ಸೂರ್ಯ ನಿತ್ಯ ಪೂಜಾ ವಿಧಾನಂ
ಆವಶ್ಯಕಾನಿ ವಸ್ತೂನಿ
– ಆಸನಂ
– ದೀಪಃ
– ಗಂಧಃ
– ಕುಂಕುಮಂ
– ಅಕ್ಷತಾಃ
– ಪುಷ್ಪಾಣಿ
– ಧೂಪಃ
– ನೈವೇದ್ಯಂ
– ತಾಂಬೂಲಂ
– ಆಚಮನೀಯಂ
– ಪೂಜಾ ಪಾತ್ರಂ
– ಕಲಶಃ
– ಶಂಖಃ [optional]
– ಸೂರ್ಯನಾರಾಯಣ ಸ್ವಾಮಿ ಪ್ರತಿಮಾ ವಾ ಚಿತ್ರಪಟಃ ವಾ
ಪೂರ್ವಾಂಗ ಪೂಜಾ
ಶ್ರೀಮಹಾಗಣಾಧಿಪತಯೇ ನಮಃ ।
ಶ್ರೀ ಗುರುಭ್ಯೋ ನಮಃ ।
ಹರಿಃ ಓಮ್ ।
ಶುಚಿಃ
ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾಂ ಗತೋಽಪಿ ವಾ ।
ಯಃ ಸ್ಮರೇತ್ ಪುಂಡರೀಕಾಕ್ಷಂ ಸ ಬಾಹ್ಯಾಭ್ಯಂತರಃ ಶುಚಿಃ ॥
ಪುಂಡರೀಕಾಕ್ಷ ಪುಂಡರೀಕಾಕ್ಷ ಪುಂಡರೀಕಾಕ್ಷಾಯ ನಮಃ ॥
ಪ್ರಾರ್ಥನಾ
ಶುಕ್ಲಾಂಬರಧರಂ ವಿಷ್ಣುಂ ಶಶಿವರ್ಣಂ ಚತುರ್ಭುಜಮ್ ।
ಪ್ರಸನ್ನವದನಂ ಧ್ಯಾಯೇತ್ ಸರ್ವವಿಘ್ನೋಪಶಾಂತಯೇ ॥
ಅಗಜಾನನ ಪದ್ಮಾರ್ಕಂ ಗಜಾನನಮಹರ್ನಿಶಮ್ ।
ಅನೇಕದಂ ತಂ ಭಕ್ತಾನಾಂ ಏಕದಂತಮುಪಾಸ್ಮಹೇ ॥
ತದೇವ ಲಗ್ನಂ ಸುದಿನಂ ತದೇವ
ತಾರಾಬಲಂ ಚಂದ್ರಬಲಂ ತದೇವ ।
ವಿದ್ಯಾಬಲಂ ದೈವಬಲಂ ತದೇವ
ಲಕ್ಷ್ಮೀಪತೇ ತೇಽಂಘ್ರಿಯುಗಂ ಸ್ಮರಾಮಿ ॥
ಗುರುರ್ಬ್ರಹ್ಮಾ ಗುರುರ್ವಿಷ್ಣುಃ ಗುರುರ್ದೇವೋ ಮಹೇಶ್ವರಃ ।
ಗುರುಃ ಸಾಕ್ಷಾತ್ ಪರಬ್ರಹ್ಮ ತಸ್ಮೈ ಶ್ರೀಗುರವೇ ನಮಃ ॥
ಸರ್ವಮಂಗಳ ಮಾಂಗಳ್ಯೇ ಶಿವೇ ಸರ್ವಾರ್ಥಸಾಧಿಕೇ ।
ಶರಣ್ಯೇ ತ್ರ್ಯಂಬಕೇ ಗೌರೀ ನಾರಾಯಣಿ ನಮೋಽಸ್ತು ತೇ ॥
ಶ್ರೀಲಕ್ಷ್ಮೀನಾರಾಯಣಾಭ್ಯಾಂ ನಮಃ ।
ಉಮಾಮಹೇಶ್ವರಾಭ್ಯಾಂ ನಮಃ ।
ವಾಣೀಹಿರಣ್ಯಗರ್ಭಾಭ್ಯಾಂ ನಮಃ ।
ಶಚೀಪುರಂದರಾಭ್ಯಾಂ ನಮಃ ।
ಅರುಂಧತೀವಸಿಷ್ಠಾಭ್ಯಾಂ ನಮಃ ।
ಶ್ರೀಸೀತಾರಾಮಾಭ್ಯಾಂ ನಮಃ ।
ಮಾತಾಪಿತೃಭ್ಯೋ ನಮಃ ।
ಸರ್ವೇಭ್ಯೋ ಮಹಾಜನೇಭ್ಯೋ ನಮಃ ।
ಆಚಮನಂ
ಓಂ ಕೇಶವಾಯ ಸ್ವಾಹಾ ।
ಓಂ ನಾರಾಯಣಾಯ ಸ್ವಾಹಾ ।
ಓಂ ಮಾಧವಾಯ ಸ್ವಾಹಾ ।
ಓಂ ಗೋವಿಂದಾಯ ನಮಃ ।
ಓಂ ವಿಷ್ಣವೇ ನಮಃ ।
ಓಂ ಮಧುಸೂದನಾಯ ನಮಃ ।
ಓಂ ತ್ರಿವಿಕ್ರಮಾಯ ನಮಃ ।
ಓಂ ವಾಮನಾಯ ನಮಃ ।
ಓಂ ಶ್ರೀಧರಾಯ ನಮಃ ।
ಓಂ ಹೃಷೀಕೇಶಾಯ ನಮಃ ।
ಓಂ ಪದ್ಮನಾಭಾಯ ನಮಃ ।
ಓಂ ದಾಮೋದರಾಯ ನಮಃ ।
ಓಂ ಸಂಕರ್ಷಣಾಯ ನಮಃ ।
ಓಂ ವಾಸುದೇವಾಯ ನಮಃ ।
ಓಂ ಪ್ರದ್ಯುಮ್ನಾಯ ನಮಃ ।
ಓಂ ಅನಿರುದ್ಧಾಯ ನಮಃ ।
ಓಂ ಪುರುಷೋತ್ತಮಾಯ ನಮಃ ।
ಓಂ ಅಧೋಕ್ಷಜಾಯ ನಮಃ ।
ಓಂ ನಾರಸಿಂಹಾಯ ನಮಃ ।
ಓಂ ಅಚ್ಯುತಾಯ ನಮಃ ।
ಓಂ ಜನಾರ್ದನಾಯ ನಮಃ ।
ಓಂ ಉಪೇಂದ್ರಾಯ ನಮಃ ।
ಓಂ ಹರಯೇ ನಮಃ ।
