ചാണക്യ നീതി – അഷ്ടമോഽധ്യായഃ
അധമാ ധനമിച്ഛംതി ധനമാനൌ ച മധ്യമാഃ ।
ഉത്തമാ മാനമിച്ഛംതി മാനോ ഹി മഹതാം ധനമ് ॥ 01 ॥
ഇക്ഷുരാപഃ പയോ മൂലം താംബൂലം ഫലമൌഷധമ് ।
ഭക്ഷയിത്വാപി കര്തവ്യാഃ സ്നാനദാനാദികാഃ ക്രിയാഃ ॥ 02 ॥
ദീപോ ഭക്ഷയതേ ധ്വാംതം കജ്ജലം ച പ്രസൂയതേ ।
യദന്നം ഭക്ഷയതേ നിത്യം ജായതേ താദൃശീ പ്രജാ ॥ 03 ॥
വിത്തം ദേഹി ഗുണാന്വിതേഷു മതിമന്നാന്യത്ര ദേഹി ക്വചിത്
പ്രാപ്തം വാരിനിധേര്ജലം ഘനമുഖേ മാധുര്യയുക്തം സദാ ।
ജീവാന്സ്ഥാവരജംഗമാംശ്ച സകലാന്സംജീവ്യ ഭൂമംഡലം
ഭൂയഃ പശ്യ തദേവ കോടിഗുണിതം ഗച്ഛംതമംഭോനിധിമ് ॥ 04 ॥
ചാംഡാലാനാം സഹസ്രൈശ്ച സൂരിഭിസ്തത്ത്വദര്ശിഭിഃ ।
ഏകോ ഹി യവനഃ പ്രോക്തോ ന നീചോ യവനാത്പരഃ ॥ 05 ॥
തൈലാഭ്യംഗേ ചിതാധൂമേ മൈഥുനേ ക്ഷൌരകര്മണി ।
താവദ്ഭവതി ചാംഡാലോ യാവത്സ്നാനം ന ചാചരേത് ॥ 06 ॥
അജീര്ണേ ഭേഷജം വാരി ജീര്ണേ വാരി ബലപ്രദമ് ।
ഭോജനേ ചാമൃതം വാരി ഭോജനാംതേ വിഷാപഹമ് ॥ 07 ॥
ഹതം ജ്ഞാനം ക്രിയാഹീനം ഹതശ്ചാജ്ഞാനതോ നരഃ ।
ഹതം നിര്ണായകം സൈന്യം സ്ത്രിയോ നഷ്ടാ ഹ്യഭര്തൃകാഃ ॥ 08 ॥
വൃദ്ധകാലേ മൃതാ ഭാര്യാ ബംധുഹസ്തഗതം ധനമ് ।
ഭോജനം ച പരാധീനം തിസ്രഃ പുംസാം വിഡംബനാഃ ॥ 09 ॥
നാഗ്നിഹോത്രം വിനാ വേദാ ന ച ദാനം വിനാ ക്രിയാ ।
ന ഭാവേന വിനാ സിദ്ധിസ്തസ്മാദ്ഭാവോ ഹി കാരണമ് ॥ 10 ॥
ന ദേവോ വിദ്യതേ കാഷ്ഠേ ന പാഷാണേ ന മൃണ്മയേ ।
ന ഭാവേന വിനാ സിദ്ധിസ്തസ്മാദ്ഭാവോ ഹി കാരണമ് ॥ 11 ॥
കാഷ്ഠപാഷാണധാതൂനാം കൃത്വാ ഭാവേന സേവനമ് ।
ശ്രദ്ധയാ ച തഥാ സിദ്ധിസ്തസ്യ വിഷ്ണുപ്രസാദതഃ ॥ 12 ॥
ന ദേവോ വിദ്യതേ കാഷ്ഠേ ന പാഷാണേ ന മൃന്മയേ ।
ഭാവേ ഹി വിദ്യതേ ദേവസ്തസ്മാദ്ഭാവോ ഹി കാരണമ് ॥ 13 ॥
ശാംതിതുല്യം തപോ നാസ്തി ന സംതോഷാത്പരം സുഖമ് ।
അപത്യം ച കലത്രം ച സതാം സംഗതിരേവ ച ॥ 14 ॥
ഗുണോ ഭൂഷയതേ രൂപം ശീലം ഭൂഷയതേ കുലമ് ।
പ്രാസാദശിഖരസ്ഥോഽപി കാകഃ കിം ഗരുഡായതേ ॥ 15 ॥
നിര്ഗുണസ്യ ഹതം രൂപം ദുഃശീലസ്യ ഹതം കുലമ് ।
അസിദ്ധസ്യ ഹതാ വിദ്യാ ഹ്യഭോഗേന ഹതം ധനമ് ॥ 16 ॥
ശുദ്ധം ഭൂമിഗതം തോയം ശുദ്ധാ നാരീ പതിവ്രതാ ।
ശുചിഃ ക്ഷേമകരോ രാജാ സംതോഷോ ബ്രാഹ്മണഃ ശുചിഃ ॥ 17 ॥
അസംതുഷ്ടാ ദ്വിജാ നഷ്ടാഃ സംതുഷ്ടാശ്ച മഹീഭൃതഃ ।
സലജ്ജാ ഗണികാ നഷ്ടാ നിര്ലജ്ജാശ്ച കുലാംഗനാ ॥ 18 ॥
കിം കുലേന വിശാലേന വിദ്യാഹീനേന ദേഹിനാമ് ।
ദുഷ്കുലം ചാപി വിദുഷോ ദേവൈരപി സ പൂജ്യതേ ॥ 19 ॥
വിദ്വാന്പ്രശസ്യതേ ലോകേ വിദ്വാന് സർവത്ര പൂജ്യതേ ।
വിദ്യയാ ലഭതേ സർവം വിദ്യാ സർവത്ര പൂജ്യതേ ॥ 20 ॥
മാംസഭക്ഷ്യൈഃ സുരാപാനൈര്മുഖൈശ്ചാക്ഷരവര്ജിതൈഃ ।
പശുഭിഃ പുരുഷാകാരൈര്ഭാരാക്രാംതാ ഹി മേദിനീ ॥ 21 ॥
അന്നഹീനോ ദഹേദ്രാഷ്ട്രം മംത്രഹീനശ്ച ഋത്വിജഃ ।
യജമാനം ദാനഹീനോ നാസ്തി യജ്ഞസമോ രിപുഃ ॥ 22 ॥
പതിവായി ചോദിക്കുന്ന ചോദ്യങ്ങൾ
What is ചാണക്യ നീതി - അഷ്ടമോഽധ്യായഃ?
ചാണക്യ നീതി - അഷ്ടമോഽധ്യായഃ is a devotional text available on Bhakti Granth in the selected language or script.
Which language or script is this version in?
This edition is published in Malayalam. Use the language selector to view another available edition.
Can I read ചാണക്യ നീതി - അഷ്ടമോഽധ്യായഃ online?
Yes. The imported text is available directly on this page for online reading and recitation.
Can I download ചാണക്യ നീതി - അഷ്ടമോഽധ്യായഃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.