹാവിദ്യാം ത്വത് പ്രീത്യര്ത്ഥമഹം ശിവേ ॥ 177॥

തവ വിദ്യാം പ്രജപ്ത്വാഥ നൌമി ത്വാം പരമേശ്വരി ।
മഹാദേവിമഹേശാനി മഹാശിവമയേ പ്രിയേ ॥ 178॥

മഹാനിത്യേ മഹാസിദ്ധേ ത്വാമഹം ശരണം ശിവേ ।
ജയത്വംത്രിപുരേ ദേവി ലലിതേ പരമേശ്വരി ॥ 179॥

സദാശിവ പ്രിയംകരി പാഹിമാം കരുണാനിധേ ।
ജഗന്മാതര്ജ്ജഗദ്രൂപേജഗദീശ്വരവല്ലഭേ ॥ 180॥

ജഗന്മയി ജഗത് സ്തുത്യേ ഗൌരി ത്വാമഹമാശ്രയേ ।
അനാദ്യേസർവലോകാനാമാദ്യേ ഭക്തേഷ്ടദായിനി ॥ 181॥

ഗിരിരാജേംദ്രതനയേ നമസ്തീപുരസുംദരി ।
ജയാരീംജയദേവേശിബ്രഹ്മമാതര്മഹേശ്വരി ॥ 182॥

വിഷ്ണുമാതരമാദ്യംതേ ഹരമാതസ്സുരേശ്വരി ।
ബ്രഹ്മ്യാദിമാതൃസംസ്തുത്യേ സർവാഭരണ സമ്യുക്തേ ॥ 183॥

ജ്യോതിര്മയി മഹാരൂപേ പാഹിമാം ത്രിപുരേ സദാ ।
ലക്ഷ്മീവാണ്യാദിസം പൂജ്യേ ബ്രഹ്മവിഷ്ണുശിവപ്രിയ ॥ 184॥

ഭജാമി തവ പാദാബ്ജം ദേവി ത്രിപുരസുംദരി ।
ത്വല്പ്രീത്യര്ത്ഥംയതഃ കാംചീച്ഛക്തിം വൈപൂജയാമ്യഹമ് ॥ 185॥

തതശ്ച കേതനാം ശക്തിം തര്പയാമി മഹേശ്വരി ।
തഥാപിത്വാം ഭജംസ്തോഷം ചിദഗ്നൌ ച ദദാമ്യഹമ് ॥ 186॥

ത്വല്പ്രീത്യര്ഥ്യം മഹാദേവി മമാഭീഷ്ടാര്ത്ഥ സിദ്ധയേ ।
ബദ്ധ്വാത്വാം ഖൈചരീമുദ്രാം ക്ഷമസ്വോദ്വാസയാമ്യഹമ് ॥ 187॥

തിഷ്ഠമേ ഹൃദയേനിത്യം ത്രിപുരേ പരമേശ്വരി ।
ജഗദംബമഹാരാജ്ഞി മഹാശക്തി ശിവപ്രിയേ ॥ 188॥

ഹൃച്ചക്രേ തിഷ്തമേ നിത്യം മഹാത്രിപുരസുംദരി ।
ഏതത്ത്രിപുരസുംദര്യാ ഹൃദയം സർവകാമദമ് ॥ 189॥

മഹാരഹസ്യം സതതം ദുര്ല്ലഭം ദൈവതൈരപി ।
സാക്ഷാത്സദാശിവേനോക്തം ഗുഹ്യാത് ഗുഹ്യമനുത്തമമ് ॥ 190॥

യഃ പതേത് ശ്രദ്ധയാ നിത്യം ശ‍ഋണുയാദ്വാ സമാഹിതഃ ।
നിത്യപൂജാഫലംദേവ്യാസ്സലഭേന്നാത്ര സംശയഃ ॥ 191॥

പാപൈഃ സമുച്യതേ സദ്യഃ കായവാക്ക് സിത്തസംഭവൈഃ ।
പൂർവജന്മസമുത് ഭ്രദതൈര്ജ്ഞാനാജ്ഞകൃതൈരപി ॥ 192॥

സർവക്രതുഷുയത് പുണ്യം സർവതീര്ത്ഥേഷു യര്ഫലമ് ।
തത്പുണ്യം ലഭതേ നിത്യം മാനവോ നാത്ര സംശയഃ ॥ 193॥

അചലാം ലഭതേ ലക്ഷ്മീം ത്രൈലോക്യേനാതി ദുര്ലഭാമ് ।
സാക്ഷാദ്വിഷ്ണുര്മഹാലക്ഷ്യാശീഘ്രമേവ ഭവിഷ്യതി ॥ 194॥

അഷ്ടൈശ്വര്യ മവാപ്നോതി സ ശീഘ്രം മാനവോത്തമഃ ।
ഘംഡികാപാദുകാസിദ്ധ്യാദിഷ്ടകംശീഘ്രമശ്നുതേ ॥ 195॥

ശ്രീമത്ത്രിപുരാംബികായൈ നമഃ ।
॥ ശ്രീലലിതാഹൃദയസ്തോത്രം സംപൂര്ണമ് ॥

ഓം തത് സത് ॥