ಓಂ ಶ್ರೀಕೃಷ್ಣಾಯ ನಮಃ ।
ದೀಪಾರಾಧನಂ
ದೀಪಸ್ತ್ವಂ ಬ್ರಹ್ಮರೂಪೋಽಸಿ ಜ್ಯೋತಿಷಾಂ ಪ್ರಭುರವ್ಯಯಃ ।
ಸೌಭಾಗ್ಯಂ ದೇಹಿ ಪುತ್ರಾಂಶ್ಚ ಸರ್ವಾನ್ಕಾಮಾಂಶ್ಚ ದೇಹಿ ಮೇ ॥
ಭೋ ದೀಪ ದೇವಿ ರೂಪಸ್ತ್ವಂ ಕರ್ಮಸಾಕ್ಷೀ ಹ್ಯವಿಘ್ನಕೃತ್ ।
ಯಾವತ್ಪೂಜಾಂ ಕರಿಷ್ಯಾಮಿ ತಾವತ್ತ್ವಂ ಸುಸ್ಥಿರೋ ಭವ ॥
ದೀಪಾರಾಧನ ಮುಹೂರ್ತಃ ಸುಮುಹೂರ್ತೋಽಸ್ತು ॥
ಭೂತೋಚ್ಚಾಟನಂ
ಉತ್ತಿಷ್ಠಂತು ಭೂತಪಿಶಾಚಾಃ ಯ ಏತೇ ಭೂಮಿಭಾರಕಾಃ ।
ಏತೇಷಾಮವಿರೋಧೇನ ಬ್ರಹ್ಮಕರ್ಮ ಸಮಾರಭೇ ॥
ಅಪಸರ್ಪಂತು ತೇ ಭೂತಾ ಯೇ ಭೂತಾ ಭೂಮಿಸಂಸ್ಥಿತಾಃ ।
ಯೇ ಭೂತಾ ವಿಘ್ನಕರ್ತಾರಸ್ತೇ ಗಚ್ಛಂತು ಶಿವಾಽಜ್ಞಯಾ ॥
ಪ್ರಾಣಾಯಾಮಃ
ಓಂ ಭೂಃ । ಓಂ ಭುವಃ॑ । ಓಗ್ಂ ಸುವಃ॑ । ಓಂ ಮಹಃ॑ । ಓಂ ಜನಃ॑ । ಓಂ ತಪಃ॑ । ಓಗ್ಂ ಸತ್ಯಮ್ ।
ಓಂ ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿಯೋ॒ ಯೋ ನಃ॑ ಪ್ರಚೋ॒ದಯಾ᳚ತ್ ॥
ಓಮಾಪೋ॒ ಜ್ಯೋತೀ॒ ರಸೋ॒ಽಮೃತಂ॒ ಬ್ರಹ್ಮ॒ ಭೂರ್ಭುವ॒ಸ್ಸುವ॒ರೋಮ್ ॥
ಸಂಕಲ್ಪಃ
ಮಮ ಉಪಾತ್ತ ಸಮಸ್ತ ದುರಿತಕ್ಷಯ ದ್ವಾರಾ ಶ್ರೀಪರಮೇಶ್ವರ ಪ್ರೀತ್ಯರ್ಥಂ, ಮಮ/ಅಸ್ಮಾಕಂ ಸಹಕುಟುಂಬಸ್ಯ ಕ್ಷೇಮ-ಸ್ಥೈರ್ಯ-ಧೈರ್ಯ-ವೀರ್ಯ-ವಿಜಯ-ಅಭಯ-ಆಯುಃ-ಆರೋಗ್ಯ-ಐಶ್ವರ್ಯ-ಅಭಿವೃದ್ಧ್ಯರ್ಥಂ, ಆರೋಗ್ಯ-ತೇಜಸ್-ಬಲ-ಪ್ರಾಪ್ತ್ಯರ್ಥಂ, ಧರ್ಮಾರ್ಥ-ಕಾಮ-ಮೋಕ್ಷ-ಚತುರ್ವಿಧ-ಪುರುಷಾರ್ಥ-ಫಲ-ಸಿದ್ಧ್ಯರ್ಥಂ, ಶ್ರೀಸೂರ್ಯನಾರಾಯಣ ಸ್ವಾಮಿ-ಪ್ರೀತ್ಯರ್ಥಂ, ಯಾವಚ್ಛಕ್ತಿ ಧ್ಯಾನ-ಆವಾಹನಾದಿ-ಷೋಡಶೋಪಚಾರ-ಪೂಜಾಂ ಕರಿಷ್ಯೇ ॥
ತದಂಗ ಕಲಶಾರಾಧನಂ ಕರಿಷ್ಯೇ ॥
ಕಲಶಾರಾಧನಂ
ಕಲಶೇ ಗಂಧ ಪುಷ್ಪಾಕ್ಷತೈರಭ್ಯರ್ಚ್ಯ ।
ಕಲಶೇ ಉದಕಂ ಪೂರಯಿತ್ವಾ ।
ಕಲಶಸ್ಯೋಪರಿ ಹಸ್ತಂ ನಿಧಾಯ ।
ಕಲಶಸ್ಯ ಮುಖೇ ವಿಷ್ಣುಃ ಕಂಠೇ ರುದ್ರಃ ಸಮಾಶ್ರಿತಃ ।
ಮೂಲೇ ತ್ವಸ್ಯ ಸ್ಥಿತೋ ಬ್ರಹ್ಮಾ ಮಧ್ಯೇ ಮಾತೃಗಣಾಃ ಸ್ಮೃತಾಃ ॥
ಕುಕ್ಷೌ ತು ಸಾಗರಾಃ ಸರ್ವೇ ಸಪ್ತದ್ವೀಪಾ ವಸುಂಧರಾ ।
ಋಗ್ವೇದೋಽಥ ಯಜುರ್ವೇದೋ ಸಾಮವೇದೋ ಹ್ಯಥರ್ವಣಃ ॥
ಅಂಗೈಶ್ಚ ಸಹಿತಾಃ ಸರ್ವೇ ಕಲಶಾಂಬು ಸಮಾಶ್ರಿತಾಃ ॥
ಗಂಗೇ ಚ ಯಮುನೇ ಚೈವ ಗೋದಾವರೀ ಸರಸ್ವತೀ ।
ನರ್ಮದೇ ಸಿಂಧು ಕಾವೇರೀ ಜಲೇಽಸ್ಮಿನ್ ಸನ್ನಿಧಿಂ ಕುರು ॥
ಕಾವೇರೀ ತುಂಗಭದ್ರಾ ಚ ಕೃಷ್ಣವೇಣೀ ಚ ಗೌತಮೀ ।
ಭಾಗೀರಥೀತಿ ವಿಖ್ಯಾತಾಃ ಪಂಚಗಂಗಾಃ ಪ್ರಕೀರ್ತಿತಾಃ ॥
ಆಯಾಂತು ದೇವಪೂಜಾರ್ಥಂ ಮಮ ದುರಿತಕ್ಷಯಕಾರಕಾಃ ।
