ശ്രീ ആദ്യ കാളീ സ്തോത്രം

ബ്രഹ്മോവാച
ശൃണു വത്സ പ്രവക്ഷ്യാമി ആദ്യാസ്തോത്രം മഹാഫലമ് ।
യഃ പഠേത് സതതം ഭക്ത്യാ സ ഏവ വിഷ്ണുവല്ലഭഃ ॥ 1 ॥

മൃത്യുർവ്യാധിഭയം തസ്യ നാസ്തി കിംചിത് കലൌ യുഗേ ।
അപുത്രാ ലഭതേ പുത്രം ത്രിപക്ഷം ശ്രവണം യദി ॥ 2 ॥

ദ്വൌ മാസൌ ബംധനാന്മുക്തി വിപ്രവക്ത്രാത് ശ്രുതം യദി ।
മൃതവത്സാ ജീവവത്സാ ഷണ്മാസം ശ്രവണം യദി ॥ 3 ॥

നൌകായാം സംകടേ യുദ്ധേ പഠനാജ്ജയമാപ്നുയാത് ।
ലിഖിത്വാ സ്ഥാപയേദ്ഗേഹേ നാഗ്നിചൌരഭയം ക്വചിത് ॥ 4 ॥

രാജസ്ഥാനേ ജയീ നിത്യം പ്രസന്നാഃ സർവദേവതാ ।
ഓം ഹ്രീമ് ।
ബ്രഹ്മാണീ ബ്രഹ്മലോകേ ച വൈകുംഠേ സർവമംഗളാ ॥ 5 ॥

ഇംദ്രാണീ അമരാവത്യാമംബികാ വരുണാലയേ ।
യമാലയേ കാലരൂപാ കുബേരഭവനേ ശുഭാ ॥ 6 ॥

മഹാനംദാഗ്നികോണേ ച വായവ്യാം മൃഗവാഹിനീ ।
നൈരൃത്യാം രക്തദംതാ ച ഐശാന്യാം ശൂലധാരിണീ ॥ 7 ॥

പാതാളേ വൈഷ്ണവീരൂപാ സിംഹലേ ദേവമോഹിനീ ।
സുരസാ ച മണിദ്വിപേ ലംകായാം ഭദ്രകാളികാ ॥ 8 ॥

രാമേശ്വരീ സേതുബംധേ വിമലാ പുരുഷോത്തമേ ।
വിരജാ ഔഡ്രദേശേ ച കാമാക്ഷ്യാ നീലപർവതേ ॥ 9 ॥

കാളികാ വംഗദേശേ ച അയോധ്യായാം മഹേശ്വരീ ।
വാരാണസ്യാമന്നപൂര്ണാ ഗയാക്ഷേത്രേ ഗയേശ്വരീ ॥ 10 ॥

കുരുക്ഷേത്രേ ഭദ്രകാളീ വ്രജേ കാത്യായനീ പരാ ।
ദ്വാരകായാം മഹാമായാ മഥുരായാം മഹേശ്വരീ ॥ 11 ॥

ക്ഷുധാ ത്വം സർവഭൂതാനാം വേലാ ത്വം സാഗരസ്യ ച ।
നവമീ ശുക്ലപക്ഷസ്യ കൃഷ്ണസ്യൈകാദശീ പരാ ॥ 12 ॥

ദക്ഷസാ ദുഹിതാ ദേവീ ദക്ഷയജ്ഞവിനാശിനീ ।
രാമസ്യ ജാനകീ ത്വം ഹി രാവണധ്വംസകാരിണീ ॥ 13 ॥

ചംഡമുംഡവധേ ദേവീ രക്തബീജവിനാശിനീ ।
നിശുംഭശുംഭമഥിനീ മധുകൈടഭഘാതിനീ ॥ 14 ॥

വിഷ്ണുഭക്തിപ്രദാ ദുര്ഗാ സുഖദാ മോക്ഷദാ സദാ ।
ആദ്യാസ്തവമിമം പുണ്യം യഃ പഠേത് സതതം നരഃ ॥ 15 ॥

സർവജ്വരഭയം ന സ്യാത് സർവവ്യാധിവിനാശനമ് ।
കോടിതീര്ഥഫലം തസ്യ ലഭതേ നാത്ര സംശയഃ ॥ 16 ॥

ജയാ മേ ചാഗ്രതഃ പാതു വിജയാ പാതു പൃഷ്ഠതഃ ।
നാരായണീ ശീര്ഷദേശേ സർവാംഗേ സിംഹവാഹിനീ ॥ 17 ॥

ശിവദൂതീ ഉഗ്രചംഡാ പ്രത്യംഗേ പരമേശ്വരീ ।
വിശാലാക്ഷീ മഹാമായാ കൌമാരീ ശംഖിനീ ശിവാ ॥ 18 ॥

ചക്രിണീ ജയദാത്രീ ച രണമത്താ രണപ്രിയാ ।
ദുര്ഗാ ജയംതീ കാളീ ച ഭദ്രകാളീ മഹോദരീ ॥ 19 ॥

നാരസിംഹീ ച വാരാഹീ സിദ്ധിദാത്രീ സുഖപ്രദാ ।
ഭയംകരീ മഹാരൌദ്രീ മഹാഭയവിനാശിനീ ॥ 20 ॥

ഇതി ശ്രീബ്രഹ്മയാമലേ ബ്രഹ്മനാരദസംവാദേ ശ്രീ ആദ്യാ സ്തോത്രമ് ॥