സരസ്വതീ കവചമ്

(ബ്രഹ്മവൈവര്ത മഹാപുരാണാംതര്ഗതം)

ഭൃഗുരുവാച ।
ബ്രഹ്മന്ബ്രഹ്മവിദാംശ്രേഷ്ഠ ബ്രഹ്മജ്ഞാനവിശാരദ ।
സർവജ്ഞ സർവജനക സർവപൂജകപൂജിത ॥ 60

സരസ്വത്യാശ്ച കവചം ബ്രൂഹി വിശ്വജയം പ്രഭോ ।
അയാതയാമമംത്രാണാം സമൂഹോ യത്ര സംയുതഃ ॥ 61 ॥

ബ്രഹ്മോവാച ।
ശൃണു വത്സ പ്രവക്ഷ്യാമി കവചം സർവകാമദമ് ।
ശ്രുതിസാരം ശ്രുതിസുഖം ശ്രുത്യുക്തം ശ്രുതിപൂജിതമ് ॥ 62 ॥

ഉക്തം കൃഷ്ണേന ഗോലോകേ മഹ്യം വൃംദാവനേ വനേ ।
രാസേശ്വരേണ വിഭുനാ രാസേ വൈ രാസമംഡലേ ॥ 63 ॥

അതീവ ഗോപനീയംച കല്പവൃക്ഷസമം പരമ് ।
അശ്രുതാദ്ഭുതമംത്രാണാം സമൂഹൈശ്ച സമന്വിതമ് ॥ 64 ॥

യദ്ധൃത്വാ പഠനാദ്ബ്രഹ്മന്ബുദ്ധിമാംശ്ച ബൃഹസ്പതിഃ ।
യദ്ധൃത്വാ ഭഗവാംഛുക്രഃ സർവദൈത്യേഷു പൂജിതഃ ॥ 65 ॥

പഠനാദ്ധാരണാദ്വാഗ്മീ കവീംദ്രോ വാല്മികീ മുനിഃ ।
സ്വായംഭുവോ മനുശ്ചൈവ യദ്ധൃത്വാ സർവപൂജിതാഃ ॥ 66 ॥

കണാദോ ഗൌതമഃ കണ്വഃ പാണിനിഃ ശാകടായനഃ ।
ഗ്രംഥം ചകാര യദ്ധൃത്വാ ദക്ഷഃ കാത്യായനഃ സ്വയമ് ॥ 67 ॥

ധൃത്വാ വേദവിഭാഗംച പുരാണാന്യഖിലാനി ച ।
ചകാര ലീലാമാത്രേണ കൃഷ്ണദ്വൈപായനഃ സ്വയമ് ॥ 68 ॥

ശാതാതപശ്ച സംവര്തോ വസിഷ്ഠശ്ച പരാശരഃ ।
യദ്ധൃത്വാ പഠനാദ്ഗ്രംഥം യാജ്ഞവല്ക്യശ്ചകാര സഃ ॥ 69 ॥

ഋഷ്യശൃംഗോ ഭരദ്വാജശ്ചാസ്തീകോ ദേവലസ്തഥാ ।
ജൈഗീഷവ്യോഽഥ ജാബാലിര്യദ്ധൃത്വാ സർവപൂജിതഃ ॥ 70 ॥

കവചസ്യാസ്യ വിപ്രേംദ്ര ഋഷിരേഷ പ്രജാപതിഃ ।
സ്വയം ബൃഹസ്പതിശ്ഛംദോ ദേവോ രാസേശ്വരഃ പ്രഭുഃ ॥ 71 ॥

സർവതത്ത്വപരിജ്ഞാനേ സർവാര്ഥേഽപി ച സാധനേ ।
കവിതാസു ച സർവാസു വിനിയോഗഃ പ്രകീര്തിതഃ ॥ 72 ॥

( കവചം )
ഓം ഹ്രീം സരസ്വത്യൈ സ്വാഹാ ശിരോ മേ പാതു സർവതഃ ।
ശ്രീം വാഗ്ദേവതായൈ സ്വാഹാ ഭാലം മേ സർവദാഽവതു ॥ 73 ॥

ഓം ഹ്രീം സരസ്വത്യൈ സ്വാഹേതി ശ്രോത്രേ പാതു നിരംതരമ് ।
ഓം ശ്രീം ഹ്രീം ഭഗവത്യൈ സരസ്വത്യൈ സ്വാഹാ നേത്രയുഗ്മം സദാഽവതു ॥ 74 ॥

ഐം ഹ്രീം വാഗ്വാദിന്യൈ സ്വാഹാ നാസാം മേ സർവദാഽവതു ।
ഹ്രീം വിദ്യാധിഷ്ഠാതൃദേവ്യൈ സ്വാഹാ ചോംഷ്ഠ സദാഽവതു ॥ 75 ॥