ಕಲಶೋದಕೇನ ಪೂಜಾ ದ್ರವ್ಯಾಣಿ ಸಂಪ್ರೋಕ್ಷ್ಯ, ದೇವಂ ಸಂಪ್ರೋಕ್ಷ್ಯ, ಆತ್ಮಾನಂ ಚ ಸಂಪ್ರೋಕ್ಷ್ಯ ॥
ಶಂಖಪೂಜಾ
ಶಂಖಂ ಚಂದ್ರಾರ್ಕ ದೈವತಂ ಮಧ್ಯೇ ವರುಣ ದೇವತಾಮ್ ।
ಪೃಷ್ಠೇ ಪ್ರಜಾಪತಿಂ ವಿಂದ್ಯಾದಗ್ರೇ ಗಂಗಾ ಸರಸ್ವತೀಮ್ ॥
ತ್ರೈಲೋಕ್ಯೇ ಯಾನಿ ತೀರ್ಥಾನಿ ವಾಸುದೇವಸ್ಯ ಆಜ್ಞಯಾ ।
ಶಂಖೇ ತಿಷ್ಠಂತು ವಿಪ್ರೇಂದ್ರಾಃ ತಸ್ಮಾತ್ ಶಂಖಂ ಪ್ರಪೂಜಯೇತ್ ॥
ಓಂ ಶಂಖಾಯ ನಮಃ ।
ಓಂ ಧವಳಾಯ ನಮಃ ।
ಓಂ ಪಾಂಚಜನ್ಯಾಯ ನಮಃ ।
ಓಂ ಶಂಖದೇವತಾಭ್ಯೋ ನಮಃ ।
ಸಕಲಪೂಜಾರ್ಥೇ ಅಕ್ಷತಾನ್ ಸಮರ್ಪಯಾಮಿ ॥
ಘಂಟಾನಾದಃ
ಆಗಮಾರ್ಥಂ ತು ದೇವಾನಾಂ ಗಮನಾರ್ಥಂ ತು ರಾಕ್ಷಸಾಮ್ ।
ಘಂಟಾರವಂ ಕರೋಮ್ಯಾದೌ ದೇವತಾಹ್ವಾನ ಲಾಂಛನಮ್ ॥
ಓಂ ಘಂಟಾದೇವತಾಭ್ಯೋ ನಮಃ ।
ಸಕಲೋಪಚಾರ ಪೂಜಾರ್ಥೇ ಅಕ್ಷತಾನ್ ಸಮರ್ಪಯಾಮಿ ॥
ಶ್ರೀ ಮಹಾಗಣಪತಿ ಪೂಜಾ
ಓಂ ಗ॒ಣಾನಾಂ᳚ ತ್ವಾ ಗ॒ಣಪ॑ತಿಗ್ಂ ಹವಾಮಹೇ ಕ॒ವಿಂ ಕ॑ವೀ॒ನಾಂ ಉಪ॒ಮಶ್ರ॑ವಸ್ತವಮ್ ।
ಜ್ಯೇ॒ಷ್ಠ॒ರಾಜಂ॒ ಬ್ರಹ್ಮ॑ಣಾಂ ಬ್ರಹ್ಮಣಸ್ಪತ॒ ಆ ನಃ॑ ಶೃ॒ಣ್ವನ್ನೂ॒ತಿಭಿ॑ಸ್ಸೀದ॒ ಸಾದ॑ನಮ್ ॥
ಸುಮುಖಶ್ಚೈಕದಂತಶ್ಚ ಕಪಿಲೋ ಗಜಕರ್ಣಕಃ ।
ಲಂಬೋದರಶ್ಚ ವಿಕಟೋ ವಿಘ್ನರಾಜೋ ಗಣಾಧಿಪಃ ॥
ಧೂಮಕೇತುರ್ಗಣಾಧ್ಯಕ್ಷಃ ಫಾಲಚಂದ್ರೋ ಗಜಾನನಃ ।
ವಕ್ರತುಂಡಃ ಶೂರ್ಪಕರ್ಣೋ ಹೇರಂಬಃ ಸ್ಕಂದಪೂರ್ವಜಃ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಧ್ಯಾಯಾಮಿ । ಆವಾಹಯಾಮಿ । ಆಸನಂ ಸಮರ್ಪಯಾಮಿ ।
ಪಾದ್ಯಂ ಸಮರ್ಪಯಾಮಿ । ಅರ್ಘ್ಯಂ ಸಮರ್ಪಯಾಮಿ । ಆಚಮನೀಯಂ ಸಮರ್ಪಯಾಮಿ ।
ಸ್ನಾನಂ ಸಮರ್ಪಯಾಮಿ । ವಸ್ತ್ರಂ ಸಮರ್ಪಯಾಮಿ । ಯಜ್ಞೋಪವೀತಂ ಸಮರ್ಪಯಾಮಿ ।
ಗಂಧಂ ಸಮರ್ಪಯಾಮಿ । ಪುಷ್ಪಾಣಿ ಸಮರ್ಪಯಾಮಿ ।
ಧೂಪಮಾಘ್ರಾಪಯಾಮಿ । ದೀಪಂ ದರ್ಶಯಾಮಿ ।
ನೈವೇದ್ಯಂ ಸಮರ್ಪಯಾಮಿ । ತಾಂಬೂಲಂ ಸಮರ್ಪಯಾಮಿ ।
ನೀರಾಜನಂ ಸಮರ್ಪಯಾಮಿ । ಮಂತ್ರಪುಷ್ಪಂ ಸಮರ್ಪಯಾಮಿ ।
ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ॥
ಷೋಡಶೋಪಚಾರ ಪೂಜಾ
ಸೂರ್ಯನಾರಾಯಣ ಧ್ಯಾನಂ
ಧ್ಯೇಯಃ ಸದಾ ಸವಿತೃಮಂಡಲಮಧ್ಯವರ್ತೀ
ನಾರಾಯಣಃ ಸರಸಿಜಾಸನ ಸನ್ನಿವಿಷ್ಟಃ ।
ಕೇಯೂರವಾನ್ ಮಕರಕುಂಡಲವಾನ್ ಕಿರೀಟೀ
ಹಾರೀ ಹಿರಣ್ಮಯವಪುಃ ಧೃತಶಂಖಚಕ್ರಃ ॥
ಅರುಣೋಽರುಣಪಂಕಜೇ ನಿಷಣ್ಣಃ
ಕಮಲೇಽಭೀತಿವರೌ ಕರೈರ್ದಧಾನಃ ।
ಸ್ವರುಚಾಹಿತ ಮಂಡಲಸ್ತ್ರಿನೇತ್ರೋ
