ഭാവനോപനിഷദ്

ശ്രീഗുരുഃ സർവകാരണഭൂതാ ശക്തിഃ ॥1॥

കേന നവരംധ്രരൂപോ ദേഹഃ।
നവശക്തിരൂപം ശ്രീചക്രമ।
വാരാഹീ പിതൃരൂപാ।
കുരുകുല്ലാ ബലിദേവതാ മാതാ।
പുരുഷാര്ഥാഃ സാഗരാഃ।
ദേഹോ നവരത്നദ്വീപഃ।
ആധാരനവകമുദ്രാ: ശക്തയഃ।
ത്വഗാദിസപ്തധാതുഭിര-നേകൈഃ സം​യുഁക്താഃ സംകല്പാഃ കല്പതരവഃ।
തേജ: കല്പകോദ്യാനമ്।രസനയാ ഭാവ്യമാനാ മധുരാമ്ലതിക്ത-കടുകഷായലവണഭേദാഃ ഷഡ്രസാഃ ഷഡൃതവഃ ।
ക്രിയാശക്തിഃ പീഠമ്।
കുംഡലിനീ ജ്ഞാനശക്തിര്ഗൃഹമ്। ഇച്ഛാശക്തിര്മഹാത്രിപുരസുംദരീ।
ജ്ഞാതാ ഹോതാ ജ്ഞാനമഗ്നിഃ ജ്ഞേയം ഹവിഃ। ജ്ഞാതൃജ്ഞാനജ്ഞേയാനാമഭേദഭാവനം ശ്രീചക്രപൂജനമ്। നിയതിസഹിതാഃ ശ്ര്​ഋംഗാരാദയോ നവ രസാ അണിമാദയഃ। കാമക്രോധലോഭമോഹമദ-മാത്സര്യപുണ്യപാപമയാ ബ്രാഹ്മയാദ്യഷ്ടശക്തയഃ । പൃഥിവ്യപ്തേജോവായ്വാകാശശ്രോത്രത്വക്ചക്ഷുര്ജിഹ്വാഘ്രാണവാ-ക്പാണിപാദപായൂപസ്ഥമനോവികാരാഃ ഷോഡശ ശക്തയഃ ।
വചനാദാനഗമനവിസര്ഗാനംദഹാനോപേക്ഷാബുദ്ധയോ-ഽനംഗകുസുമാദിശക്തയോഽഷ്ടൌ।
അലംബുസാ കുഹൂർവിശ്വോദരീ വരുണാ ഹസ്തിജിഹ്വാ യശസ്വത്യശ്വിനീ ഗാംധാരീ പൂഷാ ശംഖിനീ സരസ്വതീഡാ പിംഗലാ സുഷുമ്നാ ചേതി ചതുര്ദശ നാഡ്യഃ। സർവസംക്ഷോഭിണ്യാദിചതുര്ദശാരഗാ ദേവതാഃ। പ്രാണാപാനവ്യാനോദാനസമാനനാഗകൂര്മകൃകരദേവദത്തധനംജയാ ഇതി ദശ വായവഃ ।
സർവസിദ്ധി-പ്രദാ ദേവ്യോ ബഹിര്ദശാരഗാ ദേവതാഃ। ഏതദ്വായുദശകസംസര്ഗോപാഥിഭേദേന രേചകപൂരകശോഷകദാഹക-പ്ലാവകാ അമൃതമിതി പ്രാണമുഖ്യത്വേന പംചവിധോഽസ്തി ।
ക്ഷാരകോ ദാരകഃ ക്ഷോഭകോ മോഹകോ ജൃംഭക ഇത്യപാലനമുഖ്യത്വേന പംചവിധോഽസ്തി ।
തേന മനുഷ്യാണാം മോഹകോ ദാഹകോ ഭക്ഷ്യഭോജ്യലേഹ്യചോഷ്യപേയാ-ത്മകം ചതുർവിധമന്നം പാചയതി।
ഏതാ ദശ വഹ്നികലാഃ സർവാത്വാദ്യംതര്ദശാരഗാ ദേവതാഃ। ശീതോഷ്ണസുഖദുഃഖേച്ഛാസത്ത്വരജസ്തമോഗുണാ വശിന്യാദിശക്തയോഽഷ്ടൌ।
ശബ്ദസ്പര്​ശരൂപരസഗംധാഃ പംചതന്മാത്രാഃ പംച പുഷ്പബാണാ മന ഇക്ഷുധനുഃ।
വശ്യോ ബാണോ രാഗഃ പാശഃ।
ദ്വേഷോഽംകുശഃ।
അവ്യക്തമഹത്തത്ത്വമഹദഹംകാര ഇതി കാമേശ്വരീവജ്നേശ്വരീഭഗമാലിന്യോഽംതസ്ത്രികോണാഗ്നഗാ ദേവതാഃ ।
പംചദശതിഥിരൂപേണ കാലസ്യ പരിണാമാവലോകനസ്ഥിതിഃ പംചദശ നിത്യാ ശ്രദ്ധാനുരൂപാധിദേവതാ।
തയോഃ കാമേശ്വരീ സദാനംദഘനാ പരിപൂര്ണസ്വാത്മൈക്യരൂപാ ദേവതാ ॥2॥