ഓം ശ്രീം ഹ്രീം ബ്രാഹ്മ്യൈ സ്വാഹേതി ദംതപംക്തിം സദാഽവതു ।
ഐമിത്യേകാക്ഷരോ മംത്രോ മമ കംഠം സദാഽവതു ॥ 76 ॥

ഓം ശ്രീം ഹ്രീം പാതു മേ ഗ്രീവാം സ്കംധം മേ ശ്രീം സദാഽവതു ।
ഓം ഹ്രീം വിദ്യാധിഷ്ഠാതൃദേവ്യൈ സ്വാഹാ വക്ഷഃ സദാഽവതു ॥ 77 ॥

ഓം ഹ്രീം വിദ്യാസ്വരൂപായൈ സ്വാഹാ മേ പാതു നാഭികാമ് ।
ഓം ഹ്രീം ക്ലീം വാണ്യൈ സ്വാഹേതി മമ പൃഷ്ഠം സദാഽവതു ॥ 78 ॥

ഓം സർവവര്ണാത്മികായൈ പാദയുഗ്മം സദാഽവതു ।
ഓം രാഗാധിഷ്ഠാതൃദേവ്യൈ സർവാംഗം മേ സദാഽവതു ॥ 79 ॥

ഓം സർവകംഠവാസിന്യൈ സ്വാഹാ പ്രച്യാം സദാഽവതു ।
ഓം ഹ്രീം ജിഹ്വാഗ്രവാസിന്യൈ സ്വാഹാഽഗ്നിദിശി രക്ഷതു ॥ 80 ॥

ഓം ഐം ഹ്രീം ശ്രീം സരസ്വത്യൈ ബുധജനന്യൈ സ്വാഹാ ।
സതതം മംത്രരാജോഽയം ദക്ഷിണേ മാം സദാഽവതു ॥ 81 ॥

ഓം ഹ്രീം ശ്രീം ത്ര്യക്ഷരോ മംത്രോ നൈരൃത്യാം മേ സദാഽവതു ।
കവിജിഹ്വാഗ്രവാസിന്യൈ സ്വാഹാ മാം വാരുണേഽവതു ॥ 82 ॥

ഓം സദംബികായൈ സ്വാഹാ വായവ്യേ മാം സദാഽവതു ।
ഓം ഗദ്യപദ്യവാസിന്യൈ സ്വാഹാ മാമുത്തരേഽവതു ॥ 83 ॥

ഓം സർവശാസ്ത്രവാസിന്യൈ സ്വാഹൈശാന്യാം സദാഽവതു ।
ഓം ഹ്രീം സർവപൂജിതായൈ സ്വാഹാ ചോര്ധ്വം സദാഽവതു ॥ 84 ॥

ഐം ഹ്രീം പുസ്തകവാസിന്യൈ സ്വാഹാഽധോ മാം സദാവതു ।
ഓം ഗ്രംഥബീജരൂപായൈ സ്വാഹാ മാം സർവതോഽവതു ॥ 85 ॥

ഇതി തേ കഥിതം വിപ്ര സർവമംത്രൌഘവിഗ്രഹമ് ।
ഇദം വിശ്വജയം നാമ കവചം ബ്രഹ്മാരൂപകമ് ॥ 86 ॥

പുരാ ശ്രുതം ധര്മവക്ത്രാത്പർവതേ ഗംധമാദനേ ।
തവ സ്നേഹാന്മയാഽഽഖ്യാതം പ്രവക്തവ്യം ന കസ്യചിത് ॥ 87 ॥

ഗുരുമഭ്യര്ച്യ വിധിവദ്വസ്ത്രാലംകാരചംദനൈഃ ।
പ്രണമ്യ ദംഡവദ്ഭൂമൌ കവചം ധാരയേത്സുധീഃ ॥ 88 ॥

പംചലക്ഷജപേനൈവ സിദ്ധം തു കവചം ഭവേത് ।
യദി സ്യാത്സിദ്ധകവചോ ബൃഹസ്പതി സമോ ഭവേത് ॥ 89 ॥

മഹാവാഗ്മീ കവീംദ്രശ്ച ത്രൈലോക്യവിജയീ ഭവേത് ।
ശക്നോതി സർവം ജേതും സ കവചസ്യ പ്രഭാവതഃ ॥ 90 ॥

ഇദം തേ കാണ്വശാഖോക്തം കഥിതം കവചം മുനേ ।
സ്തോത്രം പൂജാവിധാനം ച ധ്യാനം വൈ വംദനം തഥാ ॥ 91 ॥

ഇതി ശ്രീ ബ്രഹ്മവൈവര്തേ മഹാപുരാണേ പ്രകൃതിഖംഡേ നാരദനാരായണസംവാദേ സരസ്വതീകവചം നാമ ചതുര്ഥോഽധ്യായഃ ।