ರವಿರಾಕಲ್ಪ ಶತಾಕುಲೋಽವತಾನ್ನಃ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಧ್ಯಾಯಾಮಿ । ಧ್ಯಾನಂ ಸಮರ್ಪಯಾಮಿ ॥
ಆವಾಹನಂ
ಸ॒ಹಸ್ರ॑ಶೀರ್ಷಾ॒ ಪುರು॑ಷಃ । ಸ॒ಹ॒ಸ್ರಾ॒ಕ್ಷಃ ಸ॒ಹಸ್ರ॑ಪಾತ್ ।
ಸ ಭೂಮಿಂ॑-ವಿಁ॒ಶ್ವತೋ॑ ವೃ॒ತ್ವಾ । ಅತ್ಯ॑ತಿಷ್ಠದ್ದಶಾಂಗು॒ಲಮ್ ॥
ಆಗಚ್ಛ ಭಗವನ್ ಸೂರ್ಯ ಮಂಡಪೇ ಚ ಸ್ಥಿರೋ ಭವ ।
ಯಾವತ್ಪೂಜಾ ಸಮಾಪ್ಯೇತ ತಾವತ್ತ್ವಂ ಸನ್ನಿಧೌ ಭವ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಆವಾಹಯಾಮಿ । ಸ್ಥಾಪಯಾಮಿ । ಪೂಜಯಾಮಿ ॥
ಆಸನಂ
ಪುರು॑ಷ ಏ॒ವೇದಗ್ಂ ಸರ್ವಂ᳚ । ಯದ್ಭೂ॒ತಂ-ಯಁಚ್ಚ॒ ಭವ್ಯಂ᳚ ।
ಉ॒ತಾಮೃ॑ತ॒ತ್ವ ಸ್ಯೇಶಾ॑ನಃ । ಯದನ್ನೇ॑ನಾತಿ॒ರೋಹ॑ತಿ ॥
ಹೇಮಾಸನ ಮಹದ್ದಿವ್ಯಂ ನಾನಾರತ್ನವಿಭೂಷಿತಮ್ ।
ದತ್ತಂ ಮೇ ಗೃಹ್ಯತಾಂ ದೇವ ದಿವಾಕರ ನಮೋಽಸ್ತು ತೇ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಆಸನಂ ಸಮರ್ಪಯಾಮಿ ॥
ಪಾದ್ಯಂ
ಗಂಗಾಜಲ ಸಮಾನೀತಂ ಪರಮಂ ಪಾವನಂ ಮಹತ್ ।
ಪಾದ್ಯಂ ಗೃಹಾಣ ದೇವೇಶ ಧಾಮರೂಪ ನಮೋಽಸ್ತು ತೇ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಪಾದಯೋಃ ಪಾದ್ಯಂ ಸಮರ್ಪಯಾಮಿ ॥
ಅರ್ಘ್ಯಂ
ಭೋ ಸೂರ್ಯ ಮಹಾದ್ಭುತ ಬ್ರಹ್ಮವಿಷ್ಣು ಸ್ವರೂಪದೃಕ್ ।
ಅರ್ಘ್ಯಂ ಅಂಜಲಿನಾ ದತ್ತಂ ಗೃಹಾಣ ಪರಮೇಶ್ವರ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ॥
ಆಚಮನೀಯಂ
ಗಂಗಾದಿ ತೀರ್ಥಜಂ ತೋಯಂ ಜಾತೀಪುಷ್ಪೈಶ್ಚ ವಾಸಿತಮ್ ।
ತಾಮ್ರಪಾತ್ರೇ ಸ್ಥಿತಂ ದಿವ್ಯಂ ಗೃಹಾಣಾಚಮನೀಯಕಮ್ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಮುಖೇ ಆಚಮನೀಯಂ ಸಮರ್ಪಯಾಮಿ ॥
ಸ್ನಾನಂ
ಆಪೋ॒ ಹಿಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ ।
ಮ॒ಹೇ ರಣಾ॑ಯ॒ ಚಕ್ಷ॑ಸೇ ॥
ಯೋ ವಃ॑ ಶಿ॒ವತ॑ಮೋ ರಸ॒ಸ್ತಸ್ಯ॑ ಭಾಜಯತೇ॒ಹ ನಃ॑ ।
ಉ॒ಶ॒ತೀರಿ॑ವ ಮಾ॒ತ॑ರಃ ॥
ತಸ್ಮಾ॒ ಅರಂ॑ ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ ।
ಆಪೋ॑ ಜ॒ನಯ॑ಥಾ ಚ ನಃ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ॥
ಸ್ನಾನಾನಂತರಂ ಆಚಮನೀಯಂ ಸಮರ್ಪಯಾಮಿ ॥
ವಸ್ತ್ರಂ
ರಕ್ತಪಟ್ಟಯುಗಂ ದೇವ ಸೂಕ್ಷ್ಮತಂತುವಿನಿರ್ಮಿತಮ್ ।
ಶುದ್ಧಂ ಚೈವ ಮಯಾ ದತ್ತಂ ಗೃಹಾಣ ಕಮಲಾಕರ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ವಸ್ತ್ರಂ ಸಮರ್ಪಯಾಮಿ ॥