സലിലമിതി സൌഹിത്യകാരണം സത്ത്വമ് । കര്തവ്യമകര്തവ്യമിതി ഭാവനായുക്ത ഉപചാരഃ।
അസ്തി നാസ്തീതി കര്തവ്യതാ ഉപചാരഃ। ബാഹ്യാഭ്യംത:കരണാനാം രൂപഗ്രഹണയോഗ്യതാഽസ്ത്വിത്യാവാഹനമ്।
തസ്യ വാഹ്യാഭ്യംതഃകരണാനാമേകരൂപവിഷയഗ്രഹണമാസനമ്।
രക്തശുക്ലപദൈകീകരണം പാദ്യമ്।
ഉജ്ജ്വലദാ-മോദാനംദാസനദാനമര്ഘ്യമ്।
സ്വച്ഛം സ്വത:സിദ്ധമിത്യാചമനീയമ്। ചിച്ചംദ്രമയീതി സർവാംഗസ്ത്രവണം സ്നാനമ്। ചിദഗ്നിസ്വരൂപപരമാനംദശക്തിസ്ഫുരണം-വഁസ്ത്രമ്। പ്രത്യേകം സപ്തവിംശതിധാ ഭിന്നത്വേനേച്ഛാജ്ഞാന-ക്രിയാത്മകബ്രഹ്മഗ്രംഥിമദ്രസതംതുബ്രഹ്മനാഡീ ബ്രഹ്മസൂത്രമ്।
സ്വവ്യതിരിക്തവസ്തുസംഗരഹിതസ്മരണം-വിഁഭൂഷണമ്। സ്വച്ഛസ്വപരിപൂര്ണതാസ്മരണം ഗംധഃ ।
സമസ്തവിഷയാണാം മനസഃ സ്ഥൈര്യേണാനുസംധാനം കുസുമമ് । തേഷാമേവ സർവദാ സ്വീകരണം ധൂപഃ । പവനാവച്ഛിന്നോര്ധ്വഗ്വലനസച്ചിദുല്കാകാശദേഹോ ദീപഃ । സമസ്തയാതായാ-തവര്ജ്യം നൈവേദ്യമ് । അവസ്ഥാത്രയാണാമേകീകരണം താംബൂലമ്। മൂലാധാരാദാബ്രഹ്മരംധ്രപര്യംതം ബ്രഹ്മരംധ്രാദാ-മൂലാധാരപര്യംതം ഗതാഗതരൂപേണ പ്രാദക്ഷിണ്യമ്। തുര്യാവസ്ഥാ നമസ്കാരഃ ।
ദേഹശൂന്യപ്രമാതൃതാനിമജ്ജനം ബലിഹരണമ്।
സത്യമസ്തി കര്തവ്യമകര്തവ്യമൌദാസീന്യനിത്യാത്മവിലാപനം ഹോമഃ।
സ്വയം തത്പാദുകാ-നിമജ്ജനം പരിപൂര്ണധ്യാനമ്॥3॥

ഏവം മുഹൂര്തത്രയം ഭാവനാപരോ ജീവന്മുക്തോ ഭവതി।
തസ്യ ദേവതാത്മൈക്യസിദ്ധിഃ।
ചിംതിതകാര്യാണ്യ-യത്നേന സിദ്ധയംതി।
സ ഏവ ശിവയോഗീതി കഥ്യതേ ॥4॥