അന്നമയ്യ കീര്തന രാധാ മാധവ രതി ചരിതമിതി

രാധാമാധവരതിചരിതമിതി
ബോധാവഹം ശ്രുതിഭൂഷണം ॥

ഗഹനേ ദ്വാവപി ഗത്വാ ഗത്വാ
രഹസി രതിം പ്രേരയതി സതി ।
വിഹരതസ്തദാ വിലസംതൌ
വിഹതഗൃഹാശൌ വിവശൌ തൌ ॥

ലജ്ജാശഭള വിലാസലീലയാ
കജ്ജലനയന വികാരേണ ।
ഹൃജ്ജാവ്യവനഹിത ഹൃദയാ രതി
സ്സജ്ജാ സംഭ്രമചപലാ ജാതാ ॥

പുരതോ യാംതം പുരുഷം വകുളൈഃ
കുരംടകൈർവാ കുടജൈർവാ ।
പരമം പ്രഹരതി പശ്ചാല്ലഗ്നാ-
ഗിരം വിനാസി വികിരതി മുദം ॥

ഹരി സുരഭൂരുഹ മാരോഹതീവ
ചരണേന കടിം സംവേഷ്ട്യ ।
പരിരംചണ സംപാദിതപുലകൈ
സ്സുരുചിര്ജാതാ സുമലതികേവ ॥

വിധുമുഖദര്ശന വികളിതലജ്ജാ-
ത്വധരബിംബഫലമാസ്വാദ്യ ।
മധുരോപായനമാര്ഗേണ കുചൌ
നിധിവദ ത്വാ നിത്യസുഖമിതാ ॥

സുരുചിരകേതക സുമദള നഖരൈ-
ർവരചിബുകം സാ പരിവൃത്യ ।
തരുണിമസിംധൌ തദീയദൃഗ്ജല-
ചരയുഗളം സംസക്തം ചകാര ॥

വചന വിലാസൈർവശീകൃത തം
നിചുലകുംജ മാനിതദേശേ ।
പ്രചുരസൈകതേ പല്ലവശയനേ-
രചിതരതികളാ രാഗേണാസ ॥

അഭിനവകല്യാണാംചിതരൂപാ-
വഭിനിവേശ സംയതചിത്തൌ ।
ബഭൂവതു സ്തത്പരൌ വേംകട
വിഭുനാ സാ തദ്വിധിനാ സതയാ ॥

സച ലജ്ജാവീക്ഷണോ ഭവതി തം
കചഭരാം ഗംധം ഘ്രാപയതി ।
നചലതിചേന്മാനവതീ തഥാപി
കുചസംഗാദനുകൂലയതി ॥

അവനതശിരസാപ്യതി സുഭഗം
വിവിധാലാപൈർവിവശയതി ।
പ്രവിമല കരരുഹരചന വിലാസൈ
ര്ഭുവനപതി തം ഭൂഷയതി ॥

ലതാഗൃഹമേളനം നവസൈ
കതവൈഭവ സൌഖ്യം ദൃഷ്ട്വാ ।
തതസ്തതശ്ചരസൌ കേലീ-
വ്രതചര്യാം താം വാംഛംതൌ ।

വനകുസുമ വിശദവരവാസനയാ-
ഘനസാരരജോഗംധൈശ്ച ।
ജനയതി പവനേ സപദി വികാരം-
വനിതാ പുരുഷൌ ജനിതാശൌ ॥

ഏവം വിചരന് ഹേലാ വിമുഖ-
ശ്രീവേംകടഗിരി ദേവോയം ।
പാവനരാധാപരിരംഭസുഖ-
ശ്രീ വൈഭവസുസ്ഥിരോ ഭവതി ॥