ಯಜ್ಞೋಪವೀತಂ
ನಮಃ ಕಮಲಹಸ್ತಾಯ ವಿಶ್ವರೂಪಾಯ ತೇ ನಮಃ ।
ಉಪವೀತಂ ಮಯಾ ದತ್ತಂ ತದ್ಗೃಹಾಣ ದಿವಾಕರ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಯಜ್ಞೋಪವೀತಂ ಸಮರ್ಪಯಾಮಿ ॥
ಗಂಧಂ
ಕುಂಕುಮಾಗರು ಕಸ್ತೂರೀ ಸುಗಂಧೈಶ್ಚಂದನಾದಿಭಿಃ ।
ರಕ್ತಚಂದನ ಸಂಯುಕ್ತಂ ಗಂಧಂ ಗೃಹ್ಣೀಷ್ವ ಭಾಸ್ಕರ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಗಂಧಂ ಸಮರ್ಪಯಾಮಿ ॥
ಅರ್ಚನ
ಜಪಾಕದಂಬ ಕುಸುಮೈಃ ರಕ್ತೋತ್ಪಲ ಯುತಾನಿ ಚ ।
ಪುಷ್ಪಾಣಿ ಗೃಹ್ಯತಾಂ ದೇವ ಸರ್ವಕಾಮಪ್ರದೋ ಭವ ॥
ಅಂಗ ಪೂಜಾ
ಓಂ ಮಿತ್ರಾಯ ನಮಃ – ಪಾದೌ ಪೂಜಯಾಮಿ ।
ಓಂ ರವಯೇ ನಮಃ – ಜಂಘೇ ಪೂಜಯಾಮಿ ।
ಓಂ ಸೂರ್ಯಾಯ ನಮಃ – ಜಾನುನೀ ಪೂಜಯಾಮಿ ।
ಓಂ ಖಗಾಯ ನಮಃ – ಊರೂ ಪೂಜಯಾಮಿ ।
ಓಂ ಹಿರಣ್ಯಗರ್ಭಾಯ ನಮಃ – ಕಟಿಂ ಪೂಜಯಾಮಿ ।
ಓಂ ಪೂಷ್ಣೇ ನಮಃ – ಗುಹ್ಯಂ ಪೂಜಯಾಮಿ ।
ಓಂ ಮರೀಚಯೇ ನಮಃ – ನಾಭಿಂ ಪೂಜಯಾಮಿ ।
ಓಂ ಆದಿತ್ಯಾಯ ನಮಃ – ಜಠರಂ ಪೂಜಯಾಮಿ ।
ಓಂ ಸವಿತ್ರೇ ನಮಃ – ಹೃದಯಂ ಪೂಜಯಾಮಿ ।
ಓಂ ಅರ್ಕಾಯ ನಮಃ – ಸ್ತನೌ ಪೂಜಯಾಮಿ ।
ಓಂ ಭಾಸ್ಕರಾಯ ನಮಃ – ಕಂಠಂ ಪೂಜಯಾಮಿ ।
ಓಂ ಅರ್ಯಮ್ಣೇ ನಮಃ – ಸ್ಕಂಧೌ ಪೂಜಯಾಮಿ ।
ಓಂ ಹಂಸಾಯ ನಮಃ – ಹಸ್ತೌ ಪೂಜಯಾಮಿ ।
ಓಂ ಅಹಸ್ಕರಾಯ ನಮಃ – ಮುಖಂ ಪೂಜಯಾಮಿ ।
ಓಂ ಬ್ರಧ್ನಾಯ ನಮಃ – ನಾಸಿಕಾಂ ಪೂಜಯಾಮಿ ।
ಓಂ ಜಗದೇಕಚಕ್ಷುಷೇ ನಮಃ – ನೇತ್ರಾಣಿ ಪೂಜಯಾಮಿ ।
ಓಂ ಭಾನವೇ ನಮಃ – ಕರ್ಣೌ ಪೂಜಯಾಮಿ ।
ಓಂ ತ್ರಿಗುಣಾತ್ಮಧಾರಿಣೇ ನಮಃ – ಲಲಾಟಂ ಪೂಜಯಾಮಿ ।
ಓಂ ವಿರಿಂಚಿನಾರಾಯಣಾಯ ನಮಃ – ಶಿರಃ ಪೂಜಯಾಮಿ ।
ಓಂ ತಿಮಿರನಾಶಿನೇ ನಮಃ – ಸರ್ವಾಣ್ಯಂಗಾನಿ ಪೂಜಯಾಮಿ ॥
[Recite the sUrya aShTOttara Sata nAmAvaLI, or at least the dvAdaSa nAmAni of Surya. Offer flowers or akshatas with each name.]
ಅಥವಾ ಸೂರ್ಯ ದ್ವಾದಶ ನಾಮ ಪೂಜಾ ॥
ಓಂ ಆದಿತ್ಯಾಯ ನಮಃ ।
ಓಂ ದಿವಾಕರಾಯ ನಮಃ ।
ಓಂ ಭಾಸ್ಕರಾಯ ನಮಃ ।
ಓಂ ಪ್ರಭಾಕರಾಯ ನಮಃ ।
ಓಂ ಸಹಸ್ರಾಂಶವೇ ನಮಃ ।
ಓಂ ತ್ರಿಲೋಚನಾಯ ನಮಃ ।
ಓಂ ಹರಿದಶ್ವಾಯ ನಮಃ ।
ಓಂ ವಿಭಾವಸವೇ ನಮಃ ।
ಓಂ ದಿನಕರಾಯ ನಮಃ ।
ಓಂ ದ್ವಾದಶಾತ್ಮಕಾಯ ನಮಃ ।
ಓಂ ತ್ರಿಮೂರ್ತಯೇ ನಮಃ ।
