അരുണാചല അഷ്ടകമ്

ദര്ശനാദഭ്രസദസി ജനനാത്കമലാലയേ ।
കാശ്യാം തു മരണാന്മുക്തിഃ സ്മരണാദരുണാചലേ ॥ 1 ॥

കരുണാപൂരിതാപാംഗം ശരണാഗതവത്സലമ് ।
തരുണേംദുജടാമൌലിം സ്മരണാദരുണാചലമ് ॥ 2 ॥

സമസ്തജഗദാധാരം സച്ചിദാനംദവിഗ്രഹമ് ।
സഹസ്രരഥസോപേതം സ്മരണാദരുണാചലമ് ॥ 3 ॥

കാംചനപ്രതിമാഭാസം വാംഛിതാര്ഥഫലപ്രദമ് ।
മാം ച രക്ഷ സുരാധ്യക്ഷം സ്മരണാദരുണാചലമ് ॥ 4 ॥

ബദ്ധചംദ്രജടാജൂടമര്ധനാരീകലേബരമ് ।
വര്ധമാനദയാംഭോധിം സ്മരണാദരുണാചലമ് ॥ 5 ॥

കാംചനപ്രതിമാഭാസം സൂര്യകോടിസമപ്രഭമ് ।
ബദ്ധവ്യാഘ്രപുരീധ്യാനം സ്മരണാദരുണാചലമ് ॥ 6 ॥

ശിക്ഷയാഖിലദേവാരി ഭക്ഷിതക്ഷ്വേലകംധരമ് ।
രക്ഷയാഖിലഭക്താനാം സ്മരണാദരുണാചലമ് ॥ 7 ॥

അഷ്ടഭൂതിസമായുക്തമിഷ്ടകാമഫലപ്രദമ് ।
ശിഷ്ടഭക്തിസമായുക്താന് സ്മരണാദരുണാചലമ് ॥ 8 ॥

വിനായകസുരാധ്യക്ഷം വിഷ്ണുബ്രഹ്മേംദ്രസേവിതമ് ।
വിമലാരുണപാദാബ്ജം സ്മരണാദരുണാചലമ് ॥ 9 ॥

മംദാരമല്ലികാജാതികുംദചംപകപംകജൈഃ ।
ഇംദ്രാദിപൂജിതാം ദേവീം സ്മരണാദരുണാചലമ് ॥ 10 ॥

സംപത്കരം പാർവതീശം സൂര്യചംദ്രാഗ്നിലോചനമ് ।
മംദസ്മിതമുഖാംഭോജം സ്മരണാദരുണാചലമ് ॥ 11 ॥

ഇതി ശ്രീഅരുണാചലാഷ്ടകമ് ॥