നവരത്ന മാലികാ സ്തോത്രമ്
ഹാരനൂപുരകിരീടകുംഡലവിഭൂഷിതാവയവശോഭിനീം
കാരണേശവരമൌലികോടിപരികല്പ്യമാനപദപീഠികാമ് ।
കാലകാലഫണിപാശബാണധനുരംകുശാമരുണമേഖലാം
ഫാലഭൂതിലകലോചനാം മനസി ഭാവയാമി പരദേവതാമ് ॥ 1 ॥
ഗംധസാരഘനസാരചാരുനവനാഗവല്ലിരസവാസിനീം
സാംധ്യരാഗമധുരാധരാഭരണസുംദരാനനശുചിസ്മിതാമ് ।
മംധരായതവിലോചനാമമലബാലചംദ്രകൃതശേഖരീം
ഇംദിരാരമണസോദരീം മനസി ഭാവയാമി പരദേവതാമ് ॥ 2 ॥
സ്മേരചാരുമുഖമംഡലാം വിമലഗംഡലംബിമണിമംഡലാം
ഹാരദാമപരിശോഭമാനകുചഭാരഭീരുതനുമധ്യമാമ് ।
വീരഗർവഹരനൂപുരാം വിവിധകാരണേശവരപീഠികാം
മാരവൈരിസഹചാരിണീം മനസി ഭാവയാമി പരദേവതാമ് ॥ 3 ॥
ഭൂരിഭാരധരകുംഡലീംദ്രമണിബദ്ധഭൂവലയപീഠികാം
വാരിരാശിമണിമേഖലാവലയവഹ്നിമംഡലശരീരിണീമ് ।
വാരിസാരവഹകുംഡലാം ഗഗനശേഖരീം ച പരമാത്മികാം
ചാരുചംദ്രവിലോചനാം മനസി ഭാവയാമി പരദേവതാമ് ॥ 4 ॥
കുംഡലത്രിവിധകോണമംഡലവിഹാരഷഡ്ദലസമുല്ലസ-
ത്പുംഡരീകമുഖഭേദിനീം ച പ്രചംഡഭാനുഭാസമുജ്ജ്വലാമ് ।
മംഡലേംദുപരിവാഹിതാമൃതതരംഗിണീമരുണരൂപിണീം
മംഡലാംതമണിദീപികാം മനസി ഭാവയാമി പരദേവതാമ് ॥ 5 ॥
വാരണാനനമയൂരവാഹമുഖദാഹവാരണപയോധരാം
ചാരണാദിസുരസുംദരീചികുരശേകരീകൃതപദാംബുജാമ് ।
കാരണാധിപതിപംചകപ്രകൃതികാരണപ്രഥമമാതൃകാം
വാരണാംതമുഖപാരണാം മനസി ഭാവയാമി പരദേവതാമ് ॥ 6 ॥
പദ്മകാംതിപദപാണിപല്ലവപയോധരാനനസരോരുഹാം
പദ്മരാഗമണിമേഖലാവലയനീവിശോഭിതനിതംബിനീമ് ।
പദ്മസംഭവസദാശിവാംതമയപംചരത്നപദപീഠികാം
പദ്മിനീം പ്രണവരൂപിണീം മനസി ഭാവയാമി പരദേവതാമ് ॥ 7 ॥
ആഗമപ്രണവപീഠികാമമലവര്ണമംഗളശരീരിണീം
ആഗമാവയവശോഭിനീമഖിലവേദസാരകൃതശേഖരീമ് ।
മൂലമംത്രമുഖമംഡലാം മുദിതനാദബിംദുനവയൌവനാം
മാതൃകാം ത്രിപുരസുംദരീം മനസി ഭാവയാമി പരദേവതാമ് ॥ 8 ॥
കാലികാതിമിരകുംതലാംതഘനഭൃംഗമംഗളവിരാജിനീം
ചൂലികാശിഖരമാലികാവലയമല്ലികാസുരഭിസൌരഭാമ് ।
വാലികാമധുരഗംഡമംഡലമനോഹരാനനസരോരുഹാം
കാലികാമഖിലനായികാം മനസി ഭാവയാമി പരദേവതാമ് ॥ 9 ॥
നിത്യമേവ നിയമേന ജല്പതാം – ഭുക്തിമുക്തിഫലദാമഭീഷ്ടദാമ് ।
ശംകരേണ രചിതാം സദാ ജപേന്നാമരത്നനവരത്നമാലികാമ് ॥ 10 ॥
പതിവായി ചോദിക്കുന്ന ചോദ്യങ്ങൾ
What is നവരത്ന മാലികാ സ്തോത്രമ്?
നവരത്ന മാലികാ സ്തോത്രമ് is a devotional text available on Bhakti Granth in the selected language or script.
Which language or script is this version in?
This edition is published in Malayalam. Use the language selector to view another available edition.
Can I read നവരത്ന മാലികാ സ്തോത്രമ് online?
Yes. The imported text is available directly on this page for online reading and recitation.
Can I download നവരത്ന മാലികാ സ്തോത്രമ് as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.