ಓಂ ಸೂರ್ಯಾಯ ನಮಃ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಅಷ್ಟೋತ್ತರ ಶತ ನಾಮಾವಳೀ ಪೂಜಾಂ ಸಮರ್ಪಯಾಮಿ ।
ಅಕ್ಷತಾನ್ ಪುಷ್ಪಾಣಿ ಚ ಸಮರ್ಪಯಾಮಿ ॥
ಧೂಪಂ
ದಶಾಂಗೋಗುಗ್ಗುಲೋದ್ಭೂತಃ ಕಾಲಾಗರು ಸಮನ್ವಿತಃ ।
ಆಘ್ರೇಯಃ ಸರ್ವದೇವಾನಾಂ ಧೂಪೋಽಯಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಧೂಪಮಾಘ್ರಾಪಯಾಮಿ ॥
ದೀಪಂ
ಕಾರ್ಪಾಸವರ್ತಿಕಾಯುಕ್ತಂ ಗೋಘೃತೇನ ಸಮನ್ವಿತಮ್ ।
ದೀಪಂ ಗೃಹಾಣ ದೇವೇಶ ತ್ರೈಲೋಕ್ಯ ತಿಮಿರಾಪಹ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ದೀಪಂ ದರ್ಶಯಾಮಿ ॥
ನೈವೇದ್ಯಂ
ಪಾಯಸಂ ಘೃತಸಂಯುಕ್ತಂ ನಾನಾ ಪಕ್ವಾನ್ನ ಸಂಯುತಮ್ ।
ನೈವೇದ್ಯಂ ಚ ಮಯಾ ದತ್ತಂ ಶಾಂತಿಂ ಕುರು ಜಗತ್ಪತೇ ॥
ಓಂ ಭೂರ್ಭುವ॒ಸ್ಸುವಃ॒ । ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿ॒ಯೋ ಯೋ ನಃ॑ ಪ್ರಚೋ॒ದಯಾ᳚ತ್ ॥
ಸತ್ಯಂ ತ್ವಾ ಋತೇನ ಪರಿಷಿಂಚಾಮಿ ।
ಅಮೃತಮಸ್ತು । ಅಮೃತೋಪಸ್ತರಣಮಸಿ ।
ಓಂ ಪ್ರಾಣಾಯ ಸ್ವಾಹಾ । ಓಂ ಅಪಾನಾಯ ಸ್ವಾಹಾ । ಓಂ ವ್ಯಾನಾಯ ಸ್ವಾಹಾ ।
ಓಂ ಉದಾನಾಯ ಸ್ವಾಹಾ । ಓಂ ಸಮಾನಾಯ ಸ್ವಾಹಾ ।
ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅಮೃತಾಪಿಧಾನಮಸಿ ।
ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಳಯಾಮಿ । ಪಾದೌ ಪ್ರಕ್ಷಾಳಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ನೈವೇದ್ಯಂ ಸಮರ್ಪಯಾಮಿ ॥
ತಾಂಬೂಲಂ
ಏಲಾಲವಂಗ ಕರ್ಪೂರ ಖದಿರೈಶ್ಚ ಸಪೂಗಕೈಃ ।
ನಾಗವಲ್ಲೀದಲೈರ್ಯುಕ್ತಂ ತಾಂಬೂಲಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ತಾಂಬೂಲಂ ಸಮರ್ಪಯಾಮಿ ॥
ನೀರಾಜನಂ
ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾಂತಂ᳚ । ಆ॒ದಿ॒ತ್ಯವ॑ರ್ಣಂ॒ ತಮ॑ಸ॒ಸ್ತು ಪಾ॒ರೇ ।
ಸರ್ವಾ॑ಣಿ ರೂ॒ಪಾಣಿ॑ ವಿ॒ಚಿತ್ಯ॒ ಧೀರಃ॑ । ನಾಮಾ॑ನಿ ಕೃ॒ತ್ವಾಽಭಿ॒ವದ॒ನ್॒, ಯದಾಽಽಸ್ತೇ᳚ ॥
ಪಂಚವರ್ತಿ ಸಮಾಯುಕ್ತಂ ಸರ್ವಮಂಗಳದಾಯಕಮ್ ।
ನೀರಾಜನಂ ಗೃಹಾಣೇದಂ ಸರ್ವಸೌಖ್ಯಕರೋ ಭವ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ನೀರಾಜನಂ ಸಮರ್ಪಯಾಮಿ ॥
ಮಂತ್ರಪುಷ್ಪಂ
ಧಾ॒ತಾ ಪು॒ರಸ್ತಾ॒ದ್ಯಮು॑ದಾಜ॒ಹಾರ॑ । ಶ॒ಕ್ರಃ ಪ್ರವಿ॒ದ್ವಾ-ನ್ಪ್ರ॒ದಿಶ॒ಶ್ಚತ॑ಸ್ರಃ ।
