ഹനുമാന് (ആംജനേയ) അഷ്ടോത്തര ശതനാമ സ്തോത്രമ്

ആംജനേയോ മഹാവീരോ ഹനുമാന്മാരുതാത്മജഃ ।
തത്വജ്ഞാനപ്രദഃ സീതാദേവീമുദ്രാപ്രദായകഃ ॥ 1 ॥

അശോകവനികാച്ഛേത്താ സർവമായാവിഭംജനഃ ।
സർവബംധവിമോക്താ ച രക്ഷോവിധ്വംസകാരകഃ ॥ 2 ॥

പരവിദ്യാപരീഹാരഃ പരശൌര്യവിനാശനഃ ।
പരമംത്രനിരാകര്താ പരയംത്രപ്രഭേദകഃ ॥ 3 ॥

സർവഗ്രഹവിനാശീ ച ഭീമസേനസഹായകൃത് ।
സർവദുഃഖഹരഃ സർവലോകചാരീ മനോജവഃ ॥ 4 ॥

പാരിജാതദ്രുമൂലസ്ഥഃ സർവമംത്രസ്വരൂപവാന് ।
സർവതംത്രസ്വരൂപീ ച സർവയംത്രാത്മകസ്തഥാ ॥ 5 ॥

കപീശ്വരോ മഹാകായഃ സർവരോഗഹരഃ പ്രഭുഃ ।
ബലസിദ്ധികരഃ സർവവിദ്യാസംപത്പ്രദായകഃ ॥ 6 ॥

കപിസേനാനായകശ്ച ഭവിഷ്യച്ചതുരാനനഃ ।
കുമാരബ്രഹ്മചാരീ ച രത്നകുംഡലദീപ്തിമാന് ॥ 7 ॥

സംചലദ്വാലസന്നദ്ധലംബമാനശിഖോജ്ജ്വലഃ ।
ഗംധർവവിദ്യാതത്ത്വജ്ഞോ മഹാബലപരാക്രമഃ ॥ 8 ॥

കാരാഗൃഹവിമോക്താ ച ശൃംഖലാബംധമോചകഃ ।
സാഗരോത്താരകഃ പ്രാജ്ഞോ രാമദൂതഃ പ്രതാപവാന് ॥ 9 ॥

വാനരഃ കേസരിസുതഃ സീതാശോകനിവാരകഃ ।
അംജനാഗര്ഭസംഭൂതോ ബാലാര്കസദൃശാനനഃ ॥ 10 ॥

വിഭീഷണപ്രിയകരോ ദശഗ്രീവകുലാംതകഃ ।
ലക്ഷ്മണപ്രാണദാതാ ച വജ്രകായോ മഹാദ്യുതിഃ ॥ 11 ॥

ചിരംജീവീ രാമഭക്തോ ദൈത്യകാര്യവിഘാതകഃ ।
അക്ഷഹംതാ കാംചനാഭഃ പംചവക്ത്രോ മഹാതപാഃ ॥ 12 ॥

ലംകിണീഭംജനഃ ശ്രീമാന് സിംഹികാപ്രാണഭംജനഃ ।
ഗംധമാദനശൈലസ്ഥോ ലംകാപുരവിദാഹകഃ ॥ 13 ॥

സുഗ്രീവസചിവോ ധീരഃ ശൂരോ ദൈത്യകുലാംതകഃ ।
സുരാര്ചിതോ മഹാതേജാ രാമചൂഡാമണിപ്രദഃ ॥ 14 ॥

കാമരൂപീ പിംഗലാക്ഷോ വാര്ധിമൈനാകപൂജിതഃ ।
കബളീകൃതമാര്താംഡമംഡലോ വിജിതേംദിര്യഃ ॥ 15 ॥

രാമസുഗ്രീവസംധാതാ മഹിരാവണമര്ദനഃ ।
സ്ഫടികാഭോ വാഗധീശോ നവവ്യാകൃതിപംഡിതഃ ॥ 16 ॥

ചതുര്ബാഹുര്ദീനബംധുര്മഹാത്മാ ഭക്തവത്സലഃ ।
സംജീവനനഗാഹര്താ ശുചിർവാഗ്മീ ദൃഢവ്രതഃ ॥ 17 ॥

കാലനേമിപ്രമഥനോ ഹരിമര്കടമര്കടഃ ।
ദാംതഃ ശാംതഃ പ്രസന്നാത്മാ ശതകംഠമദാപഹൃത് ॥ 18 ॥

യോഗീ രാമകഥാലോലഃ സീതാന്വേഷണപംഡിതഃ ।
വജ്രദംഷ്ട്രോ വജ്രനഖോ രുദ്രവീര്യസമുദ്ഭവഃ ॥ 19 ॥

ഇംദ്രജിത്പ്രഹിതാമോഘബ്രഹ്മാസ്ത്രവിനിവാരകഃ ।
പാര്ഥധ്വജാഗ്രസംവാസീ ശരപംജരഭേദകഃ ॥ 20 ॥

ദശബാഹുര്ലോര്കപൂജ്യോ ജാംബവത്പ്രീതിവര്ധനഃ ।
സീതാസമേതശ്രീരാമപാദസേവാധുരംധരഃ ॥ 21 ॥

ഇത്യേവം ശ്രീഹനുമതോ നാമ്നാമഷ്ടോത്തരം ശതമ് ।
യഃ പഠേച്ഛൃണുയാന്നിത്യം സർവാന്കാമാനവാപ്നുയാത് ॥ 22 ॥