ತಮೇ॒ವಂ-ವಿಁ॒ದ್ವಾನ॒ಮೃತ॑ ಇ॒ಹ ಭ॑ವತಿ । ನಾನ್ಯಃ ಪಂಥಾ॒ ಅಯ॑ನಾಯ ವಿದ್ಯತೇ ॥
ಓಂ ಭಾಸ್ಕರಾಯ ವಿದ್ಮಹೇ ಮಹಾದ್ಯುತಿಕರಾಯ ಧೀಮಹಿ ।
ತನ್ನೋ ಆದಿತ್ಯಃ ಪ್ರಚೋದಯಾತ್ ॥
ಚಂಪಕೈಃ ಶತಪತ್ರೈಶ್ಚ ಕಲ್ಹಾರೈಃ ಕರವೀರಕೈಃ ।
ಪಾಟಲೈರ್ಬಕುಲೈರ್ಯುಕ್ತಂ ಗೃಹಾಣ ಕುಸುಮಾಂಜಲಿಮ್ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಮಂತ್ರಪುಷ್ಪಂ ಸಮರ್ಪಯಾಮಿ ॥
ಪ್ರದಕ್ಷಿಣಂ
ಯಾನಿ ಕಾನಿ ಚ ಪಾಪಾನಿ ಜನ್ಮಾಂತರ ಕೃತಾನಿ ಚ ।
ತಾನಿ ತಾನಿ ವಿನಶ್ಯಂತಿ ಪ್ರದಕ್ಷಿಣ ಪದೇ ಪದೇ ॥
ಪಾಪೋಽಹಂ ಪಾಪಕರ್ಮಾಽಹಂ ಪಾಪಾತ್ಮಾ ಪಾಪಸಂಭವ ।
ತ್ರಾಹಿ ಮಾಂ ಕೃಪಯಾ ದೇವ ಶರಣಾಗತವತ್ಸಲ ॥
ಅನ್ಯಥಾ ಶರಣಂ ನಾಸ್ತಿ ತ್ವಮೇವ ಶರಣಂ ಮಮ ।
ತಸ್ಮಾತ್ಕಾರುಣ್ಯ ಭಾವೇನ ರಕ್ಷ ರಕ್ಷ ಜನಾರ್ದನ ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ॥
ನಮಸ್ಕಾರಃ
ಉದ್ಯನ್ನದ್ಯ ವಿವಸ್ವಾನಾರೋಹನ್ನುತ್ತರಾಂ ದಿವಮ್ ।
ದೇವಃ ಹೃದ್ರೋಗಂ ಮಮ ಸೂರ್ಯೋ ಹರಿಮಾಣಂ ಚಾಶು ನಾಶಯತು ॥
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ನಮಸ್ಕಾರಾನ್ ಸಮರ್ಪಯಾಮಿ ॥
ದ್ವಾದಶಾರ್ಘ್ಯಾಣಿ
ದಿವಾಕರ ನಮಸ್ತುಭ್ಯಂ ಪಾಪಂ ನಾಶಯ ಭಾಸ್ಕರ ।
ತ್ರಯೀಮಯಾಯ ವಿಶ್ವಾತ್ಮನ್ ಗೃಹಾಣಾರ್ಘ್ಯಂ ನಮೋಽಸ್ತು ತೇ ॥
ಓಂ ಮಿತ್ರಾಯ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ರವಯೇ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ಸೂರ್ಯಾಯ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ಭಾನವೇ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ಖಗಾಯ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ಪೂಷ್ಣೇ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ಹಿರಣ್ಯಗರ್ಭಾಯ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ಮರೀಚಯೇ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ಆದಿತ್ಯಾಯ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ಸವಿತ್ರೇ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ಅರ್ಕಾಯ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ।
ಓಂ ಭಾಸ್ಕರಾಯ ನಮಃ – ಇದಮರ್ಘ್ಯಂ ಸಮರ್ಪಯಾಮಿ ॥
ಸರ್ವೋಪಚಾರಾಃ
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಛತ್ರಂ ಸಮರ್ಪಯಾಮಿ ।
ಚಾಮರಂ ಸಮರ್ಪಯಾಮಿ ।
ಗೀತಂ ಶ್ರಾವಯಾಮಿ ।
ನೃತ್ಯಂ ದರ್ಶಯಾಮಿ ।
ಸಮಸ್ತ ರಾಜೋಪಚಾರಾನ್ ದೇವೋಪಚಾರಾನ್ ಸಮರ್ಪಯಾಮಿ ॥
ಸ್ತೋತ್ರ/ಸೂಕ್ತ ಪಠನಂ
ಕ್ಷಮಾಪ್ರಾರ್ಥನಾ
ಮಂತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಜನಾರ್ದನ ।
ಯತ್ಪೂಜಿತಂ ಮಯಾ ದೇವ ಪರಿಪೂರ್ಣಂ ತದಸ್ತು ತೇ ॥
ಅಜ್ಞಾನಾದ್ವಾ ಪ್ರಮಾದಾದ್ವಾ ವೈಕಲ್ಯಾತ್ಸಾಧನಸ್ಯ ವಾ ।
ಯನ್ನ್ಯೂನಮತಿರಿಕ್ತಂ ಚ ತತ್ಸರ್ವಂ ಕ್ಷಂತುಮರ್ಹಸಿ ॥
ಕಾಯೇನ ವಾಚಾ ಮನಸೇಂದ್ರಿಯೈರ್ವಾ
ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ ।
ಕರೋಮಿ ಯದ್ಯತ್ ಸಕಲಂ ಪರಸ್ಮೈ
ನಾರಾಯಣಾಯೇತಿ ಸಮರ್ಪಯಾಮಿ ॥
ಅನಯಾ ಧ್ಯಾನ-ಆವಾಹನಾದಿ-ಷೋಡಶೋಪಚಾರ ಪೂಜಯಾ ಶ್ರೀಸೂರ್ಯನಾರಾಯಣ ಸ್ವಾಮೀ ಸುಪ್ರೀತಃ ಸುಪ್ರಸನ್ನಃ ವರದೋ ಭವತು ॥
ಉದ್ವಾಸನಂ
ಓಂ ಶ್ರೀಸೂರ್ಯನಾರಾಯಣಾಯ ನಮಃ ।
ಯಥಾಸ್ಥಾನಂ ಉದ್ವಾಸಯಾಮಿ ।
ಶೋಭನಾರ್ಥೇ ಕ್ಷೇಮಾಯ ಪುನರಾಗಮನಾಯ ಚ ॥
ಪ್ರಸಾದ ಗ್ರಹಣಂ
ಅಕಾಲಮೃತ್ಯುಹರಣಂ ಸರ್ವವ್ಯಾಧಿನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ದೇವತಾ ಪಾದೋದಕಂ ಶುಭಮ್ ॥
ಶ್ರೀಸೂರ್ಯನಾರಾಯಣ ಸ್ವಾಮಿ ಪ್ರಸಾದಂ ಶಿರಸಾ ಗೃಹ್ಣಾಮಿ ॥
ಓಂ ಶಾಂತಿಃ ಶಾಂತಿಃ ಶಾಂತಿಃ ॥
ಓಂ ತತ್ಸತ್ ಬ್ರಹ್ಮಾರ್ಪಣಮಸ್ತು ॥
ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು
What is ಸೂರ್ಯ ನಿತ್ಯ ಪೂಜಾ ವಿಧಾನಂ?
ಸೂರ್ಯ ನಿತ್ಯ ಪೂಜಾ ವಿಧಾನಂ is a Namavalis & Sahasranamas available on Bhakti Granth in the selected language or script.
Which language or script is this version in?
This edition is published in Kannada. Use the language selector to view another available edition.
Can I read ಸೂರ್ಯ ನಿತ್ಯ ಪೂಜಾ ವಿಧಾನಂ online?
Yes. The imported text is available directly on this page for online reading and recitation.
Can I download ಸೂರ್ಯ ನಿತ್ಯ ಪೂಜಾ ವಿಧಾನಂ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.